حياتي بتنهار محتاجه مشورتكم

1. السلام عليكم ورحمه الله وبركاته


2. كيفكم يافراشات ؟راح أدخل بالموضوع على طول

السلام عليكم ورحمه الله وبركاته

كيفكم يافراشات ؟راح أدخل بالموضوع على طول

انا متزوجة من خمس سنوات من ولد عمي وعندي طفل عمرة ثلاث سنوات,زوجي تزوجني عن حب وكان خاطبني وأنا في المتوسط,والحمد لله تزوجنا وكانت حياتنا تمام التمام,وكنا عايشين بشقه بعيد عن أهلي وأهله,ومن أول زوجنا كنت مدرسه بعقد يعني مو وظيفه رسميه وكان زوجي بالمرة متعاون معي ومتقبل دوامي مع العلم أنه مو موظف,يعني انا اللي كنت ادفع أجار الشقه وأصرف على البيت ولله يشهد أنه من طيب نفس ولا عمري حسسته أني متفضله عليه,بالعكس كنت معتبرة انه هذا واجب علي اني أساعد زوجي مدام مارزقه الله بوظيفه,وهو كمان كان مايقصر معي اذا حصل اي مبلغ ,وكان مدلعني آخر دلع, المهم قبل سنتين اتعينت رسمي على وظيفه معيده في الجامعة وكان زوجي مسافر ومن فرحتي اتصلت عليه وبشرته بالخبر لكن صدمتني ردت فعله وما بينلي فرحته ,مشيت الموضوع عادي.
طبعا معروف أنه من شروط القبول على وظيفه معيدة اكمال الدراسات العليا,وزوجي كان عارف باهالشرط من البدايه وماعنده مانع,وانا كان نفسي أكمل برا لكن زوجي رفض قلت مو مشكله أكمل في المملكه,المهم زوجي كان يدخل على منتدى الجامعه اللي أنا فيها ويسب في أي شخص يسمح لزوجته تدرس برا,مع العلم أن أختي معيدة كمان وتكتب بنفس المنتدى,وصار بينهم نقاش تطور حتى وصل للحد اللي تلفض زوجي بكلام بذئ عن أخواتي وأبوي, وصل الكلام لخوي وراح وضرب زوجي,وهذا الكلام برمضان اللي فات,طبعا أنا زعلت من أختي واخوي لكن لما شفت الكلام اللي كتبه زوجي بصراحه انصدمت وماعرفت أيش اقول,وقررت أنو ماأفتح الموضوع مع زوجي أبدا بعدا عن المشاكل,بعدها بفترة طلب مني زوجي أنه نطلع من الشقه ونسكن في بيت أبوه وهو بيت شعبي ووعدني أنه سكنا فترة مؤقته لمدة ثمانبه شهور لحد مايلقى وظيفه ونطلع,مع العلم انه البيت جنب بيت اهله وكنت رافضه السكن فيه ببدايه زواجنا........يتبع