خطوات نحو أقدار الغرام

يسلمو
شكلها الروايه حلوه
نستنى البارت التاني

*** خطوات نحو أقدار الغرام***
نزلت لينا من فلتها وتلوح لسارة بمعنى هااي
سارة ردت لها التلويح :هايات
دخلت لينا السيارة :سلام
سارة بمرح:وعليكم السلام
حازم إتقشعر من نعومة صوتها وبصوت واطي ..لأنه بطبعو هادي ويستحي من أي بنت يشوفها بحياتو:وعليكم السلام
لينا : كلمتي رولي ؟
سارة :لأ ليه ؟؟
لينا :لا أسأل ..(دق جوالها ..لميس يتصل بك )لحظة لميس تتصل (ردت)
لميس :إنتي نزلتي ؟؟؟
لينا :إيوا أنا تحت
لميس :غبيه وليش ماإستنيتيني ؟
لينا:خلاص طيب أنزلي
وقفلوا
سارة :لميس جاية ؟؟
لينا تأففت :تخيلي ماما قالت إنها لازم تروح معايا
سارة:وليش ؟؟
لينا:ما أدري عنها
وطول ماهم يتكلموا حازم ساكت يتأمل صوت لينا ..أول مرة يسمع صوت بنت بهذي العذوبة والنعومة ..دق قلبو بقوة ماعرف ليش دق ..وحس بحرارة بجسمو ..وبلع ريقو بقوة ..وسارة ولينا بعالم ثاني
نزلت لميس وكانت مغطية وركبت السيارة :السلام
سارة ولينا:وعليكم السلام
حازم قالها بصوت واطي:وعليكم السلام
لميس :كيفكم
سارة :الحمد لله تمام
لميس وتأشر على حازم:هذا توأمك ؟؟
سارة :لا هذا حازم الصغير
حازم فتح عينو لآخر شئ بتعجب (صغير ؟؟...صغير في عينك )..سكت
لميس :اهاا ماشاء الله ..كيفك حازم ؟
حازم بقهر من سارة وبهدوء:الحمد لله
ومشوا في طريقهم لبيت رولا ..
لينا :إيش جبتي لرولا؟؟
سارة :جبت لها شنطة
لينا :اها حلو ..وأنا جبت لها عطر
سارة:والله أخاف بعد دا كلو مايعجبها
لينا :لا عادي غصبن عنها بيعجبها
***خطوات نحو أقدار الغرام ***
دخل واحد من الشرطة المستشفى ومعاه بطاقة الشخص اللي صار لو الحادث ويكلم وحدة من الريسيبشن:ممكن أعرف وين غرفة شهاب عبد الله ال....
البنت اللي بالريسبشن :لحظة أدورلك إسمو (وتدور بالكمبيوتر ..بعد شوية هزت راسها بأسف )م مو موجود عندنا بالمستشفى
الشرطي :هذاك اللي صارلو حادث من قبل ساعه
البنت تذكرت :اها إيوا تذكرتو لسا ماعندنا معلومات عنو إلين مايفوق
الشرطي بعجلة :طيب وينو دحين ؟؟
البنت :موجود بغرفة 5154 بالدور الخامس
الشرطي :شكرا ..(وطلع بالمصعد )
مشي لعند الأسياب الطويلة ويدور من أرقام الأبواب رقم الغرفة المطلوبة ...وأول مالقاه توجه له بسرعه ..
دق الباب مرتين ..مالقى رد ..وفتحو بشويش ...:السلام عليكم ..شهاب ؟؟
كان شهاب لساعو مغمي عليه والاسلاك بصدرو ويدو ..ووجهو لو آثار الصدمه ..وعينو اليمين صارت موفيه ..
شافه الشرطي وقرب لعندو يبغى يتأكد من شكلو ..لقاه بنفس الشكل اللي بالبطاقة ...تطمن بعد ماطلع هو ...
دخل الدكتور يبغى يشوف حالة شهاب ..شاف شرطي واقف بجنب شهاب :السلام عليكم ..
الشرطي إنتبه للدكتور مد يدو :وعليكم السلام
الدكتور ويسلم عليه :إنت تقرب للمريض ؟؟
الشرطي :لا أنا كنت حاضر الحادث ولمن جينا نطلع أشيائه اللي بجيبو عشان نعرف إيش إسمو ..طلع إسمو شهاب عبد الله ال.....
الدكتور :إسمو شهاب عبد الله ال ... ولد صاحب مستشفى ال......
الشرطي طلع البطاقة :إيوا شكلو هو ...(وطلع بطاقة مكتوب إسم الشرطي ورقمو)خلاص إذا قام إتصل علي عشان أستفسر معاه
الدكتور أخذ البطاقة :أوكي إن شاء الله
الشرطي ورايح :في أمان الله
الدكتور : مع السلامة
*** خطوات نحو أقدار الغرام ***
رولا وتسلم على بنت من البنات عند باب بيتها الرئيسي :أهلين ..كيفك ؟
البنت :هلا كيفك رولي ..كل سنة وإنتي طيبة
رولا إبتسمت مجاملة :وإنتي طيبة ههه
البنت :تذكرتيني ؟؟
رولا عقدت حواجبها بإستغراب :تصدقي ماعرفتك
البنت :أنا غزل
رولا مسوية متذكرة لأن غزل طويلة وبيضة وعريضة شوية ولها بريسيس ورامية شعرها المستشور الأسود الناعم على كتفها ولابسطة بنطلون برمودا على بلوزة حمرا كت..وأول مرة بحياتها تشوفها بس ماحبت تحرجها :اها ..كيفك ؟؟
غزل :تمام
دخلوا سارة ولينا ولميس من ورا غزل وقفوا يطالعوا فيها مستغربين :هاي
رولا وتأشر على غزل :هذي غزل
سارة ولينا ولميس إبتسموا :هاي
غزل (ههه ياي عليكم كيووتات مثل صحبتكم ):هاايات
سارة وتعطي الهدية لرولا:هابي بيرث دااي رولي
رولا إبتسمت إبتسامة شقت وجهها من الفرحة ..تحب صحباتها قد ماتحب نفسها ..أمها اللي المفروض تكون دحين معاها وتفرح لبنتها ماجات وأعطت هدية لرولا ولا همها أصلا:ثانكس سااروو !!
لينا وتحط هديتها فوق هدية سارة :وهذي مني ..هابي بيرث داي قلبوو ..وعقبال 100 سنة
رولا إبتسمت بفرح :ههه ثانكس ليلوو
لميس بإحراج مدت يدها تسلم:كل سنة وإنتي طيبة
رولا فهمتها وسلمت عليها :ههه وإنتي طيبة
.................................................. ....
ريان وواقف بالسيارة برا القصر :أف زحمة
بيان :أصبر شوية عشان البنت عزمت كثير
ريان :مااشااء الله عازمة المدرسة كلها هذي
بيان :ههه لا بس هي ماشاء الله إجتماعية وأغنى بنت بالمدرسة
ريان :اها قوولي كذا ...مادام السالفة فيها فلوس ههه
بيان :ههه بس والله أنا جاية عشان مروى غصبتني أجي ..مع أن رولا مرره ماأعرف شئ عنها بس إني أشوفها من بعيد لبعيد
ريان حرك سيارتو بسرعه ولف يسار بجنب السيارات وقف سيارتو فوق الحشيش :خلاص أنزلي هنا بسرعه
بيان بتعجب :بس هنا ممنوع توقف
ريان بنرفزة :خلاص أنزلي
نزلت بيان ومشت مسرعه من بين السيارات ..
جاءت سيارة حازم كانت بترجع ريويس ..إلا وقف لمن شاف ريان ..
ريان إنتبه للشخص اللي قدامه ..بس حاول يخرج من المكان اللي هو فيه ..خرج ريان الأول وبعده حازم ...
ريان نزل من السيارة ..وشاف حازم نازل كمان من السيارة ..إبتسم له :هلا هلا كيفك ؟؟
حازم توجه لو ومد يدو :تمام كيفك
ريان ويسلم عليه بقوة :تمام بشوفتك ..وينك يااخي مختفي هذي الأيام ؟..ومشعل مايجيني إلا بالنادر
حازم :ههه مشعل ؟...لا تسأل عنو دايما مشغول ويخرج
ريان غمز :مشغول ؟؟؟...ولا عندو خوياات جدد
حازم ماتوقع من مشعل يسويها بس مشاها.. مسكين تفكيره برئ:ههه والله ماأدري عنو
ريان :خلاص إذا شفتو اليوم قله خليه يدق علي ضروري ..عشان رقمو الجديد ماعندي
حازم :أوكي بيوصل إن شاء الله
ريان :يلا سلام
حازم :سلام
..............................................
دخلت ميار وبيدها كيس حمرا كبير ..وماشية بصالة بيت رولا تدور على أي وحدة من البنات اللي تعرفهم ..(أف وينهم .. )..وكل ماتشمي تنصدم بوحدة من كثر البنات اللي عزمتهم..لأن رولا بطبعها كذا إذا صرلها حفلة ولا عزمة لازم تعزم كل البنات اللي تعرفهم
وشوية جاتها من وراها رولا وهي تكلم مروى ومبين إنها تجاملها :هههااي مروو لا تبالغي كذا
مروى ميلت راسها لليمين برقة وتلعب بخصلات شعرها الأسود الملفلف بإتقان ومندمجة مع رولا ..تعشق رولا بشكل جنوني :تراني من جد ما أبالغ ..كل شئ فيكي حلو ..
رولا وخايفة من عينها:ههه ثانكس عيونك الأحلى تسلميلي ياقلبو (إبتسمت غصب عنها تصرفها)
جات ميار وعلى وجهها إستهزاء :هاي رولي
رولا إبتسمت لميار وتناظر في مروى ورجعت ناظرت في ميار بمعنى شوفي الغبية بجنبنا:هاي
ميار وتعطيها الكيس:كل سنة وإنتي طيوبة ياقلبي وعقبال مليون سنة !
رولا بإستهبال :لا ماأبغى أصير مليون سنة يكفيني 90 سنة
ميار ورولا:ههه
مروى وتطالع في ميار بقهر ..ليش ميار قدرت تصاحب رولا ..مع إنو ميار ماهي بذاك الغنى زي رولا ..ولا حتى ذوقها بالفساتين زيها
..كانت رولا تهتم بكل تفاصيل ملابسها ومكياجها وتسريحة شعرها وقصاتها ..ومروى أحيانا تاخذ منها الأفكار في الإستايلات ..وتنقهر لمن تشوف صحبات رولا ..وتحقد عليهم مرره وبذات من فرح العربجية
رولا وماسكة يد ميار ومتوجهين لناحية باقي الشلة :تعالي
ميار بصوت بائس وحزين :ترا بابا راح يجيني بدري
رولا شهقت :ليش ؟؟؟
ميار :ما أدري بس قالي 11 بكون برا
رولا طالعت في ميار حست بمشاعر ميار الرقيقة ..إبتسمت من قلب:أوكي عادي بس أهم شئ إنك دحين هنا وجالسة تحتفلي بعيد ميلادي
ميار حمدت ربها إنو رولا تفهمت الموضوع ردت لها الإبتسامة :ههه أوكي
وتوجهوا لعند البنات ..
سارة بفرح :هاي كيفك ؟؟؟
ميار وتحضن سارة بإستغراب من إنفعالها الزايد:هاايات ..
سارة بإستهبال :يالله ماشفتك من زماان !
ميار رفعت حواجبها بتعجب :إيش اليوم شفتك بالمدرسة مسرع وحشتك
فرح وتاكل من البتيفور الموضوعه على الطاولة :تراها كذابة تستهبل عليكي بس
ميار :وين رزان عنكم ؟
فرح بإستهبال :شكلها نامت ولا تلاقيها بالحمام كعادتها تغسل شعرها اللي كم حبه
رولا :هههاي من جد إنتي هبلة والله لوسمعتك ياويلك ...لا من جد وينها ؟
لينا :مدري ماشفتها
...................................
دخلت رزان بحيااء لداخل القصر وتطالع في البنات ووجهها أحمر ..ماتحب أحد يطالعها كذا ..شافت صحباتها جالسين على الكنبات الكبيرة والفخمة اللي بالصالة
سارة وتأشر عليها وفمها مليانة بتفورات :أهي !!
رزان لوحت بيدها بكل رقة :هاي
البنات غير فرح :هايات
فرح :بدري كان ماجيتي أحسن !
رزان :وجع مالت عليكي وعلى وجهك وليش لابسة كذا إحنا بحفلة ميلاد مو بحفلة دي جي !
فرح رفعت كابها بهيامة قدامها ..صارت قصيرة بجنب رزان ..ورفعت عينها في عين رزان ..وحطت يدها بجيبها بثقة ..ورفعت حواجبها :ليش مني عاجبتك ؟؟..(شمرت كم الجاكيت الجينز الأسود )إذا مو عاجبك أخليه يعجبك بالغصب !
رزان فتحت عينها لآخر شئ وسكتت من الخوف ..تخاف من فرح ..يمكن تسويها وتضربها ..بلعت ريقها بقوة ..وتذكرت المضاربه اللي سوتها مع واحد من بنات المدرسه ..تبغى تنطق ..
ريماس وهي ماشية مع بنت ..وماسكة عصير أورانج إنتبهت لرولا جالسة مع شلتها :هاي رولا فستانك جنان من وين صممتيه ؟؟
رولا بعدت قصتها بغرور وتعرض فستانها:من مصمم لبناني
ريماس :ياي مره تصميمو ناايس وأعلى شئ حركة الدرابيه
لبست رولا فستان بينكي عليه درابيه من الصدر لحد الخصر ..وكلوش لفوق الرقبه ..وطلعها كأنها برينسيس ..ولابسة سلسال وحلق أبيض من الألماس ..ورافعة شعرها الذهبي بشكل عشوائي وكم خصلة طايحة منها من نعومته ..وحاطة وردة جورية طبيعية ..ومبين ملامحها برئ وبرز وجهها النعومي ..و حطت روج بنكي خفيف معطيها لمعه على شفايفها الزغنوون
فرح طنشت رزان وجلست على الكنبه وهي مفرشخة ..:يللا متى بناكل الكيكة ..جعت والله
رولا تذكرت :صح ..يلا !!
نادت رولا الخدم وخلتهم ينادوا البنات اللي في الحديقة واللي ماشيين في البيت ..وخلتهم يتجمعوا في صالة الطعام ..وكانت الطاولة طويلة وفيه كل أنواع الأطعمة من المعجنات والسلطات والحلى ..الخ ..أما الكيكة فحطتها في نص الطاولة على شكل مربعة كبيرة وعليها صورة رولا ..ولمن إشتغلت الشموع البنات صيحوا بدهشة
وتجمعوا حولين رولا وصاروا يغنولها بصوت عالي (هاابي بيرثداي تو يوو ..هابي بيرثداي تويوو ..هاابي بيرثداي هابي بيرثداي ...هاابي بيرثداي تو رولا ..هاابي بيرثدااي تو يو )
ومن بعدها صيحوا وصفقوا وصفروا ..وطفت ال 18 شمعه ..
ميار بلقافة مصطنعه :ها إيش إتمنيتي ؟؟
رولا رمشت بغرور :مالك صلاح
ميار مسوية مفجوعه :ومين يصير هذا ؟؟
البنات :ههه
من بعد ماأكلوا وقطعوا الكيكة ..جاء وقت الأغاني الحماسية الغربية ..وقفت فرح من بين البنات زبطت جاكيتها ومشت بكم خطوة لعند البنات اللي جالسين يرقصوا بهدوء ..رقصت بعربجة وتضرب رجلها ع الأرض وتهز راسها ..متحمسة مع الأغنية ..وتهز راسها وتهز خصرها حتى مو مع الموسيقى ..المهم ترقص ..والبنات يطالعوا في بعض ويضحكوا عليها ..
رزان :شوفي الهبلة كيف ترقص ؟؟ فشلتنا !!!!
لينا:ههه سيبيكي منها خليها تستمتع ههه
*** خطوات نحو أقدار الغرام ***
حازم جالس يقلب بين القنوات بطفش ..ويفكر بلينا ..(هي هذيك البنت اللي رجعتها قبل ؟؟..ياالله قد إيش تاخذ عقل الواحد ..)دق جواله رد من غير لايشوف مين المتصل
حازم ومو مركز :هلا
وليد صيح :أهلين !!!!
حازم إرتبك دوبو يستوعب :هلا والله ..كيفك ؟
وليد :تمام ..إسمع مابطول عليك أبغاك بطلب ..
حازم :آآمر ..
وليد :بكرة بينزل نادر من بريطانيا تقدر تجيبو
حازم (كالعادة أشتغل سواق ببيتكم ):أوكي ..ومتى بيوصل جدة
وليد :على 4 العصر
حازم :إن شاء الله أكون فاضي
وليد :أوكي يللا سلام
حازم :سلام ..
وقفل السماعة بوجهو ...حازم إنقهر (كمان لك عين تقفل على وجهي ..بس مو منك ..من اللي رد عليك ..وهذا نادر إيش اللي منزلو بدري ؟...)شوية إتصلت عليه سارة رد عليها بطفش
حازم :إيوا
سارة :هااي حززوومي !
حازم من غير نفس :أهلين
سارة :أسمع أبغاك تاخذني الساعه 3 الليل أوكي ؟؟
لينا طالعت في سارة بصدمة وتهز راسها بلا ..سارة عقدت حواجبها بإستغراب ..
حازم :3 ؟؟..مسكينة إنتي
سارة بتهديد :حازم ؟؟
حازم ضاغط على أسنانو :أوكي خلاص !! اللي تشوفيه ..بس ترا بكرة بنروح لعند جدي
سارة بسهولة :ماني رايحة
حازم :مع نفسك ترا ..أبويا اليوم راح ييجي من السفر !
سارة :واه بجد ؟؟ خلاص أكلمك بعدين باي
وقفلت بوجهو
حازم أخذ نفس عميق وطلعو ..(زادت الطين بلة أخلص من هذاك تيجيني هذي )..
.............................................
مشعل ويطلع درج البيت ويسمع صوت أمه تنادي ..جري لعندها بسرعه ..قرب لباب غرفتها سمعها تصيح بكل أسامي أولادها بتعب ..خاف عليها وفتح الباب بقوة ..لقاها طايحة ع السرير وجسمها حاار ويألمها ..
مشعل ويهز كتف أمه :أمي أمي إيش فيكي ؟؟؟
أم وائل وتتنفس بصعوبة وماسكة بطنها وطلعت الكلمات وهي مخنوقة :مشعل الله يخليك وديني المستشفى
مشعل دوبو ينتبه لبطنها إنو منفوخ ..ضرب راسو (لايكوون بتوولد ؟؟..ياربي إيش الغباء اللي فيني أمي حامل وأنا ماأدري ) ورفعها من كتفها يحاول يوقفها :طيب يلا دحين أوديكي !(طلع جوالو وإتصل على حازم )حاازم إستناني في السيارة دحين نازلك مع أمي (وقفل بوجهو وحط الجوال بجيبو )
جلسها ع السرير ..وجبلها العباية :خذي ألبسي ..
أم وائل تحاول توقف بتعب وماسكة بطنها :مشعل ..ولا أقولك خلي الدكتور يجيني مقدر أنزل
مشعل شالها بقوة وحط يدها على كتفو ..:لا لازم تروحي المستشفى
ونزلوا بالأصنصير ..وهو حاملها على كتفو نادى وحدة من الخدم تساعدو ..وفتحت باب الفلا ..أم وائل تصيح من ألم التعب ومغمضة عينها ماهي قادرة تتحمل :مشعل ..
مشعل طالع بأمه بتوتر خايف لايصير لها شئ :أمي قلتلك لازم تروحي ع المستشفى
حازم إنتبه لهم وهم نازلين من الدرج نزل لهم وفتح الباب اللي جنبو وجلسوها على الكرسي ..: يش فيها ؟؟..(طالع في بطنها )بتولد ؟؟
مشعل ركب السيارة بسرعه :روح بالسيارة الكبيرة وجيب سارة
حازم :دحين ؟؟
مشعل طنشو وراح متوجه للمستشفى ..
حازم إتصل على سارة ..ماردت من دوشة الأغاني ..
*** خطوات نحو أقدار الغرام ***
ميار طالعت في الساعه الكبيرة اللي بوسط الصالة ..وتشير إلى الساعه 11 ونص ..مسكت قلبها بخوف :باباا برا !!!
فتحت شنطتها الصغيرة تدور على جوالها مالقتو :ياويلي شكلي نسيتو في البيت !!
لينا إنتبهت على ميار وهي متوترة :خير إيش فيكي متصربعه ؟
ميار وترجع تطالع في الساعه :باابا برا من نص ساعه !!
لينا حست بصدمة ميار شهقت :كذابه !!!...وليش جايلك بدري ؟
ميار ماهي فاضية ترد على أسئلة لينا ..:أسمعي خلاص بااي وسلميلي على البنات بروح باخذ عبايتي
لينا وتاخذ شنطة ميار من الكنبة :ميار نسيتي الشنطة !!!
ميار رجعت وأخذتها :أوه ثانكس باي
لينا وكتمت ضحتكها :باي
.................................................. .....
مروى طلعت جوالها لقت إتصال من تركي ..رجعت إتصلت عليه من غير نفس :إيوا خير
تركي واصلة لعنده :خير في عينك ماألقاقي منك غير الشر يالبلا ..أنا من ساعه برا (صيح )بسرعه أخرجي !!
مروى بقهر ..ماتبغى تنحرج قدام البنات إنها بترجع بدري ومع أخوها :طيب خلاص !!
راحت لعند رولا وتسلم عليها بالخدود من غير اليد :يللا أشوفك بالسكول
رولا ببرود وجالسة مع وحدة من البنات اللي عزمتهم :أوكي بااي (وقلبت وجهها عنها)
مروى (ليش يارولا تطنشيني...)وتقبلت حركة رولا معاها ..وخرجت لعند تركي ..لقتو جالس مع واحد ..أعطاها تركي نظرة بمعنى إستحي على دمك وغطي وجهك ..رمت الطرحة على وجهها بطفش ونزلت ..
ميار نزلت من وراها بسرعه وصدمتها :أووبس سووري !
مروى إتنرفزت كانت بتهزأ إلا إنتبهت إنها ميار سكتت ..ونزلت مسرعه عشان لاتشوفها ميار وهي مغطية وتتفشل ..
ميار وتدور على أبوها إنتبهت على تركي ..جات عينه على عينها ..وقف دمها على طول من إبتسامته الصغيرة ..على طول نزلت عينها ..
مروى ركبت سيارة تركي وفتحت الطرحة ورجعت زبطتها ..شافت واحد بالسيارة اللي جنبها شخص وسيم بمعنى الكلمة شعرو أسود عيونو رمادية ((حازم))...ويحاول يتفادى المكان ويدخل من بين السيارات ..ماقدرت تبعد عينها عنو ..وباين عليه إنو مستعجل
ميار ركبت سيارة أبوها اللي كان معصب :السلام عليكم
أبو حسام مارد عليها وأعطاها نظرة تهديد ....:............
ميار سكتت خافت ..بلعت ريقها بقوة ..خايفة من نظرتو إيش راح يسويلها في البيت (ياربي إيش العيشة اللي أنا عايشتها ..والله ماكنت أدري إنك برا من أول ..الله يستر الله يستر ..)
..........................................
فرح وشايلة صحن معبية حلا :وين ميار عنكم ؟
لينا :رااحت..أبوها طلع يستناها من نص ساعه
رزان :وااه مسكينة ..الله يعينها ..
رولا جاتهم وهي ترقص على أغنية مصرية وتسحب رزان :يللا لاتجلسوا كذا وكأنكم بعزا ..أرقصوا وأنبسطوا ..(وإنتبهت إنو ميار ماهي موجودة )وين ميوري ؟؟
رزان :رجعت مع أبوها
سارة جاها إتصال من حازم تأففت :أف ياربي هذا إيش يبغى دحين قلتلو يجيني الساعه 3
لينا :لا مرره بدري !!
سارة رفعت كتوفها :بشوف (ردت )الو
حازم بسرعه :أنا تحت !
سارة صاحت بصدمه :ليه!!!
حازم ببروده الدايم :عشان أمي بالمستشفى و
سارة فتحت عينها لآخر شئ وبصوت متقطع :ما..ما ...في ..المس..تش..فى ؟؟؟؟
حازم :إيوا ولازم ترجعي دحين
سارة قفلت بوجه حازم وجلست على الكنبه وهي مصدومة ..هي عارفة إنو أمها حامل ..بس لساعها بالشهر السادس ..كيف بتولد وهي بشهر السادس .؟؟..أكيد صارها شئ ..
لينا وتهز كتف سارة ..:ساارة ساارة إيش فيكي ؟؟؟
سارة غرقت عيونها بالدموع :لينا أنا لازم أرجع..أمي بالمستشفى
لينا إنصدمت :ليش ؟؟
سارة هزت راسها بنفي وشفايفها ترتجف تبغى تبكي :ماأدري ما أدري !!!
لينا قومت سارة بعجلة :يللا طيب نرجع دحين ..بسرعه ..حازم برا ؟؟
سارة وهي ماشية مع لينا وتمسح دموعها اللي بدأت تنزل :إيوا ..
لينا أعطت الخدامة رقم عبايتها وعباية سارة ولميس ..طلعت جوالها وإتصلت على لميس :لميس يلا تعالي ناخذ عباياتنا راجعين
لميس ومبسوطة في القعدة مع البنات :ليش ..؟؟...مرة بدري
لينا من غير نفس :خلاص تعالي وبس (وقفلت )
لينا نازلة وماسكة يد سارة ولميس وراهم ...إنتبهت على سيارة كبيرة فيها حازم :جاب السيارة الكبيرة
سارة ركبت قدام ومبين من وجهها إنها كانت تبكي وبهدوء :السلام (حتى مالها نفس تكمل )
حازم طالع فيها بحنان ورجع طالع قدام :وعليكم السلام
سارة بصوت مخنوق :من متى ماما في المستشفى ؟؟
حازم بيرود إلا إنتبه لينا من المرايا ومبين إنها متوترة وخايفة على سارة ..إبتسم بخفة وجلس يتمعن في جمالها وعيونها المتكحلة الواسعة :..من ..من ..ساعه
[FONT='Arial','