رسمه عين اليسا المشهوره سموكي بني مني لكم بالشرح والصور

1. مثل هذي


2. الي نحتاجه


3. اول شي بقولكم انا شنو احط

هاي بنات شلونكم
شخباركم مع الجو الي يهبل تطلعين كل شي يسيح خ
المهم
انا صارلي جم يوم كله احط مكياج سموكي بني الصراحه وايد يغير تصير العين حلوه من بعيد بس انا ماحط عدسات وهالرسمه حلوه على عين طبيعيه وايد لانها تخلي العين تقلب على بني حلوو او عدسات عسلي او بني غيره لا
ترى صارلي ساعه ارسم عشان احاول اوضح الخطوات تحملو رسمي
المهم

مثل هذي

الي نحتاجه

• درجتين اي شدو بني غامج وفاتح
• اي شدو اسود
• كحل او ايلاينر اسود فاحم
• اضاءه او اي شدو لتحت الحاجب لون بيج او لمعه نيلون الحلوه مالت -ماك المصوفره على بصلي على لؤلؤي تهبل
• اي ماسكرا تحبينها مكثقه ولازم معاها ماسكرا ماك >> الا تشترونها بس اخاف تخلصونها ابجي بعدين عاد
• كحل ماك الكريمي مع الريشه الضعيفه

اول شي بقولكم انا شنو احط

استخدم للبني علبه جولدن ليدي فيها مخملي وعادي الوانها تهبل 120 لون 3 دنانير ونص وبالصوره واضحه درجات البني كلها حلوه بس الي عليهم مربع احمر الي بستخدمهم
اهني صوره الاي شدو الاسود انا استخدم مال ديور الي فيه لمعه يهبل ووممكن جفنشي الثاني يعني واحد منهم مواثنينهم والصغير هذا مال ماك الكحل الكريمي راح نحتاجه لتحت العين مع الريشه الي اقولكم عنها للرسم تحت العين تخط العين خط
والماسكرا الف مره اقولكم اشتروها وبكرر الف مره خ بنات تهبل هذي الماسكرا من ماك وب4 دنانير ااسمها فلاش فوليوم واكرر بروحها موحلوه حطي ماسكرتج الي تكثف بعدين اهي تدرون لما تحطونها شيصير لما ترمشون تحسون بالرمش يحوش جفنكم ماشاءالله سحر تطول تخليهم تركيب موصج
الحين الخطوات
بنات الرسم تقريبي ماقدر اسوي الدمج نفس الصج فهمو من الكلام
1- ترسمين خط ايلاينر او خط بقلم الكحل فوق العين للزاويه
2- بالاي شدو الاسود انا احط ديور تطبطبين بالريشه على خط الكحل لنص الجفن المتحرك موكله وديما قريب من الزاويه بشكل حلو انهيها
3- بالاي شدو البني الغامج تطبطبين من حد الاسود وتكملين نص الجفن بعدين بريشه الدمج تخلطينهم ببعض بانج تمشين عالخط الفاصل بينهم وتطبطبين الرسم كله بالطبطبه
4- الحين تحطين الاي شدو البني الفاتح وتطبطبين فوق الغامج لحد تحت الحاجب بشوي لاترفعينه وايد خلي مسافه تحت حاجبج والرسمه نفس صورة اليسا
5- اخر شي ضبطي الزاويه بالريشه طبطبي ليما يصير شكلها مثل الصوره بالخطوه رقم 5 واذا في زايد مخرب عليج كاول مره تجربينه مسحي بقطن اذون رتبيها اخر شي حطي الاضاءه تحت الحاجب بالمسافه ولاتنسين التاتو للحواجب بني
بنات هالخخطوات بس حق فوق
الحين تحت
تحطين خط كحل داخل العين اول انا احط داخل بعد بالريشه بكحل ماك الكريمي وحتى لتحت يعني داخل وتحت العين منه
وبعدين احط كحل كريمي من ماك مع هالريشه تسوين خط تحت العين انا بس اسوي جذي
بس ممكن تزيدين حركه هم حلوه بالشدو الاسود تمشين عالخط نفسه الي تحت العين او شدو بني هم حلو
الحين الماسكرا بليز جربو ماك بعد ماسكرتكم ولا تخلي اللوك صج يضبط يعني لما اسويه حلو بس لما احط هالماسكرا فوق ماسكرتي العاديه صج يطلع طلعه تصير الرموش سوده حيل وطويله تبرز اللوك كله
واخر شي طولت عليكم
ادعولي بالشفاء ومشكورين وايد