رحت ريما واستديو ستايل رأيي في شغلهم

1. ما كان زحمه مره

السلام عليكم
اليوم رحت ريما واستديو ستايل عشان ابغى اشوف شغلهم
ريما
انا رحت هناك كنت واصله 8 الا ثلث وفيه عروسه كانو مخلصينها من مكياج وتسريحه ولابسه التاج والطرحه ( استغربت يقولو يأخرو ) وعروسة ثانيه خلصو مكياجها وبدأو يسو لها شعرها وعروسه ثالثه بدأو يسو لها مكياجها

ما كان زحمه مره

ويمكن العرايس جو بدري اول ما فتحو وفيه اشياء كانو مسوينها قبل بيوم زي الحواجب وتشقير الوجه والظهر فجو في نفس اليوم وسو تسريحه ومكياج وبدكير ومنكير بس عشان كذا ما كانو متأخرين انا بقول يمكن مش متأكدة
ما لاحظت عندهم مشكلة التأخير واخلاقهم كويسه ما بها شي يعني مو زي ما يقولو ينافخو ومدري ايش بالعكس حقين المكياج والتساريح زي العسل بس وحده كانت تتكلم بطريقة مش حلوة شكلها حقت مكياج مدري مين هيا لأنو ما دخلنا غرفتها خرجت وقفلتها وقالت خلاص خلاص خارجه
بخصوص شغلهم حلو ما بو شي تسريحاتهم نفس مستوى تسريحات منه سنتر ( انا مجربه منه سنتر ) ومكياجهم يقولو على حسب الطلب الي انا شفتو وسط مايل لثقيل للعرايس وشفت ثقيل وشفت وسط للي مو عرايس بس عادي ما عجبني مره خاصه ارواجهم مره ما كانت حلوة حاطين لون مو حلو ومحددين لهم شفايفهم كثير شفتهم كذا والتحديد باين يعني المكياج مو بشع بس انا ما عجبني مقارنة بمنه سنتر مكياج منه سنتر احلى
فيه وحده اسمها ردينه مسويه لعروسه تسريحه مره مو حلوة التسريحه
كامليا تسريحاتها عجبتني وهيا عسل كمان شفت تسريحتها على وحده مو عروسة
بشكل عام ما بو شي وحسيت منه سنتر احلى منو وغيرت رأيي منو ما راح احجز عندهم رغم اني لمن كنت اشوف في الزواجات الي احضرها الي يروحو عند ريما كان مره يعجيني
وهم يقولو حسب الطلب يكون شغلهم
ما سألت عن الاسعار
استديو استايل
وحده صورة شفتها عجبتني عندهم عروسه تطالع في المرايه وصورتها عاكسة وحاطين لها زي السحب والباقي مو حلو مو شي راقي خربطه شفت البوم كبير والبوم صغير
اخلاق مش اوي ما كانو ينافخون بس تتكلم بدون نفس حتى وهيا توصف لنا العنوان في التليفون
البوماتهم مو حلوة ولا الحركه الي فيها من برى حلوه
دقه الصور وطريقه التصوير والحركات صحيح ما فيه اشعار ولا شلالات بس مو مره عجبني شغلهم وترى مو رخيصين عزة دريم احلى بكثير بس يقولو عزة دريم غالين
وحتى استديو ستايل غالين على شغلهم هذاك والله ما يستاهل تقولي البوم 20 صورة وسط او صغير ( ناسيه ) مع فيديو ب 3000 الآف
فيديو لحالو 1500
اعتقد الالبوم الكبير فيه صور كثيره ناسيه كم صوره ب 2500
بس شغلهم مو على اسعارهم شفت مصورات ارخص منهم بكثير واحلى منهم بكثير برضو غيرت رأيي منهم
ما راح احجز عندهم بصراحه مره سيئين ما انصحكم فيه استايل من المدح الي في النت على بالي شي
ادري بتقولو اش العروسه هذي الي ما يعجبها شي ههه لا بس عجبني تصوير اضواء وتصوير عزة دريم اكثر منهم انا شفت يمكن صورتين بس من اضواء عند وحدة كانت حلوة ومرتبه الصورتين وراقيه
وعزة دريم شفت البوماتهم حلو تصويرهم بس ناسيه شغلهم لأنو من زمان شفت شغلهم بس اذكر عجبني شغلهم
وشفت استديو اريج اسمو استديو اريج ( اريج من دون اضافات لأنو في مشغل ثاني اسمو اريج مدري ايش ) كمان حلو ما يحطو لك خلفيات الا خلفيه وحده لونها اسود اويمكن على حسب طلب العروسه الي شفت صورها مدري والفيديو حقهم مو حلو مره مره ما انصحكم فيه يهتز ومو واضح وما سو المطلوب وكمان كان خربان السي دي في النهايه يوقف يعني الي تحجز عندهم ما انصحها بالفيديو حقهم ابداً اذا تعرفو تصوير فيديو استديو احلى صورة حق قاعة رومانس الفيديو حقهم الي ينعرض في الشاشه لزفه العروسة والعريس برى عند المسبح احلى بكثير من تصوير فيديو اريج ما في مجال للمقارنه اصلاً فيديو استديو احلى صورة احلى
لو العروسة تخلي احد من اهلها يصورها فيديو بكاميرا عاديه وربي حيكون احلى من تصوير فيديو اريج بس الصور دقه حلوة وشغل مرتب ما فيه قرونه او برضو يمكن على حسب طلب العروسه
وشفت مصورة في مكة برضو شغلها احلى من استايل وارخص منهم بكثير عجبني تصويرها مره احتمال اخذها هيا لو ما عجبني شغل العاجي لسى بشوف شغل العاجي واحكم وبدق على اضواء وعزة دريم واشوف كيف اسعارهم بالنسبه لطلباتي اذا ناسبوني لأنو انا ما ابغى صور كثير ويهمني مره تصوير الفيديو يكون حلو
عجبني تصوير الفيديو حق قاعة رومانس اسم الاستديو احلى صورة مدري عن صورهم انا بس شفت الفيديو طبعاً مقارنه بغيرو هوا احلى شي يمكن يكون فيه احلى منو ما ادري
بسألكم لا تقولون لي العاجي في مستوى استايل لأنو لو في مستواهم بغير رأيي منو كمان
ان شاء الله اروح كمان اشوف شغل جاك وبثينة واستديو العاجي بس مشكلة العاجي بعيد عني في حي الفيحاء يبغالو مشوار لحالو
في محل كوش اسمو البستان اذا تعرفوه اش رايكم فيه واعطوني عنوانو انا شفت شغلهم من زمان قبل 6 سنين يمكن شغل راقي وعلى مستوى شفت زواجين مسوين عندو كوشتين احلى كوشتين شفتها بحياتي بصراحه من قبل وللآن بس لمن جيت اسوي بحث في النت ما لقيت عنو شي في النت استغربت حسبتو مشهور قلت اكيد بلقى عنو شي الي تعرفو تعطيني عنوانهم او رقمهم اذا تعرفو ورأيها في شغلهم هم متعاملين مع قاعه فرح على فكرة
اي سؤال بخصوص ريما او استايل او المصورات او اي شي ثاني لا يردكم الا كيبوردكم
ساعدوتني كثير وجا دوري الي احاول ارد لكم جزء بسيط من المساعدة الي ساعدوتني فيها
ويا كثر هرجي