خيانه زوجي ساعدوني

1. بقولكم قصتي من البدايه

السلام عليكم جميعا

بقولكم قصتي من البدايه

متزوجه وعندي 4 اطفال قصتي قصه مع زوجي عايشه بحب وسلام الحمدالله والشكر رجلي طيب ومعيشني احلى عيشه يارب لك الحمد رغم انه في نقاط غلط فيه الا ان خيره مغطي عيبه
مشكلتي معه من قبل 4سنوات كان عنده رقمين رقم للعمل ورقم خاص بالصدفه كان معي رقم العمل وكنت قاعده اقلب فيه فيه وشفت رساله لرقم غريب بدون اسم كانت غزل وذاكر فيها اسم بنت انا صعقت وتعبت ونفسيتي شفت التاريخ كنت وقتها طالعه وهو موجود المهم اخذت الرقم ودورته بجواله الثاني لقيته موجود وكذا تاكدت ان الرساله هو اللي مرسلها مو احد من اصحابه
راجعت السجل عشان اتأكد واكون على بينه لقيت مكالمات كثيره بس كلها ماتتعدى ال10 دقايق
وقتها انهرت وبكيت لين احترق وجهي لاني ماقصرت معه بكل شي بلبس ودلع وكل شي يعني الزوجه والصديقه بمعنى الكلمه
ماكنت اتوقع انه في من الايام يخون لان اللي بيننا قوي فوق مااحد يتصور
المهم قررت اواجهه بالرساله وكل المكالمات
مواجهتي له صارت باب لجهنم وفتحته علي وصار يحلف ويوقل مو هو بس داخلي مقتنعه انه هو المهم فلب السالفه علي وصرت انا اللي اتجسس و. و
صارت وقتها مشكله كبيره وقلب كل شي علي وكاني انا الخاينه مو هو المهم انا دقيت على الكلبه الله يشلها يارب ويمرضها مرض ماتقوم منه
لا احد يقول لاتدعين عليها من حرتي والله
المهم ارسلت لها دعوه هزتها ماخليت كلمه ماقلتها لها وكلمتها ومسحت فيها البلاط عاد هي انكرت وبدت بقوه وصارت تهدد انا
مااهتميت لها
بعد دقايق الاقي اختها الكبيره داقه علي وتقولي استغفري ربك انا ماقصرت زدت عليها لان دمرتني من داخلي
المهم تصالحت مع زوجي وفهمني انه موله الرساله مشيتها له لان ماابي بيتي يخرب
المهم ارسلت لزوجي تهدده وتقوله انها بتادبني
مشت حياتي بعدها الحمدالله بس رجعت
قبل كم يوم شفت رساله غريبه تطلبه بطاقه شحن لان السواق حقها مضيع ولا فيه شحن جوالها
والاقي بالمرسله رقم شحن مرسل مااهتميت لان الرقم كان مسجل باسم رجال يبدا بحرف اسمها مااهتميت وبعد شهر من الرساله الاقي نفس الرقم طالب شحن وكنت الرساله في الصباح وقت دوامه
حسيت وقتها بحراره تمشي بعروقي واشوف الرقم وكنت حافظه الرقم السابق والاقيه نفس رقم البنت السابقه اللي قبل 3 سنوات
بكيت بكيت ماقدرت اتحكم بنفسي حسيت وقتها اني انسانه نكره غبيه لهاالدرجه انا مغفله
انقلبت حياتي بعدها صرت لاعايشه مع عيالي ولازوجي صرت جسد بلا روح
آآ ه حسيت رغم كل اللي بيننا ولاشي في نظره صرت لاشفتها اشوفه وحش قدامي بعدها حس بتغيري مس الرساله من جواله
لكن الحين وش اسوي معه نفسي متشتته ماادري اواجهها ولا صفحه واطويها
انا مابي عايلتي تتفكك وتفرح الكلبه ولا ابي ازعل واروح بيت اهلي مابي يصفى له الجو وعارفه لو بواجهها بتصير نفس السالفه القديمه
احياناا تجيني افكار شيطانيه اني اواعد البنت واقتلها مثل ماقتلت قلبي واتعوذ من ابليس
ابي انتقم منها ابي ارجع زوجي ابي افهمه اني اعرف ودي ابلغ الهيئه بس وش اقولهم بيقولون مافيه بينه بس مشتته
ساعدوني الله يفرج لكم دنيا واخره هونوا علي