خطة لعشر ذي الحجة و ليوم عرفه بالتحديد من اجل رضا الرحمن ثم الزواج دعوة عامة

1. اولا هدفي ان نكون فوق 100 بنت ,,,يارب نوصل


2. الخطة


3. 1-صيام


4. 2- ختم القران في اخر ساعة من يوم عرفه


5. 4-صدقة

عن ابن عباس رضي الله عنهما , قال : قال رسول الله , صلى الله عليه وسلم : (( ما من أيام العمل الصالح فيها أحب الى الله من هذه الأيام )) يعني : أيام العشر : قالوا : يارسول الله ولا الجهاد في سبيل الله ؟ قال : (( ولا الجهاد في سبيل الله , الا رجل خرج بنفسه , وماله , فلم يرجع من ذلك بشيء)) رواه البخاري
عن أبي قتادة, رضي الله عنه, قال سئل رسول الله ,صلى الله عليه وسلم : عن صوم يوم عرفة؟ قال : (( يكفر السنة الماضية والباقية )) رواه مسلم
عن أبي الدرداء أن رسول الله صلى الله عليه وسلم كان يقول :(( دعوة المرء المسلم لاخيه بظهر بالغيب مستجابة, عند رأسه ملك موكل كلما دعا لاخيه بخير , قال الملك الموكل به: امين ولك بمثله ))
كيفكم ياعرائس باذن الله قريب راح نكون عرائس قولوا امين ,,, بنات حنا مقبلين لايام مهمه جدا وفضيله وغاليه وثمينه ..اليوم جايه ومعي خطة جديدة ,,,وهي كيف نستعد لعشر من ذي حجة وبتحديد لليوم عرفه اه اه وما ادراكم كيف انه يوم عرفه دعاء فيه مستجاب اسالوني وادري كلكم تدرون ...المهم بنات نبي نستعد لهذا اليوم استعداد قوي وكيف ممكن نستغل هل يوم وش راح نسوي,,,بنات اذا كنا مجموعه ...انتي تتشجعي وتبذلي كل جهدك وتحسي بحماس قوي عكس لما تكوني لحالك ... اتمنى التفاعل معي لاني كلي حماس .... ترى هذي فرصة خلونا نستغلها استغلال قوي على فكرة هل فرصه مو اي واحده تحصلها الا اذا الله يرد لها ذلك يبي لها لاجر وهي يكفر ذنوبها واجابة دعوتها ..ببما انه الله خلاكي تصومي وتدعي ربك هذا دليل انه الله يحبك وراح يستجيب دعوتك احسني الطن ((حسن الظن))...ما ادري انتم حاسين فيني او لا ... ندخل بالخطة

اولا هدفي ان نكون فوق 100 بنت ,,,يارب نوصل

الخطة

نبي نستعد لهل يوم كيف طبعا راح نصوم 10 ذي الحجة يعني من اول يوم ذي حجه حتى يوم عرفه وفضل العشر ذي الحجه الحديث فوق كتبته ,,,حلو هذي اول خطوة وهل ايام خيرا من الجهاد في سبيل الله,,,راح نحاول نسوي عمل صالح في هل ايام وراح نتفق كلنا يعني مثلا اليوم نبي نتصدق هذا عمل صالح ا واني اساعد امي بالبيت هذا عمل صالح نقوم الليل تخلي وحده تصلي او تخلي وحده تشترك معنا وانتي لك الاجر ...الخ انا مخليه لكم كمان انك تحطو وش نسوي في هل ايام نبي من اول يوم يعني نكثر من عمل الصالح الباب مفتوح,,,, يعني ليلة واحد ذي حجة ندخل ونتفق كلنا وش نسوي او اذا كنتي حابه ماتتقيدي معنا لانك ما تقدرين تدخلين كل يوم خلاص انتي لكي الحريه المهم انك تسوي عمل صالح
نجي لليوم عرفه وش راح نسوي في يوم عرفه ركزو معي

1-صيام

2- ختم القران في اخر ساعة من يوم عرفه

3- دعاء للنفسك ولاخواتك في الله في اخر ساعه من يوم عرفه ,,,,,,الي هم نحنا تدعي وتقولي يارب ارزقني بزواج الصالح وذرية صالحه وكمان ارزق اخواتي في الله ازواج صالحين وذرية صالحه مثل كل وحده ماتبي و اخواتك بالله الي هم نحنا الي تسجل بهل موضوع والله عارفنا ,,,ثم تدعي للبنات المسلمين

4-صدقة

الهدف من الخطة == وهي انه الله يرضا عنا ويرزقنا بالازواج الصالحين وذرية الصالحه وعلى فكرة اخر ساعه من يوم عرفه تكون ساعه مستجابه وكمان انتي صايمه ودعاء الصائم مستجاب وكمان انتي ختمتي ختمه ودعاء الختم القران مستجاب وكمان انتي لما تدعين لخواتك هناك ملك يقول ولك مثل ذلك مثل كم؟؟ مثل 100 اخت في الله وبنفس لحظة هناك اكثر من 100 بنت تدعليك بنفس لحظة وهي مثلك صايمه وخاتمة القران وتدعي لك بيوم عرفه,,,بالله بالله يابنات كيف راح ينظر لنا الله وربي باذن الله انه راح يكون راضي عنا وراح يستجيب دعواتنا باذن الله انا اعرف ربي جربت صدقوني ودعيت بيوم عرفه وربي اني اكتب واشعر جسمي ما ادري مو عارفه اعبر ..
ياعرائس نبي حماسكم وياريت كل وحده تدعو من تعرفها نبي نوصل ل 100 اخت في الله ,,,يا بنات وربي حاسه نفسي خلاص ببكي مو قادره اعبر واوضح لكم من الفرحه اذا صارت الخطة مثل ما تمنيت ,,بنات وربي اكتب لكم هذي الخطة وقسم لاني احبكم واقول لكل وحده منكم احبك في الله خلونا نحمس بعضنا ونشجع بعضنا
يلا يا اخواتي في الله بدينا من هل لحظة للاستعداد كل وحدة تشيك هي وين واصله بالقران وشو ممكن نسوي عمل صالح بالعشر ذي الحجة .. كمان كل وحده تسوي دعوة لاي عضوة تعرفها نبي نوصل للهدف 100 اخت في الله
ودعوة عامه اي وحده تحب تشارك حياها الله تدخل وتكتب يارب انا معهم يارب مع اخواتي في الله,,,,وتذكر رقمها
بسم الله بدات الخطة والحمله من هل لحظة ملاحظة الي تبي تزيد تزيد على خطة تزيد
رقم(1)راجيه كرم ربي (( اخت في الله))