خبيرات الشنط الاصليه الماركه ابغاكم بسالفه

مسلمه غيوره

17-11-2022 - 09:03 am

السلام عليكم ورحمه الله
الله يعطر ايامك يامن دخلتي موضوعي وفرج الله كربك واعانك وسددك وقضى حواءجك وجميع المسلمين
انا نويت اشتري هديه لامي شنطه اصليه طبعا مااقدر اشتري لها جديده فقررت ادور عالشنط الي مستخدمه في المول
وعجبتني الشنطه هذي
ماركه جفنشي
واصلا امي تعجبها عالماركه وابغى اشتريها بس المشكله اني مااعرف افرق بين شنطه الاصليه والتقليد كيف افرق ( ماتلاحظون اني قلت لكم قصه حياتي )
صاحبه الشنطه تقول انها جلد وماركه جفنشي ما يقلدون الجلد بس القماش هل كلامها صحيح لاني كثير في المنتدى اشوف ناس اتنصب عليهم قالو لهم درجه اولى وصارت درجه ثانيه واعلى من السعر

التعليقات (9)

* فـنـتـازيـا *

17-11-2022 - 12:01 pm

اولا انت تجننين احب اللي تهتم بامها وتهديلها هذايا ..
ثانيا ...لا حبيبتي لا تشتريلها مستعمل ..
هذي امك قدرها تشتريلها من بقايا الناس ..
لا حبيبتي ...
روحي محل سعره معقول عند بغرناطه محلات شنط تجنن تنفع هديه لامك ...
لا تشترين غالي بس لا تاخذين مستعمل ...
انا لو احذ يهديلي شي مستعمل ما راح استخدمها لككن الهديه لو بيسطه وسعرها معقول
الواحد يفرح فيها ...
انا اقول لا لا لا لا لا تشترينها ...
وبعدين لو انها زينه ماباعتها ... صح والا لا ...
ومن سير الشنطه واضح انها مو اصليه ...
لاتزعلين حبيبتي انت طلبتي المشوره وانا قلتلك الشي اللي يمليه علي ضميري ..
امك لو تعطينها عيونك ما تغلا عليها ..

*$*المميزه*$*

17-11-2022 - 01:02 pm

تبغين الصدق ولا ولد عمه
اقولك لصراحه الشنطه شكلها تقليد مو اصليه
هذا حسب نظرتي الثاقبه >>>>بدينا في التفلسف هيهيهيهيهي
وانا مؤيده تماما للاخت فانتازيا
وكل سنه وانتي طيبه ياسكره (^_^)

ساسكية المتوحشة

17-11-2022 - 02:03 pm

تسلمين ع الدعوة اللي باول موضوعك ^^
شوفي انا من رايي اشتري لامك شنطه جديدة من ماركات ارخص ...افضل من انك تشتريلها مستعمله احسها ماتنفع هديه...
والله يخليلك امك ويحفظها ^^

واحة خضراء

17-11-2022 - 03:04 pm

اشتري لها من بونيا فخمه وعرها حلو تلقينها بغرناطه

مسلمه غيوره

17-11-2022 - 04:05 pm

مشكورين عالنصيحه الحلوة انا اقدر اشتري لها تقريبا ميزانيتي 500 فاهمين علي
المشكله امي ذوقها صعب ولا عجبها الاماركه جفنشي الاصلي طبعا وانا حبيت اشتري لها شي يعجبها فاهمين علي
مو مهم عندها جديد او قديم لاني انا وياها لفينا صحارى ماعجبها شي وهي شافت وحده لابسه جفنشي وقالت حلوة شنطتها اول مرة امي يعجبها شئ سألت صاحبت الشنطه قالت 2000 هنا مربط الفرس
المهم الي يعجبها بس بصراحه احترت الحين وش اسوي

عين العقل

17-11-2022 - 05:06 pm

ياحلو هالدعوات
اللهم وآمين والمسلمين اجمعين
ودي اخدمك اذكر قيس اسعار شنطه معقوله وهى جديده واصليه
وفيه محل بالاندلس اسمه الجعفري برضو شنطه روعه
الله ينولك اللى في بالك

* فـنـتـازيـا *

17-11-2022 - 06:07 pm

شوفي ياقلبي ..
تذكرت شغله ...
بصحارى مول بالجهه القديمه اللي بسيب الجزم (وانت بكرامه )
فيه محل( البرنسيسه ) ماني متكده بالضبط من اسمه ... يبيع شنط تقليد ماركه درجه اولى والله مافي فرق عن الاصليه ..
واسعرهم حلوه شوفيله ..
وكمان فيه كمان كشك بخريص بلازا ... والله يبيع شنط خورافيه بحدود 300 ريال
مره مره تقليد ماركه درجه اولى ..
هذا الحل مقابل محل بدون اسم ...
واذا مره مره صعب ذوق امك ... اشتريلها الاصليه بس شوفيلك احد يقط معاك
اخوانك خواتك ابوك اي احد ...
بحيث يكتمل المبلغ وتشتريها لها ...
بس ارجع واقول ... لا للمستعمل

مسلمه غيوره

17-11-2022 - 07:08 pm

مشكورة عالرد عين العقل والدعوة ياقلبي
فنتازيا ياقلبو مشكورة مرة عالاهتمام وان شاء الله اروح واشوف ياعسل الله لايحرمني من نصايحك

ريـمــا

17-11-2022 - 08:09 pm

ما ادري من السير احس انها مو اصلية ومين قالك انو الجلد ما يتقلد بالعكس الجلد يتقلد اكثر من القماش لانو الجلد تقليده سهل وما يبين على عكس القماش
عموما فيه ماركات ارخص بكثير ممكن تشترين لها شنطة ماركة اصلية جديدة بسعر الشنطة الماركة المستعملة
وانا برضو اقول شينة بحق امك تهدينها شي مستعمل حتى لو استعمال نظيف حتى لو اضطريتي تشترين لها ماركة غير اللي تحبها اهم شي انك تاخذين لها شي يواجه ومرتب
فيه ماركات تعتبر اسعارها معقولة شوي زي الفيرو مارتيني ودونا كارن كمان فيه بنات يبيعون شنط تقليدها مره مرتب ما يبين ممكن تاخذين لها شنطة جيفنشي اذا كنتي مصرة عليها
واذا تبغين شي اصلي بسعر معقول انا عارضة شنطة ايقنر كبيرة شوي لونها اسود ولها محفظة طقم نفس الشنطة مره تصلح هدية لو حبيتي لانو الشنطة جديدة بالتاق حقها والمحفظة في كرتونتها
وان شاء الله تحصلين شي حلو ويناسب الوالدة الله يخليها لك
تحياتي

فستان ن الزغبي وال لمحبين الغرابه←
موديلات مراييل مدرسة على اخر مووضة→