دخلت بينكم لاتخيبوني

حبوبة دامج حاسه
حاولي تغيرين من نفسج
صح ان صعبه بالبدايه بس بعدها
ببتعودين وبتتغير نفسيتج
حاولي تغيرين جو
تطلعين .. تسافرين
وشوي شنو يصير معاج
حطي ببالج ان هذي
الحياه مابتعيشينها
الا مره وحده
لا تضيعينها بضيقه
وكدر وتعب وهم ..

حبيبتي وش تخطبين له الله يهديك وين عقلك
ازمتك ربي بيفرجها بس انتبهي تعلميه باسراركم من البداية
ولي تتغيرين شوي ولا بيميلك ترى فترة الملكة اروع شي وهي الي دايم يتذكرها الزوج
غيري حالك تكلمي وارمي كلمة حلوة لو بالغلط جيبيله هدية وحطي معاها كارت وعبري عن الي بقلبك
دعواتك لي ربي يحفظني وعائلي من الحاسد

هلا فيك
انا مثلك كنت وللحين في فترة الخطوبه
بس هذا طبيعي
اسمعي وتجاوبي معه
وكذا راح يصير معاك بس انتبهي لاتبالغين في السكوت راح يمل منك
وشاركيه الافكار والاراء وقولي اللي في خاطرك ولا تسكتين خليه يعرف من انتي!!
<<<<<<مجربه خ
الله يوفقكم ويسعدكم جميعا

اخطبي له خليه ينبسط !

مشكورين على المرور بس وربي انا ماقلت هالكلام الا لاني وصلت لدرجه اني مو عارفه شسوي
حسيت الدنيا صعبه ويبغى لها
يعني ودي اعيش حالي حال كل البنات احس بالسعاده انا حتى نفسي مو قادره احبها

يو الله يعينك والله مشكله
بس الحل بيدك حبيبتي
إذا الانسان طيوب وحبوب ليش ماتحبينه ؟!!
يعني انجبرتي عليه ولا شلون؟؟؟؟
وقبل كل شي تعلمي كيف تحبين نفسك علشان تقدرين تتعودين عليه وتحبينه
موفقه غلاتي

ههه
حلوه تخطبين له
غناتي انا مثلك مخطوبه
وبدايه الخطوبه كنت زيك .. حتى ساعات ابكي
اقول مافي شي مشترك بينا مافي ومافي ماعرف اسولف
بس بعدين صرت اتجرى غصب عني
لان زوجي يستحي وانا استحي وش تبين ؟؟
<< مقضين اليله يا على الصامت << انا وهو ساكتين
وساعات هوه يجي ياقلبي تعبان من الدوام ويجلس كيف حالك شخبارك وش فيك ساكته
بعدين ينام .. والله وانا حدي اطالع فيه طول اليل
المهم انا حسيت بعد اني ابي شي في حياتنا شوي تغيير
فقلت ما الي الا اني اغير جو با اساله
يعني مثلا قوليله في التلفون
حياتي ممكن اسالك كم سؤال
واسالي الي تبين ؟؟
قوليله وش اطباعك؟؟
اساليه عن الشي الي يحس انه مشترك بينك وبينه <<< انا بيني وبينك سالته لاني بصراحه قمت اصيح ماعرف وش الشي المشترك بيني وبينه
بس عجبني يوم قالي انك فرفوشه وتحبين المزح والضحك زيي <<< استظرف لاني معه واجد
استظرفي عليه
او مثلا ناقشيه بموضوع
يعني مثلا قوليله .. انه مره صارت سالفه كده وكده وكده .. وش رايك فيها ؟؟
وحاولي تجيبيلك موضوع وتخلين المكرفون عنده وهو يبربر وانتي تسمعي
<< بس جد انصحك بالاساله لانك بتخليه هو الي يسولف
يعني قوليله وش كان شعورك اول ماشفتني ؟؟
وش مواصفات البنت الي تمنيتها .. في شي في تصرفاتي يظايقك ؟؟
اي شي عندك اساليه موقف مفرح حصل له
مين اصحابه ...... مين الي يحمل اسراره ..
انا بصراحه الحين زوجي هو الي يقولي ماعندك اساله <<< انبسط على السالفه بعد روحي
والله يتمم لك على خير ان شاء الله

ليش ماتعيشن ايامك ترى احلى ايام ايام الملكه وراح تتذكرونها بعدين لاتفوتين ولالحظه فيها
عندنا هنا بالمنتدى ملف خاص بافكار المملكات ادخلي واستفيدي
وعودي الرجال على الكلام الحلو واشبعي رغباته
الله يوفقكم

الله يصلح بينكم