خاص لمبدعات المدينة المنورة

1. السلام عليكم ورحمة الله وبركاته

السلام عليكم ورحمة الله وبركاته

اخواتي بنات المدينة انا صيدلانية مقيمة بالمدينة من 14 سنة يعني من يوم ما اتجوزت وطبعا ماشتغلتش لان حمل وولادة وتربية اولاد مافيش فرصة للخروج من المنزل للعمل المهم بعد ما دخل اصغر اولادي المدرسة طلبت من جوزي اني اشتغل لكنه رفض الفكرة تماما لانه موش عايزني اخرج من البيت بسيطة على طول المخ اشتغل وقلت ليه ماشتغلش وانا في البيت خاصة ان عندي خبرة في التركيبات الصيدلانية بحكم دراستي وشغلي قبل الجواز وعندي معلومات عن الاعشاب والطب البديل بحكم دراستي الحرة لهم طول السنين اللي فاتت
ففكرت اني اعمل مشروع صغنن عبارة عن منتجات طبيعية لعلاج مشاكل البشرة والشعر امزج فيها الاعشاب بالصيدلة واطلع منتجات امنة تماما وطبيعية وبعد دراسة وابحاث وتجارب بدات فعلا والحمد لله والمنتجات جابت نتيجة كويسة جدا مع كل اللي استعملوها بس بقى مشكلة التوزيع
فين اقدر اعرض منتجاتي واعرف الناس بيها
دي تجربتي وانا متاكدة ان فيه زيها كتير وفيه بنات وستات عندهم مواهب وافكار كتير بس محتاجين تشجيع
علشان كدة فكرت افتح الموضوع ده لكل واحدة عندها القدرة على الابداع في مجال معين وحددته لبنات المدينة اللي انا مقيمة فيها علشان نفدر اننا نساعد بعض فعلا
فياريت كل مبدعة تدخل وتذكر لنا مجال ابداعها وتجربتها العملية اذا كان لها تجربة ونحاول مع بعض نلاقي طريقة نوصل بيها ابداعتنا للناس
مستنياكم