خاطري مكسور

الله يكون بالعون اذا ظروفه ما تساعده لا تضغطين عليه وعلى فكره كثير عند عيالهم حساسيه واكتشفوا ان الفازلين افضل شي

ياعمري لا تزعلين نفسك ماحد مرتاح بهل الدنيا والله كريم الله يرزقه ويفرج هموم جميع المسلمين لو تسمعين هموم غيرك حتلاقي يلي مزعلك سبب مايستاهل

الله يسهل امورك ولاتضغطين عليه اذا جد ماعنده

يا حبيبتي لا تكدرين خاطرك ترى الدنيا ما تسوى ومافي داعي تضغطين على زوجك ورسالته اللي ارسلها حكمه حلوة وانا لو منك ما اصعد الموقف وازيد الامور سوء واهدي الامور بيني وبين زوجي وارد عليه برسالة اني الحمد الله قانعه وراضيه بعيشتي وفيك ولاتلومينه على الكلام اللي قاله لأن اقسى شي على الرجل اذا حس انه مقصر مع اهل بيته يقوم يصير عنده رد فعل عكسي ويهاوش عشان يحفظ كرامته

حبيبتي لا تضغطين على زوجك يمكن ماعنده واحنا بنهاية الشهر
واحرجتيه لمى طلبتي ومايقدر يوفرلك الكريم كان رضيتي بالفازلين
بالله عليك ماحسيتي انك ندمتي على كلمتك
( لاعاد حد يخلف عيال وما بوفرلهم شي)
جرحتيه وحسستيه انه مايسوي شي ابد اعذريه واذا جاه الراتب اطلبي اللي تبغي ولو رفض
من حقك تزعلي وتقولي اللي تبغيه..
رووحي عنده وطيبي خاطره وبوسي يده وراسه واعتذري منه على كلمتك
وبالنسبه للرساله عندي رساله راضيه فيها..
جيت اعتذر هالمره عن كل شي..
جيت اعتذر عن كل كلمه قلتها..
عن كل جرح بخافقك
عن كل صد وعن عتب
((وجيت اطلبك تكفى لب هالطلب))
تنسى معاي اللي مضى الا {المحبه نزيدها}
جيت اطلبك ومااعيدها!!!
ابغى عهد وخذ وعد
نبقى الين الموت ماننسى بعض..
ابغى فعل يبقى مدى وطوول العمر..
يبقى شعار لصدقنا
يبقى نبض قلوبنا
"نوعد وعد"
مانفترق الا اذا حل الوعد
صحيح يمكن نختلف!!
بس نفترق ما اوعدك
بوعدك ما انسى غلاك
ولا تسألني عن غلاك
يكفيك في هذا وعد
قل وعد
ابقى معاك طول الحياه
وانت توعدني ماعاد تسكني الجراح
وابغى وعد تمحي حرووف قلتها لك في غضب..
قل وعد
وخذ عهد
مكانتك في خافقي
"والله ما اسكنها احد"
يمكن يجي جنبك احد
حولك حوالينك بعد..
ما اوعدك اني ما اود!!!
الا با اود..ويمكن احب!!!
بس قلت لك مكانتك في خافقي
والله مايسكنها أحد..
اتمنى انها تعجبك
وارسليها له وسائط واذا ماعندك وسائط عاد نصيه
وبعدها روحي اعتذريله..
والله يألف بين قلوبكم ويبعد الشيطان عنكم..
واكثري من الاستغفار وصلي قيام الليل
وادعي ربي يحفظلك زوجك وولدك..
ونصيحه خذيها مني لاتنامي او تخلي زوجك ينام وانتو متزاعلين
عوديه تتصالحوو والله مافي احد يضمن عمره انه اذا نام يصحى>>والله اتكلم بجد
تعوذي من ابليس والشيطان شاطر بهالمواقف..
الله يخليكم لبعض ويجمع بينكم في خير..

الله يرزقكم من واسع فضله
صحيح الانسان احيانا يخرج عن طوره في الكلام
بس انتي انتبهي تحرجيه في الموضوع هذا بالذات
لانه مو ييده
وربنا يفرجها علينا اجمعين

مشكورات على الردود ولو ماعنده صدقيني عذرته
بس لان ادري ان عنده ويبخل علينا
فهاذا اللي مزعلني
والبخل شين الله يكفيكم شره

الله يسخره لك

شمعة حياتي
بجدالله يعطيك الف عافيه
ويرزقك من واسع فضله
ويسعد كل من ردت علي