رعب وتوتر وأعصاب مشدودة مالسبب

السلام عليكم ورحمة الله وبركاته.
كل وحده فينا تأخر عنها الحمل تنتظر بفارغ الصبر تأخر الدورة ولو جا شهر وتأخرت الدورة يوم واحد طارت من الفرح وقعدت تردد طول اليوم يمكن حمل يمكن أنا حامل يمكن حمل يمكن أنا حامل أما اللي دورتهم غير منتظمة مثلي الله يكون في عونهم ماتعرف هل تأخر الدورة عندها انقطاع والا حمل معاناه يارب لك الحمد على كل حال على العموم هذا ماهو موضوعنا.
الموضوع ليش وقت التحليل عشان اختبار الحمل سواء كان منزليا أو في المستشفى يجينا توتر فضيع وخوف ورعب وشد أعصاب وغصه في الحلق..................... الخ وذلك قبل ظهور النتيجة؟
مثال: أنا دورتي غير منتظمة شهر تجي وثلاثة شهور ماتجي يارب تعافيني طبعا كل ماتأخرت عني الدورة أرسلت زوجي يجيب لي جهاز تحليل الحمل لو تدري الشركة كان أرسلت لي درزن أجهزة المشكلة في كل مرة قبل التحليل تشتغل النفاضة وتمتلي عيوني دموع وقلبي يسوي كذا وبعد ظهور النتيجة طبعا سلبية أكيد لأني إلى الآن ماحملت تبدأ المناحة ويشتغل الصياح ويحاول الزوج الكريم مواساة حبيبته وفي الأخير نقعد يوم وبعدها ننسى الموضوع.
الآن أبغى كل وحدة تدخل تكتب شعورها وتصرفاتها الجميلة قبل وبعد التحليل؟