داخله على الله ثم عليكم

الف مبروك
اول شي االشناط مالة السفر عشان اذا شريتي شي تحطينه على طول لانو مامعاج وقت
ثانيا على طول روحي فصلي او استاجري فستان زفافج والزواره او شوفي لج جاهز
ثالثا ملابس داخليه اقمصه نوم طويله قصيره
احجزي كوافير
خذي حمام ودلكه بالاسبوع مره
ام
خذي لج 3 البسه فخمه للطلعات
خذي لج قميص نوم ابيض او اوف وايت لاول ليله قطعتين طبعا
ام
عطورات 7 او6 وميك اب
3 شنط تناسب الالبسه الفخمه وتناسب الطلعات
ساعه فخمه
مسك
ياليت تشوفين توقيعي يمكن يفيدج
انتي اشتري كل شي لانو ماعاد في وقت والاهم ابدي بالفساتين والحجوزات
ام لاتنسين اغراض الصيدليه
عبايه
وغطاة وطرحه
ام
ذهبج اكيدولاتاكثرين بييج هدايا مع صباحتج وشبكتج
ام استشوار وحجوزات الصبغه والتنظيف مال البشره
حبيبتي ابدي وبتلحقين وتدرين انا جهزت هاللي تشوفينه بشهر وتعبت حاليا ووقفت ولو واصلت يمكن اخلص
الله يوفقنا وياج والف الف مبروك لاتذكرت شي بييج هني

اسفه ياقلبي ماعندي خلفيه ابد لاني بس مخطوبه لسه ماسويت شي
بس حبيت اقول الله يسهل عليك ويوفقك ان شاء الله وتكوني احلى عروسه ياعسل

والله تمنيت اني اعرف شي بالاحساء عشان افيدج بس عالعموم اذا عندكم ماركات فلازال الخصم على اهم عروض نحتاجها مثل
الجزم اكرمج الله في فنسي وتشارلز اند كاث والدو وناين وست
ونعومي ولاسنزا لوف انذا روز <<اقمصة نوم
ام ملابس زارا وام بريشكا وامم في وايد ماركات خصم

شوفي ياعسل...انا بس مملكه...بس أختي زيك..
توه حدد الزواج وهو بعد العيد..
رح..أكتب الاساسيات..
وكمآآآآآآآآآن النظآآآآآآآم حق شعرك وبشرتك..
والله يسهل عليك..
لي عووده

اهلين اختي ...
بما اني في الاحساء يمكن اقدر اساعدك
روحي السويق حجزي لك فستان اول من المهيوب او اي محل مع مسكة عن الزحمة وتاختارين الموديل الي يعجبك مايكون محجوز
والمشفل عندك يمدحون الملكة ومركز الاحلام ونوارة وانا عن نفسي رحت عند وحدة حيل حلو شغلها في المحدود ام حسن القاضي
واحجزي لك حناية رحت عند وحدة نفس الشي في المحدود وحلو حناة
ومصورة كان تبينها تجي معك في الاستراحة
وروحي شارع النجاح واخذي لك ملابس نعومة وتنانير وتي شورتا وعطورات وعباة وشنط
واي خدمةحنا حاضرين ....

فديتكم كلكم وفديت ردودكم
على الاقل احس ان في احد معي والله ماتشوفون شكلي حتى النام ماعدت انامه عيوني طلعت وبشرتي صفرت يعني من كل الجهات ................
مشكورين على المرور
انا خلصت امس من اول ليله بس باقي لي المسكه لاني مفكره اني احط ورد طبيعي بس من غير مسكه اللي عندها فكره او اسم محل او صوره
وبعدين انا اخذت مع الفستان تاج............بس فكرت فيها قلت يمكن يصير التاج قديم ولا شرايكم ؟ وشنو الجديد؟
وناويه اليوم اشوف لي العبايات والشيلات بس مو عارفه وين اروح ؟؟؟؟؟؟؟؟؟؟
معليش بشغلكم معي في هالشهر بس والله حاسه اني محتاسه لحالي
على العموم انا استى مساعداتكم بعد نوم ومافيه كل شوي بدخل واشوف
ونسيت الدزه وشنو بسوي وبشغل
اه اه اه اه اه قهر قهر
انا افكر اني اقوله خلاص مابي حفله وافتك

موفقه يآرب

الله يوفقك..للأسف مااعرف محلات بلحساء..الله يعينك وان شاء الله البنات يفيدونك

الله يعينك حبيبتي
بما انو مافي وقت تعملي خلطات لشعرك وبشرتك فأنا اشوف انها شي مالو مرا داعي
كلنا عارفين صراحه انو الخلطات نادرا ماتعمل نتيجه والنتيجه يادوب تبان خصوصا عالبشره
بس اهم شي انك كل اسبوع من اليوم تعملي تقشير لجسمك بالمر والملح الخشن
والدلكه لو قدرتي تسويها في اي صالون دي الحاجتين اعتبرها اهم حاجه والي لها تأثير فوري
وبالنسبه لبشرة وجهك كل يوم قبل ماتنامي حطي فازلين لشفايفك ..ولرجلك والبسي شراب
وكل يومين مرا حطي ماسك لوجهك لبن زبادي لمده ساعتين ومرا حطي نشا وموية ورد مرا حتشوفي
الفرق وافضل انك تحطيهم بعد ماتعملي تقشير بسيط لبشرتك من اي مقشر متعوده تستخدميه انا استعمل
كلين اند كلير يلي بالحبيبات مرا يلائمني وبالنسبه للشعر ماعندي خلفيه عن احسن زيوت تعطي مفعول فوري
دي بعض الحاجات الي احسها تعطي تأثير فوري ونتايج حلوة بما انو الفتره قصيره
وبما انو موية الورد معروفه انها تورد البشره لاتكتفي انك تحطيها بس كقناع مع النشا اضيفيها مع كل كاسه مويا
حطي شويا مرا موية ورد
بالنسبه للملابس كتير من ملابس البيت
لانو كتير يشترو ملابس للخرجات وينسو ملابس البيت لاتنسي انو بعد الزواج عالاقل اول فتره بتكون العزايم قليله
او خروجك نوعا ما اقل...الا لو عندكم الوضع غير بس يعني عشان لاتضيعي وقتك على ملابس خروج بس
وشوفي الحاجات الضروريه اول بعدين ابدئي بالاشياء التانيه
واكتبي الحاجات الي تبغيها من الصيدليه ومن السوبر ماركت في ورقه وفي يوم واحد روحي اشتريهم وخلصي منهم
لمن يقرب موعد الزواج حاولي تنامي اليل قد ماتقدري عشان الهالات السودا تختفي وبشرتك تكون رويانه
ومو مرهقه