رواية إذا شفتك أنا يا ماجد وقتي يطيب وقلبي لاخفق محدن يلومه رومنسية جريئة

1. نوف (لا لا و الله مقدر أقله ) : ......

يسع د لي مسائكم وصباحكم بالخيرر والمسرات ..
أول رواية لي واول مشااركة بهالمنتدى الرائ ع أحب أطرحهاا بين يديكم ولكم الحكم ..
مع كل الأمنيات ان تناال رضاكم واستحسانكم ..
وفي البدايه حبيت أنزل لكم بارتين ل تكونوا في خضم الأحداث ..
وإليكم الب 1 & 2 ارت ..
&الب الأول ارت &
لجين : يالله وينك ؟؟ ريما من زمان عندنا .
جمانه : (بنت خالتها ) تبغى ترفع ضغطها : مالي نفس بأجيكم بكره
لجين بعصبية : بكره زواج نوف لا تستهبلين .
جمانه : ههه طيب أعصابك أصلا إذا بجي بس عشان خالتي .
لجين : مالت عليك .
وقفلت الخط في وجهها , وراحت لخالتها يشوفون آخر استعدادات الزواج .
لجين ( عمرها 18 ثالث ثانوي بنت حبوبه طويلة و نحيفة عيونها وساع فمها صغير وشفايفها مووت خدودها ورديه و بيضاء و خشمها طويل عيونها بنيه زي عيون أبوها )
أمها و أبوها ميتين في حادث و عايشه عند جدتها هي و أخوها خالد .
جمانه (بنت خالتها عبير حلوه ونعومه و أحلى ما فيها شعرها لين كتفها و بني و ناعم مرره بس مو أحلى من لجين عمرها 19 أولى جامعه )
ريما : ( بنت خالهم عبد الله و أخت لجين و عبد
الله من الرضاعه لأن أمهم رضعتها لأن أمها تعبت بعد ما ولدتها عمرها17 ثاني ثانوي مطنشه وما تشيل في قلبها على أحد بس عنيده و دلوعه وجدتها تموت عليها )
نوف :( خالة لجين و جمانه و عمة ريما عمرها 22 حلوه وطيبه مرره بتتزوج واحد من قرايب أمها اسمه سعود عمره 28 وسيم مرره جسمه رياضي ساكن مع أمه و أخته لآن أبوه ميت )
:: في المطار ::
راحوا ماجد و تركي و خالهم عبد الله يستقبلون خالد جاي من لندن عشان يحضر زواج خالته ...
عبد الله ( خالهم أبو ريما ما عنده إلا هي لآن أمها معد تقدر تحمل و اسم زوجته أمل طيبه وحبوبه و أهم شيء عنده أنها تحب و تحترم أمه )
ماجد : (عمره 27 جسمه حلو له عضلات بس بسيطة مره أسمر سمار جذاب مسوي سكسوكه وله شنب أسود و عصبي مرره و غامض لأبعد درجه )
خالد : ( عمره 28 رايح لندن يكمل دراسته عشان يحقق أمنية أمه و أبوه عيونه سوداء عكس أخته بشرته حنطاويه صدره عريض طويل و حنون مره يموت على أخته لجين ولا يرضى أحد يزعلها )
تركي : ( عمره 20 دبدوب و طيب مرره و دايم عند جدته لمصلحه في نفسه )
:: في بيت الجده نوره ::
دخل خالد وراح وحضن جدته وقعدت تبكي لأنه غالي عندها حيل , شوي نزلت أخته و نوف و ريما و راحت لجين له جري و قعدت تبكي مشتاقة له مرره بعدين سلم على خالاته عبير و نوف و ريما .
:: في الليل ::
كلهم راحوا إلا جمانه و ريما ناموا عند جدتهم عشان زواج نوف بكره..
في الليل البنات جوعانين
لجين : جمانه أنزلي جيبي لنا أكل .
جمانه : لا و الله ليه ما تنزلين أنتي .
لجين : أنا تعبانه بالله أنزلي .
جمانه : نو نو نو أنا أكبر منك مفروض تخدميني .
لجين : جمانه بلا نذالة ومثلت أنها تبكي .
جمانه : خلاص رحمتك بنزل .
لجين نطت من السرير على جمانه و قامت تبوسها .
جمانه : خلاص بلا قرف .
لجين : يحصلك أني أبوسك .
جمانه طنشتها و نزلت تجهز لهم أكل .
و عند خالد كان راجع من عند أصحابه و راح المطبخ عشان يشوف من فيه ..
دخل و تفاجأ بوحدة معطيته ظهرها و تنح فيها شوي
لفت جمانه عليه وطالعت فيه ..
بعد ما أستوعب خالد لف و قال : كيفك ؟؟ أنت جمانه مو ؟؟
جمانه: احم احم ايوه الحمد لله , كيفك أنت ؟؟
خالد : تمام وفي نفسه بشوفتك : يا لله تصبحين على خير ..
جمانه :و أنت من أهل الخير ..
جمانه لفت و مسكت صدرها وتنهدت بقوه ولا صحت إلا على صوت الجوال وفزت ورد إلا لجين تصرخ عليها وجع وين الأكل ساعة .
جمانه : بسم الله طيب أحمدي ربك يا لله طالعه ..
وقفلت في وجهها ..
شلت الصحن وطلعت فوق ..
لجين : ما بغيتي ..
جمانه طنشتها وراحت على السرير: خلاص أبلعوا و صكي النور بنام .
ريما : لا تنامين خلينا نسهر أمانه جو جو قومي كفايه طرت عمتوو نوف لنا.
جمانه : ههه طيب ..
:: الساعة 4 عند العروس ( نوف ) ::
كانت منسدحه على السرير بعد ما طردت البنات من عندها .
شوي دق جوالها لقته سعوود
نوف في نفسها ( يووه أستحي مقدر أرد ) صحت من سرحانها لقته مقفل قالت أحسن شوي أتصل مرره ثانيه ..
نوف : احم احم الو ..
سعود : صباح الخير على أحلى الو في الكون .
نوف :......
سعود بصوت هامس : نوفه .
نوف:هلا
سعود :كيفك ؟؟
نوف : تمام و أنت ؟؟
سعود : من سمعت صوتك و أنا بخير ..
نوف بخجل : تسلم ..
سعود : الله يسلمك تبغين تنامين ؟؟
نوف ببراءة :ايوه و الله قدني منسدحه على السرير ..
سعود بخبث : بكره زي هذا الوقت أنت نايمه في حضني ..
نوف حمر وجهها :سعود
سعود : عيونه و حياته ..
نوف : مع السلامة
سعود : يا لبي إلى يستحون مع السلامة يا قلبي الوعد بكره و هذا بووسه امووه وبكره البوسه عملي ..
قفلت نوف منه و ضمت الجوال لصدرها يا لبيك يا سعود , و نامت ..
:: يوم الزواج في الظهر عند البنات ::
نايمين و مو حاسين بأحد ..
دخلت عليهم نوف و قومتهم و ما قام إلا ريما راحت معها عشان يخلصون بسرعة
بعد ساعة
دقت ريما على جوال لجين و قومتهم ونزلوا تحت يستنون أحد يوديهم المشغل..
لجين : شوفي النذلين راحوا و خلونا بدق على السواق و طلعت الجوال من الشنطه قالت جمانه : لا أنا ما بروح ما بخليني ماجد..
لجين : خير وش دخله ذا .....
أنقطع كلامه بدخول جدتها و هي تقول بنات ماجد يستناكم برا..
لجين : لا يا جده أنا بروح مع السواق ..
الجدة نوره : مهب على كيفك السواق راح يودي نوف و ريما و أنا أبغاه بعد ما يخلص و بالذات أنتي لازم تروحين معه ..
قعدت لجين تتحطم و أخذت جمانه أغراضها و طلعت ..
لجين وهي طالعه من العصبية ما شافت العتبة وطاحت منها و قامت و قعدت تشيل أغراضها و تمشي بشويش من الآلم إلى في رجلها ..
:: في السيارة ::
ماجد ما يحب أحد يأخره عند الباب و أول ما ركبت لجين صرخ عليها: ساعة تمشين ولا تبغين أحد يجي يشل أغراضك يا أميرة ..
جمانه : ماجد بسم الله وش فيك هدي أعصابك ..
لجين أمتلت عيونها دموع من الآلم و من صراخ ماجد عليها ..
عبد العزيز لف على الشباك و مسح وجهه بيده و قال أعوذ بالله وش فيني عليها وش دخلها في السالفة مسكينه هذا أوامر من جدتي ..
وصلوا المشغل و نزل البنات و جاه فضول يلف يطالع فيها إلا هي تمشي وتمسك رجلها قال في نفسه وش بها تمسك رجلها ما عندي إلا أسأل جمانه وراح عند خالد و تركي ..
:: في المشغل ::
عند البنات لجين جالسه و ماسكه ساقها و تبكي
جمانه : لجونه معليك من ماجد بس هو أكيد معصب من الشغل ..
لجين تبكي وتصرخ عليها : أنا مو عشانه أبكي بس أنا طحت و رجلي توجعني و أخوك زاد عليه ..
جمانه : طيب هدي (و جلست عندها ورفعت بنطلونها عشان تشوف ساقها و لقت كدمه لونها بنفسجي ) لجونه قومي غسلي وجهك و أنا بدق على ماجد يجيب مرهم و شاش أحطه على ساقك ..
لجين : لا و الله ما تدقين عليه أنا بدق على خالد شكرا ما أبغا منه شيء .
جمانه : لجين ترى بزعل منك خلاص بلا حركات أطفال ..
لحين حست أنها زعلت جمانه : خلاص أوكي ترى بس عشان خاطرك ..
قامت لجين تغسل و دقت جمانه على ماجد..
ماجد بصوته الرجولي :الو ,, هلا جمانه ..
جمانه :هلا ,, وينك ؟؟
ماجد : قريب من المشغل ,, ليش ؟؟
جمانه : كويس ,, طيب مر على صيدليه و جيب مرهم و شاش ..
ماجد :ليش ؟؟ خير إن شاء الله ,, وش فيك ؟؟
جمانه : مو أنا للجين طاحت على عند البيت عشان كذا تأخرت و أنت على طول تخاصمها .,
ماجد حس بتأنيب الضمير بس ما يبغا يبين :طيب وش دراني أنها طايحه ,, خلاص يلا جايبها إلحين ..
جمانه : يلا مع السلامه ..
ماجد : مع السلامه ..
&الب الثاني ارت &
:: في قاعة الزواج ::
كل وحده من البنات أحسن من الثانية طبعا العروس نوف كانت لابسه (فستان أبيض و سواريه و الصدر مشغول بشك بالموف و الفضي و من عند الخصر ممسوك ومن تحت طبقات بصيدة وناعمه حيل و شكلها حلوو مرره )
و لجين إلى كانت بأحلى طله (لابسه فستان أسود سواريه و ظهرها مفتوح و ضيق عليها )
و جمانه كانت أميره بنعومتها (لابسه فستان تركواز ضيق و من تحت الصدر شريطه فضيه و من تحت واسع )
و ريما بغنجها و دلعها (لابسه فستان رمادي شيفون سوارية و لين نص الساق و فيه شرايط ساتان من نفس اللون و كان ناعم حيل )
أنزفت نوف على أنغام راشد الماجد و دخل سعود مع خالد و ماجد و تركي و أخوها عبد الله ..
بعد الزفة راحوا العرسان على جناحهم ..
:: في جن العرسان اح ::
نوف كانت جالسه على الكنبة و ميته من التوتر و الخجل سكر سعود باب الجناح و جاء جلس جنبها و مسك يدها ..
سعود :مبروك يا قلبي .
نوف تحاول تسحب يدها بس ما فيه فايده قالت بخجل :احم الله يبارك فيك .
سعود :و أنا مالي مبروك ..
نوف بصوت هامس : مبروك ..
سعود : الله يبارك في عمرك يا عمري .. يلا أنا رايح أطلب عشاء و راجع ..
نوف قامت الغرفة بسرعه و قفلت الباب حاولت تفك الفستان ما قدرت من التوتر و الخوف و يديها ترجف بقوه ..
نوف : الله يلعن أبوك فستان ..فكت شعرها و راحت دورة المياة }الله يكرمكم { تزيل مكياجها ..
:: في قاعة الزواج ::
الجدة نوره و عبير راحوا مع ماجد ..
و البنات بيروحون مع خالد ..
لجين : يلا خالد أحرق جوالي من كثر الدق بسرعه ..
جمانه : ليه بروح مع خالد ؟؟
لجين : ايوه و أنا من الصبح وش أقول , ريما يلا ..
ريما : أوكي أنا خلصت ..
طلعوا البنات عند خالد و ركبوا و سلموا و هو مشتغل قز من المرآية في جمانه لأنه يعرف ريما و يميز بينهم ..
لجين راكبه قدام : خلود حبيبي ..
خالد : فيها خلود و حبيبي , وش تبغين أخلصي ؟؟
لجين : حرام عليك و الله أني دايم أدلعك ..
خالد يقاطعها : هاتي الزبدة وش تبغين ؟؟
لجين : نبغى عشاء جوعانين هذا إذا ممكن ..
ريما : ايوه الله يسعدك يا خالد بنموت جوع ..
خالد جاته حالات النذاله حقت العيال : إذا جمانه قالت أبغا بشتري لكم ..
جمانه في نفسها ( خير وش يحس فيه ) ..
لجين ضربته على رأسه : خير وين أحنا أقول وقف و أشتر لنا و أنت صاكت ..
خالد : مالك دخل منقهره منها ..
لجين تمثل أنها زعلانه لفت وجها : خلاص شكرا ما بنموت عليك ..
خالد وقف عند ماكدونالز : لا لا إلا زعلك يلا وش تبغون ..
لجين : على ذوقك بس بسرعه ..
نزل خالد و قالت جمانه صرخت : وجع أخوك هذا قليل أدب ..
لجين و ريما : ههه ..
لجين :طيب أعصابك ..
:: في جن العرسان اح ::
نوف محاولاتها في فك فستانها فاشلة ..
دخل سعود الجناح وجلس 5 دقائق ولا طلعت نوف راح عند باب الغرفة حصله مقفل دق الباب عليها ..
سعود : نوف يلا العشاء وصل ..
عند نوف يوم سمعت صوت سعود ماتت رعب ..
نوف : احم طيب جايه ..
سعود جلس على الكنبة و مرت 10 دقائق و لا طلعت نوف خاف ليكون صار لها شيء راح
سعود : نوف أفتحي الباب ترى ما بكلك ..
نوف ( يماا الله يقطعك فستان خلاص بفتح و إلي فيها فيها ) : طيب
فتحت الباب و فتح سعود عيونه ..
سعود : نوف ليش ما فصختي فستانك ..
نوف واقفه عند التسريحة ( وش أقول ) نزات راسها و قالت بهمس : ما عرفت ..
سعود رحمها و راح ووقف قدامها ورفع راسها : كيف ما عرفتي ..
نوف أربكها قربه منها : مدري أشبه السحاب ما قدرت أفتحه ..
سعود خلاص دآآآآآآيخ من ريحتها و قربها منه قال بهمس و يديه على خصرها : أنا أفتحه لك .. من وين ؟؟

نوف (لا لا و الله مقدر أقله ) : ......

سعود شافها منحرجه و ما تقدر تتكلم رفع يده و حصل السحاب على الجنب سحبها لين قربت منه بالمرآآآآآآآآآآ و صك صدرها بصدره و بان صغر جسمها بالنسبة لسعود و حصل السحاب ملكوك شوي فتحه لها ولا قدر يقاوم ريحتها و نعومتها و دخل يده و جلس يمسح على ظهرها ورفع يده لين رقبتها و مسكها و قرب و جهها منه و مال عليها و طبع قبله على فمها ..
نوف دور لها ما بتلقونها سحبة شفايفها منه بإخراج كبير و وجهها أحمرر و مسكت فستانها من عند صدرها عشان ما يطيح و تنفضح زيادة و لفت و بسرعة و راحت دورة المياه }الله يكرمكم {..
سعود دآآآآآيخ منها ومن خجلها و راح الصاله ينتظرها .. >> ما أظن أنها بتقدر تقابلك خ..
نوف طلعت و هي لابسه قميص سكري بخيوط مفتوح من الفخذ لين الأخير و من الظهر فيه دوائر مفتوحه و لبست عليه الروب ومشطت شعرها إلى يوصل لين كتوفها و مدرج و صابغته بني و حطت كريم و تعطرت من عطرها (روز من لانكوم) و طلعت و هي بتموت من الإحراج بسبب إلى حصل من شويء ^_^..
:: ع ند بيت الجدة ::
نزلوا البنات من السيارة و آخر وحده كانت لجين لأن خالد جلس يسألها عن رجلها نزلت و خالد راح يوقف سيارته..

• في الصالة *

الخالة عبير : يلا يمه يا ماجد نروح شوي و يأذن الفجر ..
ماجد : يلا يا الغالية و جمانه وينها ؟؟
الجدة نوره : جمانه بتنام مع البنات عندي اليوم ..
ماجد : بس اليوم يا يمه ترى ما خالد ما يخذ راحته وهم في البيت ..
و راح يسلم على رأس جدته : تصبحين على خير يمه ..
الجدة نوره : و أنت من أهل الخير و فكر في موضوعنا إلى اليوم ..
ماجد بضيق يحاول ما يبينه : أبشري يا الغلا ..
أم ماجد راحت تجيب عبايتها و ماجد طلع و هو يحس بضيقه و كان مدنق و يشوف رسالة جايته و يفكر في الموضوع ..
لجين كانت داخله و هي تفك عبايتها و تفكر في خالتها إلى بتفقدها ..
و ما انتبهوا لبعض إلى و هم صاكين في بعض ..
ماجد رفع عينه وشافها في و جهه : و جع عمياء ما تشوفين و دفها من يدها بأقوى ما عنده ..وطلع ..
لجين كانت بطيح بس لفت على الجدار و مسكت فيه و دموعها في عيونها : يمه منك وجع ..
الخاله عبير : خير لجونه وش فيك ؟؟
لجبن مسحت دموعها (من ولدك الأثول إلى ما يشوف ) : ما فيني شيء بس رجلي توجعني شويء ..
خالتها : إذا باقي توجعك خلي خالد يوديك تشوفين وش فيها ..
لجين : إن شاء الله ..
خالتها : يلا تصبحين على خير ماجد ينتظرني إلحين تلقينه معصب ..
لجين( أحسن خليه يستاهل ) : و أنتي من أهل الخير يا خاله ..
:: في سيارة ماجد ::
كان خايف يوم تأخرت أمه لتكون جدته تقولها على الموضوع و يضغطون عليه ..
ركبت أمه و قال ماجد بسرعه : وش فيك تأخرتي يمه ؟؟
أمه : و أنا طالعه قابلت لجين مسكينه لقيتها تبكي تقول إن رجلها تعورها ..
ماجد في نفسه ( رجلها تعورها و لا من صيحتي عليها ) أنبه ضميره بس حاول يطرد هالفكرة من راسه :.........
كملت أمه : مسكينه ذا البنت أفكر إذا سافر خالد بخلي جمانه تروح عندها بس هي لوحدها و تطفش مسكينه من بعد خالتك نوف ..
ماجد بحزم : لا يمه جمانه تقعد عندك و تساعدك أنتي تعبانه وهي مع جدتي تساعدها ويروح الطفش ..
أمه : إذا جاء ذاك اليوم يحلها ألف حلال ..
ماجد : لا ما فيه أذا جاء ذاك اليوم روحه جمانه ما بتروح ..و بكره إذا رحتي تجي معك..
أمه بعد أقتناع بس عشان ما يزعل : خلاص أن شاء الله ..
ب قلمي المتواض ع ..
انتظر توقعاتكم - انتقاداتكم الهادفه - آرائكم حوول البارتين ..
لكم مني اجمل تح يه ..