خطوات تسريحة الباف

<< تسريحة البف .. ويويل وحده تقول اف >>السلام عليكم ورحمة الله وبركاته
طبعاً هاذي التسريحه هي أصلاً تسريحة الستينات بس سموها البف عشان البنات مايقولون اف قديمه
>>شرياكم بالتحليلات الخطيره..
هاذي الستريحة اللي كثير من البنات يبغون يعرفونها طبعاً انا بشرحها لكم شرح مفصل وماراح تحتاجون صور لاني منيب مصوره لكم شعري
اول شيء تاخذين تقريباً اغلب شعرك (قصتك) من قدام وتقسمينه اربع طبقات
وتأخذين الطبقة الاخيره من ورى اللي تكون اقرب شيء للرقبه ..
وتنفخينها او تعكفينها بحيت تصير مثل القبه بس لاتلوين الباقي فيه بعض الناس يلوون الشعر
الباقي وهاذي الحركه تخلي البف صغيره وبايخه انتي بس انفخيها او اعكفيها وثبتيها ببنس صغيره
وبخي شوي مثبت..
وخوذي الطبقه اللي بعدها وارفعيها بيدك على فوقك ومشطي الطبقه هاذي اول شيء باتجاه نمو الشعر وبعدين بعكس نمو الشعر ورجعيها على النفخه اللي سويتيها وثبتيها ببنس وبخيها بمثبت..
وبعدين خوذي الطبقه الثالثه وتكون مستشوره زين ورجعيها على الطبقتين السابقه ذكرهما
وثبتيه ببنس وممكن ماتثبتيها انتي وطبيعة شعرك بس الافضل انك تثبتينها
وهنا بين الغره والطبقه الثالثه تثبتين الشريطه..
وبعدين الطبقه الرابعه هي بتكون الغره سشوريها مضبوط وحطيها على جنب او افرقيها انتي وذوقك..
طبعاً انا كنت مسويتها مايله وباقي خصله صغيره على جنب وثبت ورده اصطناعيه على الشريطه بحيث تكون فوق الفرقه اللي هي الغره المايله والخلصه اللي لحالها ..
وشوفوا ياحبيباتي انا بسأل عن جواز ان انزل لكم صورة شعري اذا يجوز بنزلها لكم والا سامحوني واتمنى يكون شرحي كفى ووفى..
وترى ماابغى منكم الا دعواتكم يالغاليات..
الموضوع منقول من منتدى حواء وحبيت افيدكم مثل مااستفدت