- الدبش وشي اساسي مانقدر نستغنى عنو وكل وحده وحسب ذوقها وميزانيتها
السلام عليكم ورحمة الله وبركاته
مرحبا عرايسنا بالاحضان
تعالو ندردش سوا عن الفرح ومستلزماته وقد ايش بياخد مننا جهد وتعب ولفلفه الين ماتورم رجولنا وفلوس وتكاليف خصوصا انو كل شي سار غالي دي اليومين وبحث عالنت الين ماتسير هالات تحت عيوننا
الدبش وشي اساسي مانقدر نستغنى عنو وكل وحده وحسب ذوقها وميزانيتها
فستان الفرح ماتحسو انو صار مبالغ فيه يعني حينلبس مو ليله 5 ساعات بالكتير واقل خياطه تسويلك هوا ب 7000 غير القماش طبعا تقولك فستان فرح دا وانتي الي بتتعبي وتلفي وتجيبي اصغر فص وخرزه فيه ولو جيتي تبغي جاهز تلقي شي مو مره مكلف ووصل ل 10000
نجي للفرح الي القاعات قاعده بتفتري فينا القاعه لوحدها مو اقل من 20000 الكوشه تتعدى ال 7000 هدا لو سويتيها ناعمه المصوره بمدري كم المطربه ماشاء الله مفكرين نفسهم اصاله ولا احلام دحين المشهورين مو اقل من 15000وبين كل اغنيه فاصل ونواصل
واخر شي يقولولك والله كويس الفرح مو مره يعني لو سوو كده وماعملو كده سبحان الله رضا الناس والمجتمع عندنا بالذات غايه لاتدرك ابدا
تعجبني افراح الغرب في بساطتها ياه على فستان العروسه ومكياجها وشعرها لحسن عرايسنا يوم الفرح تطلعلك كانها علبة الوان والله تتغير عليكي وماتعرفيها وتنطمس معالم وجهها وعيونها الحلوين حتى النظره تتغير عشان هيا عروسه ولازم تحط كل المكياج وي اجل يقولو سوت مكياج ناعم مايصير
ميوزك خفيفه وتجلس مع ضيوفها وتنبسط من اول اليوم مو زينا مسكينه تنزف وحيلها مهدود هيا من الظهر عند الكوفيره وتروح لعريسها في الفندق وعيونها حمرا تعبانه مسكينه ههه
حتى صلاة الفجر مايمديها تصليها ياربي كيف نبغى ربي يباركلنا ونبدا حياتنا كده
صح هيا فرحة العمر بس نبغى كمان ربي يباركلنا خير الامور الوسط والمبذرين اخوان الشياطين
حتى الرسول قال ابركهن ايسرهن مهورا ياحبيبي يارسول الله
غير انو العين انتشرت دي اليومين بشكل فضيع عاد مايحتاج اقولكم اش بيصير بسببها
هذا غيظ من فيض وانتظر دردشتكم معايا
آشيآء وآجد تقهر
وآلقهر آلآكبر آنهآ ليله بس يعني صرفنآ دم قلبنآ عليهآآ !!
يآحظ آلفرنسيآت ^^
ويسمنو ع آلموزوع آلخوقآقي لي رده آكيد ..
بس علميني بكم فصلتي آنتي ومن فين ^^