ذوات الشعر الخفيف الاصلع نصيحه لوجه الله

السلام عليكم ورحمة الله
كيفكم خواتي
هذا اول موضوع لي بالمنتدى بس انا من اشد القارئات بهذا المنتدى وبمعضم المنتديات النسائيه
انا كان كل تركيزي وتعسكري في منتدى العنايه بالشعر وعندي بحر من الخلطات لان شعري شبه اصلع
بس اغفلت شي مهم
ان الدوره ماتجيني الا كل 4 شهو واحيانا مرتين بالسنه
بعد الزواج انتبهت له
وياريتني اعطيته اهتمام قبل الزواج بس الحمد لله على كل حال
امانه اي وحده تنتبه لهالاعراض تلحق نفسها قبل الزواج عشان ماتنصدم بعده بمشاكل اكبر من قله الشعر
الاعراض
الصلع المبكر
انقطاع الدوره لمده قد تصل الا 6 شهور
زيادة الشعر بالجسم وخاصه الافخاذ
السمنه
حب الشباب
هذي اعرض تكيس المبايض
قبل الزواج من بداية البلوغ كانت دورتي ماتجيني الا كل 6 شهور واذا كانت راضيه عني كل 4 شهور
وانا مبسوطه وكل الاعراض اللي فوق فيني ماعدا السمنه
كنت اعالج شعري وكنت ناويه اسوي ليزر لشعر جسمي بس كله يتصلح من الداخل
مافكرت اروح اشوف السبب عن دكتوره لين ما اهلي صحو علي وقالو نوديك الدكتوره يمكن عندك خلل هرمونات
رحت لدكتوره الله يسامحها قالتلي بعد الزواج كل شي بيصير تمام وبتنتضم الدوره
بعد الزواج تاخر علي الحمل والدوره هيا مثل اول
رحتلها بعد 5 شهور ولا قالتلي انه عندي تكيس قالت ضعف بالتبويض عطتني منشطات ماجابت فايده ماتنزل الدوره الا بادويه
سويت كل التحالين
اخر شي قالتلي الضاهر فيه تكيس
بعد سنه غيرت الدكتوره وقالتلي على طول عندك تكيس
وبدت تعطيني ابر وعطتني دوا لمرضى السكري يفيد بهالحاله وقالتلي لو جيتيني بدري كنت عطيتك حبوب منع الحمل نوعيه خفيف تنضم هرموناتك لفتره 6 شهور
الابر لين الحين الحمد لله ماحملت منها
بس احسها زينه
المغزى من كل هالكلام
بنات لاتسكتون على نفسكم
كنت بشعري الخفيف وصرت بتاخر الانجاب
وكملت السنتين وماشيه في الثالثه ولله الحمد ماحملت
مافيها شي لو انتي بنت وشفتي هالاعراض ورحتي كشفتي يمكن علاجك يكون قبل الزواج بحبوب منع الحمل او حبوب مرضى السكر تفيد في حالتنا
انا الحين ما اوصف دوا ماهو اختصاصي
بس اسالو الدكتوره وتكون دكتوره ثقه وهي ان شاء الله بتعطيكم العلاج
بحط لكم رابط بالمنتدى يشرح المرض وانتو سوو بحث
ولاتوسوسون اذا الاعراض خفيف ما ابي اخوفكم
اخيرا
ادعولي ربي يرزقني بالذريه الصالحه
خاطري بتوام
http://alfrasha.maktoob.com/showthread.php?t=325309&highlight=%CA%DF%ED%D3+%C7 %E1%E3%C8%C7%ED%D6
ارجو من اي وحده مشاركه باي منتدى نسائي اخر تنقل الموضوع للفائده وتذكر اسمي باخر الموضوع
ابي الفايده توصل للجميع وخاصه اللي لسا ماتزوجو اكتب هالموضوع وقلبي بينفطر على بيبي