دبش العروس

<<شمرت عن ساعديها ..
شوفي انا ماحب حركات التل والتغليف ومعرف ايه احب الشي التقليدي جدن ادري غريبه بس سبحان الله احب كيدا ..
بس اضطرت اني اسوي شي لانو مامة خطيبي جايبه زفافه من بيتي لبيتها وناس وحفله وهيك فاضطريت اتلحلحل شويا ..
اول شي :
الانجري اكياسو اتكفلت بيها صاحبة ماما ربي يجزاها بالخير ومرا كانت حلوه ..
البرا والبانتي لها اكياس ستان مقفله تفكيها تلاقيها مقسومه اربعه مربعات وكول مربع ينقفل بطقطق ..
القمصان القصيره لها برضو شي زي كيدا بس طويل مقسم تحت بعض الواحد فيلو 12 قسم مرتب جدن ..
انا حطيت اغراضي جواتو وحطيتها فاكياس الملابس وعلقتها ..
جبت استاندين واحد طويل وواحد فيلو عمودين طويل وقصير ..
والباقي طبقتوا وكول مجموعه ربطتها بشريطه وححطها في الشنط ..
الملابس الي على الاستاند جبتلها شماعات ستان وفي اكياس الملابس ..
الحمام الله يعزك روحت هوم بلازا جبت اشيات الحمام الي جوا لانو ماحب الاشيات الرسميه وجبت دولاب فيلو درجن بلاستك حطيت فيها المناشف واغراض الحمام وباقي كم رف جبت علبه طقم الطقم حق الحمام الله يعزك وحطيت باقي الاغراض ..
الارواب جبتلها علاقات نعومه وملبسه بس حق المام يعني تفرق عن حق ملابسي وبعلقها في ديك الاشيات حق الحمام ..
الميك اب والعطور جبت تباسي فخمه الي مرايا وطرفها فضه وحطيت اغراضي وبغلفها بالسولفان <<لانو ينرمي ومايسوي زحمه بعدين ..
وجبت شرايط وورود مرتبه من العيسائي وبلفها في ان شا الله ..
وكمان في التسريحه انا جايبه طقم من الهند مرا مرتب <<دا فوايد الي تملك فترا طويله من كل سفره تشتري شي ..
في الادراج جبت علب وحطيت الاكسسواريز الي مالها علب في اكياس اورنقزا صغيره وحطيتها في العلب ..
طيب نجي للشوزات الله يعزكوم جبت لها كراتين من بانافع في البلد دلتنا علي الحرمه انفة لذكر
هيا بلاستك شافا مرا مرتبه حطيت فيها الشوزات بس بعضها كراتينها مرا فخمه خليتها ..
الشنط اكترها بالدست باق حقها بس الي مالها زي بعض حق السهره حطيتها فاورنقزا ..
وحطيت كول الشنط فبوكس شفاف اخدتو من ايكيا ..
شو كمان طبعن العوده ودي الشغلات حطيتها في الطقم الي من الهند عشان خشبيات فيلبق ..
وبص ...