حملة مقاطعة الكوافيرات احنا نقدر نسوي أحلى

صادقه
اكيد نقدر نسوي احلى
مو ناقصنا شي
//
الحمدلله .. عدد خلقه ورضا نفسه وزنة عرشه ومداد كلمآته

مشكوره بس الموضوع مكرر

الحمد لله انا عن نفسي اعرف اتمكيج لحالي واحلى من اي بنت تمكيجت عن كوافية معروفةلكن المشكلة كلها بتسريحة الشعر مضطرة مرات اروح اعمل تسريحة وبس

الموضوع مكرر
وفي كل نتدى تلقينه مكرر
انا احس ان الموضوع معطينه اكبر من حجمه
والواحد عنده عقل ويقدر يميز اذا ما عجبك سعر ماكيهر معينه اوكي شوفي غيرها شوفي اللى بامكانياتك واللى تقدرين عليه ويناسب ميزانيتك
والسبب انا في اعتقادي وكلن ورايه اذا كان شخص مشهور ومعروف اكيد راح يكون سعره غير عن الشخص اللى توه ظاهر على الساحه خاصه لو كان شغل مكياجه بروفنشال
يعني على سبيل المثال ترى الماكير او الماكيره حالها حال المصمم حالها حال الدكتور حالها حال المحامي حالها حال اي شغله ابدع فيها واصل فيها وتعب واجتهد لين ما وصل للمكان اللى هو فيها يعني عني انا ما يسوى على الماكيره لو بتكسر ظهرها على 100 والا 300 ان يينا بنتكلم بالمنطق
هالمبلغ الواحد يدخل فيها جمعيه ياخذ له فيهاا شوكلت وشبس
يعني انا برد على الل تقول سعر الماركه بتظل وبتظل هي مو على المكياج اللى يتكرر استخدامه هي ان يينا وفكرنا فيها سعر تعبها وسعر شهرتها وسعر مجهودها ولا تنسين انها عندها مكان له ايجار وعندها ستاف لازم تدفع لهم معاشاتهم وعندها وعندها وومتى ما ارتفعت الايجارات راح ترتفع اكيد الاسعار وهذا الشي بالماركتنج واكيد الل دارسين ماركتنج اللى هو تسويق ودارسين البزنز اداره الاعمال عارفين هالنقطه وهي موجوده خاصه في ماده التسويق ان المكان يلعب دور كبير بالسعر يعني انتي يوم بتفتحين محل برا مجمع ايجاره راح يكون غير عن يوم تفتحين محل برا مجمع يعتمد على المنطقه يعتمد على الشارع والموقع وكل شي
هذي نقطه النقطه الثانيه يوم يقولون ان سعرها وهي توصلك للفندق او للبيت نفس سعر الصالون او زياده بمبلغ بسيط اكيد لا لان لو كانت هي الل توصلج راح يكون شغلها لج انتي بس ما راح يكون مع زباين غيرك بالصالون وغير ان الوقت اللى راح تاخذه بالطريق خاصه لو كان من منطقه لمنطقه وغير عن الاداوات اللى ممكن تتكسر
يعني بصراحه الموضوع وايد زاد عن حده وكلن يمد ريوله على قد لحافه انتي ما عندج سعر هالماكيره خلاص شوفي لك وحده تاخذ على قدك وعلى ميزانيتك لا تختارين وحده مشهوره ومعروفه ولها اسمها وتقولين اباها تصلح لي مكياجي والا تصلح لي شعري
شي ثاني اذا بتقولون ان الاسعار الحين صايره جذا يعني كذا بقولكم لا
لاني اذكر من يوم صغيره انا اتكلم عنا بالامارات ما ادري عندكم شلون المعروفين كانو عندنا وما زالو ولهم سعرهم الحين لان الخبره تلعب دور والشهره تلعب دور اذكر على قبل 10 الى 15 سنه يوم كنا نتعدل عندهم كانت اسعارهم على 600 و800 وهذا قبل 10 الى 15 سنه فما بالكم بالتغير اللى صار وارتفاع الاسعار في كل شي اكيد راح ترفع سعرها
واذا على العروس اول عروس تزوجت عندنا كانت وحده من خواتي واذكرها كانت على سنه 89 انا كنت بعدني صغيره بس يوم نتكلم الحين وبعد ما كبرنا ونسولف معاهم اختي كان مكياجها قبل سنه 89 يوم عرسها يعني الحين كملت عشرين او 19 سنه كانت عروس ومكياج عرسها كان ذاك الايام على 7 الاف
فشلون المكياج مع الشعر قبل عشرين سنه على 7 الاف والحين يبونها تنزل في اسعارها وتخليها على 2500 و3000
بالعقل ما بصير هالشي
انا قلت وجهه رايي وكلن وله رايه والناس تختلف في ابداء رايها
واقول كلمه اخيره
انتي مو قد سعر هالماكيره او هالمصممه او هالمحامي او هالدكتور خلاص شوفي اللى على قدك وكلن ويمد ريوله على قد لحافه
لان مثل ما انتي تشوفين ان هذا الشي سعره مبالغ فيه وتشوفين ان بس هالمبلغ يصلح غيرك يشوف لا واجدلان يعني انتي مثلا تقولين بس حده المكياج مثلا 200 غيرك يقول لا وايد 200 حده بس 100 غيرك يشوف الميه واد ويقول لا حده بس 50
وبالتالي ارضاء النااس غايه لا تدرك
ادري ان كلامي ما راح يعجب فئه كبيره من الناس بس هذا رايي وراي كل واحد له مجاله سواء اداره اعمال او مشاريع او بزنس او خياطه او مكياج او شعر او امعال يدويه وغيره وغيره
والسموحه من الجميع بس هذا رايي وواخر كلمه اقولها ان الموضوع مسوي بلبله على الفاضي وان اللى يزيد ويعيد فيها شخص فاضي والسموحه صاحه الموضوع ما قصدج فيها ولا شي بس اتكلم بصفه عامه لاني شفت في منتدى من المنتديات اللى عندها بالامارات ضجه كبيره مسوينها ومستمرين فيها ولا ووصلت انهم بيتصلون بالبث المباشر وغيره وغيره
هالفئه اقول انهاا تافهه وما عندها شي

هلو بنوتات...
شاكية القمر
عاشقة زوجها
حلم الأحلام
محتا111جه له ورسالة اعتذارك خرجت من القلب فدخلت في القلب
تشكرات ع الردود
بالنسبة لأنو الموضوع مكرر ف الحمدلله هذا دليل نجاح وأنا مؤمنه بصحة الفكرة عموما
لكني بحثت في هذا المنتدى وما حصلته فنزلته هنا...
نتناقش احنا الفراشات فيه
وبالنسبة لرأي الاخت محتا111جه له >>>> احنا مش مو مقتدرين ماديا بالعكس ولله الحمد
لكننا نرفض الاستغلال وعلى فكره ترى ما يدفع في الحقيقه الا اللي على قد حالهم
وهذا شي مشاهد ومعروف
الفكرة المستقاه من الموضوع واللي حبيت اوصلها لكم من خلاله هي
رفض الاستغلال
رفض الغباء
رفض ان اكون امعه اجري خلف الناس
واذا كانت هذه الاشياء تفاهه فلا أدري ماهي النباهه
وبس باي باي

وانا معاهم والله ملينا من الاستغلال

انا اعرف اسوي ميك اب بس زي حق الكوافيرات
دقيق مااعرف ولو اعرف استغنيت عن كل الكوافيرات ووفرت فلوسي

صراحه انا مؤيده بشده على المقاطعه لان الامرصار استغلال واستهتار بالذات على السعوديات وماافول الا احنا السبب

اي والله صادق الاستغلال عينك عينك ،،
المشكله في الي معهن فلوش يدفعن بدون مايكسرن
والي تطيح فيه المسكينه الي ما عندها شي ،، يا تحرج اهلها او تحرج زوجها ال وتروح للكوفيره
معا ضد الاستغلال فقط <<
يسلمو خيتو لو هو مكرر ام شي الفايده