درس مكياج بالالوان الترابية جديد و حصري بالصور

1. اتمنى عجبكم الدرس و عندي شوية ملاحظات بسيطة

مرحبا فراشات
هاذي اول درس اسويه و محتاجة تشجيعكم ^__^
اللووك اللي بنشتغل عليه درجات البني و الالوان الترابيه
اول خطوة صرنا حافظينها ننظف البشرة و نوزع الكونسيلر و فوقه البودرة الحرة و الي تحب ممكن تستخدم بيس للجفون يكون من درجات البيج
الخطوة 2
نرسم الحواجب و نرتبهم
الخطوة 3
نوزع الاضاءة باللون الذهبي الباهت يعني على لؤلؤي>> طبعا ماطالع بالصورة لان تقريبا نفس لون الاساس
الخطوة 4
نوزع الشدو البني الرملي على الجفن المتحرك و مانطلع على الجفن الثابت و مثل ما ملاحظين نسحب شوي لفوق عند الزاوية اللخارجية يعني نرسم مثلث
الخطوة 5
ناخذ لون شدو اغمق من الي استخدمناه قبل و نوزعه فوق اللون الاول من الزاوية الخارجية لحد منتصف الجفن المتحرك و ندمج اللونين
الخطوة 6
نختار لون بني على اورانج و نوزعه على حدود اللون الرملي و ندمجهم مع بعض
الخطوة 7
نحدد خط الرموش من فوق بالكيك اي لاينر اسود و نسحبه لفوق على حدود المثلث الي رسمناه بالخطوة 4 و بعدين نموه اللون باستخدام شدو اسود
الخطوة 8
نحدد خط الرموش السفليه بالكيك اي لاينرالاسود لنص الجفن بس
الخطوة 9
تحت الخط الاسود نوزع اللون الاورانج الي استخدمناه بالخطوة 6 و ندمجهم مع بعض
الخطوة 10
في منتصف الجفن المتحرك نحط شويه لون ذهبي او صدفي لامع
الخطوة 11
نرتب الالوان مع بعضها و نضبط الدمج حسب شكل الجفن
الخطوة 12
نرسم العين بالاي لاينر السائل اسود و نكحل العين من داخل
الخطوة 13
نحط الماسكارا او الرموش
الخطوة 14
و اخر شي الشفايف تكون بلون الكاراميل
و هاي صور المكياج على الطبيعة

اتمنى عجبكم الدرس و عندي شوية ملاحظات بسيطة

مثل ماشفتو انا مادخلت في مسالة الماركات و انواع الفرش لان الفرش صرنا عارفين استخداماتها و الماركات الزينة معروفة و كل وحدة تستخدم الماركة الي تريحها>> الي بالصور كله مكياج ماك
و للامانة المكياج الي بالصور موب شغلي انا كل الي سويته اني طبقت الخطوات على الورق و مثل ما انتو عارفين التطبيق على الورق صعب لان اللون مايتوزع و يمسك عدل مثل البشرة و اي غلطة صعب تصحيحها و الالوان على البشرة طبعا تختلف>>> و اعتذر عن رداءة التصوير مطلع الالوان بايخة بس على كل حال النتيجة النهائية بالصور و انشالله تعجبكم
ناطرة تفاعلكم و ارائكم
^__^