خاصه للفراشه ياجارح القلب زدت الجرح جرحين مانصفت بالقلب يوم انك توليته

1. الجزء الاول


2. :عموه اشو تبين اتزوجها!!!!!!!!!!!!!


3. هذي البدايه والقادم احلى باذن الله


4. ام خليفه:ماعليها شر اشبلاج

هذي قصتي وانا الي كاتبها بلغ سلامي اتمنى انها تعجبكم
تراها ما نزلت ولا بمنتدى لسه
واعطوني اراكم وانتقاداتكم

الجزء الاول

:عموه اشو تبين اتزوجها!!!!!!!!!!!!!

ام محمد: كيد انها بتعيش عندنا ترا ياولديه مالها حد غيريه تاخذ اجرها غيث ولي يعاافيك لا ترفض لي هالطلب احبها ومقدر اخلليها تروح تعيش بالسعوديه اخر الدنيا وخوانها يبونها وكلهم لسه ما تقدر تكون في وصايتهم اهي في وصاية اعمامها
غيث: ياعموه الله ايهديك انته تدرين براييه من قبل انا عرس ماريد فكونيه من هالسالفه الله ايخليكم..مافضيت بوظبي الا من كثر ماتحن اميه عليه ابها
ام محمد: لاترفض لي هالطلب املج عليها وخلاص روح الله وياك ما بتتحمل لا بمصاريفها ولا بشي المهم هي تكون عندي واتزوج الي تبيها مو مهم واهي عندها خبر ومووافقه ودها تيلس عند خواتها وخوانها وما تبي تتركهم ويتفرقوون ولا تنسى وضع ساره بنتي ومتعلقه في ختها وايد
غيث:شوفولك حد غيريه عموه
ام محمد:انا ماعنديه حد غيرك ..وبعدين انا اريد لبنيه تي اتعيش عنديه ماعنديه حل غير الي قلته لك ياولديه الله يرضى عليك هيه بس ملجه..
غيث:..................
ام محمد:ياولدي وافق ولي يسلمك وقامت تصيح مقدر اعيش من غيرها شايلتني وشايله خوانها ومسكت غشوتها وغطتها على ويهها وقامت تصيح
ام غيث: ياولديه سمع الرمسه وسو الي قالتلك ام محمد ترا البنت مايعيبها شي وانت الى خسران
غيث ماقدر يشوف عمته جذي: عمووه اهي صغيره علي وايد 18 سنه وانا كبير يعني انا اشوي بدش الثلاثين واكيد بييها خطاب وايد اشلون اوقف حظها
ام محمد:اهي ما تبي تتزوج واذا انا شفت لها الشخص الي يناسبها بيي لمن عندك وبقولك طلقها وقلت لك مايخصك فيها ولا شي
غيث:اشلون ما يخصني فيها بتكون عرضي وسمعتها من سمعتي يعني أي شي تسوويه بيكون زوجة غيث وان اشو يضمنيه
ام محمد:افا يا حمدان تشك بتربية عمووتك
ام غيث: اقطعها من رمسه شو ترا ختيه الي ربتها شو هالرمسه وبعدين غلطان يوم رمسناك عبالنا بتوقف مع عموتك
غيث:شوفوا انا بسوي الي تريدونه بس ملجه ..غير الملجه لا وكم شهر وبعدين بطلق
ام غيث: الله يرضى عليك ياولديه
غيث:بس موضووع كبيره والله بشو شواخرتها هذي السالفه ووالله ان شميت طاري انكم تبوني ادخل عليها انها تطلق في نفس اليوم
ام محمد:بطلب طلب اخير بقول لهلها انك دخلت عليها
وقف غيث
سحبته امه وقالت:خلاص ارضى ياولديه لجل عموتك
الجزء الاول
غيث:ترا الي تسونه مش من مصلحة لبنيه يعني بتعيشها طول حياتها زوجتيه بترضا هيه بالوضع هذا مش من حقها تتزوج وتعيش حياتها مثل باقي البنات
ام محمد: بعدها صغيره على الزواج وانا متى ماحصلت الريال الي ايناسبها خليتك اتطلقها وزوجتها له
غيث:مدري اشو من تفكير معكم بكيفكوو سووا الي تبونه بس انه تقولون لي خلاص اهي زوجتيه مدري وشو انتبهوو ها من الحين اقول لكم
ام غيث:وين رايح ولديه
غيث:بمسك طريق بوظبي وراي اشغال
ام محمد:باجر نملج بم ان عمها اهني
غيث :مو مشكله باجر بيي
روح غيث ويا ثاني يووم ووقع على الملجه ومسك خط لبووظبي مره ثانيه لانه عنده دورة مدتها 45 يووم

هذي البدايه والقادم احلى باذن الله

في العين وتحديدا في بيت ام محمد الي حذال بيت خوهاا ابو غيث وبحذاله بيت ابوو صالح
ابوغيث عنده غيث بجره وبيصك الثلاثين وماتزوج بس الحين حمدالله ملج ههه وعنده مهوي وعنده عووشه وعنده حمد وساكنه عنده امه وخته موزه هي وعيالها الي كانت متزوجه سعوودي وعايشه بالسعوديه ويوم اتوفى زوجها يت هني اهي و عيالها الي اهم محمد 20 سنه تركي18 سنه واهو بعمر ساره بطلتنا
ورضعت موزه غزيل مع تركي وغزيل بنت زوجها من حرمه ثانيه حرمت الثانيه اتوفت يوم ولدت غزيل وصارت بنتها بالرضاعه وريم 15 سنه وهاي على قولتهم الشيخه ريم كانت ما تسمع واتعلم اهل البيت الكلام بالشاره وسوت عملية زراعه في اذنها وصارت تسمع بس مازال الكلام بالاشاره مستمر من بينهم خصوصا اذا حد كان معصب واولهم غزيل طبعا
وعندهم ساره الصغيره هاي الله يخليها لهم عمرها تقريبا8 سنوات ولها وضعها الخاص وماتسمع كلام حد الا غزيل بتعرفون هالوضع بالاجزاء الجاايه
وبيت ابو صالح سمر وصالح وسهيل نوره وزايد
نبتدى الاحداث الشيقه باذن الله واشخاص جدد ومواقف حلووه
ام خلييفه:وصمخ
نوره ماسكه ضحكتها:خ
ام خليفه: ضك عني صويلح روح روح عند بوك يخي روح عند ربعك
صالح:شبلاج يدووه والله احبج
ام خليفه:حبك برص نوروه مالت عليج قومي قومي ودني بيت عمج قوم انا منيه الي ييت عندكم جان عرفت انكم بتلعووزوني ما ييت
نوره:يدووه ماعليج من صالح خليج عنا
ام خليف:قمي مالت عليج من بنيه
مسكتها نوره وودتها بيت عمها الي مايفصل بينهم الاحاجز شجري فقط
بالحوش كانت ام غيث وام محمد وام صالح فارشين وحاطين فوالتهم
وقفت موزه: ياهلا باميه حبيبتي وينج
ام خليفه:عنبووه صوويلح ملعوزنيه
موزه:يحبج يمه خ معليج منه تعالي يسلي وتقهوي معنا
ام خليفه:مخلينيه معه
ام صالح:ماكنت تريدين تين معي ههه
ام خليفه:خلاص يوزوه وريحوني منه
ام غيث:جريب عمووه جريب
نوره:عمووه وين البنات
موزه:فوق بنتيه
سارت نوره عند البنات اول ما دشت الفيلا اتلاقت اهي بمحمد فز قلب محمد بشووفتها
محمد:يا هلا ياهلا
نوره استحت:اهلا اشحالك محمد
محمد:حمدالله انتي اشلونك عساك بخير
نوره:بخير ربي يعافيك الا وين البنات
محمد:مدري حسوسهم
نورره:على اذنك بطلع لهم
محمد: الله وياك
مشت نوره الاتسمع صوت يناديها
محمد:ريم
نوره:لبيه
محمد وياشر لها على قلبه على انه يحبها
ريم ضحكت وجرت وراحت عند البنات
فوق عند البنات
كاننا كلهم مجتمعات حتى سمر يت ويابت ولدها
سمر:وبعدين مع شموس تتحرقص من يدي
عووشه: مثل ابوها يتحرقص ميقدر يقعد في مجان واحد
سمر:سكتي عني وربي بصيح تعبانه وايد منها
غزيل:هاتيها بلعبها مع سارونه
سمر:بتلعوزج بعدين بتقولين سمور خذي بنتج
غزيل:ماعد عليك هاتيها وبس
عطتها اياها
غزيل:سموور خذي بنتك خ
سمر انسدحت وغطت ويهها
غزيل:ههه يلاه بنات ننزل تحت خلو سمر تنام
عووشه:اونك حنونه خليها نبي نيلس معها من زمان عنها
مهوي: مشي مشي خلوها تنام تعالو نيلس بالصاله
على دشت نوره
نوره: شو ورين طالعين ولا اذا دشت الملائكة طلعت الشياطين
البنات:خ
سمر من تحت اللحاف:طلعوا خلوني انام
نوره:اثرها النوامه اهني عيل يالهبره
طلعوا البنات من عند سمر ونزلووا عند الحرمات في الحووش
البنات:سلامو عليكوو
ام خليفه:هلا بمرت الغالي هلا هلا
غزيل:هلا يمه وحبها على يدها وراسها ويلست يمها
غزيل:اشلونك يمه
ام خليفه:بخير يمه شو اخبار الغالي
موزه:اشلون يمه تعرف عنه واهم بالدورة وممنوع يرمسون مع حد
ام خليفه وهي توجه الرمسه لغزيل:هانت يمه هانت
غزيل دقنت راسها وضحكت
قربت منها نوره:شو بلاك
غزيل: محد يذكرني اني متزوجه الا يدوه خ
نوره:الله يستر لا رجع غيث اهني وبعد اهي فرحانه بعد الخبر الي سمعته ان غيث نقلوه شغله اهني بالعين
غزيل:يلاه لجل لا تقعد تقول لي ليش مارحتي بوظبي معاه ولي قعدتي اهني والمره السنعه تروح ورا ريلها
نوره:ههه الحمدالله رجع غيث والله يستر من رجعته
معرووف بين البنات انه المرعب اللوح على قولت عوشه ههه
دش ابو غيث عليهم:السلام عليكم
الكل :وعليكم السلام
ابو غيث:استعدو باجر بنروح البر بنخيم اهناك
البنات:يس
نوره:يا حبي له عمو
عووشه:احلى شي في عز البرد نروح نخيم بالبر
ريم:ياسلام اخير بنطلع من العين
موزه: انا اعذروني مقدر اروح وبنيه سارونه مريضة
غزيل قربت من عند موزه وساسرتها:امي موزه وانا معك
ابو غيث: افا عيل خربت الطلعه اذا موزه وغزيل مومعنا
موزه:شو مقدر اروح وسارونه مناعتها ضعيفه
وغزيل: وانا مقدر اشبر من غير امي وسارونه
:هود هود
ام خليفه:هدا هدا
سحبت نفسها غزيل ونوره من اليسله وعوشه روحت معهم
دش صالح وسهيل ومحمد وتركي ويا بعض في النادي: السلام عليكم
وحبوا يدتهم وعمهم
صالح:اشبلاها ويههم كانه على رؤوسكم الطير
ابو غيث:عموتك موزه ما بتي ويانا
صالح:افا عمووه ليش والله السيرة لجل عيونك
موزه:انت ادري بووضع سارونه

ام خليفه:ماعليها شر اشبلاج

محمد:يمه بنوديها الطبيب وبنستشيره وبنسالها في حالة الطوارئ لاقدر الله شو سووي
موزه:مدري والله ريم:يمه وافقي موزه:...... محمد :امي بكره نسير نيهز اغراضنا ونسير دبي نكشف على سارونه اذا الدكتور عطانا المواافقه نلحقهم واذا لا نرجع البيت شو رايج موزه: شورتك وهداية الله في الحجرة وريم تربت اغراضها ريم:طيب غزيل انتي روحي معنا وامي وتروح مع سارونه ومحمد غزيل:اوف ما تفهمين انتي شعرف امي بكلام الدكتور بروح معاهم بفهم منه وبنلحقكم موزه: يابنتي يا غزيل روحي معاهم وانا معاي اخووج محمد بيفتهم من الطبيب وبيقول لك على مل تعليماته غزيل:لا مابروح وطلعت غزيل من الحجره ريم: ولله حرام استحي انا اروح من غيركم دش محمد الحجره:وش فيكم ؟ ريم:غزيل ما تبي تروح معنا وتقول بتروح معكم بكره دبي محمد:لا مايحتاج انا مع امي وسارونه واهي تروح وينها هي ريم بحجرتها سار محمد عند غزيل وبالقوة رضت انها تروح البر وماتروح معهم رجع محمد يبشر ريم ان غزيل بتروح ريم:يس هذا اخوي الي احبه ولله محمد:ههه موزه:مالت عليج ياهلو وصباح الساعه ست الكل بالسيارات مشى محمد على دبي والباقي يتحضرون بيسيرون على البر بدءت اول سياره تطلع من الكراج والثانيه والثالثه الا سيارتدش الغراجات تركي بصوت عالي :غيث نزلوا الشباب والشياب يرحبون بغيث غيث:على وين العزم ابو غيث:بنخيم بالبر غيث:ماشاالله ام خليفه وهي تنزل من السياره:الغالي غيث ياي ركض عندي يدوته:عونج ام خليفه:عانك الله ..تي معنا غيث:يمه ياي هلكان خاطري اتسبح وانام ام خليفه:ورفجه غيث:طيب تنطروني عبال ما اتسبح بو غيث:ننطرك ماورنا شي مهوي:وانا بحضر جنطتك غيث:يالله بس ابي مكان انسدح فيه وانام ام خليفه:هني في سيارتنا فاضيتن مافيها الا البنيات اطلع في السد الي ورا ونم براحتك غزيل تقرص الريم:ارتحتي يا زفته ام < معصبه وش موقفي انا الحين واهو نايم ورانا ريم:وش عرفني انه بيي اليوم وانه بيرضى انه يجي معنا غزيل:موب منك مني انا الي سمعت حكيكم اصلا انا روحت السياره ما احبها اكره ماعلي اسافر بالسياره وراح تبتدي الاحداث
شو رايح يصير
غزيل وش موقعها من الاعراب.؟
غيث شو بيسووي وهل بيعرفها؟ هو ما يعرف حتى اسمها؟
غيث شو بسوي يوم يدري انه غزيل معهم بالسياره ؟
شو بيسووي يوم يشووفها ؟
بيعرفها؟؟
شو راح يصير ؟؟؟
خلوكم معنا ..؟؟؟؟