رساله لزوجي

السلام عليكم
شحالكم خواتي
بغيت اكتب لزوجي رساله ممكن تساعدوني
الرساله تكون منى لزوجي اباه يهتم فيني ويحس فيني ويدلعني ما يطنشني لان هو انسان ما يفكر الا في عمره واذا يلس معاي في ايام الاجازه يوم يرجع من الدوام( للعلم انه يدوام في مكان غير المكان اللي انا ساكنه فيه) يلعب مع ولده وما يسولف معاي وقافل تلفونه برقم سري اكيد عنده حد ومن تقريبا 5 شهور اكتشفت انه متزوج بس طلق اللي تزوجها
اباه اكتب له رساله عشان يحس فيني
يقولي خليني اعيش حياتي وانتي ربي عيالج انا قلت له خلاص نتطلق واحصل واحد احسن منك يقولي لا انا عمري 25 وهو 26 بس كان قبل مطوع والحين صايع من رفقاء السوء قلت بكتب له رساله وبحطها فالغرفه يوم الخميس وبروح بيت امي يوم بيرجع ما بيحلصني بيحصل ارساله بيلس يقراها ويمكن يتاثر وانا يوم برجع الفليل يكون الرساله تكون غيرته اشوي بس اباه كلمات مؤثره
اتمنى انكم تساعدوني لان هو بيرجع يوم الخميس
تراني حامل في شهري عادي اي وقت اربي وعقب ما حنيت عليه قالي انتي اولدي وردي بيتج ان شا الله بتغير اقوله ليش ما تتغير من هاللحظه ليش يعني عقب ما اربي يقولي بس
والسموحه منكم