خطيبك يبغاله قرصة اذن

السلام عليكم فراشاتي الحلوات
انا مملكة لي 4 شهور تقريبا ولله الحمد
ولكن غير المواضيع اللي طرحوها زميلاتي العضوات بالمنتدى عن اساليب التقرب للازواج والخطاب
حبيت اعطي موضوعي لمسه واقعيه الي حد ما
يعني اللي تقولي اسوي خطاب واللي تقولي اسوي تقرير واسويله سكرتيرة واطبعله من النت ورق واقرا له ؟
سلامات؟
معليش انا بموضوعي ابغى شويه جديه
جديه*بس لا تخلو من روح الدعابه
طيب الجد جا والرجال بدا يجي بيتكم ... عجبتني جمله وحدة من العضوات قالت ما اطول نص ساعة علشان يشتاق وبعد الاقوال ما تخلص تجي الافعال
فنخلي هالموضوع خانه لاغلاط المخطوبات ولا ننسى ... نكتب طريقة التصحيح وكل وحدة تقول تجربتها الشخصية
اول غلطة يا بنات اللي سويتها اني ما انتبهت لهالنقطة (اسمعوها زين) يمكن لاني اول عروس بالعيلة وفاله بالدنيا واسمع من ذا ومن ذا ولا انتبه لاغلاط بنات جيلي
لانه الشباب معلومكم يختلفون من جيل لجيل ... ونصيحة خالتك او عمتك يمكن ما تمشي عند عريس الغفلة
نجي لموضوعنا
غلطة رقم (1)
انا ارتكبتها شخصيا وندمت عليها وبحاول انشا الله اصلحها
لا ابدا لا والف لا تخلين عريسك يجيك كل اسبوع
معلومكم عرايس ولسه فيه عنصر الغموض واللهفه من قبل الطرفين
صار يقعد ويسولف في الاول كنا خجلانين والولد قال نخلي زواجنا بعد 3 شهور**كان متصربع**
وبعدين صارت 5 ومرت الايام وصارت 8 شهور
الحق ينقال الولد جاب حجة مقنعه بسبب عمله بس يا بنات من جد شعور مو حلو تتفقون على موعد ويقعد يتخدعك ويتسيدك ويشحدك توافقين عليه وباليالله تسوين ثقيلة وتقولين بدون نفس طيب
ههه * عايشه الدور** بس من جد موقف لا احسد عليه
وبعدين تنصدمين يقولك نبغى ناجلها بعد ما تسوين نص جهازك
قلنا اوك نمشيها لك
بعدين يقولك ناجل ثاني مرة
انا شخصيا بغيت اولع وسويت سالفة
بس من جد يا بنات اختصر عليكم هالطريق لا تبلطون مع ازواجكم يوم الملكة
خليها زياره كل شهر او مره كل اسبوعين ونص ساعو وتقومين فاهمة
لانه بعد الاقوال تجي الافعال وعنصر التشويق والغموض يقل (فهمكم كفايه) بس لا يروح بالكم بعيد ههه كله على خفيف
غلطة رقم (2)
انا الحمد لله ما سويتها بس متهيالي بنات ممكن يسونها
اذا قالك احبك من اول شهر مو تصيرين مخفة وتقوليله " وانا كمان احبك"
وش "وانا كمان احبك"؟؟؟ سلامات؟؟ توك تعرفينه واحبك خبط لزق؟؟
اثقلي على ام امه
قوليله احبك الله في الذي احببتني لاجله او قوليله حبتك العافيه خ
والله من جد يحس انك وحدة لغز ولازم يخترقك
انا قلتله احبك من ثالث شهر وياليتني ما قلتها بعدها كثرت الزيارات اللي انتم خابرينها
انا ما اقولكم اسحبوا عليه.. بس بالهداوة قولوله احساسي نحوك قوي او انتا شاغلني ومن هالكلام

• *وحدة تحترم كلمة انا احبك** وما تقولها بسهوله

لما يسمعها منك كثير تتعود اذنه .. انتي خليك وسط مو مرة تندلقين ولا مره تيبسين
غلطة رقم (3)
هنا نقطة جدليه بحته ... الخروج مع الخطيب او الزوج ايام الملكه
والله والله يا بنات اني بانصحكم لا تطلعون معاه لانه رجال السعوديه اغلبهم شكاكين الا من رحم ربي
انا الحمد لله وحده نبهتني وحطيت النصيحة باقصى راصي والحمد لله ما اطلع معاه الا مع ماما (او بابا ) ** وحدة نذله
البعض يقول ايش فيها وهو زوجي حلالي اطلع معاه لحالي .. اقولها كيفك حسب عاداتكم وعلى حسب شخصيه الزوج ولكن...... هالنقطة مثل ماقلنا جدليه

• *انا اعرف وحدة زوجها سبور ومخه فلاوي يقول لزوجته بعد ما اتزوجوا

"والله لما رفضتي تطلعي معايا ايام الملكة....."" احترمتك!"" بهذا النص
خير يالاخو؟؟ ايش احترمتك وما احترمتك ولكن عش كثيرا ترى كثيرا
ابغى تعليقاتكم وتجاربكم وبالاخص المتزوجات
ودمتم سالمين