رجيم 12 كيلو في 8أيام بس

السلام عليكم ورحمة الله وبركاته
كيفكم ؟؟
دبدوبات مامليتو من السمنه ونفسكم تودعونها للأبد من غير شر
انا كل ماادخل النت اجلس ابحث عن ريجيم يعجبني
ومو اي نظام يخش مزاجي
اتدلع بعد خ
المهم اعجبني هالريجيم ونويت اسويه
وهو معروف بريجيم الاناناس والكيوي
طبعا اللي جربته وكتبته في منتدى ثاني تقول وتحلف انها نحفت 12 كيلو
مدته هو 8 ايام فقط !!!
طبعا وناسه
بكتب لكم الريجيم واكيد الاجسام تختلف من شخص لشخص
بس لو انحف نص اللي نحفته هي يعني 6 كيلوو ب 8 ايام نعمه كبيره
و12 ياي اكبر نعمه بودع معها كلمة الريجيم
الريجيم يعتمد على عصير الاناناس والكيوي في حرق الدهون
وطريقة العصير كالتالي :
كاس عصير اناناس بدون سكر او مواد حافظه( اللي اعرفه سيزر وندى ويقولون فيه انواع كثيره المهم بدون سكر)
حبتين كيوي مقشره ومقطعة
عصير ليمونه (وممكن يحذف )
وبالخلاط لحد مايختلطو مع بعض
(( العصير يؤخذ بدل وجبة العشاء في كل الايام ))
والنظام للفطور والغداء كالتالي :
اليوم الاول والثاني : الفطور : نص تفاحه + قهوة او نسكافيه او لاتيه بدون حليب او سكر (وممكن سكر ريجيم )
الغداء :تفاحتين
العشاء >> مثل ماقلنا بالاول عصير الاناناس والكيوي
اليوم الثالث والرابع :
الفطور: نص علبة زبادي +قهوة او نسكافيه او لاتيه بدون حليب او سكر (وممكن سكر ريجيم )
الغداء : علبة ونص زبادي
العشاء >> مثل ماقلنا بالاول عصير الاناناس والكيوي
اليوم الخامس والسادس :
الفطور : قهوة او نسكافيه او لاتيه بدون حليب او سكر (وممكن سكر ريجيم )
الغداء : خس بأي كمية
العشاء >> مثل ماقلنا بالاول عصير الاناناس والكيوي
اليوم السابع والثامن:
الفطور :قهوة او نسكافيه او لاتيه بدون حليب او سكر (وممكن سكر ريجيم )
الغداء : 2 صدر دجاج او نفس الكمية لحم (مسلوق او مشوي بدون جلد او زيت)
العشاء >> مثل ماقلنا بالاول عصير الاناناس والكيوي
........
هذا هو الريجيم اللي اتبعته الاخت في المنتدى اللي نقلت منه
وزنها كان 65 (يعني مو كثير) ونقصت ل 53
انا ناوية اجربه هاليومين ان شاء الله
واللي عندها قوة وعزيمه وتحب التجارب تجربه
وان شاء الله
لو جربته وكملته لآآخر يوم بخبركم نتيجته معاي
دعواتكم لي يارشيقات المستقبل