درس لمكياج يومي ناعم بالرسم المتواضع مني لكم

هاي بنات شلونكم
انا وحده فاشله بالفوتوشوب لواعرفله جان طايحتله دروس لكم للاسف
وبينت جربته وكان صعب شوي
فقررت ورسمت لكم بالكراسه والالوان
عاد بس حسافه ان بعد السكانر والتصغير والتحميل الالوان تغيرت :(
بس ادري فيكم اذكيه وبتفهموني
هالمكياج حلو حق مكياج يومي انتي بتشوفين الوان صح بس الرسمه تعتمد عالالوان الفاتحه وكحل بس تحت العين
ماكو فوق فيطلع حيل ناعم وراقي
مثل هالرسمه تقريبا مالقيت بالضبط بس بدون شدو تحت العين
وهالرسمه اكثر رسمه ارتاح عليها لانها سهله وتضمنين انها تطلع حلوه
بس سوري عالالوان تغيرت
راح اشرح عالوردي
وبعدين بوريكم الوان
الرسمه تعتمد غالبا على لون واحد من درجتين
اول شي قبل ماترسمين حطي لون فاتح على كل العين مثل بيج او صدفي لحد حواجبج بس يكون طبيعي وخفيف
بشرح عالوردي والفوشي
1- تحطين اول شي اي شدو وردي فاتح عالجفن المتحرك وجزء بسيط من فوقه
من الزاويه الداخليه لحد قبل نهايه الجفن المتحرك
2- تحطين اي شدو فوشي انا من طرف العين ترسمين مثل زاويه حاده وتدخلين عالشدو الفاتح
3- تدمجينهم ببعض تحطين ماسكرا بس ماكو كحل فوق ولا ايلاينر بس ماسكرا وحطيها عدل عشان يروح الي تناثر عالرمش
4- تحطين كحل خط تحت العين من المدمع للزاويه الخارجيه وتمشين تحت الشدو مثل الصوره يصير حاد الشذو من تحت وحطي كحل داخل العين بعد
واخر شي لاتنسين التاتو مال الحواجب
الرسمه هذي وايد حلو مع بلاشر وحمره طبيعيه وجلوس تشوفينه اللون فاقع بالطرف بس اهو مايبين وانتي مبطله عينج يصير ناعم بس مبين شوي مثل الرسمه فوق وتحت الحين بوريكم لما تغمضين تهبل ولابطلتي تهبل
هذي الدرجات الي انا استخدمها
بس الصراحه مافكر اكرر رسم الايد ضاق خلقي من الالوان صارلي ساعه انقيهم اخر شي طلعو غير
مالقيت صوره توضح بالضبط بس تشبه هذي الصور
شكرا