ديكوراتي الخاصه للعطور

1. في البدايه هذا الموضوع مجهود شخصي مني تصويري وتصميمي وكل شي


2. هذي اتسريحه كامل

السلام عليكم ورحمة الله وبركاته
هلا بنات اخباركم كيفكم بجد بجد لكم وحشه على قلبي وحبيت احط اول موضوع مميز ومن تصميمي الشخصي

في البدايه هذا الموضوع مجهود شخصي مني تصويري وتصميمي وكل شي

طبعا انا من حبي الى اديكور والديكورات ونفسي اكون مصمة ديكور بس الأعارف والتقاليد عدنا تمنع هالشي يعني حرمه تطلع وتروح وتجي واكيد لازم فيه اختلاط بالرجال فقلت يالله افجر موهبتي في ديكورات بيتي وبالفعل كل الي يشوف بيتي يحس فيه لمسات فنيه >>>>حشا تقصين قصة حياتك
المهم ان صرت ارتب الى العرايس تسريحة العطور بحسب ماهي تحب الي ببلدي طبعا ومعارفي والحمد لله الكل عجبه تنسيقي والحين بحط لكم صور بعض التسريحات وطريقتي في تنفيذها
الرجاء عدم نقل الموضوع الى اي منتدى اخر
بسم الله
اول تصميم

هذي اتسريحه كامل

طبعا حطيت على التسريحه مفرش من المخمل مطرز بتطاريز هنديه وناعمه في نفس الوقت طبعا تعرفون ايش فايدة المفرش هنيه اولا جمال بعدين لو انكب او سال اي عطر سواء مركز او يو دي برفيوم مايخرب الخشب
اخذت سله من الحديد ناعمه بشكل تبسي للتقديم (صحن تقديم ) وفرشته بشيفون عنابي خمري عشان يتناسق مع المفرش البيج الذهبي كان متر في متر وسويته بشكل تموجات داخل السله بعدها جبت غصن ورد من سيتي بلازا عنابي ولفته على جوانب السله وحطيت وزينته بالعطور والورد المجفف
وهذي السله الي فيها العطور
طبعا زينتها بعد بكركوشة ستاره وفراشات وحوالين السله شموع صغار بشكل ورد
وهذي الجره اخذت الوان تناسب الغرفه الى العروس وبعدها نسقت معاها ورد واغصان وطلعت روعه
بامكانك تزين العطر نفسه ووضعه امام السله او شراء زجاجة عطر مزينه وانتي قومي بتعبئتها بعطرك المفضل
وهذي بعض افكار لتزين العطر
نقرة لتكبير الصورة
نقرة لتكبير الصورة
جميع الصور بالحجم الكامل
وضع العطر في سله صغيره مناسبه ولزق ورود وكرستالات بنفس لون العطر
واكيد عندي المزيد بس بعد ماشوف ارائكم في التصميم الأول والجاي احلى ان شاء الله اتمنى ماتكسفوني