حلى طبقات الفراوله روعه وسهل وسريع مدعم بالصور

السلام عليكم ورحمة الله وبركاته ..
حلى كاسات الفراوله .. رائع ..طبقات
الاولى:
كيكه عاديه تفكفكيها وممكن من الجاهز مثل كيك اليمامه او امريكانا الجاهز وانا حاطه كاكاو والافضل لا كيك عادي لان الكاكاو بالغالب سكره زياده ..
الثانيه ::
تسوين بالخلاط كيري ونستله وانا ماكان متوفر عندي فسويت النستله بالبيت ( فحطيت قشطه وحليب بودره وسكربودره) واضفت طبعا لها وكيري ...
ا لثالثه :::
فراوله تقطعيها شرايح او بالنص او مربعات على حسب الحجم وبعدين على النار مع شوي سكر لين تلين وتطلع صوص ويثقل شوي تصير تشبه المربى بس اخف منه ..
تحطين الطبقه الاولى الكيك المفكفك وبعدين تصبين فوقه الخلطه البيضاء النستله والكيري وتحطينه بالثلاجه تقريبا خمس دقائق الى عشر فقط لين تتماس شوي وتصبين عليه صوص الفراوله علطول وهو ساخن .. ممكن تسوين حركات بالشوكه او عود الاسنان بالفراواله
وممن تسوينه قالب كبير كيكه وتزينينه بشوي حركات انا اللي صورته صحون صغيره .. كانت الفراوله مثلجه طبعا وليست طازجه ..
لكن القالب الكبير ماصورته برجع اصوره لكم مره ثانيه ان شاء الله ..
وعوافي
اتمنى يعجبكم...... .. ....: :
للمعلوميه ..انا مشاركه في منتدى اخر واضع احيانا نفس الطبخات للعلم فقط لذالك لا احلل النقل دون ذكر المصدر ابدا.. حقوق الطبخ محفوظه