حلى ياخذ العقليمي على طعمه

السلام عليكم ورحمة الله وبركاته
هذا أول موضوع اكتبه واتمنى أن ينال اعجابكم
هذا حلى شفته باحدى المنتديات وقمت وجربته وانخبلت عليه من طعمه وكل من ذاقه
داخ وسألني عن الطريقة فقلت لازم اكتبه للفراشات الحلوات......
(((حلى الشامواه)))
المقادير:
1 كرتون كيك اليمامة بالفانيليا
1بسكويت الشاي (أنا استخدمت اولكر)
ملعقة طعام نسكافيه
1ظرف دريم ويب
1 قشطة التاج وسط
بودرة كاكاو
مقادير عمل الكريم كراميل:(ظرفين كريم كراميل+كاستين ماء"انا استخدم كاسة الجبنة كرافت"+
4 ملاعق طعام حليب نيدو)>>> نضع الماء والحليب في قدر على النار ثم نضيف الكريم كراميل ونقلب
اللين مايقرب يغلي واطفيه قبل ما يغلي .
نجي للطريقة:
ناخد الكيك ونفكه ونرصه بصينية ويكون الوجه الموجود عليه الكريمة للأعلى نرصه جنب بعض
نحط في الخلاط ( البسكويت بعد مانكسره والنسكافيه والقشطة والدريم ويب والكريم كراميل نكون
مسوينه ونصبه في الخلاط مع المكونات السابقة وهوا حار عادي ونخلطهم ونصبه فوق الكيك بسرعة
وندخله الثلاجة بحذر لأنه يكون طبقة زي لما تسوا نسكافيه المهم ياحلوات نخليه في الثلاجة اللين مايتماسك
وبعدين نجيب مصفايه وبودرة الكاكاو ونحط الكاكاو في المصفاية ونرش فوق الخلطة اللي ماتتغطى
الخلطة وبس نقطعه مربعات صغيرة ونحطة في الأوراق الصغيرة..
وقدموه مع ذيك الدلة اللي تعدل الراس واسمعوا المديح اللي حيجيكم والله يعينكم على كثرة
الطلبات اللي حتجيكم عليه.......
وهالله هالله بالردود الزينة