حلى كاسات الشعريه بالجالكسي روعه

السلام عليكم ورحمة الله وبركاته
أسعد الله أوقاتكم بكل خيرٍ ومسرّة...’’
اقدم لكم حلى الشعيرية الباكستانية بالجالكسي ,
على بركة الله نبدأ
المقادير :
5 جالكسي ساده
كيس شعيريه باكستانيه
علبة حليب نستله كبيرة
4 م ك زبدة
كيك جاهز
كلوقز كورن فليكس
كاسات ورق صغيرة
الطريقه :
نجهز الكاسات الي عندك ورق او بلاستيك , ونضع عليها شوي جالكسي مبشور + مقدار م ك كلوقز
نذوب الجالكسي في حمام مائي
,, ونصبه في الكاسات ( مقدار 2 م ك في كل كاسة ) ونحطها بالفريزر فتره بسيطه بس تجمد ,, عشان نحط الطبقه الثانيه .
نكسر الشعيرية ونحمسها مع الزبده
وبعدين نحط عليها3/4 مقدار النستله ونخلطهم مع بعض لين تتجانس ,,
بعدها نطلع الكاسات من الفريزر ونحط الشعيريه فيها (على الجالكسي)..
نطحن الكيك ونعجنه بالباقي من حليب النستلة حتى تتشكل بيدك ما تتفتفت ,,
ونحطه في الكاسات على طبقة الشعيريه.
ونحط الكاسات في الثلاجه ,, واذا مستعجله عليها حطيها بالفريزر .
واتركيها حتى وقت التقديم , اخرجيها من الكاسات وضعيها في طبق التقديم
وهنا من قريب
صدقوني يستحق التجربة وبالعافية على قلوبكم