خآينه بعد كل اللي سويته لج

1. سارة : ابيك ... ابيك تعيشني لحظات الحب الي عيشتني ياها قبل


2. محمد : ياية بوقتج عاد انا صج صارلي فترة مثل ما يقولون مقحط لول

مثل ما انتوا عارفين في كثر من المدارس ان في بنات متغيبات ( طاقين السور ) وخصوصا في المدارس الثانوية
وهاذي بنية اسمها سارة من صغرها وكان حلمها شي اسمة البوي فرند
لدرجة انها كانت تكتب اسامي شباب على ايدينها وهم اصلا مو موجودين ولا تعرفهم
وبعد ما وصلت هاذي البنية الصايعه للصف الحادي عشر ( ثالثة ثنوي )
تعرفت على واحد مثل ما ينقال اصحاب الشقق واهي كانت مستانسة لان اهو منهم
ومرت الايام وبعد ما فر مخها الاصبي الي اسمة محمد ( صاحب الشقة ) خلاها تنحاش من المدرسة ...شلون ؟؟؟
قالها لما اهلج يوصلنج المدرسة لا تدخلينها نطري لين اهلج يمشون وراح تلاقيني صافط ابي اخذج ونروح نتريق برة
وبعد ما خذاها وقعدوا يدردشون مع بعض بالسيارة , قالها ها حبيبتي وين تبين تتريقين؟؟
قالت له ابي اتريق بمركز سطان على البحر قالها غالي والطلب رخيص
وبعد مرور 5 دقايق جان يقولها لحظة وتبين تروحين معاي وانتي بملابس المدر سة
قالت : شالمشكلة
رد عليها : بس الناس راح يطالعونج وايد وبصراحة انا رافض انج تكونين بملاسج هاذي لسببين
الاول لاني اغار عليج وما ابي الناس يطالعونج حتى لو انهم بس مستغربين ليش هاذي بلبس المدرسة
والثاني يمكن احد من اهلج يعرفج وتصير لج قصة وتدرين حبيبتي انا احبج وابيج وانتي ام عيالي المستقبيلة
ردت سارة وبتبجي من الفرح : ام عيالك واي وي وي وي وي وي زين زين انا مو يايبة وياي ملابس
محمد : امشي عندي الشقة في عندي ملابس مناك
سارة : نعم نعم نعم وملابس منو الي مناك يا حظي
محمد : ههه يبا لا يروح مخج بعيد هاذي ملابس اختي
سارة : اي عبالي بعد
المهم بعد ما وصلوا الشقة دخلوا اثنيناتهم وشربها عصير
بعدين قالها دخلي الغرفة وتلاقين بالكبت ( الخزانة ) ملابس اختاري الي تبينة ولبسيه حياتي
سارة : اوكي قلبوني
بعد ما دخلت سارة نطر محمد دقيقة برة الغرفة عشان يتأكد انها قطت كل ملابسها
وفجأة دخل عليها واهي ( كما خلقها ربي ) وانصدم بشغلة
يعني اهو توقع راح تصرخ او تقاوم بس للاسف بالعكس كانت اهي الي مستانسة
فمارس وياها ما يمارس مع الرجل والمرأة وضاع اغلى ماتملكة ( شرفها )
المهم طولوا مع بعض حتى صارت الساعه 12 الظهر وهذا الكلام من الساعه 7ونص الصبح
فردها المدرسة والبخيل حتى ما ريقها
وبعد ما ردها غير خطة وكل شي تعرفة عنه
والبنية هاذي ظلت بدون شرف
وبعد ما سقطت سنتين برابعه ثنوي ( الثاني عشر ) تقدم لها ولد رفيج ابوها
واهي طبعا رفضت رفض تام لانها خايفة يطيح عليها انها غلطت من قبل
وتقدم ولد خالتها وهم رفضت وولد عمتها وهم رفضت ,,,,
الى ان تقدم لها ولد عمها وهذا الله يسلمكم من كثر ما اهو طيب لو تذبح امة وبعدين تطلب السماح منة يسامحك
طبعا سارة خافت بالاول .. وبعد التفكير وافقت
وحددوا موعد الملجة والزواج الخ ...
وبعدين زفوهم لين الطيارة ( كلولولولولولولولوش ) وسافروا برة
المهم وصار موعد الدخلة طبعا عبدالله ( زوجها ) بعد ما شاف انصدم قالها من باجر نرجع الكويت ونتطلق
بس اهي كانت اذكى منه
فقامت تبجي ومثل ما انتوا عارفين سلاح المرأة دموعها
وقالت له انا كنت صغير وقصوا علي اهئ اهئ اهئ والله انا مظلومة .... ومن هلافلام وانتوا عارفين الصواريخ واشكالها
ومثل ما قلت لكم عبود ( عبدالله ) طيب المهم قام يبجي اهو الثاني مو من الحسرة
بس لانها **رت خاطرة
والنسرة هذيج نصابة
وبعد مرور 9 اشهر من زواجهم سارونة قالت حق عبود
:: حبيبي ممكن توديني الصالون
عبدالله : حق شنو حبي شنو عندكم عرس
سارة : لا حبيبي لول بس اليوم الاربعه
عبدالله : وشالمشكلة
سارة : حبيبي انا قررت كل اربعه اسويلك ليلة احلة من الثانية فعشان جذي انا بروح الصالون اتكشخ لك
عبدالله : هاه احم احم اوكي اوكي من عيوني حياتي
والمسكين عبدالله على نياتة وداها الصالون
وسارة بالصدفة شافت محمد بالعمارة الي فيها الصالون ( شقت محمد اليديدة فوق الصالون )
والاغرب ان ساروه ال .... ابتسمت له وقالت له قووة
فستغرب محمد ورد عليها : هلا والله
سارة : باركلي ترة تزوجت وصارلي تقريبا سنة
محمد: لول يا ان ريلج طلع ريال كاك او انتي رحتي سويتي تجميل ورقعتي
فضحكت سارة وقالت له : لأ ريلي طلع ريال ,, المهم ما قلت لي انت شعندك مني
محمد : انا عندي شقة فوق الصالون وانتي ؟؟؟
سارة : انا رايحة الصالون
محمد : اوكي تامريني على شي
سارة : سارة سلامتك يابو عيالي وخلنا نشوفك
وكل واحد راح بطريجة
محمد : هاذي ما بطلت من سوالفها البقرة خو تزوجت وريلها ستر عليها شتبي بعد
وبعد ما خلصت سارة من الصالون دقت على عبدالله وخذها وصج كانت ليلة حلوة بالنسبة حق عبدالله
ااما ساروه مخها كله عند محمد وقاعدة تفكر شلون تقدر تعيش لحظت الحب القديمة مرة ثانية
والاسبوع الي وراه سارة قالت حق عبدالله حبيبي يالله صار موعد الصالون
وبدل ما تروح صعدت عند محمد الشقة وطقت الباب طبعا محمد انصدم
وقالها : خير
سارة : خير بويهك
محمد: شتبين

سارة : ابيك ... ابيك تعيشني لحظات الحب الي عيشتني ياها قبل

محمد : ياية بوقتج عاد انا صج صارلي فترة مثل ما يقولون مقحط لول

ودخلت ساروه عندة وصار بينهم مثل ما صار قبل ,, وضلت سارة على هالحال لمدة 3 اشهر تقريبا وبدل ما تروح كل اربعه قامت تروح كل يوم وطبعا كا تبرريها حق زوجها انها ضايق خلقها بالبيت وسوت لها اشتراك يومي بالصالون
واهي مطيحة عند بو جسووم ( محمد )
بس ربكم ما يرضى على الي قاعد يصير
يوم عبدالله وصلها الصالون ونزلت من السيارة وراحت
بعد ما مشى لمح تلفونها ناسيتة فرجع عشان يعطيها ياه
المهم طق باب الصالون
بطلت الفلبينية مالت الصالون قالها : هذا تلفون زوجتي بس اذا تقدرين تعطينها ياه
الفلبينية : شنو اسم مال انت زوج = شسم زوجتك ؟
عبدالله : سارة
الفلبينة : ماكو احد اسم جذي
عبدالله مايصير اكيد موجودة روحي شوفي
فلما صار دوشة عند الباب يت صاحبت الصالون وقالت : خير اخوي شسالفة
عبدالله : اختي مرتي نست تلفونها عندي وانا ياي بعطيها ياه والفلبينية تقول مو موجودة وحدة بأسم سارة وعلى علم مرتي صارلها 3 اشهر تمركم ويوميا
صاحبت الصالون : !!!!!! خل اشوف لك السجل عندي ............. اخوي مرتك قبل شهرين اخر مرة يت عندانا
وكانت تمرنا وين ووين
عبدالله : !!!!!!!!@@ شنو ما يصير شتقولين انتي مايصيبر
المهم عبدالله نزل من العمارة واهو مستغرب وويهة صاير اصفر وشوي ويبي يبجي من الصدمة
فلمحة حارس الحمارة
الحارس : خير يا بيه في ايه مالك عامل كدة ,, اخدك المستشفى
عبدالله : لا مشكور
وبعد ما مشى عبدالله وركب السيارة بطلت بوكية ( محفظت الفلوس ) وطلع صورت سارة وقاعد يوسوس فيه الشيطان
فنزل من السيارة وخذة الصورة عند الحارس وقالة : ما شفت صاحبت الصورة
حارس : ازاي لول دي ام جاسم دي ست الكل ,,, ليه هية اخت حضرتك
عبدالله : ام جاسم !! لا هاذي زوجتي
الحارس : ازاي مش هية زوجة محمد الي ساكن فوق الصالون
عبدالله : شنو!!! انزين وين صايرة الشقة تعال دلني ياها
الحارس ك من عينية يا بيه
وبعد ما وصل عبدالله طق الباب وانصدم لما لقى مرتة اهي الي تبطل الباب ولقاها لابسة ملابس النوم
فدز الباب بقوة ولقى الشاب الغريب معها ( محمد )
فقالها : ليش ليش يا سارة انا احبج وانا شاريج ليش تسوين فيني جذي ....
ليش ,,, خاينة بعد كل الي سويتة لج
وخذة مرتة وقطها عند خونها ومعرفين خوانها انهم ميانين( وحوش ) وقالهم على السالفة طبعا ناموا فيها طق
وثاني يوم عبدالله طلقها
وكان عند سارة شي عادي
وبعد مرور السنوات
سارة حاشها الم مفاجأ بالصدر
ولما راحت فحصت لقت ان مرض الشين فيها ( سرطان الثدي ) والمرض انتشر فيها يعني مافي علاج
وبدل ما تقول خل استغفر ربي نهايتي قربت
قالت خل استانس بعمري وردت على خرابيطها
الي ان ماتت بشقة احد الشباب الكويتين
القصة انتشرت لان كانت سارة سكرانة وتقول قصتها للشباب الي كانت عندهم بالشقق
ما اقول الا الله يستر علينا وعلى اهالينا
منقوله
تحيآتي