رسم الحواجب بأسهل طريقة

العنودالغلا

31-12-2022 - 08:38 am

هلا والله بالغوالي..كيفكم بنات
عاد ترى انا مو من ذرابتي وسناعتي
بس عاد عجبتني هالطريقة وقلت
خليني أقول للبنات عليها لأنها
سهلة وماتحتاج تعب ونتيجتها
مرة حلوة وثابتة ولون قوي
والواحدة لازم تجرب كل شي
وبعدين تشوف اللي يناسبها وتستمر
عليه انا هذا شعاري ومدري عنكم
المهم (إنتهت خطبتي)خ
وانا بالسوق سألت صاحب المحل عن
احسن قلم رسم حواجب(انا على بالي بيعطيني
قلم مثل اللي متعودة عليه العادي اللي ينبري بالبراية)
وقام اعطاني حاجة ثانية وكنت مترددة آخذها بس يوم
شفت سعرها رخيص(30)ريال قلت اجرب ليش لأ
وأخذتها وجربتها بالدوام تصدقون تهبل مرة وثابتة
وكأني توني مشقرة وراسمة حواجبي وطالعة من عند كوافيرة
وانا بالبيت سويتها..وهو عبارة عن كحل حواجب سائل وله
ريشة مثل ريشة الكحل العربي وله درجات ألوان المهم طولت عليكم
بالهذرة..ادري تبون الاسم والصورة..حاضر من عيوني
اسمه.. (بيوتي برايت )ألماني الصنع وهذه صورته واتمنى تكون واضحة
أمانة ادعوا لي أحمل باقرب وقت واجيب نونو يسليني

التعليقات (9)