ذهب الامس ورحل ولكن بقى فى القلب الاثر

للامانه ولحفظ حقوق كاتبت الموضوع الموضوع منقول بس اثر فينى بشكل
اختى كانت مسجله بالمنتدى واصرت اقرا القصه المغرب فحبيت تقرونها
السلام عليكم ورحمته وبركاته
حبيت اطرح هالموضوع هنا عسى ان يلاقى استحسانكم
مدخل
هى حاطه الرابط عشان تشغلونه وانتم تقرون
تحميل الملف من هنا
هالموضوع اتمنى ان يكون يوعى قلوب كثيره اتخذت من السرعه متعه مخيفه
بدايه
ببدا الاحداث فى يوم من الايام قررو ابى وامى انهم يعتمرو
واخذونا انا خواتى 2
وطبعا اخوانى واحد كان عمره سنه وشوى وواحد كان عمره 4
كنا رايحين لمكه نعتمر
كان فيه سيارتين كانو مسرعين ممكن يمشون150 او اكثر
وبعض الاحيان يهدون
كان ابوى متضايق منهم لانهم متهورين
وبعدين صار ابوى يسولف معنا وانا كان اخوى يلعب معى الصغير
وفجاه بدون سابق انذار
آآآآه وبوم
هذى اخر لاسمعته واخر لاشفته يد ابوى كانت تمسك المرتبه الى يم امى
وبعدين
ثلاث شهور كنت بغيبوبه بس صدقونى كانها نومه وقمت منها ماحسيت بشئ
كل الى اتذكره انهم اهلى الى كانو معى بالسياره يجون لمى مثل الخيال يضاحكون
كانهم يطيرون وينقزون حولى
وكل ماجيت امسكهم ابى العب معهم يضحكون ويختفون
وبيوم من الايام قمت من الغيبوبه اول ماقمت حسيت شى غريب سرير ولحالى
ممكن انا افقت الفجر وقمت من السرير
واطيح و انادى امى وابوى
ومسكونى السسترات ورجعونى
ذاك الوقت حسيت قلبى يدق بقوه
المهم جاء اخوى الى اكبر منى وجاء جدانى انا كنت صغيره ممكن 14سنه
طمنونى انهم بخير وسكت وش بسوى خلاص طمنونى
وطلعت بعدها بكم اسبوع كنت اعانى كسور برجولى ويدينى بس
ورحت لبيت جدانى جدتى
دخلت الا عماتى وخالاتى كلهم موجودين
بس عيونى ماتنظرلهم تدور زول امها واخوانها
ذاك الوقت عرفت بقلبى انهم فيهم شى وقعدت اصيح وهم يهدونى
لحد هنا وخلاص
انا من ذيك الايام تمنيت احد يسالنى وش صار بالحادث عشان اشيل شى من قلبى
اشيل شى كاسرنى
بس كلن يتحاشى السوال على بالهم انهم ينسوونى الى صار
واذا فتحت الموضوع يسكرونه طيب انا بقلبى شى ودى تشيلون عنى شوى البكاء انا تعبت منه
والهم اثقلنى
تمنيت انى معهم
الى اعرفه ان سبب نجاتى بعد الله انا كنت بالنص وطبعا الاجساد الى حولى الى هم خواتى حمونى بعد الله
ومكان ذاك اليوم يوم موتى
والخطاء كان 100%على الى صدمنا المتهور
ومع ذالك تنازلو اعمامى وخوالى عن القضيه
والديه
امه جات لنا قبل فتره تبي تشوفنى وتطمن على وتعذر انا رفضت مابى اشوفها
مابى اسلم عليها احس الموت ريحته فيها
احس اهلى يحومون حولها حاولت تسلم على وانا رفضت وقلت اطلعى بره اطلعى بره
اكرها واكره ولدها مابى اشوفها وش تبى عندى وش تبى منى
كنت ماعرف الحقد ماعرف الكره
ومانى مسامحته لين يوم الدين
حتى وهو الحين ملتزم وعنده عيال
لاتقولون انا قلبى اسود ماسامح والمسامح كريم
انا قلبى ترا موب اسود انا قلبى احسه بين اشواك تعتصره من الوجع
ياناس تخيلو بس مجرد تجيل انكم مكانى لحظه
امى ابوى خواتى اخوانى كلهم بلمح بصر راحو
معاد شفتهم معاد ناديتهم خلاص انتهو ورقه طاحت من صفحة حياتى ماقدر ارجعها اختفت
ماتو واندفنو وانا مادرى عن شى
قعدت بايام مايعلم بها الاالله ذاك الوقت تحطمت تحطمت ترجيت اروح بس البيت كنت ابى بس اشوفه
ابى ريحه منهم ابى لو لبسه لاخوى الصغير ابى ثوب لامى انهرت وانهرت الين رحت له قبل
ماينباع البيت
رحت مع جدتى عشان يروح من نفسى شى بس لاتلومونهم يوم ودونى والله من حالتى
ودخلته ياويل حالى بردت عظامى واقشعرت اطرافى ركضت الين دخلت الصاله حيل مظلمه
رحت للمطبخ ابكى اقلب بالدروج افتح الثلاجه اتخيل امى فيه تسوى وتنادى على الاكل شيلى يافلانه الصحون
شيلى اخوك وانا متكاسله بين ايه ولا
رحت للدور العلوى غرفنا
طبعاً اختى وجدتى حاولو يمنعونى ادخل غرفت امى وابوى بتقفيلها عنى
وبكيت الين دخلت شفت غرفه كانت تنبض بالحياه وكان باركانها صدى سوالفهم
وريحت عطرها فايحه واليوم ياويل حالى حتى عطر امى راح
وغرفه تشكى الفرقا مظلمه محزنه طبعا كل شى كان فاضى مافيه ملابس ابدا بس ابى شى ابى اشوف ممكن
لصغر سنى اتمنى انى اشوفهم اتمنى احد يجينى يقول شوفيهم ترا كنا نمزح والله من البكاء معادت شفت الى قدامى
صدى صوتى ملا الغرفه رميت نفسى للسرير ابكى وابكى وحالى مكسوره حسيت نفسى طير منكسر جناحه ومجروج
قعدت اشاهق واشاهق واشاهق قالو يالله شيلوها مشينا انا هنا ترجيت والله معاد ابكى والله معاد ابكى
بس ابى اشوف غرفت عبوده
يازين اسمه ليته حى
جريت رجلى وقلت ابى اكون لحالى روحو
اول مادخلت الغرفه جلست بجنب الباب ابكى اتخيلهم يناقزون قدامى يلعبون
ابى اسمعهم يصايحون كانو يزعجونى بذاك الوقت واليوم لو اسمعه صوتهم يسلينى
رحت لسريرهم اضم فراشهم يازين ريحته كان مغبر ونظفته ورتبته
وبعدها رحت لدولابهم وصرت
اشاهق من قو البكاء وسكت بعدها
شغلت المكيف بغرفة اخوانى انظر فيها تحزن فاضيه بعد من الملابس كلها شالوها
حطمونى حتى الصور كلها احترقت حرمونى اشياء حرمونى ذكرى غاليه بقلبى ياناس
والله لو تسوون الى تسونه مانى ناسيتهم مانى ناسيتهم
وبعدها
وبعدين رحت لغرفتنا انا وخواتى ليتنى مارحت اشتقت لكم اشتقت لهواشكم وينكم عنى اليوم
رحتو وخليتونى وحده منهم مكانت مشتهيه تروح بس لحبى لها اصريت وراحت
مادريت انى للموت اوديها ليتنى دريت والله لاذبحها وماخليها تروح ابد ابد
وقلت ابى انظفها وخلونى وانا ابكى
نزلت مع الدرج حسيت بانهيار حسيت وراى شى اسود كل مانزلت احس بظلمت الفرقى تغطى البيت
عاد بذيك اللحظه بس كنت بحاله ماتمنى اى احد يمر فيها
مسكت الدرج مابى اروح ياويلكم لو تبيعونه اشاهق واشاهق
يحاولون ينزلونى وانا متمسكه ابكى وابكى واصيح يمكن ذاك اليوم جيراننا سمعونى لان صدى الصوت وااضح
الين اغمى على من الحزن من شى فى كبدى يحترق
ويبونى اسامح واصفح وانسى كل هذا
انا قلبى اسود ايه اسود لان اسودت الدنيا بعينى ماتبونه يصير كذا
قلبى تحطم ونفسى انكسرت يوم رحت عن البيت انكسرت مثل الزجاج
تمنيت انه يموت بحادث لا تمنيت يموت محترق بحادث
ابيه يشوف الموت الى اهداه لنا بسرعته
وبعد كذا
رحت لبيت غير بيتنا
رحت لبيت مافيه امى مافيه ابوى مافيه احد تعرف هذا كيف تعرف وانت راجع يهللون اهلك لك بالسلامه
امك ابوك يحتضنونك
وانا ياهذا وينهم حرمتنى فرحة الطفوله حرمتنى حياه كامله قمت من الغيبوبه تمنيت اشوفهم
بس مره وحده يشوفونى طيبه
وبعدها
رحت لبيت احس انى فيه غريبه
صحيح ان جدانى حطونى بعيونهم وكل اعمامى واخوالى وماناقصنى شئ
بس وش الفايده!
ابى صدر حنون ويد حنونه
ابى امى وابوى بفمى اقولها
واتمنى كل واحد يسرع يموت بعد اتمنى يموت
ليش تحرمونى حياتى و اغلى ناسى وش استفدت يوم اسرعت تتفاخر
شفتنا نمو ت ونطاير قدام عيونك
هذا الى خلاك تتوب طيب التعليمات وان السرعه قاتله ماخلتك تتوب
اتمنى بس اتمنى تقولى كيف كانت احوالى انا و اهلى بالحادث ابى اشوفك تعذب وانت تشرح
ياترى شفت ابوى راسه مد مى وعيونه فاتحه لانه مات ودع الحنون الحياه ودع الغالى الحياه
شفت امى تصيح لين ماتت ابى اسالك بس شفت الصدر الحنون تموت
ياترى كانت تدورنا يوم عرفت انها موادعه ياترى قلبها كان ينبض بحبنا لاخر لحظه حب الام لصغارها
وخوفها عليهم
هل حست انها عجزانه عنا ولا من هول المنظر وماتحمل هالقلب المنظر وراح راح عنى
محتاجه الحين ايه الحين له ينبض ينبض بحبها لي ابيها تشوفنى اكبر واكبر قدام عيونها
ابيها جيبولى ذا القلب ابيه ابى شى من تحت ايدينها اى شى اى شى بس اى شى حطمتنى حطمت حياتى
ولا ولااشفت اخوى الصغير ميت على الزفلت ياترى مات على طول ولا بكى ينادى الين راح
وخواتى متانثارت ياترى هاه
تكفنو وغسلو بنفس اليوم بنفس اليوم وراحوللمقبره الى اعرفه انك حضرت الدفن يا ترى
من اول لاندفن ياويل حالى والله اكتب وانا ابكى
ابى اعرف امى ولا ابوى ولا اخوانى ولا خواتى كانو يتسابقون ورا بعض للبرزخ
وانا اهفو بذى الحياه ليتنى كنت معكم يمدينى مرتاحه
اسال واسال
ابى اعرف انت من اى البشر
انت من اى البشر مخلوق والله ابوى كان مرتعب والله كان مرتعب
ويدعيلكم بالهدايه وانت حرمته حياته بطيشك
يازين يد ابوى ولونها اخر شى شفته يازينها ليتها الحين تمسح على راسى
ودى تقرا موضوعى ودى تحس
كيف تحس كل انسان ينحرم من عزيز له بالحياه تتابع
واكيد اى واحد فيكم حس بس انا مره وحده
غيرت مدرستى مابى نظرت شفقه اكرها اكرها
رحت لمدرسه ماحد يعرفنى اسمع زميلاتى يسولفن عن امهاتهن يسولفن اليوم طابخه امى كذا ولامسويه هالكيكه
ولايشرن لهن لبس ولاهداياء والله انى اتحطم واتكسر جوى نفسى
ماحسدهم وربى ماحسدهم بس احن لميمتى
ولا ابوانهم ياخذونهم لتمشيه ويتكلمون عن اخوانهن
اشتقتلك ابوى اشتقت اطلع معكم انت وخواتى واخوانى
ابيكم عندى الحين ابى اروح معكم اشتقتلكم والله اشتقتلكم
اشتقت لقصصك وعطفك علينا
ارجع للبيت عند اجدادى متحطمه ماحد يدرى عنى احاول اخفى لان جدتى الى مات ولدها بعد
واول عيالها وحالتها من عقبه تحزن ماحبت انها تتالم حبيت اشيله لحالى
انا مؤمنه بقضاء الله وقدره
بس غصه بنفسى
اتمنى من الشباب انهم مايتهوررون بالطرق
انا مانقصنى شى ولله الحمد بس هم الى ابيهم بس
بس رجاءً يتيمه لاحد يقول هالكلمه اكره هالكلمه اكرها
اذا انت بايع نفسك وحزن اهلك
ترا فيه ناس تبى اهلها لاتحرمها الفرحه معهم وتقلبها حزن والم
انا الآن ارتحت لانى افضيت مافى نفسى ولو قليلاً منهُ
ختاماً
شيئاً بالنفس احببتُ القيهُ
اهلكنى حملهُ وصار يبكينى