حماتي

اتصلت فيني حماتي تسال عنا و حكينا بالمجاملات العادية قلت لها طيب تعالوا زورونا و شوفوا البيت الجديد ؟ قالت لي اي ان شاء الله راح نزوركم باشوف بعد المغرب اذا جاء ابني يوصلني وكان كلامها مووش اكيد حسيته مجاملة. بعدين انتظرت جيتها و لاجات و لا شي صليت المغرب وماجات و بعدو و صليت العشاء و ما جات المهم قلت خلاص معناتها راح تنتظر ابنها بيرجع من الدوام الساعة 9 و تجي عندي علي هيك لازمني اجهزلهم عشاء ففكرت ايش اسوي وايش اسوي المهم قررت الاكل اللي راح اسويه بس لقيت ناقص لي غراض قلت خلاص انزل السوبر ماركت اجيبهم لاني لحالي مع عيالي اخدتهم معي وطلعت قبل لا اوصل دق جوالي تقولي وينك انتي احنا ببابك قلت لها بالصيدلية قالت لي مش انا مكلمتك اني راح اجيك ليش طلعتي ؟؟ صراحة انا انحرجت وتلبكت مرة اول مرة اتفشل وياها كدا صراحة موقف محرج قلت لها و الله بدي حليب للولاد مافي حليب و جالسين يصيحون و ابوهم يجي متاخر وانا كنت لسة قريبة من البيت وقلت لها ابنك معه مفتاح خليه يفتح لك الباب و انا دقيقتين و بكون عندك( مطمنة انو بيتي مرتب و مبخر الحمد لله عشان هيك قلت لها ادخلو ههه) المهم رجعت قبل لا ادخل السوبر ماركت المهم صرت اعتزر وقلت لها فكرتك ماراح تيجي لانك قلتي بعد المغرب ؟؟تفشيلة كلامي صحيح؟
المهم مع اناه جلست معاي ليين الساعة 11 بالليل و جاب لنا زوجي عشاء من برة لاني اغراضي ناقصة و قدوري اغلبها لسة بالبيت القديم
ماصار زعل بس انا كل ما اتزكر الموقف اتحسس مرة احراج ايش رايكم انتو