ذاكرة الأيام ودفتر احزاني قصة واقعيه للكاتبه حلم عمري

راعي: سيري المحكمة مهرووه الخطيرة.
روضة: بعد هب رايم إطرشها.
وعاد إهنيه....... تكتمل السالفة ... سالفة روضة في الجات.يظهر واحد من الجات.
طوفان: أفا بنراضيك راعي.
راعي: لا ما اباها.
مهرووه الخطيرة: ما عليه يا راعي حدك كرولا مكحكحة.ويا صورة الرنج ومسمنها تكسي بعد.
طوفان: راعي ودرها وأنا اباها.
راعي: مهرووه الخطيرة موتي قهر مش حتنازل عنك مهما يكون.
روضةتحدر على راعي الخاص.
مهرووه الخطيرة: بو سيف عاد لا تمصخها بتفضحنا ، أكثر جان إمبونه كم من واحد يعرف إني ريال الحين الكل بيعرف.
راعي: لا كمل ابو جاسم.. ويظهرون على العام.
مهرووه الخطيرة: خلاص راعي انا راضيه طلقني ... طلقني .. خلاص.
وتموا يتغايضون.... وطلعت روضة من الجات..
:
:
وفي اليوم إلي بعده لروضة مشوار ثاني ويا الجات...
الجزء السابع
في اليوم إلي بعده حرة روضة، "روضة روضة إستويتي إدمان على الجات وهذا كله إلا من أيام لو من شهور وبنين كيف بيكون وضعج.
في هذا اليوم كن راعي في روم ثاني وروضة في الروم تدخلة، كانت تغايض إلي في الجات وتعليقات وكانت تعلق جنها واحد من الشباب وإلي هي بالاساس خلاص واحد منهم.
يحدر طوفان على الخطيرة.
طوفان: الخطيرة إنتي إهنيه.
روضة يا ربي بعد أنا قلت خلاص محد بيش على الخاص.
مهرووه الخطيرة: خير، لكل حد سواء بنت أول ولد عشان تطفربهم ومايفكرون يحدرون عليها على الخاص.
طوفان: تعالي لحقي في الروم الثاني.
مهرووه الخطيرة: شوه مستوي ضرابة، عاد روضة بع كانت تقولهم لحقو ضرابة ومناك ماشيء بس خلاص هذا طبع في الشباب.
طوفان: تعالي بسرعة شوفي ريلج.
مهرووه الخطيرة: منوه.
طوفان: راعي.. روضة والله لو تعرف هذا كله خريط في خريط. .
مهرووه الخطيرة: شوه بلاه.
طوفان: تعالي ظهري من هالروم وسيري الروم الثاني ،ويطلع طوفان على العام.
ترجع اخطيرة تحدر عليه.
مهرووه الخطيرة: تعال شوه مستوي.
طوفان: يا عذابي . روضة في خاطرها شوه يا عذابي بعد لا أكون ميته فيه والله صدق ما خذين مقلب في عماركم وأنت لو تعرف إنه راعي يعرفني إني ريال والله ماضنتي بتحدر وبتقول. بس روضة كانت تبغي تمسك أي شيء على راعي وكانت تبغي تغايضة مثل ما تغايض كل إلي في الجات.
مهرووه الخطيرة: أي روم يالله قول.
طوفان: أنا بسير ولحقيني.
روضة تطالع في الغرف وإلا شوف غرفة بإسم راعي.. وتحدرها روضة.
مهرووه الخطيرة: إنته إهنيه.
راعي: ولكمو الخطيرة.
مهرووه الخطيرة: مبروك على الروم الخاص إلي لك.
والكل إلي في الجات يعلق بتعليقاتة.
راعي : خلاص إلي بينا إنتهى.
وعاد راعي كان يبغي يكمل ويا مهرووه الخطيرة على هالاساس.
مهرووه الخطيرة: خلاص ودرني هيه شوه عليك روم بإسمك.
راعي : حسد ..حسد.
مهرووه الخطيرة: زين يوم عطوك تمليك إنته بقعة ما تلاقي تنام فيها.. إلا في التكسي.
راعي: ههه.. حلوه بس لا تعيها، وكمل راعي ويا إلي في الجات.
روضة خلاص كانت واصلة حدها ملت من الجات والصدق إنه كانت تحاول ما تدخل عليه لأنها حست إنها غلطانه بدخلتها الجات وإلي هي من متى تفكر به أصلن...شافت عمرها كيف هيه كنت وكيف صارت بدخلتها الجات وكانت تقول خلاص آخر يوم بس خلاص يا روضة إدمان إدمان ووين وين لين ما تتخلصين منه.
طوفان يحر على روضة الخاص.
طوفان: السلام عليكم ورحمة الله وبركاته. روضة يالله بعد شوه يبغي هذا ما عليه بيظهر الحين بس روضة على الاقل كانت ترد السلام.
مهرووه الخطيرة: وعليكم السلام ورحمة الله وبركاته.
طوفان: منوه.
مهرووة الخطيرة: خير، شوه تبغي.
طوفان: خير،
مهرووه الخطيرة: شوف ما انفعك دور حد غيري.
طوفان: الخطيرة واحد.
مهرووه : شوه رايك.
طوفان: وحدة.
مهرووه الخطيرة بسير انتوا ما عنكم غير سلسلة الرسوم المتحركة.وتطلع الخطيرة على العام .. كانت روضة ضايقة مالها خلق لحد دخلت الجات وشافته كيف ماقادرة تكمل في هذا المشوار لأنها بعمرها ما فكرة إنها راح تنزل لهذا المستوى.
طوفان على الخاص يحر على مهرووه الخطيرة.
طوفان: تعالي ..تعالي.
مهرووه الخطيرة: خير.
طوفان: كملي شوه سلسلة الرسوم المتحركة.
مهروه الخطيرة: سلسلة الرسوم المتحركة، هذي عندكم إنتوا يا الشباب.
طوفان: كيف.
مهرووه الخطيرة: والله كلام فاضي أول جزء منها.. ممكن نتعرف.
طوفان: كملي.
مهرووه الخطيرة: شوه إسمج ،،، كم عمرج.
طوفان: إنزين.
مهرووه الخطيرة: الايميل.
طوفان: بعد.
مهروه الخطيرة: الرقم، وتظهر روضة من الجات بس روضة بعد فكرة أنا ليش قلت جيه لا خله حلاص هو أكيد يعرف إني محمد شرى الباقين.
دخلت اليوم إلي بعده ،روضة بس كانت ساكته هيه بس سلمت و ما قعدت تتكلم ويا أي حد.
بدا راعي: الخطيرة اخبار.
الخطيرة: خلاص شوه تبغي روح عني لا .. طرش الورقة.
طوفان: راعي خل الخطيرة.
راعي: الخطيرة مش حتنازل عنك إبداً مهما يكون،
يحر طوفان على الخطيرة، روضة هذا بعده لا إله إلا الله اللهم طولج يا روح.. شوه يبغي.
طوفان: كملي سلسلة الرسوم.
الخطيرة: خلاص خلصت.
طوفان: خلينا نتكلم.
الخطيرة: شوه تبا قول.
طوفان: إنته واحد وإلا وحدة، روضة طفرت وخلاص كان شيء باخلها تبغي تفرغة وتنتهي من الجات.
الخطيرة: واحده.
طوفان: إحلف إنك وحده.
الخطيرة: لا واحد.
طوفان : إحلف إنك واحد.. روضة دامه آخر يوم خلاص.
الخطيرة: والله العظيم.
طوفان : كمل الحلفة إنك واحد وإلا وحدة.
الخطيرة: انا وحدة إنزين إرتحت شوه تبغي.
طوفان:إنزين..... طبعاً روضة إهنيه خلاص في مرحلة تفريغ من الضيقة إلي وصلت إلها وخصوصاً إنها ما متعوده على هذا الجو..وطوفان هذا كان بالنسبة إلها مفتاح راح يقدر يفرغ إلي في روضة.. ترى الإنسان في مثل هذي الحالات على حسب كلام كاترة علم النفس والاساتذة يعيش مرحلة إنه يبغي ينتهي من شيء أو غلطة غلطها وبمجرد ما يلقى مفتاحها يبدى يعيش أو هذا المفتاح يسجب كل شيء في اخل هذا الانسان وبحيث إنه هذا المفتاح يخاطب العقل الواعي واللاواعي من خلال تكنيكات البرمجة العصبية اللغوية.
طوفان: إنتي من وين.
مهرووه الخطيرة: من دار ابو خليفة ، للكل نفس الرمسة.
طوفان: يعني من هل وين ومنوه.
مهرووه الخطيرة: مواطن حر عايش عىل ولة الامارات.
روضة مالها خلق إنها تسأل ولا شيء لأنها خلاص واصه حدها في هاليوم.. وزادها طوفان بأسئلته.
طوفان: ليش نا بكلج.
مهرووه الخطيرة: أنا الجات كان غلطة وما ابغي أعيدها مرة ثانية وخلاص بطلع.
طوفان: انزين تكلمي.
مهرووه الخطيرة: انته منوه واحد وغلا وحدة.
طوفان: طبعاً واحد.
مهرووه الخطيرة: إنته تعرف راعي .
طوفان: لهدرجة يهمج أمره راعي. .. روضة لا يهمني ولا شيء لأنه هو عارف إني ريال ويمكن هذا بع من طرف راعي يكون.
مهرووه الخطيرة: انزين جاوب ما يهمني هو.
طوفان: أنا ما اعرفهم وهذيلا كلهم اعرفهم عن طريق الجات.
مهرووه : بس يعني مالك صله وياهم.
طوفان: اكلمهم على الماسنجر.
مهرووه الخطيرة : إنته من وين.
طوفان: أنا من أهل دبي .. روضة أصلن الكل يقول من هل دبي.
الخطيرة: من أهل دبي وشوه إنته أصلن.
طوفان: أنا في لندن.
طوفان أحضر الماجستير.. روضة تفكر ماستر وتدخل الجات صح كنت اسمع لكن يوم دشيت الجات ما أصدق إنه حد يدخل منهم.
مهرووه الخطيرة: ههه.
طوفان : ليش تضحكين.
مهرووه الخطيرة: ماستر وتحدر الجات.
طوفان: ليش من الملل الواحد يدخل.. روضة تذكر يوم كانت تتكلم على العام يابت جد في يوم طاري الماستر. روضة يمكن يكون صادق ويمكن يكون جذاب.
وتموا يتناقشون في امور.
مهرووه الخطيرة: أنا الصراحة ما راح ادخل عقب اليوم الجات .
طوفان: ليش.
مهرووه الخطيرة: كنت أتخل الجات عالم ثاني .. يعني يناقشون فيه أمور ..
طوفان: الواحد يدخل من الملل.
مهرووه: غلطة وما احب أكملها.
طوفان: كل إنسان يغلط.
مهرووه : صح لكن لو كان عندك اخت وتدخل الجات شوه راح تقول.
طوفن: أصلن ما عندي خوات وعندي أخو واحد.
مهرووه الخطيرة: إنزين.
طوفان: وبعدين الانسان حر في تصرفاته يوي إلي يباه وكل واحد له حريته.
روضة هذا الانسان في ره عجيب يمكن يكون صدق ماستر ويمكن يتكلم إلا جيه.
مهرووه الخطيرة: الحين إنته من صدقك ماستر .
طوفان: شوه يعني أجذب عليج قتلج هيه.
مهرووه: والله استغرب.
طوفان: ومن اهل بي.
مهرووه الخطيرة: صح.
طوفان: وعمري 32 سنه.
مهرووه الخطيرة: لا بعد 32 سنه إنته من صدقك.
طوفان: قتلج ما احب اجذب وليش اجذب حبل الجذب قصير.
مهرووه الخطيرة: استغرب الصراحة منك ماستر وتحدر الجات.
وتعيد روضة في هذا السؤال هب متصورة.
طوفان: وايد امور ما تناقشت بتي قضية الجات.
مهرووه الخطيرة : شوه قصدك.
طوفان: يعني مثلاً إذا الزوج خا زوجتة او الزوجة خانت زوجها في حد تكلم في هذا الموضوع ناقشوه وصلوا لحل له.
مرووه الخطيرة: إنته حد خايننك.
طوفان: لا طبي الموضوع ولا تعيدين فيه.
مهرووه الخطيرة: انا ما بدش مرة ثانية.
طوفان: انزين أنتي ما مصدقة إني في لندن.
مهرووه الخطيرة: لا
طوفان: هذا الرقم اخذيه واتصلي وشوفي.
روضة تطالع الرقم صدق هذا خط لندن وصدق رقم لندن.
طوفان: وهذا الموبايل.
روضة هذا صدق خط دبي .. بس روضة خلاص يالله ظهري لا تطويلن في الجات.
مهرووه الخطيرة: يالله اسمحلس انا ما بحدر مرة ثانية.
طوفان: ليش.
مهرووه الخطيرة: خلاص قتلك غلطة وما ابغي اكررها.
طوفان: انزين هذي اغنيه لجواد العلي " صاحب زقر لمنادي" سمعيها.
مهرووه الخطيرة: وين هذي بعد.
طوفان: بتلاقينها في الموقع لفلاني..
مهرووه الخطيرة: خير إن شاء الله يالله شيء في الخاطر.
طوفان: لا بس سمعيها.
وتظر روضة من الجات ..
واخليكم الحين تسمعونها للي حاب يسمعها وهذا اللنك مالها..
http://www.chat4chat.com/song/jwad5.ram
"
"
الله يستر يا روضة خلاص وإلا بعد بترجعين ..
الجزء الثامن
صح روضة ظهرت من الجات وتمت تفكر هل بالفعل هذا الإنسان يحضر ماستر وشوه يخليه يحدر الجات ولو يقول من الملل وليش من الأساس وبعدين الخيانة ليش ياب طاريها معقولة حد يكون خايننه في حياته.. روضة يمكن أقدر أساعده لا ..لا مابدش الجات .. روضة كانت تحل مشاكل الناس إذا كان عندها أي حل لمشكلة ماكانت تتهاون في إنها تمد إيدها وتساعدهم على أساس يظهرون من محنتهم .. يا روضة محنتهم وإنتي بروحج الحين في محنه..
في اليوم الثاني روضة دشت الجات..
مهرووه الخطيرة: السلام عليكم ورحمة الله وبركاته.
يردون عليها السلام.
راعي: الخطيرة شحالج.
مهرووه تحدر على راعي الخاص: راعي هذا واحد البارحة كان يرمس ،وروضة هب متذكرة إسمه الإسم لأنه طوفان وغريب عليها..
راعي: منوه.
مهرووه الخطيرة: هذا إلي على قولته بيصلح.
راعي: ما اعرفة.
مهرووه الخطيرة: كيف وهو يقول يكلمك على الماسنجر.
راعي: هاه أشوف.
مهرووه الخطيرة: إصلب عمرك وعن هالرمسة.
راعي: أبو جاسم لا تزعل إلا سوالف وبعدين جنك حرمة.
مهرووه الخطيرة: وقت السوالف سوالف .. هيه تذكرت إسمة طوفان.
راعي: طوفان ما اعرف عنه شيء.
وتطلع روضة وإلا طوفان حادر الجات..
تظهر روضة عن راعي وتحدر على طوفان..
مهرووه الخطيرة: السلام عليكم ورحمة الله وبركاته.
طوفان: وعليكم السلام ورحمة الله وبركاته.
مهرووه : بكل صراحة إنته تحضر ماستر.
طوفان: قتلج ما احب الجذب.
مهرووه الخطيرة: وعمرك 32 وتدخل الجات.
طوفان: قتلج لكل منا ظروفة وغير من أهل دبي بعد.
مهرووه الخطيرة: هيه، ويقطع عن روضة الجات.
بس بعدها دخلت مرة ثانية وفي هاليوم لا راعي ولا طوفان في الجات وتفاجأت روضة بواحد يحدر عليها.
قرنكح: الخطيرة.
مهرووه الخطيرة: خير.
ويترس الواجهة كلها بإسم محمد..
قرنكح: محمد، محمد، محمد،......................الخ.
مهرووه : شوه ها وتظهر.
قرنكح: دبي.
وروضة مستغربة.
قرنكح: مهرووه = محمد. إنته ما تستحي.
وروضة ساكته هب عارفة شوه يصير متفاجأه بإلي تشوفة جدامها ومصدومة.
قرنكح: باي ، 32، دبي
روضة عصبت وقالت حشى شلة ملتمين هذيلا أصلن الغلط مني أنا وظهرت روضة وهيه معصبه وقالت ما عليه انا براويكم.
وتحدر مرة ثانيه وتلاقي راعي
مهرووه الخطيرة:عنبوا ما مخلي حد ماقايله والله إنه محد يأمنك.
راعي: أفا يا ابو جاسم.
مهرووه : هذيلا شوه عرفهم ، وتمت روضة ويا راعي وشخطط وظهرت عنه.
ولنه طوفان حادر.
مهرووه الخطيرة: إنته.
طوفان: الخطيرة دخلتي.
مهرووه الخطيرة: إنته أصلن ملتم ويا شلة.
طوفان: أي شله.
مهرووه الخطيرة: لا والله شلة وأونك ماستر ،لا بعد 32
طوفان :شوه مستوي.
مهرووه : منوه ها قرنكح ما اعرف شوه.
طوفان: أنا ما اعرفة.
مهرووه: خل عنك عيل شوه عرفة 32 ودبي.
طوفان: منوه أصلن.
وتشوف روضة إنه قرنكح حدر بالجات إنزين إطالع الحين.
مهرووه: قرنكح.
قرنكح: يدخل على الخاص وروضة ما ردت علية وكان يسب روضة سب على اساس إنها واحد.
روضة ما تحملت قالت لين متى شوه ها الأشكال وشوه هالناس المنحطة أخلاقيا من الأساس أنا كيف راضية.
قرنكح يطلع على العام .. ويقول 32 ودبي..
وتحدر روضة على طوفان.
مهرووه الخطيرة: وبعد الحين بتقول ما تعرفة.
طوفان: والله ما اعرف شيء.
مهرووه الخطيرة: صح شوه عرفك جاوبني شوه عرفك صح.
طوفان: والله أنا إلا من متى أحدر الجات.
مهرووه الخطيرة: لا والله من صدقك، أصلن يالس يسب وانا ما ما بوسخ لسانس ومابنزل عمري له .
طوفان لحظة. هدي ..هدي.
مهرووه: ملتم على الشله مالتك.ناس....
طوفان: قتلج أنا وبعدين اي شله والله حيوانات هذيلا..
روضة ما كانت تحس شوه تكتب..
طوفان: هدي ..هدي..
مهرووه الخطيرة: خلاص ما اقدر اتحمل.. وتطلع روضة من الجات..
روضة تمت في حاله محد يعلم فيها كانت تحس إنها بتختنق وتمت تصيح وتصيح، ليش .. ليش.. معقولة ناس جيه.. ناس ما عنده ذمة.. وتصيح..
يعني بعد هذا ياروضة وبعدج توج تستنتجين هالشيء .. روضة إنتي عمرج ما نزلتي من عمرج ولا مستواج وكيف راضية الحين على مرج كيف.. خلج صيحي أحسن صيحي..
بس روضة من طبعها ما تحب تنام الليل إلا الكل راضي عنها ما تحب حد يشيل عليها شيء . وقالت في خاطرها يمكن انا ظلمت بعد إنسن وهذا إلي تطريه روضة طوفان ، تذكرت روضة الامور إلي ناقشتها وياه وأسلوبه كيف كان..
عدن 3 أيام وروضة ما حدرت الجات بس طوفان كان عاطنها الإيميل وروضة نست امره ، بعدها إتذكرت إنه مره طرالها إيميله بس روضة كانت ترفض إنها تاخذة ، وتتذكر شوه الايميل وبالغلط .. روضة ترددت وايد إنها ترسل إيميل لكن في النهاية قالت لا ما ابغي شيء يتم في ذمتي للغير.. روضة كانوا دايما يقولولها الطيبه ما تنفع في هالزمن وروضة ودري طيبتج الزايدة بس روضة كانت تقول شوه ما خذين من الدنيا أخرتها إلا بننطوي برقعة بيضاء وإلي هو الجفن وما بناخذ شيء من الدنيا ويانا.. وراحت روضة وفتحت إيميل يديد وطرشت لطوفان رسالة.. والظاهر الإيميل بالغلط بعد إلي كتبته روضة ورسلت.
عدن 3 أيام وكانت روضة تحدر وتتخبر عن طوفان وراعي يقولها ما حدر او اونه ما يعرف عنه وتظهر روضة ما كانت تيلس في الجات او إذا تمت ما كانت ترمس وإيا أي حد ..
وعقب هذيلا 3 الأيام رجعت روضة لأنها بالإيميل طرشتله إني بحدر إحدر
وكانت بعد كاتبه ترى علي إمتحان وهب قادرة ادرس.. وبالصدفة حدر طوفان.
مهرووه الخطيرة: السلام عليكم ورحمة الله وبركاته.
طوفان: وعليكم السلام ورحمة الله وبركاته، شوه احوالج.
روضة: الحمدلله .
طوفان: أنا ما اعرف شيء صدقيني .
روضة: وهذي الشلة.
طوفان: شوفي أنا ما عندي شلة لا تعيدين في السالفة وبعدين قتلج انا ما أدخل الجات إلا من فترة وهذيلا ماا اعرفهم.
مهرووه: انزين.
طوفان: أصلن أنا خلاص كرهت الجات من عقب هذي السالفة.
مهرووه الخطيرة: رسلت لك ايميل.
طوفان: لا ما وصلني شيء.
مهرووه الخطيرة: مستحيل.أكيد وصلك.
طوفان: والله ماشيء. ما وصلني شيء من صوبج.
مهرووه الخطيرة: لحظة.وتسير روضة وتطرش له بطاقة من موقع بس روضة لما ارسلت رسالة بإيميله يعني المرسل والمستلم نفس الإيميل.
مهرووه: وصل.
طوفان: لا.
روضة: مستحيل، بس ساعات هذا الموقع ما يرسل البطايق.
مهرووه : أنا رسلت لك إيميل.
طوفان: لا لحظة بشوف.. ويرد على روضة ما وصلني شيء.
مهرووه: كيف لا أنا مطرشة من إيميلي.
طوفان: شوه الإيميل.
مهرووه الخطيرة: انزين بعطيك إياه بسعلى فترات .. على اساس انه بعد ما يتسرب.
طوفان: لحظة شوفي الحين وصلج شيء.
روضة: وصلني.
طوفان: زين عيل.
وتمت روضة تتكلم ويا طوفان وما خلوا شيء.
ماناقشوه .. طوفان كان لما يسأل روضة ما كانت تجاوبة وكان دايماً يقولها إنتي ليش تتهربين.. وساعات تعطيه إجابات هب مفهومة.والوقت يطوف.
مهرووه الخطيرة: تعرف انا استغرب من إيميلك.
طوفان: ليش.
مهرووه الخطيرة: يعني ما ستر وعندك هذا الايميل..
طوفان: هذا الإيميل مش عملي يعني هذا أنا استخدمة وانزل منه بس وأحدر فيه مواقع.
مهرووه الخطيرة: تصدق قريته بهالشكل.
طوفان: بسم الله عليج لبسي نظاره او عدسات عشان تشوفين عدل.
مهرووه الخطيرة: ههه.
وتناقش روضة وياه ..
طوفان: أقول ماشيء في فريجكم مطاوعة.
مهرووه: ليش.
طوفان: خلي أهلج يودونج عشان يقرون عليج.
مهرووه: ههه.
وطاف الوقت وطبعاً روضة وطوفان كانوا في حدود الأدب يتكلمون وروضة يمكن فرضت إحترامها من خلال كلامها.. ولما كان طوفان يمكن يقول كلمة .
طوفان: فراولة.
مهرووه الخطيرة: عن الرمسة لمخبقة هذي ، وينتهي الموضوع وحتى روضة لو كانت تكتب كلام فيه نصح او بيت شعر كانت تشل منه الكلمات " ياحبيبي ، عيوني ، عمري،" وتحط بدلهم ؟؟؟؟؟؟
طوفان: يعني لازم مقص الرقيب.
مهرووه الخطيرة: قلتلك ما راح اتلفظ بلفظ وهذا الكلام يوم بأي أقوله بقوله لشخص واحد وبس.
طوفان: تصدقين طاف الوقت.
مهرووه: كيف.
طوفان: الحين 4 ساعات ونحن نرمس.
روضة: تنتبه مستحيل.
طوفان: نص اليوم راح.
مهرووه الخطيرة: وإنته ما عليك كلية.
طوفان: عندي بس على الساعة 4
مهرووه : بس الحين اربع.
طوفان: بتوقيت لندن.
مهرووه: هيه صح، أقول أنا بسيؤ اصلي.
طوفان: يالله سيري.
روضة بالفعل صح كانت تدخل الجات بس وقت الصلاة كانت تسير تصلي.
طوفان: خلصي وردي بترياج.
مهرووه: ان شاء الله.
خلصت روضة الصلاه وحدرت.
طوفان: الصراحه أنا ما أمن استويت بالجات. خلينا على الماسنجر.
مهرووه الخطيرة: الماسنجر لا.
طوفان: ليش تخافين.
مهرووه: خوف.
طوفان: احدر كمبيوترج.
مهرووه الخطيرة: من شوه اخاف.لو حدرت ما بتلاقي شيء لا صور ولا شيئ غير الشغل وبعدين أنا ما احدر من كمبيوتري لأنه كمبيوتري فيه فايرس.
وبالفعل روضة ما كانت تحدر من كمبيوترها ولو كانت تحدر ماكان فيه شيء غير الشغل والفايلات مال الدوام.
طوفان: ليش هذا الظلم.
مهرووه الخطيرة: تهكريعني.
طوفان: أنا اصلن الأشكال إلي في الجات ما اعرف اظهرها فبحدر على كمبيوترج.
مهرووه : ما يهمني يالله انا بظهر.
طوفان : إنزين سمعي إغية أهمة.
مهرووه: أهمة.
طوفان: حق عيضة.
مهرووه : انزين يالله مع السلامة.
وأهمة كانت هذي كلماتها:
"اهمة لو كذب إني ماأهمة،
غلاه يجول في قلبة ودمه،
يبان الحب في نظرة عيونه،
يقول الصدق وإلا ولد عمة،
يغار وغيرته تفضح غرامة،
وتكشف غيرتة حتى كلامة،
يغار ويقلب الدنيا علية،
يبيني دوم في قربة ويمه"
وهذا اللنك مالها .
http://uaefm.net/music/5a/5a02/uae/3...etha_ahmma.ram
وكانت روضة تحدر النت ويوم ورى يوم . لكن لو تسألون شوه المواضيع إلي كانوا يتكلمون فيها ما راح تصدقون يعني كل حد كان له حده في الرمسة، بتقولون معقولة واحد ووحدة على النت وهذي رمستهم وهذا هو الواقع وعاد من عقب الجات إلي ماقاموا يأمنون إنهم يرمسون فيه انتقلوا للماسنجر.
وطبعا في ايام الجات روضة غيرت إسمها من مهرووه الخطيرة لين الشكلة وطوفان هو إلي بالأساس عطاها هذا الإسم ومهرووه شوه هذا بعد .. ويقولها طوفان اسم لناقة سبوق ومهرووه تضحك بس قالت بغيره احسن ما ابغي صدعة من وراهم.
في اليوم إلي بعدة كان عند روضة إمتحان بالفعل روضة ما كانت قادرة تدرس .. وروضة صح كانت ضايفه طوفان على الماسنجر بس إذا كانت ترسل إيميلات كانت ترسلها بالغلط. وفي هاليوم طرش طوفان.. رسالة في الايميل.
"
أحبك لو بعيد الدار عنك جداك يحن قلبي للرجوعِ
يالو عني الليالي يبعدنك غلاك بخافقي تحت الضلوعي.
اتريتج وايد والظاهر أنج تدرسين بالتوفيج إن شاء الله..
روضة والله إستوى شاعر روضة بالأساس ما تعرف إنها هذي إغنية وبعدين تطالع روضة الرسالة .. وإلا تشوف مكتوب فيها..
"حبيت أذكرك بالغرام إلي تناسيته."
روضة قامت ورسلت رسالة حق طوفان:
" أنا الصراحة ما درست لين الحين وهب قادرة أدرس بس إن شاء الله لازم أدرس والأكيد قبل الفجر إن شاء الله .. الدراسة في هالوقت أحسن لأنه الجو يكون هادي والمعلومة تثبت أكثر..
والظاهر الإيميل بعد رسلته روضة بالغلط..
روضة في هالفترة في مرحلة حيرة يا روضة بالفعل إنتي روضة.. روضة كل يوم تتعذب ويوم عن يوم أولها بدخلتها الجات وبعدها وين وصلت صح هذا الإنسان ما غلط عليها ولا هي غلطت عليه لكن ليش يا روضة وإنتي إلي عمرج ما خضعتي راسج ولا رخصتي من قيمة نفسج لحد.
روضة في اليوم كانت وايد تعبانة ما قدرت ترقد من غير الأيام إلي طافت .. هل روضة ما كانت تشعر بعمرها شوه هي تسوي.. كانت تقول معقولة لالالا .. أخواني عطوني الثقة كيف جيه أصلن وإلا أبوي إلي أشوفة كل يوم بدعوة لي وأمي إلي ربتني هذيلا أهلي شوه جزاهم.. كم تسوى علي يا ابوي يوم أي اسلم عليك وترفع من عمرك فوق عل اساس ألحقك أو كنت تنقز على اساس ما اوصلك وكنت تمزح وياي.
وكم تسوى علي أميه دخلتج علي إذا تأخرت عن الدوام و إلا سوالفكم إلي ما تنمل ، وأنا إلي انصح البنات آخرتها أستوي شراتهن. ليش يا ربي كل هذا يستوي فيني أنا ماغلط جد على حد ولا عمري ظلمت حد وإلا شوه حد داعي علي ، يمكن روضة ف هالليلة ما نامت إلا ساعة وبعدها قامت على الساعة 4 وااصلت لين حزت الإمتحان، ودشت روضة الإمتحان وخصوصاً إنها ما تحب اللفل ما لها يقل ،..
روضة كانت في الإمتحان تحاول تسيطر على عمرها وعلى الأسئلة إلي تحلهن وفكرها شمال ويمين بس سيطرت روضة لأنها كانت تطمح ولازم توصل له حتى لو شوه مايكون بتحاول وبتحاول .. وعقب الإمتحان رجعت روضة للبيت وعلى أساس إنها راح ترمس طوفان وتنهي كل شيء..
تحدر روضة: السلام عليكم.
طوفان وعليكم السلام ..
حدرت روضة وتمت تتكلم ويا طوفن إلي قال

عبدالله:صباح الخير
روضة: هلا. روضة ما توقعت إنه راح يدش لأنه تأخر ويوم دش هيه كانت ترتجف وحالتها لله.
عبدالله: شخبارج اليوم.
روضة: يعني الحمدلله." البارحة بايت انا سهير كأني على جمر من نار.."
عبدالله: تريقتي.
روضة: لا
عبدالله: لا كوب شاي ولا كوب حليب ولا ماي.
روضة: ما اريد ما لي خاطر.
عبدالله: أفا.
روضة: شوف انا رمست وبخلص اليوم وكل إلي اتمناه إلي في خاطرك قوله.
عبدالله: قولي تم.
روضة: لا ما بقول أخاف ما اقدر عليه.
عبدالله: لا بتقدرين.
روضة: إذا قدرت بس تم.
عبدالله: قومي تريقي.
روضة: ما ابغي قلتلك.
عبدالله إنتي قلتي تم إنزين كوب حليب.
روضة: إنزين.
عبدالله: يالله قومي.
روضة: بتنزلني تحت.
عبدالله: يالله سيري بترياج.
روضة : بظهر وبرجع.. روضة نزلت والعادة روضة إذا ما تبغي مستحيل إنها تسوي الشغلة وخاصة إذا كانت أكل وهيه ما تشتهيه بس قالت تم ولازم تسوي، يابتلها كوب حليب وفي هالوقت تذكرت أبوها إلي كان دايم يقولها روضة لا تظهرين من البت وإنتي ما ماكله شيء لو على الأقل كوب حليب وكم من تمره وأهم شيء الريوق يابنتي إنتي أونج داسة وفاهمة جيه عيل شوه خليتوا حق إلي ما متعلم، وطاحت عينها على الرطب وخذتلها رطبه وكلتها..
رجعت روضة وحدرت..
روضة تظهر كوب حليب من الإيقونات إلي في الماسنجر.
عبدالله: زين.. كلتي شيء
روضة: بسني كوب حليب وكلت رطبة.
عبدالله: حبة رطبة شوه عصفور.
روضة: بسني.
عبدالله: انزين ولا جباب.
روضة: ما ابغي.
عبدالله: ما مسوين.
روضة: كل يوم أصلن.
عبدالله: بتمتنون.
روضة: لا ما يمتن وبعدين إلا خبز طوبي.
روضة: إتباشرت بالرطب.
عبدالله: من 3 أيام بعد شوي.
روضة: خلاص دامك بترد لبلاد بتاكل منه لين ما تمتعد.
عبدالله: حشى يبالنا حلول.
روضة: حلول ومستغربه أهل دبي وحلول والله إنك بدوي.
عبدالله: ليش شوه بلاج.
روضة: تعرف الحلول.
عبدالله: جيه شوه قالولج.
روضة: لا يعني ما توقعت ما اعرف الصراحة وخلاص يوم توصل لبلاد إحتل.
عبدالله: إن شاء الله.
روضة: قول كل إلي عندك ، أنا كله ارمس.
عبدالله: ماعندي شيء غير.
روضة: قول.
عبدالله: زعلتيني البارحة بسالفة الرقم إنتي ما سألتيني.
روضة: خلاص قتلك اسمحلنا.
عبدالله: وبعدين يوم الإيميل فتحتي إيميل يديد ما شيء ثقة الظاهر.
روضة: تبغي أعطيك الإيميل الرسمي هذا اصلن أنا استخدمة حق الأوراق الرسمية وفي الدوام.
روضة: لا تقول ثقة، ثقة وخوف شقايل.
عبدالله: نفس الشيء بعدج تتهربين.
روضة: سامحتني وماكان يخطر ببالي
إنك تسامحني عقب كل الكلام"
عبدالله يطالع الصورة إلي حا طنها روضة.
عبدالله: شوه هذي هديه حقي.
روضة: لا .. وتغير الصورة وتحط صورة سمره.
عبدالله: شوه هذي سمرة وإلا لوزه.
روضة: ليش ما حاط صورة.
عبدالله: ما عندي.
روضة: هذي سمره شوه لوزه وترسلها حق عبدالله.
عبدالله: رسليها مره ثانيه.
روضة: إنزين .. وبعدها
روضة: لا تلومني لو كنت أشكيك
ولا تعاتبني بشكواك"
عبدالله: ما عليج دوام سيري وانا بسير .
روضة: خلاص وإسمحلنا على السالفه.
عبدالله: طاح الحطب.
روضة: إسمحلنا إذا غلطنا وإسمحلنا على مقص الرقيب على قولتك.
عبدالله: لا إنتي ما تغلطين.
روضة: إسمحلنا.
عبدالله: مسموحة وإنتي بعد سمحيلنا ويالله سيري دوامج وانا بسير ازهب الشنطة .
روضة: إنزين ختامها مسك بس إستقبل هذا الفايل وبظهر.
عبدالله: انزين طرشيه.
روضة طرشت حق عبدالله سورة من القرآن وكانت سورة الحمد بصوت القارئ عبدالله البريمي.
عبدالله: الله يرحمك يا شيخ سلطان العود. ويقول حق روضة عندج حد في عجمان.
روضة: هيه نعرف حد.
عبدالله: سيري تسجيلات الدعوة وطلبي اشرطة الشيخ سلطان العود.
روضة: إن شاء الله.
عبدالله: وإلا أقولج دشي على موقع سحاب بتلاقين فيه حق هذا الشيخ.
روضة: إن شاء الله .
عبدالله: سمحيلنا.
روضة: مسموح وإنته إسمحلنا عاد والله يردك لبلاد.
عبدالله: أقول أبو جاسم.
روضة: على طاري أبو جاسم قول حق أمك بو جاسم يسلم عليج ويقولج والنعم الساع بمن ربيتي.
عبدالله: وأمي بعد تسلم عليج.
روضة: خلاص في داعة الله.
عبدالله: يعني ما برمسج خلاص عقب هاليوم.
روضة: لا، إظهر. وإذكرنا بدعوة.
عبدالله: قلتلج ما احب طاري لفراق.
روضة: إظهر .. تبغي تذبحني إنته إظهر.. إظهر..
وظهر عبدالله، وكانت روضة تصيح وكل كلمة تكتبها برجفة وتحدر عليها إختها حمدوه.
حمدة: شوه فيج رويض.
روضة: ما بلاني شيء.
حمدوه: بسير أقول حق أمي رويض تصيح.
روضة: لا سمعت سالفة تعور القلب تبين بقولج إياها حادث مستوي.
حمدة: لا دخيلج على صباح الله خير الناس تسمع كلام حلو وإنتي تبين تغممين علي من الصبح.. لا حبيبتي برايج.
روضة عقبها حذفت الماسنجر من الكمبيوتر وسوت بلك ودليت لإيميل عبدالله عشان ما ترجع وتحدر مره ثانيه وظهرت ويتها بعدها حمده .
حمده: رويض شوه ها ليش تحذفين الماسنجر من الكمبيوتر.
روضة: هيه أنا حذفته.
حمدة: وريبيعاتي شكايل برمسهن يعني يقولولج سالفة وتعصبين على الكمبيوتر وانا شوه دخلني تحذفين الماسنجر سيري صلحي كمبيوترج.
روضة: خلاص انا بنزله لج بعدين خليني الحين اسير الدوام.
حمده: بنشوف. وأحليلج يا حمده إلا إنتي شوه خصج .
روضة: سارت الدوام وما عرفت هي أساسا كيف وصلت وكانت يالله يالله الدنيا شالتنها وهي تمشي وسارت وسلمت الأوراق ، الكل سأل روضة بلاج رويض ليش لين الحين متأخرة ما داومتي من الصبح حد يداوم 2.
روضة: ما عليه تأخرت بس خلاص الحين داومت.، شوي وإلا البنت يحطن أغنيه حمد العامري: أحبك
روضة: بندوها.
البنات: ليش رويض هاك اليوم تضاربينا تبغين تسمعينها .
روضة: ما لي مزاج ما ابغي اسمعها.
البنات: خلاص نحن بنسمعها وكانوا يغايضون ويمزحون ويا روضة، بس روضة ما كانت قادره تتحمل أي حد يمزح وياها في هالوقت بس بعد تحملت ومسكت أعصابها عشان ما يبين عليها شيء مع إنه كان مبين عليها إنها تعبانه وهب قادره تشل عمرها. بس البنات خموا غنها تعبانه أكيد سهرانه تكمل البروجكتات والتقارير.
شموه: رويض شوه بلاج.
روضة: ما بلاني شيء.
شموه: تغديتي قبل ما تيين الدوام.
روضة: لا
شموه: خلينا نتغدى أنا يوعانه.
روضة: برايج شموه سيري أنا ما لي خاطر في الغدى.
شموه: شوه هالمصاخة رويض عن الدلع.
وتتذكر روضة عبدالله انه مره قالها تتدلعين ، ردت عليه روضة لو كنت اتدلع أو دلوعه ما شفتني جيه أرمسك.
سكتت روضة.
شموه: رويض شوه بلاج حالي يعورني عليج.وإلا هب مرتاحه لي.
روضة: لا والله لا تقولين جيه وتصيح روضة.
شموه: روضة رمسي والله قلبي يتقطع عليج ظهري شوه في خاطرج.
روضة: ماشيء طفرانه شوي.
شموه: حد مطفرنج من البنات، البيت من اهلج ، حد قايلج شيء.
روضة: أهلي مستحيل فديتهم والله بس انا تعبانه من البروجكتات وايد.
شموه: روضة تعبانه من البروجكتات هانت يا روضة باجي آخر يومين.
روضة: خلاص خلاص ماشيء الحين شوفيني أضحك يالله بنسير نتغدى.
شموه: يالله نسير.
روضة ماكانت تضحك من خاطرها وماكانت تبغي شموه تتكدر وياها شوه ذنبها والغلطه غلطت روضة.
:::::::::::::::::::::::::::::::::::::::::::::::::: ::::::::::::::::::::::::::::
عقبها روضة رجعت البيت وكانت تحاول تنسى وخصوصاً إنها بتسافر وإلي جد من قبل في نفس هاليوم كان عبدالله بيوصل من لندن مطار دبي على الساعة 8:30 وروضة طيارتها 8:30 من مطار دبي بعد..
وعشان جيه روضة إنهت كل شيء قبل السفر لأنه الواحد ما يعرف حاله شوه بيصير له وبعدين هيه خلاص حاسة بغلطتها من يوم ما حدرت الجات ولين نهايتها ويا عبدالله وإلي هيه أساساً السالفه ما خذت ويا روضة يمكن شهر أو شهر وكم من يوم....
بالفعل سافرت روضة وإلي هيه كل أملها إنها تنسى السالفه ولكن خلكم ويا حال روضة ولكم هذا اللنك
http://www.dubaimoon.com/songs/arshef/alkaber.ram
وإن شاء الله بنكمل كيف حال روضة في السفر وشوه هيه إستوالها طول فترة غيابها عن لبلاد وهل روضة بترجع في كلامها ويا عبدالله وإلا شوه هو إلي بيصير...
الجزء 11
سافرت روضة وإلي كان كل أملها إنها خلاص تنسى السالفة وتغير جو من جو العذاب إلي كانت عايشه فيه وجو الحسرة والندم ، بس للأسف روضة ماقدرت وتمت تذم عمرها يوم عن يوم ، الناس تسافر تستانس وإنتي يا روضة شايله همومج وياج .. روضة كل يوم تذم عمرها ويطري على بالها كل شيء.. صح السالفة إنتهت ويا عبدالله على خير لكن بعد الغلطة كبيرة بالنسبة لروضة..
روضة تحاسب عمرها أنا أسوي جيه ولا بعد هي إيدي إلي تكتب وتتذكر كيف كانت الأيام تعيشهن تطالع إيدها وتذكر أبوها إلي لما كان يقولها ابغي عصير ويا كريب فروت وكانت روضة تقولة: ليش إنته ناقص شوه ناوي حق عمرك مرة وحدة في الإسبوع والباقي كله عصير برتقال..وتطاله بعد إيدها أبوية تشوف هذي الإيد إلي تعصر لك البرتقال ، زلت يا ابويه زلت وكتبت يا أبوية، روضة تعصر البرتقال ودموعها تنزل من الحسرة إلي في قلبها .. تحدر أم روضة وتقول روضة تسوين عصير.
روضة: هيه أميه.
أم خليفة: شوه بلاج.
روضة: ما بلاني شيء.
أم خليفة: أشوفج تصيحين.
روضة: لا حكيت عيني بإيدي و انا اعصر البرتقال.
أم خليفة: يالله يا روضة ما تحسين بعمرج وانتي تعصرين ،يالله عيل أنا بسير وتظهر.
روضة أميه سمحيلي أميه ما احلى طلتج علي وتتذكر روضة مرة كان عبدالله أخوها يسير يمشي يلعب رياضة ويبغي يخف، وكانت روضة وأمها وعبدالله.
روضة: بالله عليك بتهلك من الحر الحين عاد سير بعد المغرب.
عبدالله: أحسن الحين عقب المغرب بظهر..
روضة: تعرف وين المشي والله حلو على الكرنيش.على الأقل جو الرطوبة ولا جونا ها إلي بيسمرك من ورى هذي الشمس.
عبدالله: يبالي أسير أبوظبي واتم 3 أسابيع وبعدها بضعف.
أم خليفة: ما قاصرنكم بعد.
روضة: اميه أنا بسير ويا عبدالله بمشي بس هالمرة يوم بسير غير.
أم خليفة: شقايل يعني.
روضة: أنا بعد بلبس شورت وبمشي ويا عبدالله في الحارة.
أم خليفة: بعدني لو ما اعرف منوه روضة بقول غير هالكلام.
عبدالله: تنكتين بهفج الحين وبطيرج.
روضة: لا والله عاد إنته زاهب ما تصدق شيء تبغي تسويه فيني لكن بعد بقولك أصلن يكفيك الشرف إني راح أمشي وياك..
عبدالله: والله ماخذه مقلب ومصدقتنه بعمرج..
روضة " أميه كلامج لو ما اعرف منوه روضة"
سمحيلي يا أمي سمحيلي ليتني لو أقدر أقولج..وتتذكر كل حد بالبيت واحد واحد.. تذكر عيال إخوانها إلي يتلقولها على الباب يوم ترجع من الدوام..
كانت تحس جنهم يتهمونها بنظراتهم مع إنه نظرتهم كلها براءه بس الحاله إلي هيه فيها تخليها تشوف عكس الشيء .. عموه..عموه.. روضة ماترد على عيال اخوانها بس بعدها تنتبه إنهم يرمسونها.. روضة شوه حبيبي.. عموه متى بتودينا الألعاب.. يا روضة حتى اليهال خليتيهم يتهمونج.. الله لا يخليني من هالكلمة.. وتتذكر كل يوم ويا أهلها وتقول: ليت لي حصل ما كان .. ليش ياروضة ليش إنتي تنصحين الخلق و ما راميه تنصحين عمرج يوم سرتي ب هالدربه.. شوه يا روضة تكابرين على عمرج.. شوه شيء قاصرنج ماشيء يمكن البنات يتمنن يعيشن العيشة إلي عايشتنها ويتمنون أهلج ياروضة.. ليش يار وضة ليش.. سويتي جيه وين عقلج كان ذيج الأيام وإلا إنتي بالأساس عمرج ما تخلين شيء يسيطر عليج وهذي المره تهاونتي ولكن بعد الحمدالله عدت السالفة..
.......................................
روضة رجعت لبلاد و مافكرت إنها تفتح الإيميل ولا فكرت إنها تدخل الجات..
وفي يوم دشت النت وتجلب فيه وتشوف عنوان " البالتوك" وتذكر عبدالله إلي كان دايماً يقول لروضة ليش خيفانه ماشيء ثقه فيني.. وكان يقولها إنتي إلا حادرة الجات وهالشكل لو حادره البالتوك شوه بتسوين.. روضة قالت بعد شوه هذا البالتوك ،بس عبدالله قالها أحسلج يوم ماتعرفينه.. روضة الكلمة يديده عليها وبعد تمت تقول بعد شيء إسمه البالتوك ،وبالصدفه في هاليوم تشوف هذا العنوان وكان فتاه توفيت أمام البالتوك.. وتقرا روضة الموضوع ، والموضوع كان إنه في بنات كانوا في روم والشباب كانوا يتجمعون في روم وعاد طبعا فيها الشغلة كاميرات من خلالها كانوا يشوفون بعض وإنه وحده قامت تعرض جسدها للشباب عن طريجه وفجأت طاحت وإختفت عن أنظار الشباب إلي ما كانوا يعرفون شوه إلي صار، بس هذي البنت توفيت على هذي الحالة وبعدها الكل عرف لأنه ربيعاتها كانوا وياها.. لا حول ولا قوة إلا بالله العلي العظيم ،الواحد يقول يالله بحسن الخاتمة،روضة ما قدرت تتحمل الموضوع وراحت سيده عند أخوها..
روضة: حمد.. حمد..
حمد: شوه بلاج رويض بسم الله.
روضة: حمد شوه البالتوك.
حمد: ما اعرفه بس خطير هذا.ويبغيله كاميرا.
روضة: حمد إنته عندك البالتوك إنته تدخل عليه.
حمد: لا والله يا روضة هب لذيج الدرجة، وأصلن لو كان عندي المفروض تكون عندي كاميرا .
روضة: على بالي تدخل عليه.
حمد: لا أنا حدي الجات والماسنجر ،الهاكر والبرامج.
روضة: إنزين لا تفكر فيه وإلا الكمبيوتر بالمرة بخلي أبويه يشله عنك.
حمد: شوه بلاج .
روضة: ماشيء ماشي وتسير عنه.
روضة تمت تفكر معقوله هذا كله يصير ومن الصدمة هب عارفة ومن روعتها من الموضوع تمت تصيح، عقبها روضة سيطرت على عمرها وقالت أنا لازم أحذف كل الإيميلات إلي من عند عبدالله.
تفتح الإيميل وإلا تتفاجأ .. بعد ب عبدالله راسللها إيميلات في نفس اليوم إلي هيه سافرت فيه وبعد كم من إيميل في الأيام إي تغيبت فيهن عن لبلاد.
تفتح الايميل وتشوف عبدالله كاتب.
" أنا الصراحة لاعت جبدي من لبلاد.. وبرجع لندن بالجمعة"
وتفتح بعده الثاني..
" أنا الصراحة انصدمت البارحة وصلني خبر إنه فلان لفلاني ملج على وحدة درمكية.. شكيت الصراحة"
روضة في هالوقت قالت: شوه تبغيني أرجع ارمسك خلاص إنتهينا وقتلك ألف مره هذي الدربه هب دربتي وسواء كنت في لندن او لبلاد وإلا تقولي فلان لفلاني يا عبدالله أنا يوم كنت أقولك عن هذا الشخص هذا دكتور ومعرس بعد وعنده عيال قلت يمكن تعرفه من طايفتكم وتقولي جيه.. وانته قلت خلاص انا كرهت الجات وما بحدره وانهيت السالفة... روضة ضحكت بس ما كان من خاطرها لأنها إنصدمت فيك يا عبدالله.. معقولة تجذب طول هالوقت ،قالت روضة ولو كنت تجذب خلاص أنا ما بذكر إلا الشيء الطيب منك ويمكن تشابه اسماء..
وتفتح الإيميل إلي بعدة وتشوف عبدالله كاتب..
" يوم تخاف من الجات لا تحدر"
روضة قالت أنا نهيت كل شيء وهو بعده يحدر الجات ،كيفه يسوي إلي يبغيه أنا مالي دخل فيه.. بس روضة حدرت وقالت إذا حادر بقوله ولا إيميل يرسلة.
تحدر روضة الجات إلي طول الفتره إلي طافت ما حدرت وإلا تشوف عبدالله حادر وتحدر عليه ويقولها ولا برد عليك .. ولا برد عليك..
روضة: كيفك خلاص.
طلعت روضة وهيه تعيد ذكرياتها..
روضة معقوله عبدالله طول الوقت يجذب وهذا قرنكح ما يعرفة ويمكن يكون هو قايلله سو هالشكل ويقولي ما يعرفة وهب ملتم على شله وإلا الجات تتسرب منه هالسوالف على الروم الخاص وإنتي يا روضة نفس الهبلة مافكرتي و ما تلاحظين انه حتى راعي نشر إسم محمد ويقول إنه ما قال لحد وهذيلا تحطين عمرج بمستواهم وهذا عبدالله طلع ذكي بإسلوبة كان يبغي يسحب منج الكلام وبعدج ياروضة ،بس روضة بعد قالت ما بظن ولا بظلمه وهو وضميره مهما صار في يوم ما غلط علي..
روضة في نفس هاليوم سارت وكتبت حق عبدالله إيميل..
" إنته في يوم يبت طاري الخيانة وقلتلي إنه في حد رمس يوم الواحد يخون زوجته أو الوحدة تخون زوجها...
إسمع يا فلان ياولد العرب والناس .. أنا بنت عرب وناس وخلاص بقولك أنا إملج علي وحطيت إيدي بإيد إنسان وإنته ماراح ترضى على عمرك إنه زوجتك تخونك وانا بعد ما ارضى إني أكون خاينه لإنسان في يوم بكون زوجتة وبصون له حلالة وماله وبكون ام لعياله وبيأمني على حلاله وماله وبيته في غيابه .. وإذا تبغي برسلك بطاقة وإحضر .. وإسمحلي مرة ثانيه والله يستر على أهلك وعرضك وشرفك شرى ما سترت علي.. وإسمحلي.. وكتبتله أتمنى أشوف إيميل تقول فيه الله يوفقج ويسعدج يا هالإنسان...
..............................
عبدالله رسل لروضة 3 إيميلات.
اول إيميل:
............................................
والله لو تعرفين شوه بقلبي لج بتصحين......
.
.
.
لو
الإنسان
يعرف اش بقلب
راعيه
له
والله.....
:
:
ادعيلج من كل قلبي وتتحرين أنا أنعزم لو على قص رقبتي...
تعرفين يوم قلتيلي إنج ما تفكرين بالعرس طلعتي جذابة جذابة جذابة..
.................................................. .............
وإيميل ثاني:
ليش أنا ما تتزوجيني شوه ما استاهلج
بكون
قرد
بكون
حيوان...
ومسير الحي يتلاقى بعد عشرين سنه ،ثلاثين سنه مسير الحي يتلاقى..
..
وإيميل ثالث:
"كل إلي طلبتيه سويته لج بس أبغي أطلب منج هذي الطلبة
إتصلي بس خمس دقايق ،
بقولج شيء عمرج ما راح تسمعينه عند حد غيري.
...............................................
روضة يوم قرت الإيمل إحترقت زود من عبدالله " جذابة " عمرها محد قالها هالكلمة وآخرتها تسمعها منك يا عبدالله..
رست روضة لعبدالله إيميل..
" هيه يا عبدالله جذابة نعم جذابة يوم إنك تبغي تبعد إنسان عن دربك وما تخليه يتعب وياك ، ولو بفكر بفكر بإنسان راقي بفكرة هب واحد نفسه دنيه ، ليتك لو تفهمني ليتك لو تقهم.. أنا بنت وإنت ريال وكم من مرة قلت لك البنت بلا حياها ما تسوى شيء وأنا عند أهلي ثقة من صوبي وما أبغي أبوي يموت حسرة علي وجان على الدفان عادي بندفن وجان على الذباح بعد بنذبح والحفرة زاهبة بس ناقص الجفن وغلاة إمك عليك خلاص الله يرزقك ببنت الحلال إلي راح تسعدك إن شاء الله وتكتب له دعاء..
.............................
وبالفعل هذي الفترة حد خطب روضة بس روضة رفضت .. والكل ماعارض روضة من أهلها لأنه في أول الأمر والأخير القرار قرارها وبعدين أهلها ادرى بمصلحتها ومستحيل تطيح عند أي حد ..
..
وبعد رسلت له على إيميل رد على الخمس دقايق..
" فلان يا ولد العرب والناس، خطيت صح بس ما بستمر بالغلط وشوه باقي يعني الصوت ما اقدر وهذا شوه تسميه كتابه جني رمستك مابغلط وما ابغي إيدي تخوني ولو خانتي إيدي بعد ما راح تسمع صوتي.. وروضة مستحيل تتصل ولو إتصلت مستحيل إنها تتصل من تلفونها ...
وطرشت له إغنيه لعبادي ..وقالت له لو تسمع بعد ضاع الأمل..وقالتله جان تبغي الإيميل انا ما لي حايه فيه وبطرشلك الباسورد..
رد عليها عبدالله بإيميل ورسل إلها اغيه لكاظم الساهر أنا وليلى وقالها انا ما اسمع لعبادي غير الصبر وعود..
وهذا اللنك مالها:
http://www.q6of.com/music/gulf/saudi...m/abadee35.ram
وكلمات الصبر هذي هيه..
الصبر
الصبر... مالي انا الا الصبر
الغدر... وشلون جاء منها الغدر
ياقلب ابي منك العذر
انا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ماهقيت ان الوفا في قلبها ماله قدر
واني انا محتاج مني الصبر
ياقلب ابي منك العذر.. وان مارضيت مالي جدى كود الصبر
ياجرحي في كل الدهر فارقت انا الدنيا
ياطعنة وسط الظهر لابد انا انساك
بنسى ان كل اللي راح .. بنسى الفرح لجل الجراح
بنسى قصيدي والشعر.. بنسى سنيني والعمر
مع الهجر يمكن في يوم اسلى
وان ماسليت او ما نسيت
منك العذر..مالي جدى كود الصبر
ياللي خذلتي مدمعي..ان كان ودك ترجعي
عندي طلب .. لاترجعي
ياللي خذلتي مدمعي .. وتنسي السعادة والفرح
وتتعذبي وبعد العذاب تتعذري
عبدالرحمن بن مساعد
وهذا اللنك مالها ....
http://www.q6of.com/music/iraq/kadee...a-wa-layla.ram
وهذي كلمات أنا وليلى :
"ماتت بمحراب عينيك ابتهالاتي
واستسلمت لرياح اليأس راياتي
جفت على بابك الموثوق أزمنتي
ليلى وما أثمرة شيئاً نداءاتي..
عماني مارفني لحن على وتر
لا أستفاقت على نورٍ سماواتي.
أعتق الحب في قلبي واعصره
فأرشف الهم في مغبر كاساتي..
ممزق أنا لا جاهُ ولا ترفٌ
يغريك فيا فخليني لآهاتي
لوتعصرين سنين العمر أكملها
لسال منها نزيف من جراحاتي
لو كنت ذا ترف ماكنت رافضةً حبي
ولكن عسر الحال، فقر الحال، ضعف الحال مأساتي
عانيت عانيت... عانيت عانيت..
لا حزنٍ أبوح به ولست تدرين شيئاً عن معاناتي..
أمشي وأضحك يا ليلى مكابرةً
علي أخبي عن الناس إحتضاراتي.
لا الناس تعرف ما امري فتعذرني
ولا سبيل لديهم لمواساتي..
يرسوا بجفني حرمانُ يمص دمي
ويستبيح إذا شاء إبتساماتي..
معذورةُ أنتي إن أجهضتي لي أملي
لا الذنب ذنبك بل كانت حماقاتي.
وجأت أحضانك الخضراء منتشياً
كالطفل أحمل أحلامي البريئاتي..
غرزت كفك تجتثين أوردتي
وتسحقين بلا رفقٍ بلا رفق مسراتي..
واه غربتاه وا غربتاه..
..........................................
..............................................
خانتك عيناك في زيف وفي كذبٍ
أمر غرك البهرج الفتان..
مولاتي..
فراشةٌ جأت ألق أجنحتي لديك
فأحترقت ظلماً جناحاتي..
أصيح والسيف مزروعُ بخاصرتي..
والغدر حطم آمالي العريضاتي..
وانت أيضاً ألا تبت يداكِ ..ألا تبت يداكِ
إذا أثرتي قتلي وأستعذبتي أناتي..
هل لي بحذف إسمك الشفاف من ملفاتي
إذاً ستمسي بلا ليلى ..بلا ليلى .. ليلى حكاياتي..
إذاً ستمسي بلا ليلى حكاياتي.."
روضة يوم سمعت اغنيه كاظم ، رسلت إيميل لعبدالله.
"
إذاً سوف تمسي بلا ؟؟؟؟؟؟؟؟؟؟؟ حكاياتي.."
" صحيح إني بنت عاديه بس غير عن كل البنات ، الله يرزقك ببنت الحلال والله يستر عليك شرى ماسترت علي والله يحفظك لأهلك ، وإن شاء الله الخير في دربك....إلخ، وصدقني بتقولي كل مره أهلج وأهلج بقولك هيه أهلي إلي هم مالي بد منهم ولو سرت ورجعت مردي عند اهلي وما ابغي أخون الثقة وترى هذي الدربه لا دربتي ولا دربك " حل عن سمايه وبحل عن سماك"
والسموحة.
وبعد رسلت له إيمل تتخبرة ولكن عبدالله رد عليها
اسمع كلامك أسدأك أشوف عمايلك أستغرب.. هذا المثل بالمصري يقرونه.
"والله إنتي إلي تخوفين لا وبعد سهر فليل والله يبالج..
.................................
روضة يوم رسلت الإيميل يا عبدالله ما كانت بالأساس ترقد من الضيجة والحسرة بس روضة ردت على عبدالله
" شوه مضيعة المذهب قالولك وإلا صح وياك حق تقول جيه أنا أستاهل صح صح إنها غلطة ولكن يا كبرها عند بنات العرب، ونصيحة إعتبرها من إخت مافي حد ياخذ وحدة عن طريج التلفون أو النت وصح صار وقله منهم إلي نجحوا في زواجهم بس صدقني طول عمرك بتعيش في شك مثل ما كلمتني بتكلم غيري ولكن انا عزيزة عن هذي الدربه والله يستر والله بيرزقك ببنت الحلال..وكتبت له دعاء..
رد عبدالله على الإيميل إلي كتبت روضة فيه حل عن سمايه ..
ح

قال الرسول صلى الله عليه وسلم :
من كانت عنده مظلمه لأخيه من عرضه أو من شيء فليتحلله من اليوم
قبل أن يكون دينار ولا درهم ان كان له عمل صالح أخذ منه بقدر مظلمته
...وان لم يكن له حسنات أخذ من سيئات صاحبه فحمل عليه
ومب قادر اكمل
ذاكرة الأيام ودفتر أحزاني
:
ومن خلال الإيميل مثل ما انتوا شايفين إخترنا عنوان القصة وإلي هي بآخر إيميل إرسلة عبدالله لروضة وإلي ننزل هذي القصة عشان الناس تهتدي من وراها وهذا بعلم من كلا الطرفين إنها تنزل في هذا المنتدى..
بس بعدنا ما خلصنا القصة....
http://www.dubaimoon.com/songs/arshe...al-al3amre.ram
روضة ما كانت ترتاح من يوم هذي السالفة سارت روضة وقالت حق حرمت خليفة السالفة وإلي هي قريبة وايد من روضة وحرمة خليفة قالتلها والله يا روضة مبين عليه ريال والحمدالله والله يرزقة شرى ما ستر ، وروضة قالت أنا بخبر خليفة..
حرمة خليفة: ليش إنتي خبلة صح إنتي كل شيء تقولينه بس إلا هذي السالفة انا اعرف إنه خليفة بيسمعج بس خلاص دام الله ستر.
روضة: أنا ما تعودت وبعدين خليفة بيفهمني .
حرمة خليفة: صح إلا هذا الموضوع يا روضة ولو دروا اخوانج ما تعرفين شوه بيصير فيج.
روضة: لا أنا راضية بس برتاح.
سارت روضة وإتصلت في خليفة إلي كان في أبوظبي.
خليفة: مرحبا الساع برويض .. هلا وغلا..
روضة: لا عاد هالكثر.
خليفة: شخبارج.
روضة: الحمدلله.
خليفة: شوه بلاج.
روضة: خليفة متى بترجع.
خليفة: الأثنين بكون في العين وبسير دبي عشان موعد الولد بشل حرمتي وبنسير.
روضة: يعني متى بتكون في العين.
خليفة: الأربعاء.
روضة: خلاص عيل.
خليفة: روضة شوه بلاج قولي.
روضة: لا بقولك يوم بشوفك.
خليفة: أفا أنا خليفة شكلج تعبانه.
روضة: لا عاد تعال.
خليفة: إنزين يوم بتي بنتفاهم بس بتأكليني كنافة على حسابج.
روضة: فالك طيب بأكلك كنافة بعد من النابلسية إلي في شارع خليفة وغيرة.
خليفة: ما بتقولين.
روضة: خليفة صدقني ما مستوي شيء بس بخذ شورك، روضة قالت هالشكل عشان ما تشغل خليفة عليها .
خليفة: خلاص يوم برجع عيل، وتاخذين شوري لا يكون ياينج معرس.
روضة: لا..لا.. يا أخي ما ابردك ، خلاص يوم بترجع بخبرك ويالله برايك الحين مع السلامة.
خليفة: وين بتسيرين.
روضة: يالله خليفة عندك حرمتك سير وإتصل إبها ..
..............................................
صح خليفو سكر التلفون لكن عقبا رد وإتصل بروضة وكلمها وقالها...
خليفة: حشى طفرة متى برد.
روضة: هذا كله عشان الكنافة.
خليفة: مال عمك ما يهمك وآخرتها شكلي أنا إلي بأكلج وعلى حسابي ..لا على طاري الإمتياز.
روضة: ما يندى الصراحة شوه.
خليفة: أفا.. أفا.. لا إن شاء الله أكيد إمتياز وذيج الساعة بتعطيني مليون.
روضة: مليون وإنته بعدك تحلم فيه يا خليفة.. ههه
خليفة: يالله عاد ما بتقولين شوه فيج.
روضة: هيه لا ما بلاني شيء وصدقني بقولك السالفة يوم بترجع وسكرت روضة التلفون..وخليفة إلي حاس بإخته لأنه هو وايد قريب من روضة صح هو لكبير ..بس دايم يقول حق روضة صح أنا اخوج لكبير وبيني وبينج مافي أسرار صح هب كل شيء .. روضة كانت تعرف أي شيء يصير لخليفة وتعرفة إذا كان مهموم من شيء ولا بعد تكشفة إذا كان عنده شيء.
روضة ما شافت خليفة إلا يوم الجمعة لأنه رجع بالخميس متأخر ويوم الجمعة تسير روضة وتقولة اليوم بكلمك.
خليفة: إنزين.
روضة: يوم بتفضى إتصل فيني بس ما أبغي في البيت خلنا نطلع.
خليفة: خلاص بعد صلاة المغرب.
طبعاً خليفة بعد المغرب إتصل بروضة وقالها ها رويض زاهبة.
روضة: إذا بعدك ما بنزل لين ما تخلص خلني شوي منسدحة.
خليفة: ليش بس بتدخن يالله نزلي.
روضة:لحظة بلبس عباتي وبعدها نزلت روضة..
أم خليفة على وين.
خليفة: والله روضة قالت بتاخذلي كنافة على حسابها يالله روضة.
وتطلع روضة ويا خليفة وقبل مايوصلون السيارة خليفة يمسك إيد روضة وحسة روضة بضغطة من إيد خليفة على إيدها .
خليفة: شوه تحيت راسج.
روضة: لا ما بقول خلنا نظهر.
خليفة: زين ظاهرين ترانا.. يالله ويظهرون..
خليفة: يالله ظهرنا.
روضة: الحين إنزين خلنا نسير مكان لا وإنت تسوق مستحيل أخبرك.
خليفة: عادي أنا ما احب أوقف السيارة يالله رمسي عادي وبنوقف في أي بقعة.
روضة: خليفة أنا الصراحة ما متعوده أخش عنك شيء وأي شيء يصير أخبرك به وإنت تعرف إش كثر أنا ارتاح لك وإنت بعد ما تقصر يوم تخبرني شوه بلاك .
خليفة: روضة دشي في الموضوع.
روضة: شوف بتضربني إضربنيبس أنا لو رمست الحين ما بتعصب وإنته تسوق.
خليفة: تراج طفرتيني إرمسي عاد.
روضة: شفت الحين إنته كيف عيل يوم بخبرك شقايل.
خليفة: والله ما في شيء أضحك زين يالله عاد رمسي .
روضة: خليفة: انا دشيت الجات، وتخبرة من أول يوم دخلت الجات وأيام راعي.
خليفة: إنزين لا عطيني الزبدة هذا خليه.
روضة: إنزين يا يتنك السالفة.
خليفة: حشى أختي واحد من الشباب وإنتي من وين لج هذي لعلوم.
روضة: والله من كثر ما ترمسون ومن كثر ما ايلس وياكم وسوالف الصرحة مخترعتنا شيء منها.
خليفة: إنزين كملي.
روضة: تكلمت لين ما وصلت عند عبدالله.
خليفة: أيوه يعني خير شوه بياخذج.
روضة: خليفة شوه يا خذني إنته.الثاني.
روضة كانت تطالع خليفة إلي كان كابت غيضة من خلال حركة إيده إلي يجسفها ويضمها على داخل بالقوا وملامح ويهه.
روضة: خليفة إذا بتضربني إضربني أستاهل والله وانا اعرف إني غلطانة.
...........
شوه تتوقعون ردة فعل خليفة بيضرب روضة لا لأنه خليفة قلبة حنون بشكل ما تتصورون وبالعكس وايد متفهم ويقدر إلي يرمسة وبعدين هو وايد ويا روضة .
خليفة: تعرفين لو عدتيها مرة ثانيه برنج على راسج.
روضة صح كانت خايفة بس ما توقعت هالشكل يرد .
خليفة: وإنتي يا روضة علة قولته في لندن وشباب لندن مايعرفون يعني بالكمبيوتر وإلا إنتي شوه عرفج إنه ما حدر كمبيوترج وإلا أساساًُ شابكنه بكمبيوتره.
روضة: خليفة خلة يحدر لأنه هب كمبيوتري إستخدمت وشوه بيلاقي فيه ماشيء وانا كم من مرة قلتله وهو قال ليش تظلميني هالكثر .. بس والله تعبانه تعبانة..
خليفة: وإنتي من عقلج الحين ترمسين إنزين سيري خبري الباقين وشوفي شوه بيستويلج لو قلتيلهم.
روضة: لا طبعاً أنا قلتلك إنته وبس صدقني يا خليفة لا هو غلط ولا أنا غلطت علي بشيء وكل حد كان يحترم الثاني.
وروضة خبرة خليفة بكل شيء بالمواقف إلي ويا عبدالله ومن ضمنهم سالفة عورني ويهي..
خليفة تم بضحك من الخاطر على هذي السالفة .
روضة: لهدرجة السالفة تضحك.
خليفة: عطيتيه درس في الأخلاق يا روضة.
روضة: لا والله هالشكل كنا نسولف صدقني والله.
خليفة: من غير ما تحلفين مصدقنج.
روضة: خليفة إذا بتضربني إضربني وروضة كانت تصيح..
خليفة: يا روضة لا تصيحين وخلاص إنتهت السالفة ومش عيب الإنسان يغلط ويعترف بغلطه بالعكس إنتي حاسة إنج غلطانه وهذا ما راح يخليج ترجعين للغلط لأنه صدق المره اليايه عاد شيء ثاني بيصير.
روضة: لا والله ما يخصني أصلن أنا ما اعرف كيف غلطت.
خليفة: والله أنا مستغرب منج.
روضة: ثقتك ما نهزت فيني.
خليفة: بالعكس ثقتي والله إنها زادت فيج أكثر لأنج خبرتيني وصح محد يقدر يسمع هالسالفة من إخته لكن أنا بعدني أعرف منوه روضة، وشوه تبيني أضربج عمره الضرب ما يكون حل ولا تصيحين بس.
روضة: خلني خليفة على الأقل ارتاح شوي..
خليفة: أنا يوعان وإنتي قصيتي علي وما شريتيلي كنافة، قومي بنسير نتعشى في مطعم ، خليفة دش بالسالفه عرض عشان يسكت روضة من الصياح.
روضة: أنا ما ابغي.
خليفة: هب على كيفج، سيري لا.
روضة: أنا ما ابا.
خليفة: شوفي نحن الحين صوب كنتاكي وإلا تبين نسير اي مطعم في شارع خليفة بنسير وبنيلس.
روضة: إنته شوه تقول أصلن ما في كباين .
خليفة: لا في وبعدين لو كنا في دبي أو أبوظبي بنقعد لأنه محد له خص في حد لكن إهنيه كل واحد إمبقق عينه هالكبر ، أقولج يالله وصلنا كنتاكي حدري.
خليفة: روضة إنته من صدقك.
خليفة: هيه يالله نزلي.
وتنزل روضة ويا خليفة ويقعدون في مكان العوايل.
روضة هب متعودهة على العين لو كان في شمال أو أبوظبي عادي لأنه إهناك على الأقل عادي ومحد له خص في حد.
روضة قافطة.
خليفة: شوه بلاج .
روضة: أحس شكلنا غلط.
خليفة: جيه أنا عادي أييب حرمتي وولدي وإني ما احيدج جيه.
روضة: إنزين هذي حرمتك وإنته عادي.
خليفة: وإنتِ إن شاء الله ويا منوه ظاهرة تراني أخوج.
روضة: يعني شوي العين تعرف.
خليفة: سيري عن التخلف هذا والله لو كل واحد بيفكر شراهم جان الواحد ما عاش.
روضة: وإنته كنتاكي وأنا أقول شوه بلاه الولد طالع فلبيني.
خليفة: منوه ولدي ههه لا والله .
روضة: لا والله فديته.
خليفة: تعرفين يوم أيبه إهنيه أو في أي مطعم يوم يخلص ماكل يالله باباه نروح ماما خلاص بنسير مطاعم أبوظبي حفظوه ودبي ويتلقوله بعد.إنزين إنته خلصت نحن بعدنا، يالله السيارة.
روضة: خله ريال..ههه.
خليفة :شوه تبغين
روضة: ما ابغي شيء إنته إطلب وكل.
خليفة: لا صح عشان أغص تقعدين تطالعيني أصلن هب على كيفج بتاكلين بتاكلين وإلا تبينا نسير مطعم والله يالله بنسير.
روضة: لا..لا خلاص زين إهنيه.. روضة بالفعل ما كان خاطرها بشيء وبعدين كانت تحاتي خليفة إلي دوامة في أبوظبي والمفروض إنه يسير لأنه الساعة كانت 10:30 .
خليفة: يالله إكلي.
روضة: أنا ما اشتهي.
خليفة: الحين بسدحج وبأكلج.
روضة: لالا وخلق الله إهنيه.
خليفة: وين خلق الله ما اشوفهم إلى إثنين وإمفلع بعد.
روضة: تعرف .. صح خبرتك بس تخيلتك يعني على الأقل سطار ولو إنك ما تسويها.
خليفة: جيه الرجولة بالضرب وإلا أنا نذل.وعمرة الريال ما تكون رجولته بالضرب بالعكس هذا يعني يكون إنسان ضعيف وما يته المريلة. الحين أنا تفاهمت وياج والأخو لازم يضرب ولو مديت إيدي عليج شوه راح استفيد عقبها ن لكن يوم إيك الواحد ويرمسك من قلبه ويفتحلك إياه ويقولك أنا خطيت ويشكيك هذا يزاه.
روضة: محشوم يا خليفة.
خليفة: سكري الموضوع خلاص خلينا ناكل لا تفكرين في شيء الحين.
وبعدها خلصوا واظهروا..
في السيارة روضة بعد تمت تصيح وخليفة ما يهون عليه يشوف دمعة من عيون خواته أو واحد من أهله .
خليفة: في إختراع إسمة كلينكس يالله امسحي دموعج.
روضة: خلني والله ما تتصور أنا كيف عايشة طول الفتره إلي طافت والله يعين على إلي ياي وانا بروحي هب عارفة عمري أنا ليش طحت هذي الطيحة .
خليفة: قتلج خلاص إنتي من شوه خيفانه أنا اعرف السالفة صح شوه تبين غير جيه وإنتي خلاص حسيتي بالغلط وهو ما درى عنج وإلي درابه ألف وحد ة ووحدة شيء.
وبعدين إنتي غبية في الأرقام.
روضة: ليشِ.
خليفة: هذا صح خط دبي وهذا صح خط لندن يعني ما تعرفين إنه خط لندن يشتغل في لبلاد .
روضة: صدق..صدق.. خليفة الثقة ما إنهزت من صوبي.
خليفة: يعني بعد أضربج عشان تصدقين وبعدين أقول أبو جاسم يالله ريس بنداعس على الخط.
روضة: والله مالي خلق سوالف.
خليفة: لا تجلبينها نقد إلي فات مات وأنا وراي بعدني خط أبوظبي وإنتي غلطي وإعترفتي بالغلط.
روضة: أنا لين الحين هب مصدقة عمري.
خليفة: شوه رايج تبين تسوقين بدالي.
روضة: لا والله.
خليفة: لا وانا بعدني صاحي أصلن بتمين طول الوقت تصيحين وبنوصل الساعة 3 وإلا يالله بنداعس الله ما مخلية لا الكاربيترهولي ولا الغاز ولاشيء .. وهاتي الأرقام.
وعطت روضة خليفة الأرقام.
خليفة بطبعة إنسان حنون ويحب يفرح إلي حوله، ياخذ الورقة ويجسفها ويقول تعال يا عبدالله الكتبي في مخباي بنشوف منوه عبدالله هذا..
روضة: خليفة شوه بتسوي خلاص الريال ما تعرض لي صح وجزاه الله خير .
خليفة: إنتي تتغابين أنا الشباب أعرفهم ، يمكن هو عاملج بنفس إسلوبج وهو ذكي الصراحة تعرفين ليش تم يسحب منج الرمسة لكن ما قدر زود لأنه إنتي رافضهذا الشيء، وبعدين أنا بس أباج ترتاحين وايد وأنا عرفت ولا تحاتين شيء وجزاه الله خير والله يستر على أهلة. ولكن بعد الشباب بيشوفون شغلته ههه.
خليفة هالشكل يقول عشان بس إيريح روضة وتهدى نفسيتها ولكن روضة تعرف خليفة زين لا يمكن ‘نه يأذي حد دام إنه ماتعرض له بشيء.
روضة: تعرف قلت بنزلها قصة وهو عنده خبر وقلت عشان الشباب بعد يهتدون صح إني خطيت ولكن يوم عرفت خلاص .
خليفة: وانا بعد أشجعج والله يوفق عيل بتنولد عدنا أديبه عن قريب وبيطالبون فيج الإعلام.
روضة: انا برويها وبشوف منوه بيكتبها وبنزلها في منتدى من المنتديات.
خليفة: وانا بقراها.
روضة: شيء أكيد بعد ما تخلص.
خليفة: خلاص خبروني بالأحداث.
روضة: تعرف شوه بنسميها بآخر إيميل طرشه لي .
خليفة: لا والله شوه الإيميل.
روضة: خبرته شوه كان في الإيميل.
خليفة: هذا بالله عليج بعقلة مدخل الأحاديث .
روضة: خليفة لا تظن في الناس والموضوع إنتهى وقلت جزاه الله خير لين إهنيه وستر .
خليفة: يالله الله يستر عليه شرى ما ستر .بس مسكين الصراحة.
روضة: ههه ليش.
خليفة: شوه كاتب ما عليه لالا حرام .. مسكين يا عبدالله.
روضة: خلاص لا تطنز زود.
خليفة: تعرفين لا تخليني أيوزج واحد يماحي من اهل الفجيرة.
روضة: واهون عليك.
خليفة: لا والله والنعم الساع بالريال لكن مستحيل.
روضة: هيه زين.
خليفة: الله يعين إلي بياخذج ، إنتي يبالج واحد تحت الطلب وشكلج خبصتيه الريال من كثر النصايح.
روضة: تعرف مره قلتله مد ريولك على قد لحافك.
خليفة: لا صح زين والله. الإخت عيمية فشلتينا ..أقول ترى قوليه هالشكل عند الكل لأنه صح جيه هو.
روضة: بعد إنته تطنز أنا سادني طنازته.
خليفة: روضة ما إنتهينا من الموضوع.
روضة: والله خلاص وتبغي الصدق لين إهنيه وجزاه الله ألف خير ..
.....................
ووصلوا البيت .. كانت روضة صح إرتاحة على الأقل حد درى بالسالفة..
http://www.q6of.com/music/gulf/saudi...elrahman20.ram
بس لين الحين روضة بعدها يوم عن يوم تكره عمرها يوم فكرت تدخل الجات وتذم عمرها لأنها هب متصوره هيه كيف سوت هالشغله وتحمد ربها إنه عبدالله ظهر في طريجها وتدعيله بأنه الله يسر له أمره ويستر على أهله شرى ما ستر عليها.. روضة ماتعرف عن عبدالله شيء وما يهمها هل هو كان صادق بالكلام إلي قالها إياه وإلا لا المهم إنها كلمت إنسان في يوم من الأيام فهم وما غلط عليها ولو بكلمة وله كل الإحترام..
وإنتي يا روضة ما اعرف متى راح الجرح يبرى عندج ومتى بتسامحين عمرج.. الإنسان صح يغلط ويصحوا من الغلط إلي طاح فيه وخليفة الإنسان إلي بالعكس وقف مع روضة كم يسوى عليج يا روضة مثل هذا الأخو إلي البنات يتمنن إنه إخوانهم يكونون مثل إخوانج يا روضة أو شرى خليفة إلي تفهمج وإلي هو وياج يوميا وبالعكس شجعج عشان القصه تنزل وطبعاُ كلمة حق فيك يا خليفة من روضة ولا شيء يسواك ، وأحمد ربي إنك أخوي وأشكره إنك أخوي وسامحوني يا اهلي .. بس بنتكم هيه بنتكم .. وعمرة الظفر ما يظهر من اللحم..
وخطيت ويا كبر جرحي في يوفي وإن في يوم خذاني الموت برتاح من هم يمكن شايلتنه.. والصبر ملني وحالي متعثر أضحك وأسولف وياكم صح لكن إلي في القلب في القلب ما يعلم به إلا سبحانه.. ومتى بسامح عمري على غلطة من عمري راح تصاحبني طول حياتي ويالله بسترك ولطفك وإنته يا عبدالله أدعيلك من كل قلبي الله ينور لك دربك شرى ما سترت ويحقق كل إلي تبغيه. وإسمحولي هب قادرة أكمل زود ولكن نصيحة من إخت لكل وحد سايرت في هالدربة او إنها تفكر تدش الجات فكري قبل كل شيء بكل خطوة تخطينا يمكن إنا كان إبتلاء من الله سبحانة وتعالى ويمكن حد غلط من أهلي والدنيا سلف ودين والحمدلله على كل حال...."روضة"
....................
وبالتالي يا جماعة الخير .. حلم عمري مجرد قلم خط بهذي القصة وإلي إن شاء الله نطلب دعواتكم لكل الشباب إلي ساروا في درب الغلط وصحوا منه وأعلن الآن يسدل الستار عن قصة " ذاكرة الأيام ودفتر أحزاني" إلي توقعت بآخر إيميل طرشه عبدالله لروضة وإلي الأكيد كل من الطرفين عارف إنه القصة راح تنزل وإن شاء الله قروها.. وأتمنى إني وصلتها بالصورة المطلوبة.... ولو تلاحظون الخاطرة عطت بعض من الأحداث إلي صارت في القصة.. لكن بعدها القصة لين إهنيه ما إنتهت طبعا قلتلكم من قبل في خبر ..أول شيء القصة وصلت لمحامي وإلي راح يرافع عنها ونعرف رايه في الطرفين فهل هو بيكون محامي دفاع مثل ما نحنا عارفين أو ضد ؟؟؟؟ وإن شاء الله كلها إسبوع أو أيام وبنزل راي المحامي إلي إن شاء الله راح تعرفون إسمة ومنوه هو ....
وأترك الآن الساحة لكم ولي آرائكم وحكمكم على الطرفين .. ولا تبخلون علينا وكونوا عارفين كل كلمة راح تكتبونها راح توصل إلهم إذا قروا القصة....
حلم عمري " اللهم إني بريت الذمة " من قصة ذاكرة الايام ودفتر أحزاني وحلم عمري يستسمح راوعي القصة على أي قصور بدر مني في توصيل القصة للناس... وما راح ننسا خليفة بنسخة من هذي القصة مثل ما عرفتوا إنه يتريا يقراها .. وبالتالي السالفة كلها عند خليفة ،روضة، عبدالله وإلي عبدالله مايدري إنه روضة خبرة إخوها إي جد يوم قالتله إني بخبر اخوي بس قالها ستري على عمرج، بس روضة يا عبدالله بعدك ما عرفت منوه خليفة أخو روضة .. وهذا إلي قلته قليل في حقه والحين خلاص درى والله يستر على الجميع..
ولي عودة إنشاء الله لمشاهدة تواصلكم ولي تنزين الرد من المحامي والسموحة من أهل القصة..
وما ابغي اطول وايد بس بنقول " محكمك" ويمتثل المتهمين أمام القضاء
"اللهم إهدنا فيمن هاديت ، وعافنا في من عافيت ،وتولنا فيمن توليت، وبارك لنا فيما أعطيت ، وقنا شر ما قضيت، فإنك تقضي ولا يقضى عليك، إنه لا يذل من واليت ولا يعز من عاديت ، تباركت وتعاليت."
" اللهم إغفر لنا خطيئاتنا وجهلنا وإسرف في أمرنا وما أنت أعلم به عمنا"
"اللهم إنا نعوذ بك من منكرات الأخلاق والأعمال والأهواء والأدواء"
النهاية
"
"
بسم الله الرحمن الرحيم
سلام من الله ورحمته وبركاته..
أعضاء منتدى ألم الإمارات ورواد هذا المنتدى المميز...
سبق وأن قلت بأن القصة سيرافع عنها محامي والمحامي هو
الأستاذ: إبراهيم التميمي..
محامي ومستشار بدولة الإمارات العربية المتحدة
هاتف: 02- 6265050
أبوظبي..
وكلها أيام إن شاء الله وراح يوصل الرد ...
"
بسم الله الرحمن الرحيم
السلام عليكم ورحمة الله وبركاته جميعا:
قراء قصة ذاكرة الايام ودفتر احزاني .. ها انا اعود لكم برأي المحامي والذي من خلاله نختم القصه فإليكم ...
رأي المحامي..
إلى الانسة الفاضلة العائدة إلى طريق الصواب والتي طرحت الخطأ بعد مرورها بالتجربة التي لم نكن نرغب أن تمر بها، نقول لها بارك الله فيك الذي هداك إلى طريق الصواب وأبعدك عن هذه السخافات والتفاهات التي تكتب من خلال جهاز الانترنت والمسمى ( بالشات.(
* لقد أحسنت صنيعا حينما قمتي بنشر تجربتك والتي نرى أنه ليس من العيب أن يقع الانسان في الخطأ ولكن العيب الاستمرار فيه وإن كنا لا نرغب من كان في أخلاقك وتربية أهلك لك أن تقربي من هذا الفعل ( كنافخ الكير الذي يوشك أن يقع فيه) والحمدلله أن من الله عليك بالرجوع إلى تحكيم العقل والمنطق.
* ما الفائدة من كتابة هذه السخافات والتفاهات والتي نراها للأسف أيضاً في الشريط الدائري للتلفاز لبعض القنوات والمحطات والذي نقرأ فيه بعض الكلمات التي لا تليق بمجتمعنا وعروبتنا والاهم بإسلامنا، فكيف يقبل إنسان مهما كان أن يكتب لأخر أنا أريد أن اتعرف؟ أنا من البلد الفلاني وأريد فلانه؟ الى آخر هذه السخافات من الأقوال والتي هي ليست إلا للهو واللعب والضحك من كل طرف على الطرف الأخر للوصول إلى غايات القصد منها الاخلال بالآداب سواء كان علنياً أم سراً وهناك قول ( وإذا بليتم فاستتروا.(
توجد بعض الملاحظات على قصتك وهي:
* أنا ضد الاخ الذي يحاول تشجيع اخته للدخول في مثل هذه السخافات وابداء الرأي للمشتركين وغيره من التصرفات.
* عجباً لشخص متعلم ويحمل شهادات عليا وهو بصدد تقديم ما جستير ودكتوراه ( كما علمت من القص’) من أن يضع نفسه ضمن هؤلاء الجاهلين والذي يمكنه وحسب ما وصف به نفسه من مكانته الأسريه أن يختار من يريد ومن يهواه قلبه دون البحث عن واحدة من خلال هذه التصرفات التي لا تليق بمن في مركزه والتي ستضعه مستقبلاً في شك طول حياته والذي إطلعنا عليه من خلال القصص التي عرضت على المحاكم والذي لايتسع المجال لشرحة عليكم لأنها مآسي واتهامات تمس العرض والشرف.
أخيراً أرجوا المعذرة لكل من يسير في هذا الطريق أن لا ينزعج من وجهة نظرنا والتي ثبتت صحتها من خلال هذه القصهة التي نشرتها الانسة وكذلك من خلال القصايا أمام المحاكم والذي قمنا بإعطائها رأينا باختصار والذي كان بناءاً على طلبها دون الخوض في المشاكل التي تحصل جراء هذه التصرفات.
أرجوا للجميع الهداية والابتعاد عن ذكر الأقوال المسيئة والمشينة والتعويض عنها بكتابة بعض المقالات التي تنفع المجتمع.
وفقكم الله وهداكم،،،،
والسلام عليكم ورحمة الله وبركاته،،،،
المحامي
إبراهيم التميمي..
هذا كل إلي وصلني من غير زيادة او تعديل على الرد وأشهد الله على كل حرف كتب من رأي المحامي من غير زياده او تعديل وإذا حابين تستفسروا رقم المحامي من قبل كان موجود ولكم الإستفسار عن الرد..
************
وبنهاية رأي المحامي يكون قلم حلم عمري قد برأ الذمة أمامكم من هذه القصة والتي أسأل الله العلي القدير أن يبعد كل من يحاول أن يخطوا بالخطوة التي خطتها روضة إلى درب الرشاد..
نصيحة أخوية ...
من خلال سردي للقصة أتمنى بالفعل من أخواتي عدم الخوض في هذا الطريق ... وبالصراحة بنات انتبهوا لكل خطوه تخطونها مش كل مره تسلم الجره وترى الشات كل واحد يقص على الثاني بالكلام لا تضنون إنه الشخص إلي تتبادلين وياه صادق معاج غرض معين يبغي يوصل له وخلاص مع السلامه في نهايتها من غير التشهير ومنوه منا ما يعرف يمكن يكون أكثر من واحد مجتمعين على جهاز كمبيوتر أو ان الشخص يتباهى جدام رباعته والله انا كلمت فلانه وهي وهي ويدخلون في اعراض الناس إلي ما يخافون في يوم إنه يمكن تمس عرضهم وهذا يحصل من خلال القصص إلي نسمعها وماضنتي في حد مغمض عينه عن هذي الأمور .. يا بنات الحلال .. بلاها هالدربه وحشمن عماركن مهما كان الوحدة ما لها غير سمعتها وسمعت اهلها وأرد وأقول الودرة الذبلانه محد يشتريها صح وإلا في غلط في كلامي كل واحد لما يسير محل الورد لو يا بيشتري ورده وعطاه راعي المحل ورده ذبلانه بيشتريها لا ط