رجعت لكم بتجربةتلقيح صناعي فاشله آآآآآآآآآآآآآآآآه

1. السلام عليكم ورحمة الله وبركاته

السلام عليكم ورحمة الله وبركاته

سلام يا أغلى أخوات والله وحشتوني موت لي يومين من رجعت للولايات بعد ماجلست أحلى3شهور عند أهلي بالمدينه ,بس والله يابنات ما أكذب عليكم نفسيتي الحمدلله على كل حال بس أحاول اني طول الوقت أقرأسور (ألم نشرح وللإيلاف قريش) عشان ربي يخفف علي التفكير والخوف والحسره ,,بقولكم الحكايه والله يعينكم على الفيلم الهندي اللي بتقرونه الحين بس ما أقول الا الحمدلله على كل حال,,
سافرت لأهلي بقايا أسبوع من رمضان وطول الطريق الفرحه مو سايعتني مو عشان راجعه, لأهلي لالالا لأن الدوره متأخره علي ووصلت لأهلي وجنو لمن دروا ان الدوره متأخره وباديه معاي أعراض حمل المهم قلت بنتظر كمان 10 أيام وبعدين أروح أتأكد وعدت ال10أيام 10سنين ورحت والدكتوره طلبت أخذعينة التحليل وفي نفس الوقت قالت تعالي أفحص الرحم بالسونار ومن يوم حطت الجهاز على بطني وأطالع وقلبي كان بيوقف ومابي أنصدم وفعلا طلع اللي جالسه أشوفه صحيح والدكتوره تقولي ماشاء الله يا.....بصي البيبي عمره 5أسابيع مبروك ,,,يالله يابنات خلاص انهرت من البكاء من كثر الفرحه وانهرت أكثر يوم طلع التحليل سلبي قالت الدكتوره ننتظر بس بعدها بيومين نزل الدم وانتهى كل شي وطلع ان الجنين متوقف نموه ومادري وش السبب بس الدكتوره طلبت مني أستخدم على طول فيتامين ها يعينيEمدري ليه المهم قالت الدكتوره خلاص بعد يومين نبدأتنشيط جديد ونشوف ماصار شي والدوره اللي بعدها قررنا تلقيح صناعي وآه من اللإبر وآه من أنواع الحبوب اللي مخليتني طول النهار والليل بس أرجع ودايخه وتابعت اللإباضه وكان فيه 3بيضات 2جاهزين وعطتني ابره تفجيريه لأن البويضات عندي ماتنفجر لحالها من يقدر يقولي ليه ؟؟؟المهم عطينه العينه للسائل المنوي تبع زوجي للمختبر وتخيلوا اللإهمال تفاجئت بعد كدا انهم لاعملوا تقييم للسائل ولا شي مدري اش سووا حسبي الله عليهم بس,,وجبت العينه للدكتوره وهي مبسوطه تقولي مدام عطوكم العينه يعني ممتاز وهي ماتدري اصلاا اهم حتى ماقيموها وتعالوا شوفو العذاب وهي تفتح الرحم العنق مو راضي يفتح مع اني مسترخيه على قد ما أقدر يالله هات ياحدايد أشكال والوان ويالله قدرت تفتح عنق الرحم ودخلت العينه وبدون بنج المهم انتظرت اسبوعين وسويت التحليل سلبي كالعاده وبعدها بيومين نزلت الدوره ومايعلم بحالي الا رب العالمين ,انا جيت لأهلي عشان ماشاء الله لاقوة الا بالله أختي وزوجة أخوي بيولدون وكنت والله أخاف عليهم من عيني ودايم أحصنهم وصلي على النبي لمن أشوفهم ماخذين أطفالهم بحضنهم ويرضعونهم ياسلام منظره يخلي الحجر ينطق سبحان الله وأنا أخدمهم وقلبي على قد مو فرحان لهم على قد مو حزين علي آآآآآآآآآآآآآآه يابنات ورجعت لأمريكا وأنا أجر أذيال الخيبه ومتحطمه وأنا اللي جلست أتخيل اني برجع وبطني قدامي لا واشتريت ملابس حمل لي كمان,وتصدقون وش لقيت سلفاتي كلهم حوامل ومرة ولد زوجي وقريباتهم يالله اللهم لاحسد الله يباركلهم ويتمم لهم بخير يارب بس والله يابنات الحزن غصبن عني مو بيدي أحزن على حالي لا وعاد وحده عارفه حسرتي على الحمل ولهفتي تبشرني بطريقه قمة اللإستفزاز الي بالدنيا وتقول أنا وقفت الحبوب يوم سافرتي عشان الحمل والحين بالثالث وتصرخ كنه أول حمل لها مع انه الثالث بس حسيت مبالغه مره في الكلام لأنها ماشاء الله تحمل طبيعي وبدون مشاكل بس يالله أحيانا أقول أنا صرت حساسه مره من هالمواضيع لكن يارب تصبرنا وتجبر بخاطرنا أدري صدعت راسكم بس مالي أحد بعد الله غيركم يسمعني ويحس فيني الكل يحسسونس اني مبالغه لكن من اللي أشوفه وأحسه والحين خلاص بدوري لي وظيفه ان شاء الله عشان الهي نفسي وأرجع مهدوده منها وأنخمد لاأقابل أحد ولاأحد يقابلني ,,,