دورتي بعد عملية التلقيح

عادي خليك يا قلبي وهي بتنزل من نفسها

اختي ان سبق سويت وحصل عندي حوسه بس راجعي الدكتورة وهي تفيدك ، وسؤال اذا سمحتي انتي وين سويته

حبيبتي
انا مرت علي نفس حالتج
ما نزلت علي لمده شهرين اهي تجي بس مثل ما قلتي بني غامق ولا خفيفه كلش
عاد انا راجعت الطبيبه وسوبت تست حمال وطلعت مو حامل الي سوت الطبيبه لي انها عطتني حبوب نتزل الدوره في وقتها والشهر الي طاف انزلت بشكل طبيعي ويمكن بغزاره اكثر اشويولازم الدورهنتزل بشكلها الطبيعي علشان ما يصير لعب في هرموناتج الداخليه ويصير لج مانع حمال هذا الي قالته لي الدكتوره
شوفي يمكن ما نتزل عدل والسبه الحاله النفسيه والتفكير انه مافي حمال ولا الحمال تأخر وهل شي ياثر حيل على اي وحده
لازم تراجعين الدكتوره وتوصف لج الشي المناسب
وان شاء الله نسمع خبر طيب لج ولي

حبيبتي الله يرزقك الحمل وانتي لاتفكري فيها وهي بتنزل لحالها

اختي اتوقع بسبب التفكير والنفسيه
بس راجعي الدكتور واهو يوصفلج الشي المناسب
اما تتركينها وتنزل طبيعي
او يعطيج حبوب عشان تنزل عليج
وماتشوفين شر حبيبتي
والله يعوضج ويرزقج بيبي
تحياتي لج حبيبتي

عزيزاتي اشكركم على ردودكم السريعة
الله يرزقني ويرزقكم بالخلف الصالح ويبرد قلبنا والله تعبنا
الحمدلله على كل حال
كل تأخيرة وفيها خيرة
غاليتي ((مجرد فتاة)) اني سويتها عند دكتور احمد بركات في البحرين خيوو اني بحرينية بس العلم مو راضي يصير بحريني ..
لكن نااس واايد يمدحونه لكن الله ما كتب ..
اني يمكن اروح الاردن عند الدكتور زيد الكيلاني ..
الله يوفقكم ويوفقني ويوفق المؤمنين اجمعين بحق نبينا محمد واله
نسألكم الدعاء ..

يا بيضه اسال الله العظيم ان يؤجرك على صبرك ويعوضك خير يارب00
وعسى ان تكرهوا شيئا وهو خيرا 00وخلي املك بالله كريم00والتكرار للعمليه
يساعد على نجاحها00ارتاحي واستغفري والله يعوضنا بالذرية الطيبه يارب

عزيزاتي ليما الحين ينزل عليي دم بني او اسود
متضايقة منه حدي
يقولون الدارسين اوكي ينزل الدورة عدل
هل هذا الكلام صحيح ..
صراحة اني مو حابة اروح الى الدكتور ..

حبيبتي بيضة اصبري انا اخدت بروفيرا وهي نفس الشي تنزل الدورة لكنها بتسبب نزول دم اسود او بني وانا نفس حالتك هلا بس ماعملت عملية لكن فكرت الدورة اجت وامبارح قطع الدم وصار ينزل بني واسود لكن عارفة انه من مفعول الدواء