حميه 1200 سعر حراري كم كيلو تنقص بالشهر

اب

مشكوره على الرفع

هلا حبيبتي ,,,
بقول لك عن تجربتي انا قبل اشتركت بالدايت سنتر و كانو يحددون لي سعرات حرارية مقدارها 1200 او 1100 ماني متذكرة مضبوط و خلال اسبوعين تقريبا نحفت بين كيلو الى كيلوين!! هذا بالبداية ........يعني اتوقع خلال شهر ممكن تنقصين بحدود من كيلوين إلى 4 كيلوات ...و الله أعلم,,,
و اذا حابه تنحفين كثير قللي خليها مابين 800 إلى 600 سعرة بس رح يكون متعب وقاسي !! هذا اذا تبين مستعجله على نقصان الكيلوات و ارادتك قوية وتستحملين الجوع ...مع ان نظام 1200 صحي اكثر ولكن مقدار نقصانه ابطأ يعني يحتاج وقت,,,
بالتوفيق عزيزتي

معقول بشهر ينقص بس كيلويين صراحه صعب
انتي وزنج كبيرره مرره ولاكيف؟
وطبيعه جسمج ينزل بسرعه ولابطيء؟
لانه اصلا 1200 سعره يعتبر الاكل تبعه قليل جدا النشويات قليله مره فيه
واذا كلتي حبه بطاطس تشيلن الربع خبزه
وكله يعتمد على الخضار
ريجيم الكربوهيدرات اكله اكثر وينزل اكثر بالشهر على ماذكرر

فراشه حلوه وصغيرونه
انا سألت الاخصائية تبع الدايت و قلت لها ممكن انقص 9 كيلو بالشهر؟ <<<لأنهم كانو حاطين اعلان انه ينقص 9 كيلو بالشهر بس طلع اعلان للترويج فقط لكن غير صحيح بالواقع
تقول لي مستحيل ممكن 9 كيلو للرجال اللي يمارسون رياضات كثيرة ..........المهم قالت لي ان النقصان رح يكون بحدود 4 الى 5 و اتوقع 6 اقصى حد,,,
بعدين 1200 مو قليل ابدا اذكر كانت الوجبات كافية جدا و تشبع حتى احس اني ما رح انحف عليها!!!
رجيم الكربوهيدرات اتوقع يعتمد على تفاعلات كيميائية على ماظن!! اما السعرات تعتمد على تقليل الكمية!!
لا وزني مو كبير مرة و لا صغير مررة وزني لا ما احسه ينزل بسهولة
بس احس كنظام صحي كويس لك بس يبي له وقت زي ماقلت لك و بالتوفيق لك

مادري والله ياعمري يمكن يختلف اللي اعرفه انه هالرجيم تاكلين في كل وجبه لج حبه فاكهه 4 ملاعق رز او مكرونه
ولج كوب شوربه خضار واذا اضفتي بطاطس تستغنين عن النشويات كلها من رز او مكرونه العشا زي الغدا
بس فيه شي واحد من الفطور وهي 5 حبات زيتون
وفيه وجبه خفيفه حبتين شابوره بر مع حليب اوكوب زبادي
واحسن شي هو الفطور والوجبه الخفيفه
لكن اقصد نسبه النشويات شبه معدومه وهو اللي يسبب دوخه وجوع
والمحظوظ الي يحب السلطه اللي يحبها بيشبع ونص
لكن انا قارنته بالكربوهيدرات انه النشويات فيه اكثر فيه ايام كثيره فيها كوب رز او مكرونه مع زبادي
واشوف بنات ماشاء الله ينقصون وزن كبير خلال شهر مثلا فوق 12 كيلو
برنامج الرابخ الاكبر مثلا بالاسبوع ينزلون 5 كيلو او اكثر ماعدا بعض الاسابيع يصير توقف بالميزان
والمشكله مو كل شخص يتحمل بعضهم يتعبون كثير لظروف صحيه او نفسيه
ومشكوره حبيبتي على مرورج الاكثر من حلو
وودي تدخلين موضوع لي فيه شوربه تنقص 4 او 3 كيلو خلال اسبوع بدون ريجيم انا ماجربتها لكن اللي نقلت الموضوع منها
تقول انها نقصت 4 كيلو !!!!!!! باسبوع فقط وبدون حميه

فراشه حلوه وصغيرونه
حبيبتي انتي
واضح من من الاشياء اللي ذكرتيها ان الاكل في رجيمك اقل من اللي كنت اخذه بالدايت سنتر لأن كانو يحطون 3 وجبات رئيسية و كلها تشبع بالاضافة لشوربة مع وجبة الغدا و سناك حلا تخيلي!!!
بس حسيت نظامك ينحف اكثر من حق الدايت سنتر اصلا هو صحيح اكلهم لذيذ ويشبع بس ما حسيته ينحف!!! من كذا وقفته ولا استمريت!!
بس حبيبتي ما انصحك بالرجيمات اللي تنحف 5 كيلو فما فوق بالاسبوع لأن يكون الخسران مو دهون تكون من ماء الجسم فانتبهي!!!
افضل شي كيلو بالاسبوع و اذا مرة تبين تنحفين كثير 3 كيلو بالاسبوع منطقية نوعا ما!!
انا مثلك قبل كنت ابي انحف 4 او 5 كيلو بالاسبوع بس هالنظمة غير فعالة اقصد ما تدوم لمدى الحياة!!! يرجع الوزن!!
وبالنسبة لرجيم الكربوهيدرات مدري لكن اي رجيم ينقص بمثل هالمقدار اخاف منه!!! لأنه غالبا يا يكون قاسي مرة أو يكون يعتمد على تفاعلات بالجسم واخاف تكون ضارة!!
حاليا مشتركه في قروب تخفيف احسن من التخفيف مافيه لأنه نظام لمدى الحياة من جد! كلي كل شي باعتدال وبكمية اقل....و لو فكرت اسوي رجيم رجيم رح اسوي التمر واللبن أحبه لأنه ينحف و يحافظ على اللي نحفتيه لفترة طويلة لكن طبعا ما انصح فيه مدة طويلة ممكن يومين او ثلاث ايام بالاسبوع كافية,,,
العفو عزيزتي وشدعوة خوات نعين ونعاون إن شاء الله الله ينحفنا جميعا من غير شر يارب,,,

ياعمري والله ماقصرتي
صحيح اكل الدايت سنتر انا ماجربته لكن كنت اشوفهم قبل بستار اكاديمي الاحظ وجود الحلا
لكن يوم جيت بشترك فيه لاحظت السعر مرتفع وعلى وجبات انا اقدر اسويها بالبيت ولاحظي انا مابي استمر شهر مثلا واوقف ابي استمر لفترات مثلا
طيب حبيبتي ازعجتج بسالج من ناحيه لاحظتها انا عندي رقم الميزان اكبر من شكل جسمي
يعني شكل جسمي يقولون لي يبيلج تنقصين عشره كيلوو لكن رقم الميزان يبغالي فوق ال 20 كيلو
وبعد مرات ينزل الوزن بالشكل لكن الرقم مايتحرك كثير احس هالشي موترني
ودي لو انقص على الاقل 3 كيلو يلا العوض ولاالقطييعه
انا وحده شهيتي صعبه وحتى الوزن الزايد اللي فيني من هالظروف النفسيه اللي اعانيها يقولون في ناس تضعفهم وناس تسمنهم الظروف السيئه ولاحظي فيني القولون والاكل مش مرره متنوع يعني زين اكيد راح اتمل
ومراح اقدر استمر لشهور كثير على التخفيف
وهمن مافيه بريجيمي ايام مفتوحه لكن ودي اطلب من الاخصاائيه تسوي كل شهر كم يوم مفتوح هذا اذا نزلت على هالريجيم شوي متوتره وقاعده اهذر واجد خ
وودي صج مع الايام اكل شي اقلل واسوي رياضه ونسوي التبديل
زي مثلا لمن نسوي بطاطس مقلي نستخدم الفرن مثلا ومرش الزيت نرش زيت بالمرش على شرايح البطاطس ونقليه بالفرن بدل مانقليه بزيت عميق يعني في اكلات زي اللي احنا نعشقها لكن محتواها دايت وهمن الكميه اقل لكن هنا
لازم رياضه اكثر من الريجيمات الاخرى
يالله عسى ربي ينقص وزنا باللي يناسب اجسامنا وصحتنا
وربي يوفقج اختي ويحقق امانيج

ياعمري والله ماقصرتي
وشدعوة
صحيح اكل الدايت سنتر انا ماجربته لكن كنت اشوفهم قبل بستار اكاديمي الاحظ وجود الحلا
فيه كل شي تتخيلينه لكن هم لاعبين في الكمية و عدد السعرات الحرارية فيه نشويات و دهون و سكريات و كل شي بس بكمية اقل اكيد,,,
لكن يوم جيت بشترك فيه لاحظت السعر مرتفع وعلى وجبات انا اقدر اسويها بالبيت ولاحظي انا مابي استمر شهر مثلا واوقف ابي استمر لفترات مثلا
صح هذا صعبة تستمرين عليه فترة طويلة بالإضافة للمبلغ برضو تملين اكلهم مع التكررار يملل ....و على انه يشبع لكن اذكر اني كنت اخبص يمكن لأني مليت من اكلهم كل اسبوع تقريبا نفس الشيء!! البني آدم بطبعه ملول و بعدين ودك تطلعين مع اهلك و تاكلين معهم مو تتفرجين عليهم!! عشان كذا التخفيف هو افضل شيء و الحين حبيبتي انا مشتركة في قروب تخفيف في تخفيف هنا بالمنتدى و زعيمتنا هي ام علوش فديتها اذا ودك تخففين ادخلي معنا انا قبل كل تفكيري اني اسوي رجيم قاسي و انقص السعرات الحرارية بأسرع وقت ممكن لكن كل هالمحاولات تبوء بالفشل لأني القى نفسي ازيد شراهة على الاكل بعكس التخفيف تحسين ان اكلك يخف شوي شوي وطبعا حتى نقصان الكيلوات شوي شوي برضو,,,
طيب حبيبتي ازعجتج بسالج من ناحيه لاحظتها انا عندي رقم الميزان اكبر من شكل جسمي
وشدعوة لا ازعاج ولا شي يا حبي لك
ايه عادي حبيبتي مدري ليش كذا بس اتوقع يمكن العضل عندك يكون وزنه اكثر من الدهون عندك ....وانا نفسك احيانا انقص مثلا كيلو و البنات يقولون ناحفه كثير شكله 5 كيلو!! ..بس اتوقع النقصان اول يكون بالشكل بعدين بالوزن يعني اذا نقصتي بالشكل اصبري عليه شوي و بعدين بتلقين بالوزن,,,
يعني شكل جسمي يقولون لي يبيلج تنقصين عشره كيلوو لكن رقم الميزان يبغالي فوق ال 20 كيلو
انا نفسك اتوقع برضو في ناس يخمنون وزني اقل من الحالي!!و أنبسط بس طبعا بالنسبة لي رح امشي على وزني المثالي بالميزان مو بالشكل يعني الحين انا حاطه هدفي 57 كيلو وبإذن الله احققه دعواتك حبة حبة لين ما اوصل مثلا الى 60 و اشوف شكلي كيف وكم احتاج انقص وعلى حسب هالشي أقدر اذا محتاجه انقص اكثر او لا فهمتي علي؟ يعني ما عليك من كلام الناس امشي على الميزان و برضو شوفي مقاساتك مثلا لو حاطه هدفك يكون مقاسك 12 او 10 مثلا!!
وبعد مرات ينزل الوزن بالشكل لكن الرقم مايتحرك كثير احس هالشي موترني
ودي لو انقص على الاقل 3 كيلو يلا العوض ولاالقطييعه
زي ماقلت لك فوق اتوقع ينقص بالشكل اول بعدين بالميزان احس كذا و الله أعلم يعني لو نقصتي بالشكل استمري ع النظام و اصبري عليه لين ما تلقين النقصان في الميزان,,,
انا مو طماعة ودي بس كيلوين في كل اسبوع الحين جايتني الدورة و الشهيه مفتوحه على الاخر اخربط وانا مو جوعانه اصلا مدري وش فيني
انا وحده شهيتي صعبه وحتى الوزن الزايد اللي فيني من هالظروف النفسيه اللي اعانيها يقولون في ناس تضعفهم وناس تسمنهم الظروف السيئه ولاحظي فيني القولون والاكل مش مرره متنوع يعني زين اكيد راح اتمل
عادي حبيبتي انتي مو اول وحده ولا اخر وحده تاكل بالسبب الظروف و النفسية!!! هذا يسمونه اخصائي التغذية بالأ"كل العاطفي" يعني مثلا كنتي متضايقه تفشين خلقك بالاكل و تاكلين او حزينة تاكلين او مبسوطة تاكلين يعني تاكلين وفقا لعواطفك فهمتي علي؟؟ و هذا ساس البلا اصلا ههه لو ما نسوي كذا كان احنا بخير
و بالنسبة للاكل مش متنوع من كذا قلت لك سوي تخفيف وكلي كل شي تبينه بس بكمية اقل و بعدي عن المقالي و الدهون!! هذا هو الحل تنبسطين بحياتك و تطلعين و تاكلين كل اللي تبينه بس شوي شوي و اذا مثلا كنتي بالبيت و مافي طلعه خلي الكمية اقل من باقي الايام,,,
و القولون انا اللي اعرفه المفروض توخرين من المقالي و الدهون والمشروبات الغازية انتبهي!!!
ومراح اقدر استمر لشهور كثير على التخفيف
ليش الا تقدرين تستمرين لأنك تاكلين من كل شي ما حرمتي نفسك من شيء!!
وهمن مافيه بريجيمي ايام مفتوحه لكن ودي اطلب من الاخصاائيه تسوي كل شهر كم يوم مفتوح هذا اذا نزلت على هالريجيم شوي متوتره وقاعده اهذر واجد خ
شوفي عزيزتي احنا بالمنتدى و في قروبي نسوي تخفيف طول الاسبوع و في يوم بالاسبوع يكون مفتوح و هذا احلى شي,,,
انا عن نفسي ما اقدر امشي على الرجيمات اللي تحدد لك وش تاكلين فطور او غدا او عشا احب اكل بمزاجي!!!
وودي صج مع الايام اكل شي اقلل واسوي رياضه ونسوي التبديل
زي مثلا لمن نسوي بطاطس مقلي نستخدم الفرن مثلا ومرش الزيت نرش زيت بالمرش على شرايح البطاطس ونقليه بالفرن بدل مانقليه بزيت عميق يعني في اكلات زي اللي احنا نعشقها لكن محتواها دايت وهمن الكميه اقل لكن هنا
لازم رياضه اكثر من الريجيمات الاخرى
انا بعد ودي اسوي رياضة ايام اسوي وايام لا المشكلة حلوه فكرة التبديل ممتازة و هذي هي فكرة التخفيف !!
يالله عسى ربي ينقص وزنا باللي يناسب اجسامنا وصحتنا
وربي يوفقج اختي ويحقق امانيج
آمين يارب العالمين,,,
دعواتك حبيبتي ابي انحف ع الاقل ابي اشوف الرقم "80" من زمان ما شفت هالرقم او الرقم "79" يوه رح اكون في منتهى السعادة
الحين مشكلتي مع الدورة آكل بدون سنع خلها تخلص بس وبإذن الله الوضع يتغير إن شاء الله
ليه ما تنضمين معنا بالقروب ؟؟؟ بكون سعيدة في انضمامك معنا أو شوفي اللي يريحك و يارب توصلين للوزن اللي تبينه يارب ياكريم,,,