دبش العروس وتقسيمي للمهر

السلام عليكم
حابه اقلكم عن تجربتي بالمهر والتقسيم
اول شي اللي مهورهم اكثر من 40 الف نصيحه نصيحه لا تصرفي المهر كله
لازم العروس تترك بحسابها كم الف لبعد الزواج احتجتيهم انزنقتي بشي
مايسير الوحده تروح بيت زوجها وخصوصا انتي داخله حياه جديده ماتدري اش تواجهي ممكن ذي الفلوس فكلك ازمات كثيره
نجي للتقسيم مع الاوقات المناسبه للشراء
اول شي تشتريه
1- ملابس النوم
( قبل الزواج ب 6 ل 5 اشهر )
لان ملابس النوم مالها موضه وماحتلبسيها الا لزوجك فالرجال مايهتمو بالجديد والقديم
استغلي ايام الخصومات
(بجامتين قطن وبجامه ساتان )
(6 لانجريات وبيبي دول)
( 8 اطقم ملابس داخليه )
شورتات وبوكسرات قطنيه اللي تجيك 3 او 5 حبات مع بعض زي بسنتر بوينت هي افضل شي
(7 قمصان نوم (4 طويل ) و(3 قصيره )
طقم ارواب مع مناشفها
روب منزلي طويل وروب قصير
طقم اول ليله
هذي خلي لها ميزانية 5 او 6 الاف
2- ملابس الخرجات
( قبل الزواج بشهرين او شهر )
6 بنطلون من رسميه لجنزات
3 فساتين قصيره
2 فساتين طوييله ( واقصد فيها فساتين الزيارات مو فساتين الزواجات )
5 شورتات
5 تنانير قصيره
2 طويله
6 بديهات ( البدي مره يستهلك بالنوم بالقعده بالبيت بالطلعات )
3 جاكيتات رسميه
3 بلايز رسميه
4 تيشيرتات
ايشاربات
اكسسوارات بسيطه جدا حلقين خاتمين وهكذا لانك حتشتري ذهب
حزامين اسود وبني
هذي خلي لها ميزانيه من 5 الى 6 برضو واستغلو الخصومات
خذي 1 فستان فخم للزواجات ( لاتزيدي لانك لو احتجيتي راح تنزلي الاسواق كثير )
و 2 تايور برضو فخمه و
1 جلابيه لو حبيتي تكون حقت زواره عروس
خليلها 4 الاف
2 شنطه ماركات خلي لها 2000 ريال
و1 فلات للخروج
و 4 جزم ( الالوان اساسيه اسود احمر تايقر ازرق اخضر وهاكذا )
1 صندل للمناسبات
ميزانية الجزم 1500
عبايه زيارات وعباية خروج 600او 700 ريال
محفظه 50 ريال من نيولوك او اكسسواريز
ساعتين فخمه 2000 ( فضي او ذهبي او اسود )
شراريب للبيت هيلاهب وكيلونات ب 200 ريال
3 - مكياج وعطور
العطور
خذي 3 عطور (2 قويه و1 خفيف )
1 طقم مع عطره للحمام
ميزانيتيهها
مسك للطهاره و بخوره و عوده و فواحه وزيوت فواحه و فحم واكياس معطره وبخاخ دولايب ومبخره
هذي كلها ميزانيتها 2500
نجي للمكياج
2 كريم اساس واحد للمناسبات (ماك ديور سان لوران فور ايفر ) وواحد للاستخدام المتكرر ( بوروجوا ماكس فاكتور )
1 بودره
4 ارواج
1 بيس
1 كحل
1 مسكرا
1جلتر
1 ايلاينر
1 كونسيلر
فرش مكياج
علبة شدو وارشح ريفالون او ريميل اونيكد بالبيت
3 الوان مناكير اساسيه ( احمر عودي وردي او بيج او لحمي ) لاتاخذي ازرق واخضر واسود انتي عروس وذي الالوان ماتنفع ابد
بالنسبه للي مايعرفو يسوو مكياج فاستثني الاساس حق المناسبات والكونسيلر والشدو واالجلتر والبيسس
لانك حتروحي لكوفير كل مناسبه فمايحتاج تكثري مكياج لانه حينعدم وحتندمي
خلي للمكياج ميزانية 1500 ريال
4 - ادوات الشعر
1 فير
1 سشوار او ستريتر
1 علبة بنس
فرشاة شعر ومشط
حطي ميزانية 600 ريال
5- الصيدليه
لزقات انف
مناديل مبلله
فوط يوميه
اولويز
قطن
لوشن
مزيل مكياج
فازلين
فكس
اسكينول
مرطب شفايف
امواس
شامبو شعر
مزيل مناكير
مزيل عرق
فرشه ومعجون للاسنان
اعواد اذاني
غسول فم
اويل بيبي
معقم
ديتول
مقص وملقط
غسول خاص
لزقات جروح
ومرهم جرووح
هذي ب 600 ريال تقريبا
عدسات ب 120
6- اغراض وادوات للبيت
مفارش وصناديق جزم وصناديق ااكسسوارات وعلاقات وشموع سجاجيد وشراشف ميزانية 1000 ريال
7- شنط السفر
لاتشتري اطقم انصحك لانك ماحتستفيدي منها
كل سفراتك حتكون اسابيع او شهر
فكل اللي تحتاجيه شنطتين وسط وصغيره بس
الشنطه الكبيره لو كنتي حتنقلي من بيت لبيت او حتسافري كم شهر وحتقشي كل عفشك كذه ممكن تاخذي طقم
حطي ميزانية 700 ريال
8 - الذهب
اختياري فيه ناس تشتري وناس لا
عندنا لازم العروس تشتري
نصيحه اشتري ذهب عيار 18 ليش
لانك انتي عروس حتاخذي شي حلو وينلبس الان الذهب صاير كانو اكسسوار بس عيار 21 مايجي منو اشكال حلو
وكمان العروس تنتبه تشتري ماركات زي داماس و غيرها لان الماركات تحسبلك الذهب بسعر جدا غالي
شي مهم تاخذي معاك رجال فاهم بالذهب ابوك او اخووك خالك عمك عشان يفاصل ويكاسر
لان الذهب يبغاله شطاره
ميزانيه متوسطه للذهب اهم شي لاتكثري لان اغلب البنات ماتلبس ذهب
ممكن تحطي 10 الاف
تاخذي طقمين صغار واسورتين وخاتمين وتعليقتين وبس
9 - مستلزمات العروس يوم الزواج
فستان الزواج والمسكه والطرحه و والتاج والمكياج والمصوره والكوشه والاكسسوار( افضل فضه )
هذي كلها مااقدر احط لها سعر معين كل عروس حتختار اللي يناسبها ويناسب ذوقها وميزانيتها
بكذه يكون اخذتي من مهرك 35 الف بدون ميزانية يوم الزواج
ان شاء الله اكون ساعدتكم
طبعا كل وحده وشطارتها تقدري تستغني عن اشياء خصوصا اذا كان عندك اشياء لسا جديده مايحتاج تشتري عادي تاخذيها معاك
زي السشوار والفير او جزم لسا جديده ونظيفه او كم لبس لسا جديد تاخذيه معاك وتوفري ميزانيه
المكياج اذا عندك مكياج لسا جديد لاتشتري خليه لدبشك مو لازم كل شيي بقرطاسه
دمتم بخير