الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
بنت صقور وماعليها قصور
13-04-2022 - 06:04 am
بسم الله الرحمن الرحيم
السلام عليكم ورحمة الله وبركاتة
بصراحة احترت وين احط الموضوع
.
.
.
.
.
هذه القصه لوحده عانس تقول : مازال الامل موجود قلت هالكلمه وانا اناظر خشتي بالمرايا .. مازال الامل موجود .. يعني لو تنعم ذاالشوشه والخشم يقصر شوي والبراطم ياليت من يدخل ابره وينسمهن والعيون تاسع وتكبر والخدود يوردن كان اصير ملكه جمال بسم الله علي >>> وش بقى مير وبينما انا اهوجس بخشتي تدخل علي امي وتقول: قومي اكنسي الحوش قلت: هاه قالت: اللي سمعتيه وطلعت وتركتني احارب هم كنس الحوش ..حاولت اقنع نفسي واشجعها للفكره وقلت كوود يشوفن ولد الجيران وانا اكنس الحوش ويعشقن ويخطبن >> احلام عانس ... نزلت الحوش وكنسته وانا رافعتن قميصي ومطلعتن العصا قيل مير لمحت ولد الجيران فتح الطاقه وقال ( استخفر الله) وصك الطاقه قلت بقلبي : ياي ياربي يستحي وبعد ماقضيت من كنس الحوش طلعت حجرتي اخذت شاور ثمن نزلت الحوش مرة ثانيه >>>> ناويه تجيب اجل ولد الجيران واقعد على المرجيحه وعيوني على طاقتهم .. شوي والمحه ياربي طلع يشوفني >>> ايه هين ........ وكان ماسك الجوال ويتكلم عاد مين يكلم مدري !! بس شكله يكلم احد >>> لاياشيخه .. المهم وابدا اتمرجح وبينما انا في هذه الحاله المقرفه فاذا ب أمي تطب علي !! وهذا اللي ماعملت حسابه اول مالمحتها طيرت عيوني وقلت: يماه شوفي ابن الكلب النذل الحقير ولد الجيران قاعد يوايدز علي وامي تناظرني وتهوجس: وش يناظر فيتس ياحسره وانا جايبتن عاهه مهب بنت ....قومي بس ادخلي بلا فضايح
.
.
بعد هالموقف .. اقصد بعد ماصدت ولد الجيران وهو يوايدز علي =يبصبص للعرابجه .. وانا ماش مدري شجاني ..اول مرة احس اني انثى وفتنه مثلي مثل كل البنات .. ومرة من المراريت كنت منسدحه افكر وش البس لا جوا الجيران يخطبونن لولدهم؟ يووه اخاف ابوي يردهم ويقول بنيتي توها صغيره >>> مير مب مصدق يفتك من تس وبعد وش اسوي لا اعرست؟ اكمل دراستي والا افضي نفسي لزرجي وعيالي؟ طيب لا اعرست وعشت بعيد عن اهلي وعزموني جيراننا على عرس بنتهم وش البس >>>>>> يبيلها تكفيخ على ذا السؤال .. وبينما انا اهوجس بمستقبلي ومستقبل عيالي اللي بيجيبهم .. فإذا بي اسمع صوت امي: ملوسنه ملوسنه وضربه ... انا: سمي يماه ........ ورحت لها صاروخ خبركم عاد اللي يبر بوالدينه عياله يبورن بوه وانا لاخطبن ولد الجيران واعرست عليه ابي عيالي يبورني >>>>> مصرة انه بيخطبها
قلت: سمي يمه ناديتين ؟؟ قالت: ايه اخوانتس يلعبون بالحوش.. طلعي را ستس من الطاقه وناديهم يجون يتعشون قلت: يمه انا تبيني اطلع راسي من الطاقه؟ بعدين شلون اناديهم عيب يمة نسيتي اني بنت وصوتي فتنه قالت: اهابس ناديهم ولايكثر هرجتس.. مير اللي يسمع صوتس فتنه عليه مهب صوتس اللي فتنه >>>> ياشين التحطيم وناديتهم طبعا تتوقعون وش صار يوم ناديتهم....
كل الهنود اللي ب البقالات تجمعوا قدام بيتنا يحسبونن شغاله والله مب مني وش ذنبي اني اشبه التكارنه
. مرة تشجعت وارسلت له هالرساله : وربطت الرساله بحصاة وجدعتها على طاقتهم شوي والا ترجعلي الرساله مشققه ومكتوب على وصله منها ( استخفر الله ) بيني وبينكم تحطمت مشاعري وانجرحت وقلبي عورني بس قلت احسن وش ابي بواحد ماعنده نظر وراسب بالعربي وبالدين بعد اجل ( ا ستخفر الله ( رحت لحجرتي ودخلت وصكيت الباب >>> يقالي بسوي احداث.. والقى اخوي قاعد(ن) يحوس باغراضي قلت: خير وش عندك بغرفتي قال: كنت اسلي نفسي الين تجين قال: اقول اسمعي عاد لا تجلسين تنافخين.. انا جايتس ابي منتس خدمه وش قلتي؟ قلت: اخلص وش عندك وطلع من جيبه صورة بنت مزيونه وقال : شفتي هالبنت قلت: الله يلعنك منهي ذي؟ قال: وحدة قلت: احلف على بالي واحد >>>>> ياشين استخفاف الدم قال: اسمعي بس هذي بنت ناس اغنيا بس ياحرام توفت قبل شهرين بحادث قلت: توفت الله يرحمها ... انا وش دخلن؟ قال: اصبري خليني اكمل كلامي لا اعطيتس كف .. هالحين اهل البنت مرة متاثرين ياحرام ويبون وحدة تشبهلها يربونها وتعيش عندهم قلت: طيب انا وش دخلن؟ قال: انتي هالبنت قلت: اقول بس وخر .. هالحين انتم اللي هو انتم اهلي متفشلين مني وذاك اليوم طحت بالسوق اختي بعدت عني وقالت مااعرفاها .. تبي الناس يخلونن بنتهم .. قال: صدقيني... فيه شبه كبير بينهم قلت: لا عاد احلف .. يعني انا بمستوى جمالها >>> ودخلت بمرحلة الهواجيس .. قال:لاعاد مهب لهالدرجه .. صحيح انكم تشبهون بعض .. بس هي على احلى وانتي على اشين قلت: والله من زين الشرح .. دام ماعندك اسلوب وماتعرف تجامل لا تسولف مع الناس وتجرح مشاعرهم قال: انتي اللي سالتيني قلت: حتى لو انا اللي سالتك .. ماتعرف تكذب؟؟ قال: طيب انتي حلوة وتهبلين الحين اهل البنت متأثرين ويبون وحدة تشبه بنتهم يربونها وتعيش معهم وش قلتي؟ قلت: وش يربونها ؟؟شايفني كلب والا بسه يربوني واعيش معهم قال : يعني خلاص ماتبين؟ قلت: شف من ناحية اني اسوي عمل خير ليش لا ؟؟ بس وش المقابل يعني كم بيدفعون >>> وين عمل الخير اللي تتكلمين عنه قال : نتفاهم بهالموضوع بكره مع الجماعه وطلعته وصكيت الباب وبلطت قدام دولابي .. ناظرت دولابي وخنقتني العبره تصدقون ينفع اصورة وانزل الصورة بالجريده واكتب تحتها
(نستقبل تبرعاتكم على العنوان التالي ) مير كل خرقه تقول للثانيه وخري انا اشين منتس.. والا الجزم بس!! احلى صندل ورثته من اختي قبل تتزوج .. بعدين اروح انا وشوشتي وبنت الجيران مستلفتن السشوار مني وشابكته على 220 ومنحرق لكن هين ابطلع قيمته من عيونها وطلعت من غرفتي باتجاه الصاله حيث تقبع عائلتي الكريمه ووقفت بالنص بحيت اقطع الارسال بينهم ..ناظرت ابوي وقلت: يبه ابي فلوس ؟ قال: ياشين المزح هالحزه قلت: يباه من جد اتكلم مسأله حياة او موت قال: روحي غرفتس ولايكثر هرجتس ناظرت امي وقلت: يماه قولي شي قالت: روحي غسلي الكراث وجيبيه قلت : الشرهه مب عليكم الشرهه عاللي تصير بنتكم >>>> عسى ماتكلف تي بس و رجعت لحجرتي وانا اجر حبال الخيبه والخيبه تجر حبالي .. وقلت مالي الا اعتمد على نفسي اببتل وانا تحت رحمة اللي اسمه (ابوي) واللي اسمها ( امي )>>>>> جحدتهم ....... وبجيب الفلوس بجيبها لو حتى اسرق !! اسرق!! ايه وراه مااسرق وابوي الفلوس على قلبه مثل الرز .... بعدين السالفه لافيها تانيب ضمير ولاشي لانها بالنهايه بعد عمر طويل الله يطول بعمرك يايبه الفلوس يتصير لي يعني لايوجد فرق بين الان وبين بعد عمر(ن) طويل >>>>>> يخرب بيتك ياشوشو خربت اخلاق البنت >>>>>
والا يعني كانت الاخلاق تمام نسيتي ولد الجيران والعصاقيل جبت قلم ورسمت الخطه بدفتر الرياضيات حق اخوي من ورى >>>> تسمع بالتوفير... خطه انما ايه متخرش الميه >>> اخاف انها تخر دلاخه مش ميه .. الخطه اني انتظر لمين يجي الليل وينام البيت كله وابدا بالتنفيذ وادخال اليد في جيب ثوب ابوي واخراج المحفظه وفتحها ومن ثم اخراج مبلغ وقدره ومن ثم اعادة المحفظه في جيب الثوب ولا انسى اخراج يدي من الجيب >>>>> اخاف من الربشه انساها او يجوز لها الوضع وتبتل بوه وجاء الليل ونام كل من فالبيت بما فيهم انا >>>> خربت الخطه .... لكن شوشو صحاني من النوم وقال يالله يالملوسنه حان وقت نتفيذ الخطه.. بيني وبينكم كنت خايفه وضميري يدغدغن لكن شوشو شجعني >>> حتى الشيطان بيتدلع .. بيلب ئلوه يؤبر ألبي نفذت الخطه بحذافيرها ولطشت لي كم خمس ميه وانحشت لغرفتي ونمت وانا ضميري مستريّح >>> الله يخلي شوشو يهون عليك بهالمواقف ويخليك تقدر تنام من بكره وانا رازتن نفسي بالسوق وشريت لي احلى بدله واحلى صندل طبعا كلو ماركه حتى البكله شريتها ماركه وصرت كلي من فوق لتحت ماركات .. ورحت للكوافير وسنعت لي خشتي وشوشتي وصرت احلى من مذيعة صادوه 2 بعد عمليات التجميل >>> يعني مااستفدنا شي وبعد مارحت لهم وقابلت جدته م قالت الجدة: ملوسنه هذا الدكتور مايكل متخصص جراحه وتجميل نبيه يصلح خشم تس وبراطمتس وكم حته كذا قلت: والله؟ منزمان وانا ودي اغير خشمي ودخلوني غرفه وخدروني وبعد كم ساعه قمت ومدري وش جاني ...... كيذا يوم قمت حسيت نفسي بنت >>> العادة تقوم وتحس نفسها عنز.. حسيت اني ناعمه شكلهم بعد غيروا الجلد .. ناظرت حولي وبديت اتحكك ياربي اثره شعري لا تحركت يتحرك معي >> والا العاده تنكسر الرقبه والشعر توه بمكانه ... صرخت باعلى صوتي: هاتوا مرايا تكفون مافيني صبر >>>> ياربي حتى صوتي وش هالنعمومه معقوله حتى الاحبال الصوتيه غيروها وجابولي مرايا وناظرت فيها وقلت: انا قلت عطوني مرايا مهب صورة عارضه ازياءءءء قالوا: هذي مرايا قلت: لا عاد ..... وبديت احرك حواجبي واعفط خشتي باشوف هي صدق مرايا والا يلعبون علي وبعد مااقتنعت ان هذي انا حسيت بنشوه عارمه والفرحه سيطرت على كياني والبسمه احتلت خشتي . وقلت عرس سوير بنت جيراننا نهاية الاسبوع... قسم لو احضره كان كل اللي بالعرس يخطبوني وانا عاد اتدلل واتنقى بلا ولدالجيران بلا بطيخ ... تذكرت ولد الجيران والتفت على الدكتور وقلت له: دختور مايكل انتم سويتوا شي بظهري؟ قال: مير غيرنا العمود الفقري كله قلت: اشوى لان ظهري انكسر من كثر مااكنس الحوش عشان اشوف ولد الجيران اشوى انكم غيرتوه لان مابي اي شي يذكرني بالماضي المرير >>>> شكلهم حتى غيروا المصطلحات اللي بقاموسي اجل مرير اجل وصرت اعيش عندهم وعطوني جناح كامل وانواع الدلال اول مرة بحياتي اقول كلمة( مامي ) العاده اقوله يمه والا يماع.. بس تدرون وانا هالكلام اقوله عن تجربه ..كلمة مامي غير شكل تحس انك شي وانت تقولها.. اول مرة احس اني انتم ي لفصيلة البشر.. وان لاصارلي شي لاسمح الله بياقفون معي حقوق الانسان صراحتن مليت وانا احتري جماعة الرفق بالحيوان ينظرون في امري ..والا يوم سمعت ان رجل اعمال تبرع بثروته للكلاب الضاله جلست احتري عند باب بيتنا احتري ياصلني شي من المساعدات .. طبعا مانسيت اهلي الصدزيين وبيتي الاولي عاد منيب قليلة خاتمه لهالدرجه.. بس كنت اتعيجز ازورهم والا اكلمهم ... لكن مرتن من المراريت مسكت علبة كبريت ولقيت مكتوب عليها( قديمك نديمك ) والله ثم والله اني مدري وش معنى هالجمله والا هل هي مثل والا بيت شعر لكن يوم قريتها خنقتني العبره ورحت ازور اهلي واخذت لهم هدايا وطبعا مانسيت اميمتي جبت لها كم حزمة كراث معتبر مستورد من ايطاليا وجبت لها كبتشينو كراث وكراث سنبون و كراثييز >>( على وزن كوكيز ).. ورجعت لابوي المبلغ اللي لطشته منه وفوقها بوسه.. وسددت لاخوي اقساط السيارة وعبيت له بنزين ونويت اعشيهم وقلت كل واحد يقول وش مشتهي والا اميمتي تقول: ابي سمك محشي بكريريث >>>>> مير ياشين القراوى لاتطوروا وبعد فتره هدت نفسيه ام البنت ورجعت لطبيعتها وقالت خلاص ياملوسنه ارجعي لاهلتس ومشكورة على اللحظات السعيده اللي عيشتيني فيها وهذا حسابك .. عطتني شيك وصرفته وبنيت لي عمارة اترزق منها وعشت حياتي طبيعيه حياة بنوته حلوة وامورة بنوته سعيده والعرسان على باب بيتنا طوابير طوابير لدرجه ان مليت من كلمة: ملوسنه جاتس خطاطيب ومرة كنت طالعه اعمل شوبنق ووقفت بالحوش احتري السواق يجيب السياره والمح ولد الجيران يواديز علي.. ناظرته وقلت ( استخفر الله ) .. وطلعت وصكيت الباب
للأمانة
م
ن
ق
و
ل
السلام عليكم ورحمة الله وبركاتة
بصراحة احترت وين احط الموضوع
.
.
.
.
.
هذه القصه لوحده عانس تقول : مازال الامل موجود قلت هالكلمه وانا اناظر خشتي بالمرايا .. مازال الامل موجود .. يعني لو تنعم ذاالشوشه والخشم يقصر شوي والبراطم ياليت من يدخل ابره وينسمهن والعيون تاسع وتكبر والخدود يوردن كان اصير ملكه جمال بسم الله علي >>> وش بقى مير وبينما انا اهوجس بخشتي تدخل علي امي وتقول: قومي اكنسي الحوش قلت: هاه قالت: اللي سمعتيه وطلعت وتركتني احارب هم كنس الحوش ..حاولت اقنع نفسي واشجعها للفكره وقلت كوود يشوفن ولد الجيران وانا اكنس الحوش ويعشقن ويخطبن >> احلام عانس ... نزلت الحوش وكنسته وانا رافعتن قميصي ومطلعتن العصا قيل مير لمحت ولد الجيران فتح الطاقه وقال ( استخفر الله) وصك الطاقه قلت بقلبي : ياي ياربي يستحي وبعد ماقضيت من كنس الحوش طلعت حجرتي اخذت شاور ثمن نزلت الحوش مرة ثانيه >>>> ناويه تجيب اجل ولد الجيران واقعد على المرجيحه وعيوني على طاقتهم .. شوي والمحه ياربي طلع يشوفني >>> ايه هين ........ وكان ماسك الجوال ويتكلم عاد مين يكلم مدري !! بس شكله يكلم احد >>> لاياشيخه .. المهم وابدا اتمرجح وبينما انا في هذه الحاله المقرفه فاذا ب أمي تطب علي !! وهذا اللي ماعملت حسابه اول مالمحتها طيرت عيوني وقلت: يماه شوفي ابن الكلب النذل الحقير ولد الجيران قاعد يوايدز علي وامي تناظرني وتهوجس: وش يناظر فيتس ياحسره وانا جايبتن عاهه مهب بنت ....قومي بس ادخلي بلا فضايح
.
.
بعد هالموقف .. اقصد بعد ماصدت ولد الجيران وهو يوايدز علي =يبصبص للعرابجه .. وانا ماش مدري شجاني ..اول مرة احس اني انثى وفتنه مثلي مثل كل البنات .. ومرة من المراريت كنت منسدحه افكر وش البس لا جوا الجيران يخطبونن لولدهم؟ يووه اخاف ابوي يردهم ويقول بنيتي توها صغيره >>> مير مب مصدق يفتك من تس وبعد وش اسوي لا اعرست؟ اكمل دراستي والا افضي نفسي لزرجي وعيالي؟ طيب لا اعرست وعشت بعيد عن اهلي وعزموني جيراننا على عرس بنتهم وش البس >>>>>> يبيلها تكفيخ على ذا السؤال .. وبينما انا اهوجس بمستقبلي ومستقبل عيالي اللي بيجيبهم .. فإذا بي اسمع صوت امي: ملوسنه ملوسنه وضربه ... انا: سمي يماه ........ ورحت لها صاروخ خبركم عاد اللي يبر بوالدينه عياله يبورن بوه وانا لاخطبن ولد الجيران واعرست عليه ابي عيالي يبورني >>>>> مصرة انه بيخطبها
قلت: سمي يمه ناديتين ؟؟ قالت: ايه اخوانتس يلعبون بالحوش.. طلعي را ستس من الطاقه وناديهم يجون يتعشون قلت: يمه انا تبيني اطلع راسي من الطاقه؟ بعدين شلون اناديهم عيب يمة نسيتي اني بنت وصوتي فتنه قالت: اهابس ناديهم ولايكثر هرجتس.. مير اللي يسمع صوتس فتنه عليه مهب صوتس اللي فتنه >>>> ياشين التحطيم وناديتهم طبعا تتوقعون وش صار يوم ناديتهم....
كل الهنود اللي ب البقالات تجمعوا قدام بيتنا يحسبونن شغاله والله مب مني وش ذنبي اني اشبه التكارنه
. مرة تشجعت وارسلت له هالرساله : وربطت الرساله بحصاة وجدعتها على طاقتهم شوي والا ترجعلي الرساله مشققه ومكتوب على وصله منها ( استخفر الله ) بيني وبينكم تحطمت مشاعري وانجرحت وقلبي عورني بس قلت احسن وش ابي بواحد ماعنده نظر وراسب بالعربي وبالدين بعد اجل ( ا ستخفر الله ( رحت لحجرتي ودخلت وصكيت الباب >>> يقالي بسوي احداث.. والقى اخوي قاعد(ن) يحوس باغراضي قلت: خير وش عندك بغرفتي قال: كنت اسلي نفسي الين تجين قال: اقول اسمعي عاد لا تجلسين تنافخين.. انا جايتس ابي منتس خدمه وش قلتي؟ قلت: اخلص وش عندك وطلع من جيبه صورة بنت مزيونه وقال : شفتي هالبنت قلت: الله يلعنك منهي ذي؟ قال: وحدة قلت: احلف على بالي واحد >>>>> ياشين استخفاف الدم قال: اسمعي بس هذي بنت ناس اغنيا بس ياحرام توفت قبل شهرين بحادث قلت: توفت الله يرحمها ... انا وش دخلن؟ قال: اصبري خليني اكمل كلامي لا اعطيتس كف .. هالحين اهل البنت مرة متاثرين ياحرام ويبون وحدة تشبهلها يربونها وتعيش عندهم قلت: طيب انا وش دخلن؟ قال: انتي هالبنت قلت: اقول بس وخر .. هالحين انتم اللي هو انتم اهلي متفشلين مني وذاك اليوم طحت بالسوق اختي بعدت عني وقالت مااعرفاها .. تبي الناس يخلونن بنتهم .. قال: صدقيني... فيه شبه كبير بينهم قلت: لا عاد احلف .. يعني انا بمستوى جمالها >>> ودخلت بمرحلة الهواجيس .. قال:لاعاد مهب لهالدرجه .. صحيح انكم تشبهون بعض .. بس هي على احلى وانتي على اشين قلت: والله من زين الشرح .. دام ماعندك اسلوب وماتعرف تجامل لا تسولف مع الناس وتجرح مشاعرهم قال: انتي اللي سالتيني قلت: حتى لو انا اللي سالتك .. ماتعرف تكذب؟؟ قال: طيب انتي حلوة وتهبلين الحين اهل البنت متأثرين ويبون وحدة تشبه بنتهم يربونها وتعيش معهم وش قلتي؟ قلت: وش يربونها ؟؟شايفني كلب والا بسه يربوني واعيش معهم قال : يعني خلاص ماتبين؟ قلت: شف من ناحية اني اسوي عمل خير ليش لا ؟؟ بس وش المقابل يعني كم بيدفعون >>> وين عمل الخير اللي تتكلمين عنه قال : نتفاهم بهالموضوع بكره مع الجماعه وطلعته وصكيت الباب وبلطت قدام دولابي .. ناظرت دولابي وخنقتني العبره تصدقون ينفع اصورة وانزل الصورة بالجريده واكتب تحتها
(نستقبل تبرعاتكم على العنوان التالي ) مير كل خرقه تقول للثانيه وخري انا اشين منتس.. والا الجزم بس!! احلى صندل ورثته من اختي قبل تتزوج .. بعدين اروح انا وشوشتي وبنت الجيران مستلفتن السشوار مني وشابكته على 220 ومنحرق لكن هين ابطلع قيمته من عيونها وطلعت من غرفتي باتجاه الصاله حيث تقبع عائلتي الكريمه ووقفت بالنص بحيت اقطع الارسال بينهم ..ناظرت ابوي وقلت: يبه ابي فلوس ؟ قال: ياشين المزح هالحزه قلت: يباه من جد اتكلم مسأله حياة او موت قال: روحي غرفتس ولايكثر هرجتس ناظرت امي وقلت: يماه قولي شي قالت: روحي غسلي الكراث وجيبيه قلت : الشرهه مب عليكم الشرهه عاللي تصير بنتكم >>>> عسى ماتكلف تي بس و رجعت لحجرتي وانا اجر حبال الخيبه والخيبه تجر حبالي .. وقلت مالي الا اعتمد على نفسي اببتل وانا تحت رحمة اللي اسمه (ابوي) واللي اسمها ( امي )>>>>> جحدتهم ....... وبجيب الفلوس بجيبها لو حتى اسرق !! اسرق!! ايه وراه مااسرق وابوي الفلوس على قلبه مثل الرز .... بعدين السالفه لافيها تانيب ضمير ولاشي لانها بالنهايه بعد عمر طويل الله يطول بعمرك يايبه الفلوس يتصير لي يعني لايوجد فرق بين الان وبين بعد عمر(ن) طويل >>>>>> يخرب بيتك ياشوشو خربت اخلاق البنت >>>>>
والا يعني كانت الاخلاق تمام نسيتي ولد الجيران والعصاقيل جبت قلم ورسمت الخطه بدفتر الرياضيات حق اخوي من ورى >>>> تسمع بالتوفير... خطه انما ايه متخرش الميه >>> اخاف انها تخر دلاخه مش ميه .. الخطه اني انتظر لمين يجي الليل وينام البيت كله وابدا بالتنفيذ وادخال اليد في جيب ثوب ابوي واخراج المحفظه وفتحها ومن ثم اخراج مبلغ وقدره ومن ثم اعادة المحفظه في جيب الثوب ولا انسى اخراج يدي من الجيب >>>>> اخاف من الربشه انساها او يجوز لها الوضع وتبتل بوه وجاء الليل ونام كل من فالبيت بما فيهم انا >>>> خربت الخطه .... لكن شوشو صحاني من النوم وقال يالله يالملوسنه حان وقت نتفيذ الخطه.. بيني وبينكم كنت خايفه وضميري يدغدغن لكن شوشو شجعني >>> حتى الشيطان بيتدلع .. بيلب ئلوه يؤبر ألبي نفذت الخطه بحذافيرها ولطشت لي كم خمس ميه وانحشت لغرفتي ونمت وانا ضميري مستريّح >>> الله يخلي شوشو يهون عليك بهالمواقف ويخليك تقدر تنام من بكره وانا رازتن نفسي بالسوق وشريت لي احلى بدله واحلى صندل طبعا كلو ماركه حتى البكله شريتها ماركه وصرت كلي من فوق لتحت ماركات .. ورحت للكوافير وسنعت لي خشتي وشوشتي وصرت احلى من مذيعة صادوه 2 بعد عمليات التجميل >>> يعني مااستفدنا شي وبعد مارحت لهم وقابلت جدته م قالت الجدة: ملوسنه هذا الدكتور مايكل متخصص جراحه وتجميل نبيه يصلح خشم تس وبراطمتس وكم حته كذا قلت: والله؟ منزمان وانا ودي اغير خشمي ودخلوني غرفه وخدروني وبعد كم ساعه قمت ومدري وش جاني ...... كيذا يوم قمت حسيت نفسي بنت >>> العادة تقوم وتحس نفسها عنز.. حسيت اني ناعمه شكلهم بعد غيروا الجلد .. ناظرت حولي وبديت اتحكك ياربي اثره شعري لا تحركت يتحرك معي >> والا العاده تنكسر الرقبه والشعر توه بمكانه ... صرخت باعلى صوتي: هاتوا مرايا تكفون مافيني صبر >>>> ياربي حتى صوتي وش هالنعمومه معقوله حتى الاحبال الصوتيه غيروها وجابولي مرايا وناظرت فيها وقلت: انا قلت عطوني مرايا مهب صورة عارضه ازياءءءء قالوا: هذي مرايا قلت: لا عاد ..... وبديت احرك حواجبي واعفط خشتي باشوف هي صدق مرايا والا يلعبون علي وبعد مااقتنعت ان هذي انا حسيت بنشوه عارمه والفرحه سيطرت على كياني والبسمه احتلت خشتي . وقلت عرس سوير بنت جيراننا نهاية الاسبوع... قسم لو احضره كان كل اللي بالعرس يخطبوني وانا عاد اتدلل واتنقى بلا ولدالجيران بلا بطيخ ... تذكرت ولد الجيران والتفت على الدكتور وقلت له: دختور مايكل انتم سويتوا شي بظهري؟ قال: مير غيرنا العمود الفقري كله قلت: اشوى لان ظهري انكسر من كثر مااكنس الحوش عشان اشوف ولد الجيران اشوى انكم غيرتوه لان مابي اي شي يذكرني بالماضي المرير >>>> شكلهم حتى غيروا المصطلحات اللي بقاموسي اجل مرير اجل وصرت اعيش عندهم وعطوني جناح كامل وانواع الدلال اول مرة بحياتي اقول كلمة( مامي ) العاده اقوله يمه والا يماع.. بس تدرون وانا هالكلام اقوله عن تجربه ..كلمة مامي غير شكل تحس انك شي وانت تقولها.. اول مرة احس اني انتم ي لفصيلة البشر.. وان لاصارلي شي لاسمح الله بياقفون معي حقوق الانسان صراحتن مليت وانا احتري جماعة الرفق بالحيوان ينظرون في امري ..والا يوم سمعت ان رجل اعمال تبرع بثروته للكلاب الضاله جلست احتري عند باب بيتنا احتري ياصلني شي من المساعدات .. طبعا مانسيت اهلي الصدزيين وبيتي الاولي عاد منيب قليلة خاتمه لهالدرجه.. بس كنت اتعيجز ازورهم والا اكلمهم ... لكن مرتن من المراريت مسكت علبة كبريت ولقيت مكتوب عليها( قديمك نديمك ) والله ثم والله اني مدري وش معنى هالجمله والا هل هي مثل والا بيت شعر لكن يوم قريتها خنقتني العبره ورحت ازور اهلي واخذت لهم هدايا وطبعا مانسيت اميمتي جبت لها كم حزمة كراث معتبر مستورد من ايطاليا وجبت لها كبتشينو كراث وكراث سنبون و كراثييز >>( على وزن كوكيز ).. ورجعت لابوي المبلغ اللي لطشته منه وفوقها بوسه.. وسددت لاخوي اقساط السيارة وعبيت له بنزين ونويت اعشيهم وقلت كل واحد يقول وش مشتهي والا اميمتي تقول: ابي سمك محشي بكريريث >>>>> مير ياشين القراوى لاتطوروا وبعد فتره هدت نفسيه ام البنت ورجعت لطبيعتها وقالت خلاص ياملوسنه ارجعي لاهلتس ومشكورة على اللحظات السعيده اللي عيشتيني فيها وهذا حسابك .. عطتني شيك وصرفته وبنيت لي عمارة اترزق منها وعشت حياتي طبيعيه حياة بنوته حلوة وامورة بنوته سعيده والعرسان على باب بيتنا طوابير طوابير لدرجه ان مليت من كلمة: ملوسنه جاتس خطاطيب ومرة كنت طالعه اعمل شوبنق ووقفت بالحوش احتري السواق يجيب السياره والمح ولد الجيران يواديز علي.. ناظرته وقلت ( استخفر الله ) .. وطلعت وصكيت الباب
للأمانة
م
ن
ق
و
ل
التعليقات (2)
شاب يقول لن أصلي حتى تجيبوني على 3 أسئلة→