دكتور شاطر ومجرب لعلاج قلة الحيوانات المنويه

المهيريه

03-05-2022 - 03:56 pm

دكتور شاطر ومجرب لعلاج قلة الحيوانات المنويهصبحكم الله بالخير والسرور...
شو أخباركم ان شاء الله بخير...؟
يا بنات عندي استفسار وبغيت مساعدتكم..
وادريبكم ما بتقصرون ويايه ...
انا من اكثر من سنتين معرسه ولين الحين ما حملت...
وانا الحمد لله كل شي عندي اوكي..وما فيني شي والدوره منتظمه..
بس زوجي الله يشفيه يارب..عنده قلة في الحيوانات المنويه ..
عدد الحيوانات قليله بشكل كبير...
ياريتكم اتساعدوني..وايلي مرت بنفس حالتي وحملت اتخبرني عن الطريقة...
وايلي تعرف دكتور شاطر ياريت تخبرني عنه ولا تتاخر وتبخل عليه.. وشو كان علاجها عنده وهل هو مجرب...
اترياكم فديتكم... لا تتاخرون عليه...
ربي يحفظكم ودمتوا...

التعليقات (9)

ام_مرام

03-05-2022 - 07:34 pm

الله يرزقج و يرزقني و يرزق كل المسلمات
ما ادري عن الدكتور
بس تقدرين تسوين تلقيح صناعي وان ما نفع سوي تلقيح مجهري

محبة الزهراء77

03-05-2022 - 08:35 pm

الله يشفي زوجك ويرزقكم الذرية الصالحة عن قريب
شوفي حالات قلة الحيوانات المنوية تختلف
العدد مو كل شيء يعني الحركة مهمة والتشوهات ودوالي الخصية مهمة وكذلك هرمونات الزوج مهمة اذا كان فيها لخبطة فهذا مؤشر جيد للعلاج
كل هذه النقاط يجب مراعاتها وتحليلها عند ذالك فقط تعرفين ماذا يناسب حالات زوجك من وسائل الحمل المساعدة

المهيريه

03-05-2022 - 09:36 pm

((ام_مرام..))
========
صباح الخير...
تسلمين فديتج على مرورج وردج...
وبخصوص التلقيح انا سويت كم مره وما فاد معاي للاسف..:(
وعن التلقيح المجهري...زوجي مب راضي ابد اسوي تلقيح صناعي..
يالله يالله اقتنع يسوي التلقيح الصناعي..
ودمتي فديتج..

المهيريه

03-05-2022 - 10:37 pm

((محبة الزهراء77..))
============
صباح الفل..
تسلمين فديتج على الدعوه...والله يرزقج ا يلي في بالج يارب..
الحين ان شاء الله لو يتني الدوره هالشهر وان شاء الله ما اتيني..
بخليه يسير يسوي تحليل ويشوف شو بالضبط ايلي عنده..
لانه الحين ياخذ عسل هالفتره ويا اللقاح و بنشوف النتيجه وان شا ءالله خير..
وبعدين بنشوف شو بالضبط بنسوي..
وان شاء الله اظهر حامل هالشهر يارب
دعواتكم لي ولكل محرومه بالحمل عاجلاً غير آجل
يارب
ودمتي حبوبه وربي يحفظج ويسلمج من كل شر..

المهيريه

03-05-2022 - 11:38 pm

ليش مطنشينموضوعي ومحد رد عليه..
مشكورين..

نــريهان

04-05-2022 - 12:39 am

للرفع.......
افيدونا

قلبي لزوجي

04-05-2022 - 01:40 am

السلام عليكم اختي المهيرية مدامج من دبي بدلج على دكتورة مب دكتور مشهورة وايد وزينة وايد
د. جوان في الشارجة وايد ممتازة سيروا عندها و هي بتعالجكم
مكانها الصراحة ما أعرفه بس إخذي رقمها من البدالة (عيادة الدكتورة جوان مراد) صح إن علاجها غالي وان شاء الله تحملين على ايديها .. والله يرزقج و يرزقني و يرزق المسلمين أجمعين بالذرية الصالحة

* لانا *

04-05-2022 - 02:41 am

داومي على الاستغفار وقراءة سورة البقره مع النفث عليك وعلى زوجك وفي ماء الشرب
والله يرزقنا ويرزقكم الذريه الصالحه عاجلا غير اجل

المهيريه

04-05-2022 - 03:42 am

((قلبي لزوجي..))
============
صباح الورد..
تسلمين حبوبه على ردج..
انا رحت عندها وسويت تحاليل وقالتلي كل شي اوكي عندج..
بس زوجي عنده وايد قلة في الحيوانات المنويه..
واقلتلي بعطيج دواء الهملايا لزوجج لمده 3 شهور...
ولو ما فاد ما بيفيدج غير اطفال الانابيب..
وازوجي موول مب مقتنع باطفال الانابيب..
بس المفروض كانت تعطي علاج لزوجي غير ..
بس حسيت انها تبغي اتسوي اطفال انابيب لانه بس تخصصها وبتحصل فلوس ..
ما اعرف شو اسوي..
:(

مشكلتي مع الدورة الشهرية ارجو الدخول←
اللي مرت بقرحة عنق الرحم→