رجاءآ اللي مو واثقه من اجابة الله لدعوتها بلاش تدعي من الأساس فهمتن والا اعيد يعني

1. روحي ارجعي للآيه وتدبري معناها


2. طيب بقولتس حديث ثاني


3. قال صلى الله عليه وسلم :


4. شوفي هالحديث

وشسمه السلام عليكن ورحمة الله وبركاته<<<بغيت انسى السلام بس الحمدلله ربي الهمني اياه
كيفوكن فراشاتي المستانسات والمكيفات والمتكيات
وكيفوكن مع هالبرد
يالله وش زينه شرب كوب الحليب المزنجبل (اللي فيه زنجبيل يعني ).....<<<<<وخصوصا لاصارت عيونك كوذا
الموهيم مالتسن بالطويله.......
بسألتس يافراشتي الغاليه
هو سؤال والسلام....يعني
هل انتي تدعين ربي؟؟
متأكده انتس تدعينه!!
جد صراحه انتي تدعينه والا لا......
طبعا اكيد بتقولين ايه ادعيه يالمعه
وبعد ادعيه دايم
وبعد اتحرى اوقات الاستجابه يعني
طيب اوكي ياقلبي مااختلفنا انك تدعين ربي
بس هل انتي تدعينه وانتي واثقه من الاجابه مثلا!!
يعني متأكده مليون ومليونين وثلاث من ميه انه بيستجيب لك......وانه ماراح يردك خايبه؟؟
قوليلي لاتستحين حنا خوات يعني
طبعا بتقولين لا...
او احيانا احس ان ربي بيستجيب
اما اذا بتقولين لا بقولتس هذي مالها حل عندي صراحه ويبيلتس كفين محترمه عشان تعرفي ان وعد الله حق وبقولتس
يعني ماسمعتي هالايه الكريمه او قد مرت عليس بيوم من الايام
وهي قال تعالى: ((وَقَالَ رَبُّكُمُ ادْعُونِي أَسْتَجِبْ لَكُمْ )) وتراها في سورة

روحي ارجعي للآيه وتدبري معناها

وبعد بزيد فيه ايه ثانيه بعد وهي، وقال: ((وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ )) وتراها في سورة
، روحي بعد وتدبري معناها وتفحصيها زين مازين
وتراها يافراشتي مو من كلامي قسم بالله هي من كلام ربنا جل في علاه الذي اذا وعد لم يخلف ماعده والذي ان قال فقوله هو الحق
طيب بقولتس الرسول صلى الله عليه وسلم قال : { الدعاء هو العبادة }، ثم قرأ: وَقَالَ رَبُّكُمُ ادْعُونِي أَسْتَجِبْ لَكُمْ
.
شوفي هالاقوال من اقوال رسولنا صلى الله عليه وسلم:
وركزي فيها زين خلي قلبك الغافل عنها ينتبه ويستوعب ذا الكلام تراه مو من كلامي ولامن كلامتس لا ياقلبي انتي
هالكلام تدرين من قاله قال الذي لم ينطق عن الهوى قاله اشرف الانبياء واشرف الخلق قاله الصديق الامين
وركزي على الصديق الامنين
وقال : { أفضل العبادة الدعاء }.
وقال : { ليس من شئ أكرم على الله تعالى من الدعاء }.
بالله شوفي هذا الحديث وركزي على كلمة (يستحي )
وقال : { إن ربكم تبارك وتعالى حيي كريم يستحي من عبده إذا رفع يداه إليه أن يردهما صفراً خائبين }.
تخيلي الله جل جلاله الله بعظمته وملكوته وجبروته يستحي من ..من يستحي منتس انتي ايه يستحي منك بس عشانتس دعيتيه ويستحي ان يخيب دعوتس لك ان تتخيلي عظم هالكلمه!!
طيب شوفي هالحديث بعد....
وقال : { لا يرد القضاء إلا الدعاء، ولا يزيد في العمر إلا البر }.
يعني تخيلي القضاء اللي هو القضاء
اللي هو اللي ربي كاتبه عليتس وانتي ببطن امتس
ربي يرده ايه ربي يرده
طيب ياربي كيف ترد القضاء عني
مثلا ربي كاتب علي اليوم اني انزل من على الدرج اروكض طيب ربي كاتب في هاللحظه اني مثلا تنزلق رجلي واتفكرش ثم اتكرفس واطيح وتنكسر يارقبتي يارجلي يااي شئ<<<<<<<<لاسمح الله
بس في اللحظه حدث امر مغاير اللي هو اني يوم التوت رجلي وجيت بتزحلق مسكت في اللحظه ماقبل الاخيره الجدار او المساك ذاك حق الدرج مدري وش اسمه صراحه
وتبث ماطحت
ياربي لك الحمد والله لو طحت لجيب العيد ثم يمكن ماقوم منها سالمه
ياربي انا وش سويت علشان ترد عني هالقضاء يارربي
ليني اتذكر امس مدري اليوم دعيت من قلب ان ربي يكفيني الشر سائرا من كان
ايوا ياربي هذا هو اللي دعيت به بالتحديد
ياربي انت استجبت لي!!<<<<<<ليه علامة التعجب ذي
لاتعجبين من رحمة الله ولاتقنطين

طيب بقولتس حديث ثاني

قال صلى الله عليه وسلم :

وقال : { ما من مسلم يدعو الله بدعوة ليس فيها إثم ولا قطيعة رحم إلا أعطاه الله بها إحدى ثلاث: إما أن تعجل له دعوته، وإما أن يدخرها له في الآخرة، وإما أن يصرف عنه من السوء مثلها }، قالوا: إذاً نكثر الدعاء، قال: { الله أكثر }.
وركزي على الشرط الموجود في الحديث : (اثم .قطيعة رحم)
تخيلي ربي يعطيتس احدى ثلاث: ياربي مااكرمك ياربي مااحلمك ياربي مااعظم ياربي لانحصي ثناءا عليك..
شوفي شكثر حلوه وش كثر روعه الكلام اللي جنب (ان يعجل الله له دعوته)..........
ياحلوها اذا ربي ادخرلي هالدعوه في الاخره وش ابي في الدنيا وش ابي بنعيمها جنب نعيم الاخره
اما يصرف عني السوء مثلا ((طالعي في مثالي في الدرج) وتعرفين شنو معناها
طيب شوفي هالحديث
وقال : { إنه من لم يسأل الله تعالى يغضب عليه }.
ياربي انت تغضب علينا اذا ماسألناك!!
والناس تغضب اذا سألناهم.....ياسبحانك ياربي
تمعني في الحديث ذا
وقال : { أعجز الناس من عجز عن الدعاء، وأبخل الناس من بخل بالسلام }.
انتي عجازه اذا عجزتي عن دعاء ربك
طيب شوفي يالغاليه
كل هالكلام اللي فوق........يبيله شرط واحد بس واحد هو واحد مافيه غيره يابنت
يبي ربي انك تدعينه وانتي واثقه واثقه اكيد متأكده يعني ان ربي بيستجيب لك
تخيلي شصغره هالشرط
لكنه عظيم عند الله.......
قوليلي بعد هالكلام من انتي قوليلي من انتي عشان ماتثقين بربك خالقك مكونك من العدم
حافظك من كل شر مفضلك على كثير من الخلق قوليلي من انتي!!
ادعي ربي بكل ماتشتهيه نفسك بكل شئ يخطر على بالك كل شئ
كل شئ نفسك فيه بيت وظيفه شفاء سياره زوج ولد اي شئ..........
بس وانتي تدعين ثقي بان ربي راح يستجيب لك ولا يكون عندك ذرة لو ذرة شك بوعده لك فهمتي
وركزي باللي تدعينه خلي قلبك يم الدعاء خلي روحك كلها في دعاك وشوف النتيجه

شوفي هالحديث

عَنْ أَبِي هُرَيْرَةَ رَضِيَ الله عَنْهُ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "ادْعُوا اللَّهَ وَأَنْتُمْ مُوقِنُونَ بِالْإِجَابَةِ وَاعْلَمُوا أَنَّ اللَّهَ لَا يَسْتَجِيبُ دُعَاءً مِنْ قَلْبٍ غَافِلٍ لَاهٍ". أخرجه الترمذي
وكوني عند حسن ظنك بالله يابنت
الم تسمعي حديث رسول الله صلى الله عليه وسلم في الحديث القدسي:
(انا عند ظن عبدي بي ان ظن خيرا فله وان ظن شرا فله))
يعني تخيلي تظنين بالله كل خير بيعطيك اياه
وان ظنيتي شر بيعطيك اياه بعد
استوعبتو كلامي يافراشات
استوعبتو كيف تكوننون واثقين بالله
شوفي كيف الثقه بالله تصنع فيك
اما اذا كان كنتي مشككه في قدرة الله فلاتدعي من الاساس وتتعبي نفسك
ثقي بالله بس
ان تجربي وشوفي
لالالالالا مابيك تجربين ابيك تتأكدين مو تحطينها قيد التجربه.....لان قدرة الله مو للتجارب
وبالاخير تراني ماجبت هالكلام من راسي
لا كل هالكلام موثق بالادله
اخيرا..
تتمنى منكم اختكم لمعة ضوء
الدعاء لها في ظهر الغيب
والوظيفه الرسميه
والتوبه
والزوج التقي النقي المخموم القلب الدكتور المجموع فيه الدين والدنيا والخلق والاخلاق
وتأكدوا ان لكن مثله........
سلامي
احبكن كلبوكن
بنات ترى من اليوم قلبي ينوقز نقزا ماهوب صاحي بنوب احس اني بطير من الفرحه
احسني مفعمه بالحياه <<<<<<<<<<<اموت عالمفعم انا
امي تقولي انتي وش فيتس اليوم!!
واقولها يامامي مدري بس احسني حاجه حلوه< <<اقصد احس فيه شئ حلو بصير لي بس خانني التعبير وانا اقولها...........
تحذير خطير من لموعه:
اللي يجي ردها محطم للقلوب والامال.........لها شئ ثاني عندي
ابيكن تستانسن تفلنها مو تجي الوحده اه اه اه ياربي بموت من الضيقه ياربي ليتني اموت وارتاح ياربي ليه انا كذا
قد اعذر من انذر وقولو لموعه ماقالت لتسن
بعد عندي شئ بنات مومكن تفطسن ضحك اذا قلته
انا ان شاء الله اذا انخطبت من الدكتور بجي اقولتسن بس اخاف احد يعرفني<<<<<<<شوفو مقدار ثقة البنت
يعني اعذروني بنات ترى اذا تزوجت من الدكتور باذن الله ماراح اقولتسن عشان ماتعرفني اوكيشن
فديتسن كلبوتسن