رواية ابوس راسك يازمن ماعاد فيني للجراح

تابع الجزء الاول
.............. : لينوه ووجع خلصتي جاراتي على وصول
ليان : ايه يالغاليه ثواني ويكون كل شي جاهز بالمجلس
ام راكان : لاتطولين وبعدها اغسلي الملابس
ليان : يمه وربي تعبت من الصباح ماارتحت وعماتي الشغالات وينهم والا راحمتهم على حسابي
ام راكان : قص السان اشوفك قمتي ترادين بالكلام
ليان : لا يالغاليه ماعاش منو يرادك بالكلام ومن عيوني الحين اغسلهم
ام راكان : خلى عيونك لك واخلصي بسرعه
وطلعت وتركتها بالمطبخ
ليان : ( ياربي اموت واعرف ليه امي وابوي مايعاملوني مثل اخواني
لا بسم الله علي ماابي اموت خلاص هونت ماابي اعرف)
واخذت صواني الحلا والفطاير للمجلس
ام راكان : غسلتي الملابس؟
ليان : لا يمه القرين حقي مسوي اضراب ورافض يغسلهم
ام راكان : (بعصبيه ) تستهبلين ؟
ليان : يالغاليه سامحيني بس شايفتني توني خلصت الضيافه لجاراتك متى امداني اروح اغسلهم
ام راكان : تحركي روحي اغسليهم وقولي للين ولمى يلبسون وينزلون يستقبلون معاي الضيوف
ليان : لمى طلعت مع منال والحين بقول حق لين تنزل (ابتسمت) وانا يمه ماانزل استقبلهم معكم
ام راكان بحده : والملابس من يغسلهم قرينك بسم الله علي
ليان : لا انا غير راحمه قريني من التعب كافي انا
ام راكان : وش تقصدين ناويه تشتكين عند جدك مو انتي دلوعته
ليان : مااقصد شي يمه وجدي الله يشفيه ويرجعه لنا سالم ومو انا اللي اشكي عند احد
عن اذنك يمه وطلعت من المجلس وراحت فوق لغرفة لين
في غرفة لين
ليان : امي تقول قومي البسي وانزلي استقبلي معها الضيوف
لين : منو الضيوف ؟
ليان : منو يعني جاراتها وصاحباتها
لين : انزلي انتي استقبليهم معها ياقلبي مو فاضيه للعجز المتصابيات بكلم صاحباتي
ليان : لا انا بروح اغسل الملابس
لين : ههه ليه شغالاتنا انقرضو او انحاشو هروب جماعي
ليان : لا عماتي طال عمرهن تعبانات وصدر مرسوم سامي اني اريحهن واشتغل
بدالهن
لين : ههه حلوه عماتي قصدي عماتك
ليان والدموع تجمعت بعيونها وفكها يرتجف وبصوت فيه البكاء : لاتنسين تنزلين
لين تقوم من سريرها وترمي الاب توب على جنب : عمري اشفيك ليه هالدموع
ليان : مقهوره يالين نفسي اعرف ليه امي تعاملني غير عنكم نفسي اطلع والبس
وتكشخ واعزم صحباتي واكلمهم حالي حالكم نفسي لما اناديها ترد علي مثل ماترد عليكم
مو انا خير ؟ نعم ؟ هاه ؟ وشعندك ؟
لين : ياعمري انتي انا مااكفي انتي تؤامي احبك واحس فيك
ليان بفرحه : صدق لين تحسين فيني واللي بنفسي؟
لين : اكيد احس فيك واعرف اذا كنتي متضايقه او لا بس مو مثل مااسمع من صديقاتي
اللي عندهم تؤام يقولون انه يحسون ببعض واذا تألمت وحده الثانيه تتألم معها
بس انا وانتي تؤام غريب مختلفين بكل شي حتى الشكل مافيه أي تشابه بينا
انتي حتى ماتشبهي احد من اهلنا
ليان : جدي يقول اني اشبه جدته بالمره
لين : ياخال ابوي حك ظهري .. ماعلينا علشان كذا جدي يحبك اكثر من الكل
ليان : لاتظلمين جدي هو يحب الكل المهم لاتنسين تنزلين وانا بروح اشوف
قريني غسل الملابس او ينتظرني
لين : شنو قرينك ؟ مو فاهمه
ليان : كل انسان له قرين من الجن وانا قلت يمكن قريني رحمني وبيغسل الملابس عني
لين بخوف : يمه بسم الله حرام عليك خوفتيني
ليان : وليش الخوف حافظي على فرضك ولاتهجري قرآنك
وحصني نفسك بالاذكار وماراح يضرك شي بأذن الله
لين : مطوعة بريده اقلبي وجهك خليني ألبس
ليان : ههه يقولون النصيحه بجمل
لين : ماعندي غير بقره واقفه قدامي غثتني بسوالفها تنفع ؟
ليان تسوي نفسها معصبه : انا بقره يالعنز
وقامت بينهم حرب بالمخدات مافك الاشتباك غير صراخ ام راكان وهي معصبه
في بيت العمه نوره (ام ماجد )
ندى تناقز مع الدرج وتصارخ : يمه يالغلا ماما ماماتي ماميتو ميمو
ام ماجد وهي جايه من جهة المجلس للصاله
ام ماجد : ميمو بعينك ياللي ماتستحين وش شايفتني قطوه عندتس تناديني ميمو
ندى : والله من قرادة حظي ماسمعتي كل اسامي الدلع اللي ناديتك فيها غير ميمو
ام ماجد : اخلصي وش عندتس على هالمصارخ تحررت فلسطين؟
ندى : لا
ام ماجد : ماتو اليهود؟
ندى : لا
ام ماجد : اذبحو قليلة الحياء كندره رايس ؟
ندى وهي تمسك ضحكتها : لا يمه بس اتوقع تنتحر من نفسها اذا اسمعت انك غيرتي اسمها
بس يمه ماقلتيلي كم مقاسها ههه ؟
ام ماجد : تطنزين على ياللي ماتستحين اخلصي وش عندتس ؟
ندى : ابد بس اشتقت لك وينك يالغلا بالعاده تترصدين لكل تحركاتي
ام ماجد : كنت بالمجلس عند راكان
ندى : راكان عندنا يامرحبا يامرحبا
ام ماجد : اقول ماودتس تروحين تخمينه بعد ؟
ندى : يابعد عمري انا عارفه انك ديموقراطيه ومن مناصرين الحريه الشخصيه
ام ماجد : ياقلية الحياء صدق اني ماعرفت اربيك
ندى : يمه وانتي على طول تصدقين امزح يالغلا اصلا انا اكرهه
تبين اروح اقتله علشان تقتنعين ؟
ام ماجد : والله انا اللي بذبحتس
ندى : ايه صح نسيت انه حبيب القلب رقم ثلاثه
ام ماجد : ومرقمتهم بعد ؟
ندى : يس افكورس فيصل رقم واحد ومجودي رقم ثنين وراكان رقم ثلاثه
وانا واسفابي طايحتن بكبدك كااني بنت البطه السوداء مو بنتك
خزتها امها بنظره ولا ردت عليها
ندى وهي تتصنع الجديه : تصدقين يمه اليوم وانا اتابع برنامج عن الاشاعات
وتأثيرها على المجتمع تكلمو عن الاشاعه اللي تقول ان فيصل ابتسم واللي انكرتهاكل وسائل الاعلام الم
قطعت كلامها من شافت امها تناظرها بنظرات ناريه وناويه عليها
قامت تركض للدرج بس ماسلمت من علبة الكلنكس اللي جت بظهرها
ندى وهي تحك مكان الضربه وهي تكلم نفسها : يقولون القناص ياسر مادرو عن امي
في السوق
منال وهي تدلع بمشيتها بعبايتها المخصره ولثمتها اللي تزين اكثر منها تستر
منال : لمى تصدقين سمعت من ابوي ان فيصل بيرجع بعد يومين
لمى : انتي الى الآن عندك امل انه يتزوجك؟ يابتي اصحي فيصل يكره
ابوي وابوك كره العمى اشلون بيناسبهم
منال : لمى حرام عليك لاتحطميني خليه يكرهم براحته اهم شي يتزوجني
انا احبه تفهمين وش معنى احبه ومستحيل اتزوج غيره
لمى : منال ترى ماتسوى علي من تشوفيني غثيتيني بسيرته اصحي ياماما
انتي توهمين نفسك انك تحبينه انتي تحبين فلوسه شكله مركزه الاجتماعي
صح لكن انك تحبينه لشخصه فلا اصلأ متى عمرك شفتيه علشان تحبينه
غير مره او مرتين في بيت عمتي نوره وبدون مايشوفك
منال بعصبيه : كيفي احبه واحب كل اللي قلتيه ولاتقلبين علي
ترى اخوي ألف وحده تتمناه
لمى خافت من زعلها وانها ممكن تضيع عليها حب حياتها اخوها خالد
لمى : منال ياعمري عارفه انتي عارفه اني احبك ومااتمنى احد يتزوج فيصل غيرك
انا بس كنت ابي اناقشك واوضح لك ...
منال تقاطعها : لاتناقشيني ولا اناقشك تعالي خلينا نجلس بالكوفي
الساعه 10 في غرفة لين
لين تحط من هالالوان على وجها وتمسح تحب تجرب بالميك اب
رن جوالها انصدمت وهي تشوف ان المتصل جدها ماعمره سواها
لين : الوو (وسكتت )
الجد عبدالرحمن : ماتعرفين السلام عليكم ماعندك غير ها الالوو
لين وهي تخاف من جدها وهو مروق اجل اشلون وهو معصب
لين : هلا جدي السلام عليكم هلا وغلا طمني عنك وشلونك عساك بخير
الجد : هو انتي ماعندك حل وسط يالوو وتسكتين ياتصفين كل الكلام اللى
انتي حافظته مره وحده
لين وهي شوي وتبكي: جدي لاتعصب قول وش تبيني اقول وانا اقوله
الجد يضحك : ههه الى الآن وانتي دميعه دمعتك دوم جاهزه
لين : .......
الجد : يبه لين اسمعيني بطلب منك طلب
لين : هلا جدي امرني
الجد : ابيك تاخذين الجوال وتروحين عند ليان أبي اكلمها بس احد يدري
بالموضوع فاهمه
لين : ليه جدي ؟
الجد : من غير ليه نفذي وانتي ساكته
لين : ابشر جدي خلك معي ثواني
طلعت لين من غرفتها وماشافت احد راحت على طول لغرفة ليان دقت الباب ومحد رد
فتحت الباب ولق تليان نايمه
لين : ليان قومي أبيك ضروري
ليان وهي الى الآن مافتحت عيونها : لين حرام عليك خليني انام وربي توني حطيت راسي مو كافي كرف
من هالصبح فالبيت
لين : ليان جدي يبيك على الجوال
ليان قامت بسرعه وخايفه ليكون جدها سمعها
ليان بعد مااخذت الجوال : الوو هلا جدي
الجد سمع كلامها من شوي ومثل ماكان متوقع انها من يغيب عنها يعاملونها بقسوه
وهالشي زاده اصرار ينفذ اللي بداه
الجد : هلابك يبه اشلونك عساك بخير
ليان : الحمدلله ياجدي انا بخير ماناقصني غير شوفتك
الجد : لين عندك ؟ واذا عندك خليها تطلع ابي اتكلم معك لوحدنا
ليان وهي محرجه من لين : لين ياقلبي ممكن شوي بس
لين : بدت الاسرار اوكي ياقلبي اذا خلصتي انا بغرفتي
طلعت لين وسكرت الباب
ليان : هلا جدي خلاص طلعت شلونك يالغالي ومتى بتجي؟
الجد : انا تعبان ياليان وابي اشوفك قبل لا اموت
ليان بدت تبكي : بعيد الشر عنك ياجدي تموت وتتركني لمين
ابوس يدك قول انك تكذب علي قول انك بخير وراجع قريب
الجد : يبه لاتبكين اذا تحبيني بتجين وتزوريني ان شاء الله
ليان : جدي اشلون اجيلك حتى لو اقول لابوي هو بيجلك صح
لكن ماراح يرضى ياخذني اشوفك
الجد : ابوك وعمك ماهميتهم مت او لا كل همهم كم بترك لهم
اسمعيني يابنتي انا بطلب منك طلب ان وافقتي ونفذتيه بتجين وتشوفيني
واذا رفضتي طلبي بتعوض الله فيك مثل ماتعوضته في عيالي
ليان وهي بحيره من كلام جدي : هلا جدي امرني يالغالي واوعدك
بسوي كل اللي اقدر عليه
الجد : تقدرين عليه ان شاء الله بس ابي قبل تفهمين شي واحد
ان جدك مايرخص فيك ولولا حبي لك وخوفي عليك ماكان خيرتك
بين الموافقه او تنسين أن لك جد
ليان وهي خايفه من اللي تسمعه : اسمعك جدي
الجد : اسمعي بكره بيجي يملك عليك فيصل ولد عمك واذا على ابوك
بيكون موافق وبعدها بيومين بسوي حفل عائلي وياخذك وتجوني
ليان مصدومه من الكلام اللي تسمعه وماهي عارفه بأيش ترد
الجد بعد فترة صمت : اشوفك ساكته يابنتي افهم من سكوتك انك موافقه كنت
عارف ان بنتي ماراح ترفض طلبي ولا تعصي كلامي
ليان وهي مازالت مصدومه ومذهوله من كلام جدها ومالقت عذر تقوله غير
ليان : بس ياجدي اشلون اتزوج واختي لمى اكبر مني ماتزوجت
الجد : تزوجت والا بكيفها ماهو اكبر همي اذا ربي كاتب لها بيجيها نصيبها
المهم يالغلا ماابي احد يعرف بشئ حتى تتم الملكه فاهمه
ليان مالقت شي تقوله غير : ان شاء الله
الجد : الله يريحك يابنتي ويفرحك مثل مافرحتيني يله يالغلا مع السلامه وانتبهي لنفسك
ليان : مع السلامه جدي والله يحفظك لي من كل مكروه
قفلت من جدها وهي الى الآن مصدومه من اللي سمعته وانها ماعارضته
هالشي مستحيل يصير
( معقوله اتزوج كذا وين احلامي بفارس الاحلام والحب واحلامي بأيام الخطوبه
وأيام الملكه والزفاف الاسطوري وشهر العسل بجزيره من جزر هاواي كل هذا تبخر
كلها انجمعت بيوم واحد ملكه من شخص مااعرف عنه أي شي غير ان اسمه فيصل
ويكون ولد عمي عبدالعزيز الله يرحمه واكبر مني بعشر سنوات واللي اسمعه من ندى
انه يخوف حتى الابتسامه عمره ماابتسم )
الله يسامحك ياجدي خيرتني بين امرين احلاهم مر
(قفل الجد من ليان واتصل على فيصل يطلب منه يحجز على اول رحله للرياض لأن ملكته بتكون بعد بكره)
مر ساعتين على ليان وهي مو قادره تتأخذ قرار هل توافق على كلام جدها او لا ولما تعبت من كثر التفكير قررت تستخير
قامت واغتسلت وصلة الاستخاره بس ماحست بأي شي انتبهت انها نست تعطي لين جوالها اخذت الجوال واتصلت على ندى
اول ما رن التلفون ردت ندى بدون ماتعطيها فرصه تقول الوو
ندى : لين من وين طالعه الشمس اليوم قصدي من وين غاربه وش سر هالاتصال الغريب
ليان : ندى انا ليان مو لين
ندى : ليان سندريلا بيت خالي مانمتي الى الآن ليه ياعمري أعفوك اخيرآ من قومت الفجر وتنظيف البيت قبل لايصحون عماتك الشغالات وتضيق صدورهن لشافوه وسخ؟
ليان : خلصتي هذره والا توك ؟
ندى : لاياعمري ماخلصت بس اخلص لعيونك
ليان : ندى اسمعيني انا استخرت وماحسيت بشي وش معناتها ؟
ندى : طيب ياعمري أنا بسألك وانتي جاوبيني ب ايه يا لا اوكي
ليان : ياخطيره والله وصرتي تعرفين يله اوكي
ندى : انتي قررتي تنحاشين ؟
ليان بستغراب : لا
ندى : طيب قررتي تقتلين احد ؟
ليان وهي معصبه : لا وبعدين انا اكلمك جد
ندى : وانا بعد اكلمك جد يله جاوبي قررتي تسوين اضراب وماتشتغلين ؟
ليان : مع اني ماادري ليه هالاسئله بس لا
ندى : اجل مافيه غيرها اكيد قررتي تشتركين بمسابقة ملكة جمال العالم ؟
ليان وهي ضاغطه على اسنانها من القهر : الشرهه مو عليك علي انا اللي أسأل وحده خبله مثلك
ندى : اجل ياحظي دام كل اجاباتك لا على شنو أستخرتي ؟
ليان : شي خاص عندك جواب قولي او ضفي وجهك
ندى : ول دام السالفه فيها تعصيب وسهرانه لساعه وحده اكيد تحبين ... ياقردي ليكون اعدوك الشغالات وصرتي تحبين السواق والا سواق الجيران ؟
ليان من قهرها سكرت التلفون في وجه ندى ورمت نفسها على سريرها اتصلت ندى اكثر من مره بس ماردت عليها بعد شوي وصلت رساله ترددت تفتحها او لا تخاف تكون للين وبعد تفكير فتحتها اكيد انها من ندى وفعلا طلعت الرساله من ندى تقول فيها ( ياقلبي اللي اعرفه انه مو شرط تحسين بشي على طول وبعد مده يومين او ثلاثه اذا ماحسيتي بشي صلي مره ثانيه ) مسحت الرساله واخذت الجوال وحطته بغرفة لين
اليوم الثاني العصر
فيصل طالع من المطار واصل للرياض تعبان ومهدود حيله مانام طول الليل راح على طول لبيته ودخل غرفته واخذ شور ورمى نفسه على السرير ونام وهي يدعي على ليان وحاقد عليها من كل قلبه
في غرفة منال
منال تكلم لمى على التلفون : انا لازم اشوفه يالمى بس المشكله انه مايجي لبيتنا ابد مايروح غير عند النسره عمتى
لمى : هذا انتي قلتيها اجل اشلون بتشوفينه ؟
منال : لقيتها .. امس ابوي قال انه بيجي بعد يومين يعني بكره صح ؟
لمى : طيب
منال : بتصل على العله ندى واعزم نفسي عندها اكيد هو لازم يزور عمته وبدور طريقه اشوفه فيها
لمى : ياغبيه انتي ماتدرين متى بيوصل بكره يمكن متأخر واكيد ماراح يروح لبيت عمتي على طول اكيد بيروح يرتاح في بيته واليوم اللي بعد بيروح يزور عمته
منال : صح معك حق اجل بخلي زيارتي لهم بعد بكره وان شاء الله اشوفه .. اسمعى انا بطلع للسوق اشترلي لبس حلو علشان اروح فيه امرك او لا
لمى : اكيد مريني انتظرك باي
منال : باي
نهاية الجزء الاول

الجزء الثاني
(الفصل الاول)
صحى فيصل من النوم الساعه 8 اخذ له شور وصلى اللي فاته وتصل على صديقه وليد
(فيصل ماعنده اصدقاء ماعدا طلال ولد خاله الوحيد و وليد صديقه واقرب له من روحه)
وليد : هلا والله بالنسيب
فيصل : اللي يسمعك يقول عندك خوات ومبتلش فيهن مايدرون ان كل اللي عندك اختين ومتزوجات
وليد بخبث : مايندرى يمكن انا اللي اناسبك
فيصل : اذا صرت خطابه بقولك تقدم ملفك
وليد : عاد توصى فيني
فيصل : وليد ترى والله الدنيا ضايقه فيني خلك من هالهذره وقولي وين اقابلك
وليد بقلق : سلامات يأخوي وش فيك
فيصل : اذا شفتك اقولك
وليد : طيب انا عازمك على العشاء نتقابل في مطعم الريف اللبناني
فيصل : لا مزحوم على طول وازعاج نتقابل في الجلوب في الفيصليه
وليد : صار على خير ان شاء الله
قفل فيصل من وليد واتصل على المطعم علشان الحجز
وطلع من بيته وهو يفكر بجده والقرار اللي اجبره عليه
بعد ساعه في المطعم
وليد : عسى ماشر وش اللي مضيق صدرك؟
فيصل : جدي ياوليد
وليد: ليه عسى ماشر زاد عليه شي؟
فيصل : لا حالته مثل ماهي بس قرر يزوجني
وليد : الله يرجك ياشيخ وانا على باللي سالفه كايده
وليه ماتبي تتزوج باقيلك سنه وتصك الثلاثين اللي متى ماتبي الزواج؟
فيصل : المشكله ماهي بالزواج المشكله بالبنت اللي بتزوجها
وليد بأستغراب : ليه وش فيها ؟
فيصل : فيها انها بنت عمي تعرف وش معنى اني اناسب واحد من اعمامي
وليد : يافيصل لاتظلم البنت يمكن تختلف عن ابوها ... الا هي بنت مين فيهم؟
فيصل : بنت عمي ابراهيم
وليد : على الاقل اهون من عمك سلطان
فيصل : كلهم مثل بعض مااخس من هذا الا هذا
وليد : طيب انت شوفها بفترة الخطبه والملكه يمكن تغير رايك بالبنت وتكتشف انها غير عن ابوها
فيصل : ههه ضحكتني قال خطوبه ياوليد ملكتي عليها بكره وبعدها يومين الين اجهز
جوازها واخذها ونروح ألمانيا عند جدي
وليد بصدمه : ملكتك بكره ومتى خطبت ومتى شاورو البنت كل هذا صار بدون مدري ؟
فيصل : انت الوحيد اللي يدري الى الآن
(وقاله فيصل كل السالفه)
وليد : والله غريبه وايش سبب اصرار جدك واستعجاله ؟؟
وايش معنى هالبنت بالذات مع انه فيه اللي اكبر منها ؟؟
فيصل : لاتسألني كل اللي اعرفه ان بكره العصر ملكتي وبس
آ آ آ ه ياوليد اخر عمري اناسب عمامي اللي من طلعت على الدنيا
وانا ماشفت منهم غير الكره والعداوه
وليد : مستحيل انهم يكرهونك يافيصل انت ولد اخوهم بس يحز بخاطرهم
انك تمتلك اكثر من النص في شركة ابوهم
فيصل : ياوليد انت عارف ان مالهم شي عندي والخير اللي عندي ورثي من ابوي وامي
وليد : يافيصل انا عارف كلها هذا بس هم مو مقتنعين يحسون ان ابوهم عطاك اكثر من حقك
فيصل : الا قول انهم طماعين ومايملا عينهم غير التراب ويكفى اني ساكت عن بلاويهم
عمى سلطان بعد ماشبع من اختلاساته فتح له شركه خاصه وفتكيت منه هو وولده تركي
صار يحاول يسرق مناقصاتنا وعمي ابراهيم على نفس خطاه كل يوم اختلاس
وساكت لهم بمزاجي كله علشان انهم عمامي وعلشان مضيق صدر جدي
وليد : يافيصل انا عارف كل هذا والله يهديهم بس المهم ماقلت لي وش معنى هالبنت؟؟
فيصل : علمي علمك يقول انها هي اللي تناسبني وتفهمني
وليد : جدك يحبها والا مثل البقيه ؟
فيصل بسخريه : ههه قال يحبها احيانا اشك انه يحبها اكثر مني ومن امي ام ماجد
وليد : خلاص يافيصل ليه مضيق صدرك دامه يحبها كل هالحب معناها البنت تختلف عنهم
وتستاهل انك تزوجها ولاتنسى ان جدك ذكي وكاشف عمامك
فيصل : فكرة في كل هذا بس مايمنع اني ماابي هالزواج واحس اني مغصوب عليه
وليد : يافيصل انت مو بنت علشان تنغصب
فيصل : بس خيرت بين رضى جدي وبين حريتي
المهم قفل على هالموضوع وخلنا نتعشى الساعه 10 في غرفه ليان
خلصت ليان من صلاة الاستخاره للمره الثانيه وحطت راسها على مخدتها ونامت
حست بيدين تهزها وتحاول تجلسها
فتحت عيونها لقت لين ماسكتها وتسمي عليها
لين : ليان عمري اشفيك وش هالحلم اللي خلاك تصارخين وتنادين على جدي
كانت ليان ساكته وترتجف من الحلم اللي شافته وتحس بالالم في كل جسمها
ماكانت تبي تقول لين اللي شافته : لا بس كنت اتحلم بجدي يمكن من كثر تفكيري فيه
وشوقي له .. كم الساعه؟
لين : الساعه 2
ليان : صحيتك من نومك؟
لين : لا ياعمري ماكنت نايمه وحسيت بجوع ولما جيت انزل تحت سمعت صوت صراخك
ليان : طيب ياعمري روحي كلي بالعافيه عليك وانا بقوم اصلي لي ركعتين ورجع انام
لين : اوكي ياقلبو ولو بغيتي شي ناديني
وطلعت وقفلت الباب وراها
جلست تفكر بالحلم اللي شافته وايش بيكون تفسيره
حلمت انها بمكان مهجور بس تحس انه مو غريب عليها
سمعت صوت جدها يكلمها بس بدون ماتشوفه كان يوصيها على نفسها
ويقولها مهما قالو فيك ومهما سوو لا تضعفين كوني دايم قويه
حاولت اني احميكي منهم وجاء دورك تحمين نفسك
صارت تدور عليه بس اللي لقتهم اهلها مو جدها كانت وجيهم غريبه
عليها حاولت تهرب وتدور على جدها سمعت نباح كلاب وكل ماله الصوت يقرب
وفجاءه هجمو عليها كل ماهجم واحد نهش من لحمها كانت تصرخ وتنادي
على جدها وتناظر في اهلها بس كانو واقفين ويتفرجون عليها
قامت من سريرها وغتسلت وصلت ركعتين وجلست تقراء قران لعلها ترتاح
وهي كلها اصرار انها تنفذ كلام جدها
في بيت فيصل
صحى من نومه الساعه 8 الصباح اخذ شور ولبس وطلع للشركه
صدق انه الخميس بس مايمنع انه يروح يشوف شغله
دخل الشركه شاف اغلب الموظفين مداومين طلع فوق لمكتبه
شاف راكان وخالد مداومين
لما شافهم تذكر معارضته لجده في انهم يشتغلون في الشركه
بس طلع تركي وراكان غير ماتوقع صدق انه مايستلطف خالد
لانه مغرور وشايف نفسه
بس اثبتوا انهم مخلصين ونشيطين بشغلهم
فيصل يكلم نفسه ( الله يحفظك ياجدي كل مره تثبت لي ان قراراتك حكيمه
بس ان شاء الله يكون قرارك بزواجي من ليان صح مثل البقيه
وماتكون كبوة حصان وغلطة الشاطر بألف وانا الي بدفعها)
الساعه 10
قامت ليان من نومها نشيطه اخذت شور ولبست ونزلت تحت كان وجهها صافي ومشرق
لانها المره الوحيده اللي تنام الى هالوقت بالعاده تصحى من الفجر
شافت امها جالسه تفطر
لين بعد ماباست راس امها : صباح الخير يالغلا
ام راكان : صباح النور اشوف انك مثل الحصان اجل ليه لين تقول انك تعبانه
ليان : سلامتك يالغاليه بس البارح تعبت شوي والحين الحمدلله بخير
ام راكان : دامك بخير خلصي فطورك وقومي شوفي شغلك
ليان : ان شاء الله يالغاليه
خلصت فطورها واستلمت شغل البيت كالعاده
الساعه 1 ونص على الغداء في بيت ابو راكان
ابو راكان : كيف كان الشغل اليوم ؟
راكان : مثل مايسرك وعلى فكره فيصل داوم اليوم
(ارتجفت ليان وهي ماسكه الملعقه نزلتها بسرعه قبل لا احد يحس)
ابو راكان : وش جايبه اليوم عمك يقول انه ماهو جاي غير الجمعه او السبت؟
راكان : والله يالغالي علمي علمك
ابو راكان : عمك درى عنه انه مداوم؟
راكان : مدري والله بس اكيد تركي بيقوله
ابو راكان : ايه زين .. انا قايم انام لااحد يزعجني
طلع ابو راكان لغرفته اول مادخل غرفته الا جواله يرن
ابوراكان وهو يناظر جواله (الله يستر وش عنده داق ليكون العله فيصل كاشف شي وقايله)
ابو راكان : حي الله هالصوت وراعيه
ابو عبدالعزيز: تحيا وتدوم وينك فيه ؟
ابو راكان دام السالفه وينك فيه على طول اجل رحنا فيها : في البيت وشلونك عساك طيب؟
ابو عبد العزيز : ليه يهمك؟
ابو راكان: وشلون مايهمني انتي تدري بغلاتك عندي بس مدري منهو اللي مغيرك علي؟
ابو عبدالعزيز : ايه ادري انك تغليني وانا اغير ماتغير.. عندك احد ؟
ابو راكان : لا انا بغرفتي فيه شي صاير شي
ابو عبدالعزيز : مافيني غير العافيه .. اسمعني ونفذ اللي بقولك عليه
وماابي مخلوق يدري بالسالف هالا لما يتم كل شي
ابو راكان : ابشر باللي يسرك
ابو عبدالعزيز: فيصل خطب مني ليان وانا وافقت وقلت له انك موافق وبيجي اليوم بعد العصر ومعه الملاك والشهود
ابو راكان بعصبيه : وليه وانا مالي كلمه وبعدين لمى اكبر منها وماتزوجت
ابو عبدالعزيز : لمى اذا ربي كاتب لها بيجيها نصيبها
ابو راكان : دامك بتخطب له ليه ماخطبت له وحده من بناتي لمى او لين مالقيت غير ليان
ابو عبدالعزيز بعصبيه : وليان بنتك بعد ولاتحدني ياابراهيم على شي مابيها لا والله واللي
رفع سبع وخفض سبع اني لا اقسم كل حلالي بيع وشراء بين فيصل ونوره وليان ومترك لك انت
واخوك ريال واحد
ابو راكان : يايبه الى متى وانت تتحكم في حياتي مايكفي اللي راح
ابو عبدالعزيز : عمري ماتحكمت في حياتك ياابراهيم غير مره وحده وخذت كثر مقابلها
وحتى هالمره ماراح ابخل عليك وبكلم المحامي بعد مايتم كل شي مثل ماابي يحول بحسابك
20مليون ويسجل الارض اللي بمكه اللي مناشبني عليها بسمك
كل اللي ابيه منك تتصل على فيصل الحين وتقوله انك تنتظره العصر ويجيب معه الملاك والشهود
ابو راكان : مايصير خاطرك الا طيب بس لمتى ماتبي احد يعرف بالموضوع
ابو عبدالعزيز : بعد ماتم الملكه سو عشاء واعزمهم عليه وذا سالوك عن المناسبه قولهم بمناسبة ملكة فيصل على ليان
ابو راكان : يصير خير ان شاء الله
قفل ابو راكان من ابوه وهو معصب بس اللي مهون المبلغ على قيمة الارض على الفلوس اللي عنده بتدخله
شريك بالنص في شركة اخوه
اخذ جواله واتصل على فيصل واتفق معاه
انتهى الفصل الاول من الجزء الثاني
اعذروني لقصر البارت ولان مافيه احداث مهمه لكن كان هذا البارت لتوضيح علاقة فيصل باعمامه
واوعدكم بالافضل ان شاء الله في الجاي
ااني

الجزء الثاني
(الفصل الثاني)
بعد صلاة العصر في بيت ابو راكان
ابو راكان : جهزو القهوه والشاهي بيجوني ضيوف الحين
ام راكان : منهو ضيوفك
ابو راكان : بعدين اقولك اخلصو جهزو اللي قلته وارسلوه لي بالمجلس اكيد الضيوف على وصول
راح ابو راكان على المجلس وفعلآ بعد 10 دقايق وصل فيصل ومعاه وليد والملاك والمحامي
في المطبخ
جلست ليان بعد ماارسلت القهوه والشاهي للمجلس
ياربي منو الضيوف اللي عند ابوي معقوله يكون فيصل
لا اكيد مو هو ابوي الى الان ماقال لي أي شي ولا حتى امي تعرف منو ضيوفه
سمعت صوت ابوها يناديها .... قامت وطلعت له بالصاله
ليان : هلا يبه ناديتني
ابو راكان : تعالي معاي
اخذها معه للمجلس الثاني وتركها وراح لمجلس الرجال
وبعد دقيقتين رجع لها ومعه دفتر
ابو راكان : يله وقعي
ليان : شنو هذا وعلى ايش اوقع ؟
ابو راكان بحده : ملكتك على فيصل اخلصي وقعي
ليان بصدمه : وشلون اوقع يبه وانت ماشاورتني ولا حتى قلت......
ابو راكان يقاطعها بصراخ : هذا انا قلت لك ويله وقعي
سمت بسم الله و وقعت بقلب مقبوض ويد ترتجف
طلع ابوها وراح لمجلس الرجال وهي مازالت واقفه ومصدومه من تصرف ابوها
فوق انها فقدت حقها كأي بنت في انه يقولها ويشاورها وفي ان هاللحظه تكون اجمل لحظه بعمرها
طلع من عندها حتى كلمت مبروك ماقالها لها
نزلت دموعها قهر وحزن ماعمرها عصت له كلمه ولاعمرها رفعت صوتها بحضوره
كانت طول عمرها البنت الباره له حتى طلبات مثل خواتها ماتطلب علشان ماتزعله
والفلوس اللي كان يعطيها لها جدها بالسر كانت تأخذها وتعطيها ابوها على امل انها تشوف منه ابتسامه
او تسمع كلمه حلوه لكن كل هذا ماغير شي وكان هو وامها يعاملون الخدم بأفضل من معاملتهم لها بكثير
وجود جدها هو الشي الوحيد اللي يخليهم يحسنون يعاملتهم معها
في المجلس
طلعو الرجال ومابقى غير فيصل وعمه
فيصل : يله انا أستأذن وبخصوص العشاء انا تكفلت بكل شي وبيجون يجهزون بعد المغرب
بس انت قولهم وين يحطون البوفيه فيه
ابو راكان (ايه كريم من مال غيره) : خير ان شاء الله
في غرفة منال
منال تكلم لمى بالتلفون
منال بفرحه : لمى فيصل جاء سمعت تركي وهو يقول لابوي اليوم انه مداوم
ودامه داوم اليوم اكيد الليله انه بيروح لعمتي
لمى : ادري سمعت راكان اليوم يقوله .. قررتي تروحين؟
منال : ايوا وبتصل على ندى بعد المغرب وبقول لها اني طفشانه وبجي اسلم عليها وعلى عمتي
وش رايك تروحين معي يمكن احتاجك؟
لمى : خلاص بقول لامي ومري علي
منال : اوكي سي يو
طلع فيصل من بيت عمه وهو يحس ان كل هموم هالدنيا فيه
اتصل على جده علشان يقوله ان كل شي صار مثل مايبي
فيصل : الو هلا جدي
ابوعبدالعزيز : هلا بولدي مبروك يالغالي
فيصل بضيقه : الله يبارك فيك هاه ارتحت الحين
ابو عبدالعزيز : طول عمرك مريحني الله يرضى عليك ويرحم ابوك اللي ماعمره عصى لي كلمه
فيصل : الله يرحمه ويغفرله
ابو عبدالعزيز : ومتى بتجون؟
فيصل : اخذت جوازها من ابوها بس الفيزا تأخذ وقت لكن ان شاء الله اني بقدر
اخلصها في يومين او ثلاثه وبعدها نجي
ابوعبدالعزيز : على خير ان شاء الله وانا جدك ولا تنسى يوم السبت تفتح لها حساب وتحط مهرها فيه
فيصل : ان شاء الله
ابو عبدالعزيز: شريت لها شبكه وهديها تقدمها لها الليله؟
فيصل : لا نسيت
ابو عبدالعزيز : ياولدي ترى مايجوز هذي بنيه يكفى انها مافرحت مثل البنات بملكتها
وحتى زواج منت مسوي
فيصل : والله ياجدي انت المستعجل
ابوعبدالعزيز : ابي أتطمن عليها قبل لا اموت الواحد منا مايدري متى تجي ساعته
فيصل : الله يطولنا بعمرك ويحفظك لنا وابشر يالغالي ماطلبت شي الحين اروح واشتري
ابو عبد العزيز : الله يرضى عليك يله بحفظ الرحمن وطمني عليك
فيصل : ان شاء الله بحفظ الكريم
في بيت ابو راكان
ابو راكان : سعاد .... سعاد
ام راكان وهي نازله مع الدرج : خير وشفيك تصارخ
ابو راكان :ترى عندنا عشاء الليله وانا اتصلت على سلطان ونوره وعزمتهم شوفي اذا بتعزمين احد غيرهم
ام راكان :صاحي انت ؟؟ جايني الحين تقول عندنا عشاء متى اجهز لكل شي
ابو راكان: كل اللي مطلوب منك انتي وبناتك انكم تجهزون وتقولين وين تبين البوفيه حق الحريم وكل شي بيكون جاهز
ام راكان :اذا على كذا مايخالف والبوفيه حطه في الحديقه اللي وراء
ابو راكان : طيب وبخصوص ليان خليها تلبس وتجهز مثل البنات
ام راكان : خير وش الطاري
ابو راكان : بعدين اقولك ليه وايش سبب هالعزيمه انا الحين مستعجل عندي شغل
وتركها وطلع
ام راكان : ليان .. ليان وصمخ
كانت ليان في المطبخ تبكي سمعت صوت امها قامت غسلت وجهها وراحت لها
ليان : سمي يمه
ام راكان : نادي لمى ولين وانزلي معاهم

طلعت نادتهم ونزلو لامهم
ام راكان : اليوم عندنا عشاء وبيجون بيت عمكم سلطان وعمتكم وبعض معارفنا
لمى : شنو سر هالعزيمه المفاجأه ؟
ام راكان : مدري عن ابوك وبعدين انا بطلع للمشغل اذا فيه احد بيروح معي
لمى : يس ماما انا بروح
لين : لا انا بجهز نفسي ماراح اروح
ليان : اجل انا بروح
ام راكان بحده : دام لين مو رايحه وشهوله تروحين خليك في البيت
سكتت ليان وماحبت تعارض امها وطلعت مع لين فوق والدموع بعيونها
لين بعد مانتبهت لها : ياقلبي لاتزعلين واذا علشان الروحه للمشغل اوعدك ياقلبي اخليك ملكة جمال
ناسيه ان اختك خبيره في الميك آب والشعر
ليان : الله لايحرمني منك وانا بتجهز بنفسي لاتشغلين نفسك فيني
لين : قال اشغل نفسي ياغبيه هذي موهبه يعني انا المستفيده وبعدين بربك وين بلاقي احلى منك اتفنن فيها بالميك آب
ليان : ههه اوكي اذا على كذا سوي اللي تبين
لين وهي تناظر شعر ليان : انا طالعه لصيدليه القريبه من البيت على ماتخلصين شورا كون جيت
ليان : ليه طيب
لين : سوي اللي اقولك عليه وماابي أي معارضه
تركتها وراحت تلبس عبايتها وتطلع
بعد ربع ساعه في غرفة لين
دخلت لين الغرفه وبيدها كيس ومعاها قصدير
ليان : وش شريتي وليه هالقصدير وش ناويه تغلفين؟
لين : ههه ناويه اغلفك انتي عندك مانع ؟ ويله خلينا نبدى قبل لايخلص الوقت علينا وحنا ماسوينا شي
ليان : مااقول غير الله يستر
اخذت لين المقص وبدت تقص شعر ليان
في بيت ابو تركي
منال بغرفتها تكلم : شوف ياسعود مو كل مره تفتح لي هالموضوع طلعه ماراح اطلع معاك ولاتخليني اعصب منك ترى انت اللي بتندم
سعود : طيب انا اطلع معاك للمطاعم انتي وصديقاتك وش فرقت لو طلعنا بروحنا؟
منال : هذا انت قلتها مع صديقاتي يعني انت بس منظر ديكور قدامهم ولاتطمح لااكثر من كذا
سعود : والله مشتاق لك ونفسي اشوفك مو ذنبي اني حبيتك
منال :::: ههه ضحكتني يابابا على مين تلعب سعود انت عارف اني مااحبك وانت ما تحبني
اللي جمع بينا المصلحه انتي تبي فلوس وعز وانا ابي واحد حلو اتفشخر فيه قدام البنات بس
(سعود شاب وسيم وجسمه رياضي ويحب المظاهر والكشخه بس وضعه المادي مايساعد ومنال وفرت له
السياره الكشخه واللبس الماركه والمصروف والاكل في افضل المطاعم مقابل انه ينفذ كل طلباتها )
سعود : كل ماكلمتك لازم تجرحيني يامنال وتحسسيني بالنقص
منال : اشوف قمنا نقول كلام كبير لااجرحك ولا انقصك اللي بينا بيزنس تو بيزنس
ويله باي بقوم اتجهز وراي طلعه
(لبست وطلعت للمشغل لانها كنسلت روحتها لبيت عمتها بعد ماعرفت من امها عن عزيمة عمها ابراهيم وان عمتها بتحضر)
في بيت العمه نوره (ام ماجد )
طلعت ندى من غرفتها تركض لغرفة امها وهي تصارخ : يمه يمه لحقي
مالقتها بغرفتها جت بتنزل تحت الا امها طالعه الدرج ركض على قدر ماتقدر
ام ماجد بخوف : وش فيه وش صار
ندى : يمه لحقي بيت خالى ابراهيم عندهم عزيمه يله خلينا نروح
ام ماجد وهي تحاول تمسك نفسها لاتذبح بنتها : حسبي الله عليك من بنت اللي منتي مرتاحه الين تخليني الحق ابوك
ندى ببراءه : بسم الله عليك يمه ليه؟؟
ام ماجد وهي تشد شعر بنتها : كل هالصراخ زين اللي ماوقف قلبي واخرتها علشان العزيمه وانا اللي على بالي فيه مصيبه
ندى وهي تتألم : أي يمه فكي شعري يعني مابعد عرفتيني اذا صارخت اعرفي ان ماعندي غير ماعند جدتي البلا اذا شفتيني لابده وساكته اعرفي ان وراي مصيبه
ام ماجد انتبهت ان الجوال بيدها وتذكرت انها كانت تكلم فيصل قبل صراخ المهبوله بنتها
ام ماجد : هلا يمه سامحني
فيصل بخوف : يمه وشفيه ؟
ام ماجد : ماصار شي ياولدي هذي اختك المهبوله السلك الوحيد اللي بمخها فصل
فيصل : ههه ماتعقل هالبنت
ام ماجد : ايه انت تضحك وانا بيتوقف قلبي هاليومين
ندى فتحت فمها : ياكبرها عندي ربي فيصل ضحك
ام ماجد : بسم الله على ولدي وليه مايضحك
ندى تسحب الجوال من امها
ندى : فيصل
فيصل : الحين انتي متى بتعقلين وترحمين امي من فعايلك
ندى : ايه هذا فيصل اللي اعرفه ... فيصل اسألك بالله من شوي ضحكت؟
فيصل : ايه ضحكت ليه ؟
ندى بجديه : فيصل انت وينك؟؟ وعندك احد ؟؟
فيصل : في البيت ومااحد عندي ليه ؟؟
ندى بفرحه : ياي لاتقول لاحد انك ضحكت اخاف يطير مني السبق الصحفي
فيصل بحده : الظاهر الكدمات اللي بيديك طابن ومشتاقه لغيرها؟
ندى بخوف : لا واللي يرحم والديك ماصدقت راحو انت اللي يمزح معك لازم قبل يكتب وصيته
خذ امي .. ورمت الجوال على امها
ام ماجد : هلا يمه وش انت قايلها ومنها خافت
فيصل : لا بس ذكرتها بالكدمات
ام ماجد : ههه اجل بعذرها ومنها خافت
فيصل : يمه حرام عليكم سويتوني دراكولا
ام ماجد : والله يمي مااعرف ديكلا اللي تقول عليه اللي اعرفه الرجل الاخضر وانت ماتباعده بسم الله عليك
فيصل : ههه يمه مالقيتي غير الرجل الاخضر تشبهيني فيه
ام ماجد : وانا عند ربي صادقه وانا امك ارحم نفسك من هالحديد اللي تشيله كل يوم
فيصل : ابشري يالغاليه يله فمان الله بروح اخلص لي كم شغله
ام ماجد : في حفظ الله ياولدي
ندى : يمه يله خلينا نروح الحين لبيت خالي ابراهيم ابي لين تسويلي ميك آب
ام ماجد :مافيه روحه غير بعد صلاة العشاء وشهوله لين تسويلك ليه ماتسوين لنفسك
ندى : يمه لازم تحرجيني تعرفيني اني مااعرف اسوي وبعدين لين الميك آب اللي تسويه روعه
ام ماجد : هذا البنات السنعات مهو انتي اللي ماتعرفين غير للبلايستيشن والا الكوره وخلاص لاتصدعين راسي
نروح قبل صلاة العشاء بشوي
قبل صلاة العشاء بص ساعه
فتحت ندى غرفة لين وهي مقطوع نفسها من الركض على الدرج
لين : خير وشفيك طايره؟
ندى : وخري من قدامي خطر اشفطك
لين : طيب اجلسي وخذي نفس لاتنكتمين علينا انتي ناسيه ان معاك الربو
ندى : الله تخيلي انكتم واصير مقدر اتنفس ويغمى علي (ورمت نفسها على السرير غمضت عيونها) ويجي فارس احلامي وينقذني بقبلة الحياه ويشيلني بين يديه
في هاللحظه طلعت ليان من غرفة الملابس وسمعت كلامها
ليان : هي لين اكتميها بمخده او أي شي هذي وصلت للقبله الله يستر من الباقي
ندى وهي تقوم من السرير: وش اسويلكم اذا تفكيركم دايم غل.....
قطعت كلامها لما شافت ليان وقعدت تطالعها وهي فاتحه فمها
ليان بخوف: ندى سكري فمك وقولي لي وش شايفه شكلي غلط هالمجرمه محلفتني مااشوف أي مرايه الين تسمحلي
ندى وهي الى الان منصدمه : منو اللي سوا فيك كذا؟؟؟؟؟؟؟
(كانت ليان لابسه فستان بنفسجي ناعم مره بدون اكمام الى تحت الركبه وفيه من تحت الصدر شريطه عريضه شوي فيها نقش ناعم بالبنفسجي وجزمه (عزكم الله) فضيه بشرايط تلتف على الساق

ونفس الشي منقوشه الشرايط بالبنفسجي والاكسسوار كان عباره عن سلاسل فضيه ناعمه مره معلق فيها نجوم صغيره ونفس الشي الحلق والسواره _ وشعرها مقصوص تدرج على نفس طوله ومسويه لين لها خصل بنفسجي باذنجاني _ والميك آب طلع عيونها خيال كانت دامجه الوان الابيض والازرق والبنفسجي والوردي _ يعني بختصار كانت مبهره بجمالها مسمى ملكة جمال شويه عليها) <<< مااعرف اوصف خ بس ان شاء الله تكونو فهمتو علي
ليان : منو يعني اكيد المجرمه اللي وراك
ندى : لي ن
لين : ايه انا ليه مو عاجبك ؟
ندى بوجه يكسر الخاطر : لين انتي تعرفين ان ابوي ميت؟
لين وهي تحاول تستوعب اش دخل ابوها بالسالفه : ايه ياعمري اعرف صار له عشر سنين ليه انتي توك تدرين ؟
ندى : يعني انا يتيمه واكسر الخاطر؟
لين : هو انتي تحملين مسمى لاحظي مسمى بس يتيمه لكن غيره لا
ندى قلبت فجأه : اقول ترى عطيتك وجه المأسي اللي بحياتي كلها قلتها وشوي وعصر لك دمعتين وانتي لاحياه لمن تنادي زبدة الهرج بتسوين لي مثلها بالطيب والا بالغصب
ليان : ههه مايحتاج كل هالمقدمه ياعمري انتي بس استخدمي الكلمه السحريه حطي لي ميك وقبل لاتكملينها بتلاقينها مجلستك وتحوس فيك
لين : تطنزين هذي موهبه يالغبيه
ليان : طيب قبل لاتنغمسين في موهبتك تسمحين لي اشوف المرايه؟؟
لين : ههه تصدقين نسيت اني محلفتك واقول هالخبله ليه الى الان ماشكرتني ..ايه ياعمري مسموح لك
وقفت لين قدام المرايه وظلت 5 دقايق تحاول تستوعب اللي تشوفه هي صدق كانت تسمع من الكل انها حلوه وجمالها غريب لكنها اول مره تحس انها حلوه فعلا .. انحرمت من شغلات كثيره عمرها ماحست انها مثل باقي البنات مسموح لها تلبس وتكشخ وتشتري اللي تبيه حتى بليلة ملكتها محد اهتم فيها ولولا الله ثم لين ماصارت كذا كل اللي عليها للين والميك والشعر هي اللي سوته لها
بدون ماتحس بنفسها سحبت لين وضمتها وهي ساكته كانت عارفه انها لو تكلمت بتنزل دموعها ولين كانت حاسه فيها وحترمت سكوتها ولا تكلمت
بعدها بساعه كان كل الضيوف وصلو ... وليان الى الان بغرفتها خايفه تنزل اخيرآ تشجعت ونزلت
اول مادخلت عليهم كلن سكت ويناظرونها اول من تكلم عمتها نوره (ام ماجد )
ام ماجد : بسم الله ماشاء الله تعالي يمي سلمي علي
راحت وسلمت على عمتها
ام ماجد تكلم ليان بصوت واطي : قريتي على نفسك يمي
ليان : ايه عمتى
ام ماجد : روحي سلمي على الضيوف وتعالي اجلسي عندي
راحت ليان وسلمت ورجعت عند عمتها اللي حطت يدها على راسها وصارت تقراء عليها
في غرفة لمى
لمى بطفش : منال حرام عليك صار لك اكثر من ساعه وانتي حابستنا في هالغرفه وتناظرين مع الشباك لو بيجي كان جاء من بدري
منال : لمى ابي اشوفه وربي مشتاقتله حيل
لمى : ههه اللي يسمعك يقول انه يحبك
منال : يحبني او مايحبني ماراح يتزوج غير فاهمه فيصل لي انا
لمى : منال افرضي سمعتي في يوم انه تزوج وش بتسوين؟؟
منال بعصبيه : وربي لا اقتل أي وحده تفكر تأخذ مني فيصل والله لا اقتلها واشرب من دمها
لمى : حشى سفاحه هذا وانا اقول افرضي ماقلت تزوج
منال بصراخ : انتي ماترتاحين الا اذا نكدتي علي
لمى : انكد على نفسي ولا انكد عليك ياقلبي ويله روقي وتعالي نشوف الاوضاع تحت وبعدها نرجع
نزلت منال ولمى تحت اول مادخلو لفت نظرهم شكل ليان
منال بحقد : متأكده انها تكون اختك ؟؟؟
لمى وصدمتها بشكل ليا ن مو اقل من منال : ههه ايه متأكده انها اختي شهادة ميلادها تقول انها بنت امي وابوي وتؤام لين بعد
منال : قهر تخيلي لو بس فيصل شافها والله ولا حتى يفكر ينظر فيني مو يتزوجني
لمى : لاتحقرين عمرك حتى انتي ماشاء الله عليك مو ناقصك شي
منال : بعد اللي شفته بديت اشك ... خليني من اختك العله وتعالي فوق ابي اكمل مراقبه
لمى : روحي انتي وانا بروح اشوف لي طريقه اعرف فيها اذا فيصل جاء او لا
طلعت منال فوق وراحت لمى لامها
لمى : يمه ماسالتي ابوي وش سبب هالمناسبه ؟
ام راكان : الله يذكرك بالشهاده بروح اساله احرجني الحريم وانا مو عارفه وش اقول
لمى : وشوفي من جاء ومن ماجاء (بكذب ) لان عمتي نوره سالتني اذا احد جاء من الرجال غير عمي سلطان وعياله وقلت لها بشوف
ام راكان : وعمتك هذي مدخلتن عمرها بكل شي .... (وهي تقوم) انا رايحه اشوف ابوك وانتي اجلسي مع الضيوف الين اجي
انتظرت لمى الين راحت امها للمجلس الثاني ولحقتها بهدوء تبي تسمع اذا فيصل جاء او لا
في المجلس الثاني
ام راكان : ماقلت لي وش سر هالعزيمه ؟؟
ابو راكان : بقولك بس لاتعصبين الين تفهمين السالفه
ام راكان : قول خوفتني
ابو راكان : العزيمه بمناسبة ملكت فيصل على ليان
ام راكان : نع م ومتى كانت الملكه ؟
ابو راكان :اليوم العصر كنت مجبر اني اوافق
ام راكان : وشلون تسوي كذا وبدون ماتقولي ودامك بتزوجه ليه مازوجته وحده من بناتي لمى والا لين احق بخيره منها
ابو راكان : وليان بنتك وبعدين اللي سويته من مصلحتنا واذا راحو الضيوف بفهمك كل شي وبتعرفين ان اللي سويته هو الصح
رجعت لمى قبل لاتحس عليها امها اول ماشافت امها جايه راحت لها
لمى : يمه منال تعبانه شوي وهي بغرفتي الحين وترى بروح اوديها لبيتهم
ام راكان : سلامتها وشفيها؟؟
لمى : يعني صداع ودوخه المهم لاتقول لخالتي ام تركي الا بعد العشاء علشان ماتخاف
ام راكان : طيب بس اول ماتوصلين طمنيني
لمى : ان شاء الله يمه
طلعت لمى فوق عند منال
لمى والضيقه واضحه عليها : منال فيصل مو جاي وبعدين انا حاسه اني بنفجر وتعبانه ماابي اجلس هنا ابي اطلع اغير جو وقلت لامي وهي موافقه
منال : اشفيك وش صاير
لمى وهي شوي وتصيح : منال بتطلعين معي والا اطلع بروحي
منال : ول شكل السالفه كايده يله طلعنا وش بيجلسني دام فيصل مو جاي
لبسن وطلعن من الباب الخلفي علشان محد يشوفهن
في السياره
لمى : منال لو لي خاطر عندك تعالي نروح بيتكم
منال : خلاص ياعمري اللي تبين
ارسلت لمى رساله على جوال سحر ( سحر تعالي بسرعه على بيت منال فيه موضوع خطير يخص منال ومحتاجه وجودك معي ولاتتصلين لانها عندي وماقدر ارد )
( سحر تكون صديقة منال ولمى ومعهم بالجامعه وهي رأس الشر والفتنه انسانه جمعة كل الصفات الشينه حكمتها في الحياه الغايه تبرر الوسيله حتى لو كانت هالوسيله تحمل من القذاره و الشر الشي الكثير)
في بيت ابو راكان
قالو لهم مناسبة العزيمه وردود فعلهم اختلفت فيهم اللي كان حاقد وفيهم اللي كان وقع الامر عليه عادي ومافرح للخبر غير ندى ولين وراكان بس صدمتهم لان الملكة صارة بدون مايدرون فيها او يحتفلون
ام ماجد ماتفاجأة لانها كانت تعرف بالموضوع قبل لايصير وموقفها منه نفس موقف ابوها
راحو الضيوف يتعشون ومابقى غير ليان ولين وندى
لين : مبروك ياعمري صدق مافرحت فيك مثل ماابي وكل شي صار بسكات بس المهم سعادتك
ليان وهي تضمها : يابعد عمري كافي اللي سويتيه لي اليوم
ندى : ياللي ماتستحين ماتقولين عندي بنت خاله افرحها والله اني دايم اقول لامي لاتخافين الا من الساكت
ليان : اللي يسمعك يقول اني كنت ادري
ندى : ياحظي توك تدرين انك تزوجتي؟
ليان : صدق انك خبله اقصد اني مادريت غير لما جاب لي ابوي الدفتر العصر وقال وقعي
ندى : قولو آمين
ليان + لين : آمين
ندى : آمين
لين : حنا قلنا آمين انتي قول دعائك
ندى : ايه صح نسيت اني مادعيت ارجعو قولو آمين
ليان + لين : امين اخلصي
ندى : يالله انك ترزقني مثل مارزقتها وماادري غير وامي ساحبتني من شعري وراميتني على عريسي يالله انت عالم بحالي ان مافيني صبر على خطبه وملكه وهالخرابيط ابي كل شي حامي حامي مثل هالخبله اللي جنبي
ليان : يالخبله استغفري لا يستجاب دعاك
ندى : والله مالخبله غيرك انا اقوم اصلي مع امي القيام كل ليله علشان ادعي هالدعاء
ام ماجد : وانا اقول وش هالطواعه اللي نزلت على بنتي اثاريه علشان تدعي بالعرس
ندى بخوف : يمه الله يهديك دعابه والا انا ماابي العرس اخاف اعرس ويفضالك البيت وتخربينها تعرسين عاد عجوز تسوينها وتكتبين البيت بسمه
ام ماجد وهي تخز بنتها بنظره لها ألف معنى : ليان يمي تعالي راكان يبيك
قامت معها ليان بدون ماتتكلم حاسه بخوف مو طبيعي وتدعي في قلبها ان راكان مايقولها تدخل عند فيصل
في بيت ابو تركي
رفضت لمى تقول وش فيها غير بعد مايبدلون ملابسهن ويلبسن شي مريح
منال : يله قولي وش فيك وايش اللي قلبك فجأه
لمى وهي تقراء رساله بجوالها : الحين اقولك بس خلينا ننزل تحت نشرب شي
منال : يأكثر طلباتك الليله يله امشي
اول مانزلو تحت كان جرس الباب يدق.... ودخلت عليهم سحر بعد مافتحت لها الشغاله الباب
منال : سحر وش جايبك الحين ؟؟ وش فيه لمى تكلمي قولي وش صاير
لمى بخوف : منال فيصل تزوج
منال وهي تمسكها مع ملابسها من قدام : ياحقيره كم مره اقولك مااحب هالمزح؟؟
سحر وهي تحاول تبعدها عن لمى : منال اتركي البنت واهدي الين نعرف السالفه
لمى بخوف وبصياح : منال وربي مااكذب اليوم العصر كانت ملكته كل هالضيقه اللي فيني عشانك
ماردت منال بأي شي كل اللي سوته انا تناظر لمى بصدمه
سحر : منال ياعمري ردي علي واذا على اللي تزوجها والله مايمر عليها السبت الا هو مطلقها وانتي تعرفيني زين
منال بهدوء غريب : تكلمي مين اللي تزوجها فيصل؟
لمى بتردد : تزوج ليان
منال (بصراخ ) : لا
سحر : من ليان اختك
لمى : لاتقولين اختي انا مالي خوات الا لين وراما ومنال اللي اغلى علي من روحي
سحر : اشلون يعني اللي تزوجها فيصل اختك او لا
لمى : ايه بنت امي وابوي لكن ماعمري حبيتها اخذت اهتمام جدي كله بحضوره لازم نعامله كأميره والا تحل علينا اللعنه
كأن ماعنده حفيده غيرها حتى امي وابوي مايحبونها
سحر : يعني عادي عندك لو ضريناها
لمى بخوف (صحيح ماتحبها لكن بالاخير تكون اختها) : شلون يعني تضرونها؟؟
سحر : اطمني ماراح نسوي لها شي غير ان فيصل يطلقها ومساعدتك مهمه لنا
لمى : بس ....
منال بحده : بدون بس حددي يامعي ياضدي ولاتنسين اني اعرف كل اسرارك وانا اقدر اسوي اللي ابي بدون مساعدتك لكن بضطر اني اضرك حتى انتي
لمى : انا معك ياقلبي بس لاتنسين انها اختي ولو بيمس سمعتها شي بنضر منها انا ولين
سحر : من هذي الناحيه اطمني ماراح يمسكم شي كل اللي بيصير ان فيصل بيطلقها
لمى : اذا كذا انا معاكم
سحر : تعجبيني دام كذا لك علي يامنال لا احرق قلبها واخليها تبكي بدال الدموع دم واذا على فيصل انا وعدتك انه مايمر عليه السبت الا وهو مطلقها ... لمى احكيلي عن ليان
لمى : مافيه أي شي اقوله لك ماعندها أي خرابيط واغلاط الواحد يمسكها عليها مالها صديقات غير بحدود الجامعه بس
حتى ماتكلمهم من البيت امى وابوي مايحبوها مثل ماقلت لك اللي يحبونها في البيت راكان ولين حياتها من البيت للجامعه ومن الجامعه للبيت وفي الاجازات مثل الحين ماتطلع من البيت حتى اسواق ماتروح لها
سحر : وكيف عايشه؟؟؟
لمى : أسأل نفسي كثير هالسؤال بس شكلها تأقلمت لان امي مشغلتها في البيت مع الخدم طول الوقت
سحر : وشلون بنورطها هذي
لمى : قلت لك مافيه شي تقدر تمسكيه عليها
سحر بتفكير : ماتدرين يمكن هالشي هو اللي بيضبط خطتنا ... قلتيلي اخوك راكان يحبها
لمى : يحبها اكثر من الكل ودايم حرب مع ابوي وامي علشانها
سحر : عندي فكره بس ماادري تأيدوني فيها او لا صراحه هي فكره قذره بس هالشي الوحيد اللي بيدنا وراح يدمرها
منال : دام بتدمرها انا موافقه عليها بدون حتى مااسمعها
سحر : وانتي يا لمى لان بدونك ماراح نقدر نسوي شي؟
لمى : قولي شنو خطتك واحكم
/
نَاداك قلبي فاستمِع ياسيدي ..
قبل الغروب... فليس قلبي كالقلوب..
كُلّ القلوب بِها عيوب..!!
وعيبُ قَلبي لايُذابُ ولَن يَذوب..
إني أراك كنجمةٍ تسمو بعيدا لا تُطا ل..
وأنا هُنا في عالمي قُربي مُحال كما المُحال
يَاسيدي .. عندي سُؤال..؟
وأنا جُبلت على التساؤل والسؤال..
فأجِب سُؤالي إن أردت تواصلي..
فليس من سُؤلي مجال..
إن الطفولة لم تزل تلهو بِروحي في إنعزال
والحُزن يرسمُ لَونَهُ كَظِلال عيني بِاختيال
والّليل طال والصّبر زال
ياسيدي هل مِن مجال؟
عندي سُؤال.؟ عندي سُؤال
فذاتُ ذاتي في إرتحا ل
والحُلم أصعبُ مِن خيال..!!
ياسيدي..
إعلم بأن الشّمس قد بدأت تميل
نحو الغروب وأعلن القومُ الرحيل
وأنا ودمعي قد عقدنا إتفاق
أن نستديم على الوِفاق ..!
فلا فراق فلا فراق
ياسيدي .. الآن قد رحل الجميع
ووحفُ روحي في الضلوع .. وبردُ قلبي كالصّقيع
إجمع حروفك في عجل
واحمل دثارك وارتحل..!!
فالثّلجُ قد غطى الربيع
والنفسُ باتت كالرضيع..
تبكي وتضحكُ دون شئ
وتدور تبحثُ ذات فئ..
ياسيدي ..
قد ملّ صبري الإنتظار
والحرفُ آلمهُ الحِصار
أين الجواب..؟ فالبالُ طاب
ولَم يزل عندي سُؤال
والليل طال ..والصّبر زال.!
وكُّل شئ في أفول وإنتقال
وكل شئ للزوال
والله يبقى ذو الجلال
ياسيدي .. هل من مجال ؟
عندي سؤال... عندي سؤال
ياسيّدي
هل في ودادك مِن مَجال ..؟
*
راكان : عمه انا قلت نادي لي ليان ماقلت ملكت جمال الكون
ام ماجد :والله ياولدي انا قلت ليان راكان يبيك ومير تجي معي هالمزيونه
راكان : ههه اجل معذوره ياعمه (ناظر بليان وفتح لها يديه)تعالي ياقلب اخوك اباركلك مو كافي ان حتى ملكتك ماعرفت فيها غير الحين
راكان ضم ليان وباسها على راسها : مبروك يالغاليه
ليان بخجل : الله يبارك فيك
راكان : يله ياقمر تعالي سلمي على زوجك
ليان بخوف : راكان الله يخليك مابي ادخل
ام ماجد : وش انتي خايفه منه ؟؟؟
راكان : خليها علي ياعمه وانتي ادخلي عند فيصل
دخلت ام ماجد عند فيصل
راكان : من ايش خايفه احمدي ربك ربي رزقك زوج يحسدونك عليه كل البنات
ليان : ماادري احس انه يخوف
راكان : ههه هو من ناحية يخوف فهو جد يخوف
ليان والخوف زاد عندها اضعاف اضعافه : راكان من جدك؟
راكان بجديه : شوفي ياليان علاقتي بفيصل سطحيه بحدود الشغل. بس اللي شفته من كل الناس اللي يعرفونه سوا يحبونه او يكرهونه انهم ينقسمون لثلاثه
ليان : وش هالثلاثه؟
راكان : ناس يحترمونه وناس يهابونه وناس يخافون منه
ليان : الحين يقالك تطمني
راكان : ليان صحيح فيصل محترم وهيبه ويخوف بس هذا بالشغل واي رجل مايعامل زوجته مثل تعامله بشغله
عند ام ماجد وفيصل
فيصل : يمه هذي بتجي والا شلون ؟
ام ماجد : يمي انت ماتترك عصبيتك بنيه وتخاف حرام (وقامت من عنده تشوف ليان )
راكان : يله ليان مو زينه نخلي الرجال ينتظر كل هالوقت
ليان والدموع تجمعت بعونها تهدد انها تنزل : قول لامي تجي معي
ام ماجد : والله من الام (مسكت يد ليان ) يله يمي تعالي (وبمزح) لا ارفسك الا انتي طايرتن عنده
راكان : ههه اسلوبك غريب بالاقناع ياعمه
ام ماجد : راكان اخر الطب الكي امسك يد وانا يد وخلنا نجرها
ليان بخوف : لا عمه واللي يرحم والديك خلاص بجي بس تدخلون معاي وماتتركوني ابد
ام ماجد : بندخل معك وماحنا بتاركينك وبنوزيتس ورانا ولاحنا مخلينه يشوفتس بس امشي
عند فيصل
فيصل ( لا يرحم والديك انا اللي ميت على شوفتك ) طلع جواله وكتب ل وليد رساله (ان ماتصلت عليك بعد ساعه اعرف اني ياقاتل احد يامرتفع ضغطي وطايحن بأحد هالمستشفيات) حس فيهم يدخلون بس مارفع راسه الين خلص ارسال الرساله
فيصل وهو يرفع راسه وبحده شوي : وليه ما........
(قطع كلامه لما شافها كان بيقول وليه ماتبين تجين بس الحين مافي عقله غير ... شربت زمزم حسنها.. حتى سكرت من الجمال ....مثل الذى ما شاف خير..او شاف..بس استكثره )
راكان : وش اللي ليه يافيصل ؟
فيصل : هاه .. ايه على بالي امي كنت بسألها (والله وصرت تكذب يافيصل )
ام ماجد : ماودك تسلم يافيصل ترى حنا مستحين (وتشر برأسها على ليان)
فيصل : السلام عليكم
ليان : ............ (لا رد وهي تحس انها بيغمى عليها من كثر الخوف)
فيصل : يمه ممكن تخلونا شوي
راكان : يله ليان انا طالع شوي بس وراجع
ليان وهي غارسها اظافرها في يد راكان من كثر مسكتها : الله يخليك لاتتركني (بصوت يالله ينسمع)
ام ماجد وهي تفك ليان من راكان : تعالي يمي اجلسي ومحنا طالعين
سحبت ام ماجد ليان تجلسها واشرت براسها لركان علشان يطبع
فيصل بعد ماطلع راكان : قلنا السلام عليكم
ليان : ...........
فيصل : يمه هي طرما ؟
ام ماجد : ههه والله ياوليدي حنا زوجناك وهي سليمه اذا انطرمت الحين مدري
فيصل وهو يجلس بجنب ليان : يمه ان ماردت السلام الحين اطلعي وانا بعرف اخلياها تكلم
ليان بخوف ماتبي عمتها تطلع : وعليكم السلام
فيصل (ياحلو هالصوت) : يله يمه اطلعي
ليان بدون ماتحس بنفسها وبصوت فيه البكاء:بس انت قلت اذا مارديت تطلع وانا رديت
ام ماجد : يمه ليان انا بروح انادي ندى وجايه لاتزعليني منك وخليك عاقله هذا زوجك من وش خايفه
ماردت ليان وسحبت ام ماجد يدها منها وطلعت
فيصل : خايفه مني
ليان : .........
فيصل وهي يحاول مايعصب:اذا بتمين ساكته بتشوفين الوجه اللي يخوف
ليان بخوف : وش اقول
فيصل : ايوه كذا اذا سالتك ردي ... اخبارك؟
ليان (زفت) : الحمد لله بخير
فيصل : دووم طيب ليه خايفه
ليان بكذب : مو خايفه
فيصل : اجل وش نسميه دلع وغرور
ليان : لا والله
فيصل : طيب بكلمك عن نفسي علشان تعرفيني بس قبل ارفعي راسك مااحب اكلم احد وهو مايناظرني
ليان والدموع بعيونها : تكلم
فيصل بشويت حده : قلت ارفعي راسك وناظريني
رفعت راسها بخوف وناظرت فيه كانت اول مره تشوفه استغربت انا هالوسامه تكون لشخص قاسي كانت تتمنى يكون حنون ويعوضها عن قسوتة امها وابوها بدون ماتحس نزلت دموعها بكت على حياتها وعلى امنيتها بكلمه حنونه وصدر دافي

يوم الجمعه العصر
في بيت ابو راكان
لين طلعت بعد العصر رايحه للسوق ... وليان بعد ماقامت الساعه 9 على صراخ امها وهي تكرف في البيت بدون اي راحه من غير الكلمات اللي تسم البدن اللي تسمعها من امها كل لحظه
في الصاله
لمى : يمه ممكن نطلع لغرفتي بقولك على موضوع بس ماابي احد يسمعني
ام راكان : فيه شي مضيق صدرك ياقلبي
لمى بضيقه : لا ماما بس محتاجه اقولك على سالفه حارمتني طعم النوم
قامت ام راكان مع بنتها لما شافت الضيقه بوجهها وراحو لغرفة
في السوق
(اخذت لين مجموعة بناطيل وكم بالطو طويل ومناديل ملونه لانها تعرف ليان مستحيل تكشف شعرها برا واخذت فستان طويل فخم عجبها مره وفستانين قصار الى نص الفخذ وبقت عليها المهمه الاصعب وهي الملابس الداخليه لان ستايلها بناتي وهالشي ماراح ينفع ليان الحين)
في غرفة لمى
ام راكان : اكيد منتي صاحيه
لمى : لا يمه هذي الحقيقه وانا ماكنت ابي اقول لك لكن الموضوع تعبني حرمني طعم النوم لدرجة اني اتصلت على شيخ استشيره وقالي لازم تصرفين او تقولين لااحد اكبر منك يتصرف
ام راكان : مااقدر اصدق
لمى : لا صدقي يمه واذا تبغين اثبات راح اثبت لك
ام راكان : شوفي يالمى ان طلع الموضوع مو صدق والله لا اقتلك واشرب من دمك
لمى : لا يمه صادقه وماتبليت على احد
طلعت ام راكان ونزلت تحت وكل ماشافت ليان سمعتها كلام يفتت الصخر من قسوته
في بيت العمه نوره
ام ماجد بعصبيه: قرب يموت يالخبله عطيه اسعافات
(ندى تلعب رزدنت ايفل 4 صار لها سنه مابعد خلصته وام ماجد مهمتها تراقب مستوى الصحه فاللعبه وتنبه ندى علشان تعطيه اسعافات)
ام ماجد بعصبيه اكثر من قبل: تجمعو عليه بيذبحونه ..(بعد مامات) ساد جعلهم ينتفونه تنتيف لي ساعه وانا اصارخ قرب يموت جوه بيذبحونه وانتي ماتفهمين
ندى وهي ترمي يد البلايستيشن: يايمه ماعندي اسعافات قضن من وين اجيبله وبعدين خلاص مليت من اللعبه تعالي نطلع الحديقه ابي العب سله
ام ماجد : بدون مااشجع
ندى : يمه عمرك شفتي لاعب بدون جمهور ومشجعين
ام ماجد : اجل اقضبي ارضتس حلقي الين الحين يوجعني من صراخي على هالمسيكين اللي ذبحوه ماعندي استعداد اتعبه زود وانا اشجعك
الساعه 11 في بيت ابو راكان
نزلت لمى وراحت للمطبخ شافت ليان تحوس في المطبخ والشغل كله على راسها من الصباح بعد مااعطت امها الشغالات اليوم راحه
طلعت لمى فوق ودخلت غرفة ليان اخذت جوال ليان وارسلت رساله على راكان وبعدها سجلت رقم فيصل بجوالها انتظرت شوي تشوف اذا راكان بيتصل او لا لكن مااتصل تطمنت ولما جت تطلع الا لين داخله الغرفه
لين : لمى وش عندك بغرفة ليان غريبه تدخلينها؟
لمى بارتباك : هاه .. ولا شي بس كنت ادور ليان
لين : وش فيك خايفه كانك مسويه جريمه
لمى : لاخايفه والا شي والغرفه هذي هي عندك اشبعي فيها ... وتركتها وطلعت
طنشت لين وراحت تفتح دولاب ليان تشوف فيه ملابس تستاهل انها تجهزها لها او لا ... اخذت بعض الاشياء البسيطه اللي حستها انها حلوه وطلعت
في غرفة لمى
لمى تكلم منال بالتلفون : خلاص قلت لك سويت كل اللي طلبتو انتظر بس جيت راكان
منال : اوكي حلو ياقلبي وقولي لي شنو يصير اول بأول
لمى : اوكي باي
الساعه وحده بعد منتصف الليل
دخلت ليان غرفتها وهي ماتشوف من التعب اخذت شور وتمددت على سريرها ناظرت في جوالها لقت ثلاث مكالمات من فيصل ورساله يطلب منها تطمنه عليها
فيصل : ليان
ليان : هلا
فيصل : وينك فيه طول اليوم ادق عليك وماتردين
ليان بتعب :كنت مشغوله وتوى اخلص شغلي ...فيصل
فيصل : عيون فيصل وروحه
ليان وهي تحاول ماتبين انها تبكي : متى بتجي تأخذني بكره
فيصل : ليان اذا ماتبين اخذك بكره عادي خليك اهم شي راحتك يالغلا
ليان وهي تبكي : لا ابي اروح معك بس اسأل اي وقت بتمرني علشان اكون جاهزه
(صحيح صعب عليها تقول هالشي لكن بعد اللي شافته اليوم مو قادره تتحمل دقيقه وحده)
فيصل : بعد العصر ان شاء الله اكون عندك
ليان : اوكي انتظرك ... فيصل اقدر اقفل الحين لاني تعبانه وابي انام
فيصل : لاتضيقين صدرك ياعيون فيصل وفكري في بكره وبس .. نوم العوافي
قفلت من فيصل واستسلمت لنوبة بكاء تغسل فيها همومها وكلام امها اللي مثل السكاكين يقطع بقلبها
طلع راكان من الاستراحه ناظر جواله شاف فيه مسج من ليان تطلب فيه اذا جاء البيت يجي لغرفتها محتاجته ضروري
كان بيتصل بس هون وقرر انه يروح للبيت ويتطمن بنفسه
اول ماوصل للبيت راح لغرفته على طول اخذ شور سريع لانه كله تراب من لعب الكوره ولبس وراح لغرفة ليان
جاء بيدق الباب سمعت صوت بكاها وفتح الباب على طول شافها جالسه في سريرها ومنظرها يقطع القلب
قرب راكان وجلس على طرف السرير: اشفيها حبيبة اخوها تبكي منو مزعلها
لمى اول ماشافت راكان دخل غرفة ليان اتصلت على امها
لمى : يمه روحي تأكدي بنفسك
قفلت امها بدون ماترد عليها
ابو راكان وهو يشوف عصبيتها : وش صاير تكلمي
ام راكان بعصبيه : وش اقول سواد وجه
ابو راكان : بتقولين والا شلون
ام راكان ماقدرت تقوله كل كلام لمى لكنها وصلت له الخلاصه
فز ابو راكان من مكانه وجنون الدنيا كلها بوجهه دف ام راكان من قدامه وراح لغرفة ليان
ليان وهي تبكي : راكان انا وش سويت بدنيتي علشان يكرهوني كل هالكره
راكان وهو يحاول يضمها يهديها
كان دخول ابو راكان للغرفه مثل الصاعقه واول ماشاف راكان كان اثابت للشكوك اللي انزرعت براسه
ابو راكان وهو يسحب راكان : تفو عليك ...طراخ
راكان كان الى الان مصدوم ويده على خده ومايدري ايش سبب تصرفات ابوه : يبه اشفيه ايش صاير
كان ابراهيم يسحب ولده على برا بصراخ) لاتقول يبه من اليوم لا انت ولدي ولا اعرفك ولا اشوف وجهك طول ماانا حي
ام راكان وهي تحاول تمسك زوجها وتبكي : لا يابراهيم الا ولدي اقتل اللي متخاف ربها بس اولدي لا يابراهيم تكفى ولدي لا
ابراهيم وهو يدفها عنه ويضرب في ولده ويسحبه براا : اقولك اطلع من بيتي انا متبري منك ليوم الدين
راكان اللي يسمعه من ابوه كان اكبر صدمه له كان يتمنى يعرف هو وش سوى ومن هذي اللي متخاف الله وامه تطلب من ابوه يقتلها ماكان قدامه الا يطلع وينفذ كلام ابوه الين يعرف سبب ثورته ناظر بأمه اللي تبكي وليان اللي تبكي بهستيريا والصدمه على وجهها من اللي يصير قدامها . مشى لباب الغرفه وشاف لين ويزيد وراما والخوف بوجيهم ولمى اللي تبكي بصمت وعيونها فيها نظره ماعرف يحدد معناها جر رجليه وطلع من بيت اهله وكل اللي في يدور في عقله وش الذنب اللي انا سويته علشان ابوي يتبرى مني ويطردني
اما ابراهيم اول ماطلع ولده التفت على ليان وبكل مافيه من قوه انهال عليها ضرب كان يضربها بوحشيه وماكان على لسانه غير يابنت الحرام ماعرفت اربيك .. ليان استسلمت لضرب ابوها وكلامه اللي يقتلها اكثر من الضرب اذا راكان اللي يحبه مارحمه اجل اشلون يرحمها وهي فحياتها ماحست ان لها اي قيمه عند امها وابوها ولا لها اي محبه في قلوبهم
طلع وتركها وراه مرميه على الارض مايدري حيه او ميته قفل باب الغرفه بالمفتاح وراح لغرفته
اول مالين شافت ابوها دخل غرفته قربت من باب ليان تناديها بصوت واطي تبي تطمن عليها لكنها مالقت من ليان اي رد جلست عند باب اختها وهي تحاول تفك طلاسم هذا الغضب المفاجئ وتصرف ابوها الغريب تذكرت لمى وخوفها وارتباكها لما دخلت غرفة ليان وشافتها فيه قامت بسرعه وراحت لغرفة لمى
وبدون ماتدق الباب دخلت على طول لقتها جالسه في سريرها وتبكي بصمت
لين بعصبيه : قول لي ابوي ليه سوا كذا وش اللي صاير
لمى بخوف : ماادري علمي علمك
لين : ماادري ليه مو مصدقتك
لمى وخوفها يزيد تعرف ان لين لو عرفت بشي ماراح تسكت : وليه ماتصدقيني
لين بصراخ : شوفي يا لمى والله العظيم لو عرفت ان لك يد باللي صار محد راح يوقف بوجهك غيري فاهمه او لا
وطلعت منها وراحت تجلس عند باب غرفة ليان لعل تسمع اي صوت يطمنها على اختها
اما لمى كان الندم يقتلها على اللي سوته بس خلاص ماتقدر تتراجع لانه لو عرفو بكذبتها مو بعيد يقتلونها اخذت جوالها وارسلت رساله لمنال تقول فيها كل اللي صار
راكان كان يلف الشوارع بسيارته مايدري وين يروح ويش سبب اللي صار مالقى عنده غير اعز اصدقائه ماجد بس ماجد بعيد عنه حيل .. اخذ جواله واتصل على ماجد لكن مارد عليه

في غرفة منال
منال تكلم سحر على الجوال : طيب والحين وش بتسوين؟
سحر : لا تسألين وش بسوي انتي ماعليك غير تعرفين بالنتايج والباقي اتركيه علي
منال : ومتى بسمع خبر يبرد القلب
سحر : بتسمعين ياقلبي مو انا وعدتك مايمر يوم السبت الا وهو مطلقها
منال : لو صار اللي ابي ياسحر اطلبي عمري مايغلى عليك
السبت الساعه 2 الظهر
طلع فيصل من الشركه وهو تعبان من الشغل راح للبيت وطول الطريق وهو يفكر في ليان حمد ربه انه سمع كلام جده صدق انه الى الان ماعرفها زين لكن يكفيه اللي شافه منها طيبتها وتواضعها وجمالها حرام ان هالملاك يعيش في بيت عمه .. عمه اللي ماهمه غير الفلوس ممكن يبيع عياله علشانه الحزن اللي شافه بعيون ليان كان سبب انه يستعجل في اخذها
وصل للبيت طلع لغرفته اخذ شور وبعدها تمدد على سريره يحاول ينام لو ساعه وبعدها بيروح ياخذها
اول ماغمض عيونه الا جواله يرن ابتسم توقع ان اللي متصله ليان بس لما شاف الرقم استغرب لانه غريب قرر انه مايرد بس الاتصال تكرر ولما مارد للمرضه الثانيه وصل له مسج (الرجو الاتصال او الرد ضروري جدآ اخ فيصل ) اول ماجاء بيتصل الا الجوال يرن وبنفس الرقم رد على طول
فيصل : الو
... : السلام عليكم ورحمة الله
فيصل استغرب منو هذي اللي متصله اكيد مو وحده تلعب صوتها وابتدائها بالسلام يقولون كذا : وعليكم السلام نعم مين معي
...(وبصوت جدي وخالي من اي دلع ) : اولا اسمحلي اخوي انت فيصل عبدالعزيز ال ...
فيصل بحيره : ايه اختي وصلتي خير
.... : اخوي فيصل الموضوع اللي بقوله لك خطير واتمنى تسمعني للاخير يشهد الله انه صعب علي اقول هالكلام لكن الساكت عن الشر شيطان اخرس ويعلم الله اني ماكلمتك الا برجاء انك تقدر باصلاح ماعجزت عن اصلاحه
فيصل والحيره تزيد بنفسه من الكلام اللي يسمعه : قولي يأختي وان شاء الله اساعدك باللي اقدر عليه
.... : احنا مجموعة بنات ماتربط بينا رابطت الدم ولكن ربطنا الاخوه والحب في الله انضمت لنا اخت ..
فيصل وهو يقاطعها : عفوآ اختي بس انا ايش علاقتي بالكلام اللي تقولين
.... : اخوي انا طلبت انك تسمعني للاخير واكيد لك علاقه لان هالانسانه مصلحتها تهمك
فيصل اول ماخطر في باله ندى لانها قبل فتره انضمت لااحد الحلقات الدينيه : كملي اختي اسمعك
.... : ارجو منك ماتقاطعني .. مثل ماقلت لك انضمت لنا اخت في الله كانت تحمل بداخلها كره لاهلها وللمجتمع كانت تسوى اشياء غلط وتجاهر فيها لاداعي لذكرها لما اكتشو اهلها تصرفاته حرموها من كل شي ماعدا الجامعه كنا نقابلها بالجامعه ونسمع لها ومانلومها ونحاول نصحح اخطائها ونقدم لها النصح بطريقه هاديه ومقنعه علشان ماتنفر منا اتصلت علي امس من رقم غريب وهي طايره من الفرحه وتقول انها تزوجت والرقم هذا جايبه لها زوجها وتكلمت عنه كثير بس بعدها صارت تبكي وتشكي من معاملة اهلها وانها بتحرق اقلوبهم مثل مااحرقو عليها فرحتها
فيصل وهو عرف انها تتكلم عن ليان : كم الرقم اللي اتصلت عليك منه
.... : لحظه اشوفه اخوي .. هذا هو 055*******
فيصل تأكد من صدق البنت لان ليان قالت له انها ماعطت الرقم غير لراكان ولين حتى ندى الى الان ماتعرفه : كملي اختي اسمعك
.... : واليوم الصباح اتصلت علي وكلمتني بصوت تعبان ولما سالتها وشفيها قالت لي ابوي ضربني لكن مو مهم المهم اني حرقت قلبه هو وامي حاولت استدرجها واعرف وش سوت اعترفت لي انها استدرجت اخوها راكان واغوته والعياذو بالله ولما عرف ابوها بالامر تبرى من ولده وطرده من بيته
فيصل عقله وقف ماقدر يستوعب اللي يسمعه اجل اشلون يصدقه بعصبيه) اشلون تقولين الكلام هذا
.... : لانها الحقيقه للاسف هالانسانه اعترفت لنا بخطاء كثير لكن غلطتنا اكتفينابالنصيحه وسترنا عليها لان من ستر على مسلم ستر الله عليه لكن بعد اللي صار ندمت اني مانبهت ابوها على بنته وتصرفاته او ماكانت وصلت الى هالامور
فيصل وهو يتمنى الموت والا يسمع هالكلام : وليش تقولين لي انا ومن وين جبتي رقمي؟؟
.... : بخصوص رقمك هي قالت لي انها تزوجت فيصل ولد عمها عبدالعزيز ولمعرفتي بأسم العايله اتصلت على صديقه لي اخوها يشتغل بالاتصالات وقدرت تجيب لي رقمك .. اما ليه اقولك لانه من تصرف ابوها اللي اكتفى بضربها بس حسيت ان ماقدامي غيرك هالانسانه دام وصل تفكيرها للقذاره هذي فهي انسانه مريضه ولازم تتعالج وماتنترك كذا خطر على نفسها وعلى اللي حواليها
قفل فيصل منها وهو مو قادر يصدق اللي سمعه اتمنى يرجع الزمن وراء ولا يرد على هالمكالمه كان بداخله صوت يصرخ كل اللي سمعته مو صحيح اخذ جواله واتصل على راكان وهو مايدري لو رد عليه وش بيقوله بس راكان مارد اتصل مرتين وثلاث ومارد تذكر ان راكان ماجاء اليوم للدوام وهو مو من عادته يتغيب اتصل على عمه
ابو راكان (بعصبيه ) : نعم
فيصل : هلا عمي شلونك
ابو راكان : بخير بغيت شي يافيصل
فيصل حاول يتحمل اسلوب عمه يبي يعرف صدق الكلام اللي سمعه : لا بس حبيت اسال عن راكان اليوم ماجاء للشغل واتصل عليه ابيه بشغله ومايرد
ابو راكان بنفس عصبيته : مدري عنه وباللي مايحفظه ولااحد يسالني عنه
فيصل يحاول يتماسك لان اللي يسمعه من عمه يثبت كلام البنت : ليه عمى عسى ماشر
ابو راكان : من غير ليه تبي شي ثاني
فيصل : ايه عمي اقدر اجي اشوف ليان
ابو راكان بعصبيه اكثر من قبل : بكيفك انت وياها والحين مو هي زوجتك ليه ماتجي تأخذها وش تنتظر
فيصل : انا بجي اشوفها الحين ويصير خير
قفل من عمه ولبس ملابسه وطلع
في بيت ابو راكان
ابو راكان : متى بتوقفين المناحه اللي مسوتها ؟
ام راكان وهي تبكي : تكفى يأبراهيم لا تحرمني من ولدي
ابو راكان : انسي ان لك ولد ولا اسمعك جايبه طاريه او والله مالك قعده في هالبيت فاهمه
لما ماسمع رد منها دخل يده في جيبه ورمى عليها مفتاخ غرفة ليان
ابو راكان :انا طالع للخرج وهذا مفتاخ غرفة بنت الحرام اذا جاء العله خليها تطلع له وعسى ارجع وهو مااخذها علشان اقلتها بيدي
خلص كلامه وطلع
في غرفة ليان
حاولت تقاوم الامها جرت نفسها للحمام واغتسلت وصلت الفروض اللي فاتتها بعد ماخلصت حاولت تبدل ملابسها كان كل جسمها كدمات ومو متحمله يلمسه شي طلعت لها قميص قطني خفيف الى تحت الركبه البسته وبقت عندها المهمه الاصعب تمشيط شعرها كل مامررت الفرشه بشعرها كانت تضغط على اسنانها من الالم تحس كان فروة راسها انتزعت من مكانها من كثر ماشدها ابوها معه ماقدرت تلم شعرها ذيل حصان كالعاده من الالم فاتركته مفتوح
وصل فيصل لبيت عمه مالقى قدامه غير يزيد وواضح ان لاعمه ولا راكان موجودين
يزيد : هلا فيصل حياك
فيصل : تحيا وتدوم وين عمي وراكان
يزيد : ابوي طلع للخرج (وبرتباك ) وراكان مو فيه
فيصل : طيب ممكن تنادي لي ليان
يزيد : ان شاء الله
طلع يزيد واتركه جلس فيصل وهي يدعي بقلبه ان تجي ليان ويتاكد ان اللي سمعه كل كذب
ام راكان وهي تفتح باب غرفة ليان : قومي ياحقيره الله ياخذك ويريحنا منك ومن شرك قومي انقلعي لزوجك تحت وروحي معه وفكينا منك
ليان كانت تبكي من كلام امها وتتمنى تعرف وش الذنب اللي سوته لكن خلاص فقدت الامل في ان امها تحن عليها في يوم كان كل املها في فيصل انه يعوضها عن كل اللي شافته طلعت من غرفتها ونزلت تحت وهي تجر نفسها جر من الالام اللي تقطع فيها
دخلت على فيصل والدموع تغطي وجهها ماقدرت تاقف اكثر وجلست على الارض وهي تبكي : فيصل خذني معك ماابي اجلس هنا
فيصل كان مصدوم من اللي شافه وجهها متورم وفيه كدمه كبيره وشفتها مجروحه مستحيل ان أب يضرب بنته هالضرب الا اذا فعلآ الكلام اللي سمعه جاء بيطلع من الغرفه وقبل لايطلع مسكة ليان يدها وهي الى الان على الارض
ليان ببكى يقطع القلب ورجاء : فيصل وين رايح ابوس يدك خذني معك لاتتركني
فيصل ماكان متحمل ينظر فيها او يتحمل مسكت يدها يحس انها نجسه وبتوسخه سحب يده منها بقوه وطلع من بيت عمه وهو مو متحمل ينتظر الين بكره عشان يروح للمحكمه ويرمي عليها ورقة طلاقها
(القصه بمجملها خياليه ولكن فيها مشاهد من الواقع قد لانتقبلها بقلوبنا وعقولنا السليمه ولكن هذا لايمنع انها تكون موجوده)
نهاية الجزء الثالث

بكل الحب اترككم مع (الجزء الرابع ) اتمنى ان يحوز على اعجابكم
اشوف الهم بأيامي وحزني للزمان ايلوح"
"الا ياحزني الهالك تحمل مني اعتابي
تحملتك وانا من ضيقة ايامي عجزت ابوح"
"تبعتك لين ما ثار التشاؤم وانكسر بابي
تساوينا انا وبعض الشعور بماضي ٍ مطروح"
"رضينا بلألم بس الألم ما عاد يرضا بي
بنيت آمال و آمالي خذلها الواقع الملموح"
"اسرها الياس واحسه تعبت يستوطن احبابي
احس اني تنفست التعب في عصره المكدوح"
"وصرت اغيب وانفاس التعب تتحسس اغيابي
امل صرنا نعيشه والعمر فوق الجراح ينوح"
"يموت ويندفن دمعه وانا احفر له اترابي
اضمه داخلي واشهق الين الروح تصبح روح"
"تهاجر هالجسد وابقى حروف بداخل كتابي
كانت الصدمه شالتها الى الان تحاول تستوعب اللي صار طرت في بالها فكره خوفتها معقوله فيصل بيروح يتفاهم مع ابوي على
اللي سواه فيني لا ماابي اكون سبب بزيادة المشاكل اللي بينهم سحبت نفسها وحاولت تطلع فوق بأسرع قوه يقدر عليها جسمها
المنهك دخلت غرفتها واخذت جوالها تتصل على فيصل وتحاول تلتقط انفاسها بعد المجهود الجبار اللي بذلته علشان تطلع لغرفتها
واول ماانفتح الخط تكلمت
ليان بلهفه : فيصل ابوس يدك لاتروح لابوي ارجوك ياعمري ماابي المشاكل تكبر ...
فيصل وهو يقاطعها وبكل احتقار : لاتنطقي اسمي على لسانك القذر ياقذره وكل وكل اللي بيني وبين عمي كان ممكن اغفره له
مقابل انه يقتلك انتي حرام تعيشين على الارض وتتنفسين الهواء اللي نتنفسه
ليان كانت الصدمه اكبر منها ومن تفكيرها حتى الدموع تحجرت بعيونها
فيصل لما ماسمع منها اي رد : اسمعي ياحقيره انسي اسمي وانسي اني كنت زوجك ولا اشوفك متصله علي فاهمه
ليان وهي مسلوبه منها الحياه : وانا وين اروح ؟
فيصل بأحتقار : انتي خليك في زبالتك يازباله
طاح الجوال من يدها اكيد العيب فيها مو في اهلها وفيصل بس وش هالعيب اللي مااعرفه وين اروح اهلي مايبوني وفيصل مايبيني
(وبصراخ هستيري ) وين اروح قولولي وين اروح
كانت لين بغرفتها انصدمت لما سمعت صراخ ليان طلعت من غرفتها وراحت ركض لغرفة اختها انصدمت من شكل اختها كان
وجهها شاحب والدموع تغطيه ونظره حايره بعيونها كان شكلها وبكاها يقطع القلب
ليان : لين وين اروح؟؟
لين وهي تقرب منها تبي تضمها وتهديها : عمري شفيك وين تروحين انتي بغرفتك حبيبتي
ليان وبكاها يزيد عن قبل وبصوت يكسر الخاطر :بس هو يقول مكاني الزباله
لين مصدومه من اللي تسمعه : منو اللي قال كذا
ليان : هو
لين : منو هو تقصدين ابوي
ليان : ابوي يقول بنت حرام وهو يقول زباله وانا ماادري من انا
لين : انتي ليان حبيبتي تعالي ياعمري تعالي نامي وانا بكون جنبك وماراح اخلي احد يزعلك او يأذيك
كلمة لين فجرت بداخل ليان براكين من الالم كلاماتها ذكرتها بوعود فيصل لها ليه قال انا بسعدك واحبك ليه قال انا بكون جنبك
وبحميك ليه قال فكري في بكره وبس وهذا هو جاء بكره
مشت وجلست على سريره وهي تحس ان تفكيرها انشل وتلاشت كل المشاعر والاحاسيس بداخله
لين خافت على اختها بلحظه هدت بس كانت تحسها جسد بلا روح : ليان عمري وش فيك تحسين بشي
ليان :: ...............
لآ حَشَى مَآنِيْ بمَيتْ إلآ حَيّ..
حَيّ لَكنْ ! مَآ أحسْ بأيْ شَيّ ’
يَعنِيْ مَيّتْ ..!..........
والله مآدرِيْ تكْفَى لا تسْألْ عَليّ
في غرفة لمى
لمى : منال قلت لك مقدر اجي
منال : وليه ان شاء الله .. اقول بس تعالي سحر بتجي ونبي نفلها
لمى بعصبيه : منال الوضع في البيت مايساعد امي تعبانه علشان راكان وابوي هددها لو جابت طاريه بيطلقها وليان من
صراخها اللي اسمعه اتوقع انها انجنت وراكان مدري وين هو فيه وكل هذا بسببكم انتم وخططكم
منال تحاول تهديها : لمو ياعمري اذا على خالتي وراكان كلها يومين وترجع المياه لمجاريها واذا على ليانوه عساها من
هالحال واردى ماباقي غير تضيقين صدرك علشانها
لمى بحزن : بس هذي اختي
منال بعصبيه : والكوبه نسيت ضرب جدك لك وانتي صغيره لو ضربتيها والا زعلتيها نسيتي قسوته علينا كلنا وتفضيله لليان
نستي ومن هي عمرها 15 سنه والعرسان يجون يخطبونها هي ويتجاهلون ان لها اخت اكبر منها وبعدين وين كلامك لما تقولين
ماعندي خوات غير لين وراما
لمى : بس هي مالها ذنب والشهاده لله ماعمرها شكت من تصرفاتي معها عند جدي واذا بخصوص خطبتها مو ذنبها انها احلى
مني وكلآ يتمناها
منال بخبث : وزواجها الحين ماتوقعين انه بيأثر عليك اصحي ياماما محد راح يتقدم لك بيقولون ماتركوها وزوجو اختها اللي
اصغر منها الا ان فيها شي
لمى بحزن : بس انا ماابي اي احد انتي تعرفين اللي اتمناه
منال : وليه خالد مو رجل وبيكون تفكيره مثل البقيه
لمى ودموعها بدت تنزل : منال لاتقولين كذا خالد لو ضاع مني اموت
منال : وانا مثلك فيصل لو ضاع مني اموت 4سنوات وانا ابني احلامي مع فيصل وجت اختك وبكل برود هدت احلامي
لمى : والله حاسه باللي انتي فيه ولا مو مقدره وضعك ماسويت اللي قلتوه
منال : اجل يله تعال انتظرك خلينا نسمع من سحر وش سوت اليوم
لمى : خلاص نص ساعه واكون عندك .. باي
~~~~~~~~~~~~~~~~~~~~~~~
كان يمشي بسيارته بدون اي هدف حتي اقرب الناس له صديقه واخو دنياه مايقدر يقوله او يشكيله اليوم كان يكلمه وهو فقمة
سعادته ويقوله انه بياخذها العصر وبيمسح الحزن اللي بعيونها والحين يتمنى يقتلها او يدفنها بالحياه مايتخيل ان هالانسانه تمشي
على نفس الارض اللي يمشي عليها طول عمره كان يخاف لايسلم مشاعره لااي شخص حتى اصدقاء اكتفى بوليد كان دايم يخاف
ينجرح كان واثق باللي يحبهم انهم مستحيل يجرحونه وباني حصون حول نفسه لكن هالانسانه هدت احصونه بلحظه اللي شاف
دمعتها استغرب من نفسه ومن غبائه اشلون بلحظه تبدل كرهه لها لحب لكن كل الكره اللي كرها فيه قبل مايشوفها مايعادل ولو
ذره من كرهه لها الان يكرها على اللي سوته يكرهه لانها قدرت تهد احصونه وتعلقه فيها وبحبها يكرها لانها جرحته كرها لانها
خلته في نظر نفسه ساذج وغبي
مافكر بجده وايش راح تكون ردت فعله الحين كل همه يداوي جروحه ويرجع فيصل القوي ويبني حصونه من جديد بس هالمره
بتكون اقوى واقوى كان يفكر وسرح مع صوت راشد الماجد:
قهر ماكنت انا ادرى تعيش بفلبي كذابه
قهر توي عرفت انك على الحبلين لعابه
كذب كانت سواليفك وكل كلمه على كيفك
وانا الي احسبك روحي ولقلبي اقرب احبابه
وفيت لقلبك بعمري ولك ضحيت بايامي
لقيتك للاسف كذبه اعيش بها مع احلامي
نعم صدقت كلماتك ولا ادرى بنياتك
وهذا اليوم انا كلي ندم من راسي لقدامي
خلاص الحين ابي ارحل وانا فيني الم غدرك
اباخذ قلبي من قلبك وخلي قلبك بصدرك
بداوي روحي بروحي وبكتم فيني جروحي
بعيش بدنيا من دونك وعيشي بالقهر عمرك
قهر ماكنت انا ادرى تعيش بقلبي كذابه....
في بيت العمه نوره ام ماجد
ندى تكلم صديقتها اريج على الماسنجر
عندما ارى عيناه اخق خقتن ماهي بصاحيه<<<ندى
وينك مختفيه لاتقولين انك اعرستي؟؟ ترى والله اذبحك
الصديق الصدوق هو من يساعدك على رفع الصندوق<<<<اريج
لا ابشرك مصيرنا العنوسه
عندما ارى عيناه اخق خقتن ماهي بصاحيه<<<ندى
يعني افقد الامل ..لا مستحيل طيب لو واحد بس ونتقاط انا وانتي فيه
الصديق الصدوق هو من يساعدك على رفع الصندوق<<<<<اريج
طيب بسوي اعلان واقول مطلوب عريس للزواج من اثنتين وحده عليها المهر وحده عليها البيت وان شاء الله نحصل
عندما ارى عيناه اخق خقتن ماهي بصاحيه<<<ندى
طيب بس اشترطي مايكون شايب
الصديق الصدوق هو من يساعدك على رفع الصندوق<<<<اريج
وبنتشرط بعد عزالله مالقينا ..المهم اخبار المنتدى معاك من زمان مادخلته
عندما ارى عيناه اخق خقتن ماهي بصاحيه<<<ندى
ايه على طاري المنتدى قررت اكتب روايه
الصديق الصدوق هو من يساعدك على رفع الصندوق<<<<<اريج
وعن شنو هالروايه
عندما ارى عيناه اخق خقتن ماهي بصاحيه<<<ندى
عن حياتي انا وامي وهل سوف اتزوج او لا
الصديق الصدوق هو من يساعدك على رفع الصندوق<<<<<<<اريج
واو ابي اكتب مثلك بس مااعرف
عندما ارى عيناه اخق خقتن ماهي بصاحيه<<<ندى
مايبيلها شي يالخبله اسمعيني كل المطلوب منك تجبين قلم
الصديق الصدوق هو من يساعدك على رفع الصندوق<<<اريج
حبر والا رصاص
عندما ارى عيناه اخق خقتن ماهي بصاحيه<<<ندى
اذا تحبين تشخبطين جيبي حبر واذا تحبين تمسحين جيبي رصاص ودفتر ابو 100 واذا خطك صغير ابو 80 ينفع
الصديق الصدوق هو من يساعدك على رفع الصندوق<<<<اريج
لا ابو 80 ينفع بصغر خطي وشهوله الاسراف طيب كل هذا مقدور عليه وبعدين
عندما ارى عيناه اخق خقتن ماهي بصاحيه<<<ندى
وبعدين ياطويلة العمر تمددين على سريرك والا تاخذيني فرشه وتطلعين للسطح والا الحوش اللي يريحك
الصديق الصدوق هو من يساعدك على رفع الصندوق<<<اريج
حلو وايش اكتب؟؟
عندما ارى عيناه اخق خقتن ماهي بصاحيه<<<ندى
تصدقيني مدري بجرب واقولك
ندى <<<ام ماجد تصارخ على ندى من تحت
عندما ارى عيناه اخق خقتن ماهي بصاحيه<<<ندى
يؤؤؤؤؤؤ نسيت خلصت ال 45 دقيقه المصرح لي بستخدام النت فيها اكلمك بعدين
الصديق الصدوق هو من يساعدك على رفع الصندوق<<<اريج
والله ياانتي ص ع ص
عندما ارى عيناه اخق خقتن ماهي بصاحيه<<<ندى
ص ع ص <<<<<وش ذا لوحة سياره
الصديق الصدوق هو من يساعدك على رفع الصندوق<<<<<<<<اريج
لا ياعمري ص ع ص صاكين عليك صكه
عندما ارى عيناه اخق خقتن ماهي بصاحيه<<<ندى
ههه حلوه بروح اقولها لامي يله انقلعي
قفلت ندى الاب توب وراحت ركض لامها
ام ماجد : تاخرتي خمس دقايق
ندى : شسوي يمه المدرسه اخرتنا واخذت من الحصه اللي بعدها 5دقايق
ام ماجد : اشوف تطنزين هذا وانتي غلطانه
ندى : شسوي يمه والله احس اني الى الان بالمدرسه من هال 45 دقيقه المهم يمه انا ص ع ص
ام ماجد : ادري صدق عله صدق والحمدلله انا انسانه مؤامنه بالله والبقضاء والقدر علشان كذا صابره ومحتسبه
ندى وهي تحك راسه تحاول تستوعب : يمه انتي تألفين اي شي على مزاجك
ام ماجد : خليك من الهذره ترى فيه ناس مكلميني عنك
ندى وهي تناقز بالصاله مو مصدقه اللي تسمعه : قولي والله واو مو مصدقه من العريس ومتى كلموك ومتى يبون
العرس ؟؟
ام ماجد بهدوء غريب : روحي سوي القهوه وضبطيلي الحلا اللي احبه وعقب اقولتس قبل لاتحلمين
ندى سمعت كلام امها من هنا طارة على المطبخ تسوي اللي قالته امها
~~~~~~~~~~~~~~~~~~~~~~~
فيصل : الو هلا امين
امين (المرافق الخاص للجد ابوعبدالعزيز): هلا بك عمي انت مشغول؟
فيصل : لان انا في السياره رايح للبيت فيه شي؟
امين : بغيت اكلمك بخصوص عمي ابوعبدالعزيز
فيصل بخوف : امين اشفيه جدي صار له شي ؟
امين : لا الحمدلله مثل ماهو بس مصمم انه يرجع
فيصل : وش يرجعه خلاص انا بتصل عليه واتفاهم معه
قفل فيصل من امين واتصل على جده
ابو عبدالعزيز بتعب : هلا بولدي
فيصل : هلابك زوود يالغالي ..يبه الله يهديك وش الكلام اللي اسمعه صدق انك تبي ترجع ؟
ابو عبدالعزيز : ايه ياولدي وش يجلسني هنا
فيصل : يبه طلبتك لو لي خاطر لاتفكر في الموضوع الين اجي وانا ان شاء الله بعد بكره اكون عندك
ابو عبدالعزيز بفرحه نسته قراره بالرجوع : الله يبشرك بكل خير زين خلصت اوراق ليان ؟
فيصل تصنم من سمع كلمة جده وش يقوله انه بيطلقها والفرحه اللي بصوت جده كانت تخوفه من انه يقول الحقيقه
ابو عبدالعزيز : فيصل انت تسمعني؟؟
فيصل : هاه .. ايه جدي اسمعك وبكره ان شاء الله بتكون خلصت اوراقها
ابوعبدالعزيز : انا عارف اني اجبرتك على هالزواج وكنت اتمنى اذا شفتها وعرفتها تغير رايك بس انت الله يهديك عنيد فيصل
ياولدي لاتقسى عليها تراها شافت من جور الزمان كثير لاتكون انت والزمن عليها يعلم الله اني ماعرفت طعم الراحه غير من بعد
ماتزوجتو لاني عارف انك ماراح تظلمها
فيصل وهو يحاول يتمالك نفسه : ابشر باللي يسرك ويرضيك
قفل فيصل من جده وهو مايفكر غير في القرار اللي كان بيتأخذه متناسي جده اللي ماقصر عليه بشي كان له الاب والام والاخ
والجد والصديق خسر عياله مقابل انه يحفظ لي حلالي وانا بكل انانيه كنت بعيشه الهم بأخر حياته لو موته بيسعد جدها بيتمنى
الموت لليل ونهار عشانه ... طلع جواله واتصل على ليان
كانت ليان نايمه ومتمسكه بلين مثل الطفل اللي محتاج للحنان وماصدق لقاه مثل الغريق اللي لقى طوق نجاه
لين بعد ماشافت رقم فيصل : الوو
فيصل : اسمعيني ...
لين وهي تقاطع فيصل : فيصل انا لين مو ليان
فيصل بحده : وين ليان؟؟
لين : فيصل ليان تعبانه والحين نايمه اخاف اصحيها وترجع تنهار من جديد
فيصل : صحيها الحين وقوليلها تكون بعد ساعه جاهزه وعند الباب
لين بصوت عالي شوي بحكم شخصيتها القويه : اقولك تعبانه وتقول ساعه وتكون عند الباب انت قلبك مخلوق من شنو
فيصل بعصبيه : مو شغلك واذا تهمك مصلحة اختك نفذي اللي قلت عليه
وسكر بدون مايعطيها فرصه ترد
لين بعصبيه : الحقير التافه (انتبهت ان ليان صحت على صراخها )سامحيني ياقلبي صحيتك
ليان بحزن: منو اللي زعلك؟
لين بقهر : زوج الهم منو غيره فيصل
ليان حطت يديها على فمها بصدمه وبدت تنزل دموعها : طلقني؟
لين : كان زين انه مطلقك اذا هذا اوله ينعاف تاليه
ليان بصراخ : لا ماابي اطلق حرام عليك يالين ماابي اطلق
(ليان ماكانت تبي تخسر فيصل لانها شافت منه الحنان ماعمرها شافت الحنان من امها وابوها علشان كذا فقدت الامل في انها
تحصل عليه منهم لكن فيصل شافته منه وتبي تعرف وش اللي غيره وخلها قاسي وذا فشلت انها ترجع الحنان اللي شافته اقلها
بيأخذها لجدها .. جدها اللي لو خيروها بين كل هالعالم بتختاره هو جدها اللي تدعيله بكل لحظه بالشفاء وتتمنى موتها قبل
موته)
لين تحاول تهديها : مو مطلقك ويبيك تكونين جاهزه بعد ساعه بيجي ياخذك
ليان بفرحه : لين عطيني عبايتي
لين : وش اعطيك عبايتك قومي بساعدك تأخذين شور وتلبسين يله قبل لا يجي
~~~~~~~~~~~~~~
ندى بعد ماجابت القهوه وصلحت لامها الحلا اللي تحبه
ندى : وهذا احلى حلا واحلى قهوه ل احلى ام في هالدنيا
ام ماجد : وش هالرضى والسنع
ندى : انتي الغاليه اخدمك بعيوني كلي لك يله يمه قولي اطربيني كلي اذان صاغيه
ام ماجد : اول خليني اتقهوا واكل من هالحلا الزين وانتي همزي ارجيلاتي وعقب اقولك
ندى نفذت اللي قالته امها لانها تعرف اذا بتعاندها ماهي اخذه منها لا حق ولا باطل
ندى بعد ماخلصت : هاا يمه يله قولي والله ماعاد فيني صبر
ام ماجد : جارتنا ام مشاري كلمتني تقول ابي ندى ..(وسكتت شوي) تذاكر لبنتي روان مسيكينه تقول انها ماتفهم
للرياضيات ومااحد من اخوانها فاضي يذاكرلها
قامت واقفه من هول الصدمه وهي الى الان تحاول تستوعب وبعدها طاحت على الارض مغمى عليها
ام ماجد بخوف : ياويلي بنتي ...(مسكت ندى وصارت تهزها) ندى يمي قومي ولو تبين العرس من بكره ازوجك بس
قومي
ندى وهي تفتح عيونها وببتسامه : قولي والله
ام ماجد وهي تضربها بخفيف : حسبي الله عليك طيحتي قلبي
ندى : الى هالدرجه تحبيني؟؟
ام ماجد : مامن حب بس اتصبر فيك الين يجي ماجد
ندى بقهر : تصبيره صرت المهم انك وعديني تزوجيني بكره
ام ماجد : معصي مايعتبر وعد كان تحت ضغوطات نفسيه بس الحين مالك غير كلامي الاول اذا مت اعرسي
ندى وهي شوي وتنتف شعرها : يمه انتي ليه تحبين تتلاعبين بمشاعري .. لاصدق يمه من وين جبتي ضغوطات نفسيه
ام ماجد : من مجود نظر عيني . وقومي شغلي هالماخوذ بشوف الضعيف اللي تركتيه غرقان بدمه وش صار عليه
~~~~~~~~~~~~~~~~~~~~
بعد ماخلصت من مساعدت اختها انها تأخذ شور وتلبس جلست تسوي لها ميك آب تحاول اخفاء مايمكن اخفائه من الشحوب
والكدمه اللي بوجهها برغم رفض ليان
لين : خلصت هذا اللي قدرت عليه
ليان : لين بروح اودع امي قبل مااطلع
لين : طيب انا بطلع اشوف واجي لك لاتتحركيني
طلعت لين وراحت لامها حاولت فيها انها تشوف ليان وتودعها لكن امها عصبت وصارت تدعي على ليان وتسبها
حمدت لين ربها انها ماخلت اختها تجي والا كان انهارت من جديد طلعت من عند امها وخلت الشغالات ينزلون الشنط عند الباب
وقالت ل يزيد وراما ينزلون تحت علشان يودعون اختهم
لين بعد مادخلت على ليان : عمري امي تعبانه ونايمه لكن اذا صحت بخليها تكلمك
ليان وهي عارفه ان لين تكذب عليها : خير ان شاء الله يله خلينا ننزل اكيد الحين بيوصل
لبستها لين عبايتها ونزلت معها تحت
لين : اجلسي هنا شوي الين يجي اخاف تتعبين
ليان : لا ياعمري مو تعبانه ..... وضمت راما وبعدها يزيد تودعهم اللي كانو ساكتين وصدمه من اللي صار البارح
مازالت علي وجيهم
رن جوالها وكان المتصل فيصل
ليان : هلا
فيصل بحده : يله اطلعي ..... وقفل على طول
لين : جاء
ليان بحزن : ايه
لين : يزيد يله خل الشغالات يحطون الشنط بالسياره
ليان بذهول : اي شنط
لين وهي تضمها : على بالك بخليك تروحين بدون ملابس كان نفسي يكون جهازك غير لكن هذا اللي قدرت عليها ياقلبي
ليان ضمت اختها ومالقت اي كلام تقوله
لين وهي تبعدها عنها وتنظر في وجهها : سامحيني ياليان انشغلت عنك وعن اللي اشوفك تعانينه بالجامعه والطلعات
والصديقات لكن تاكدي ان مكانك محفور بقلبي ولو بيدي احمل عنك همومك ماترددت لحظه وحده
ليان وهي ترجع تضم اختها : طول عمرك كنتي البلسم لجروحي الله لايحرمني منك
ودعو بعض وطلعت ليان تركب مع فيصل وتركت وراها لين اللي تبكي على اختها اللي فارقتها وتدعي لها انها تعرف طعم
السعاده برا هالبيت اللي ماعمرها شافت يوم حلو
ركبت ليان السياره وهي تحاول تكتم شهقاتها تخاف يسمعها فيصل
فيصل بعصبيه : عساك تبكين بدال الدموع دم ياحقيره وماابي اسمع صوتك فاهمه
حطت يديها على فمها تحاول تكتم بكاها وقلبها اللي يتقطع من كلامه
~~~~~~~~~~~~~~~~~~~~
منال : ههه وربي انك مجرمه اجل من ستر على مسلم ستر الله عليه
سحر : ههه ماشفتي شي لدرجة من كثر مااتقنت الدور فكرة اصير داعيه والا ممثله
منال : ههه اه يابطني تقطع من كثر الضحك حسبي الله على بليسك اشلون
جمعتي داعيه وممثله
سحر : والله فكره ليه مااصير ممثله
لمى بحتقار : وش معنى قلتي ممثله ليه مافكرتي تصيرين داعيه؟؟
سحر بزعل : وليه نبرة هالاحتقار بصوتك؟
منال تحاول تهدي الوضع : الله يهديك ياسحر لا احتقار ولا شي لاتفسرين الامور على كيفك
لمى : الله يهدي الجميع
سحر : لمى اشوف مشروع مطوعه فاشل
لمى : بس مايمنع اني اعرف اخطائي واتمنى الهدايه
منال : خلاص فكونا من هالسيره وقولو وين تبوني اعشيكم الليله
(برغم كل اخطاء لمى كانت على طول النفس اللوامه تعذبها لكن في كل مره يزين لها الشيطان اعمالها ويسكت صوت الحق اللي
بداخلها)
~~~~~~~~~~~~~
دخلت بيت فيصل وكل شي حولها يوحي بالفخامه كان بيت ابوها رغم فخامته يعتبر فله صغيره ومتواضعه مقارنه في بيت فيصل
لكن كل هذا مالفت انظار ليان كان ممكن يلفت ويغري غيرها لكن هي كانت تبحث عن اكثر من الفخامه والعز كانت تبحث عن
الحب والحنان والكلمه الحلوه والحياه المستقره
فيصل يناظر في ليان كان يتوقع يشوف بعيونها انبهار واعجاب باللي تشوفه لكن ماشاف فيهم غير الحزن والدموع هالانسانه لو
تمثل بتحصد كل جوائز الأوسكار لبراعتها بالتمثيل
فيصل بحتقار : اسمعي يكون في معلومك اني كنت بروح بكره اطلقك لانه مايشرفني تكون لي زوجه مثلك ومامنعني من
هالشي غير رغبة جدي بشوفتك زواجنا بيكون لمده محدوده مايعلمها غير الله انا مستحيل اطلقك وازعل جدي لكن ماراح يكون
لك عندي اي حقوق وجودك مثل وجود اي خادمه باستثناء ان الخدامه من حقوقها اني اعطيها مستحقاتها واعاملها بالحسنى لكن
انتي كافي علي اكلك وشربك مقابل اني اسكت على مسمى ان وحده حقيره وزباله مثلك تكون زوجتي
كان كلام فيصل يتردد في مخها بدون تصديق وقلبها ينزف من قسوة كلماته وين اللي حلف لها انه يسعدها ويحميها وماراح يسمح
لااي شخص انه يأذيها كله كان كذب
ليان بصوت يحمل كل الحزن اللي بقلبها : فيصل
فيصل رجع بعد ماكان ماشي بيطلع فوق قرب منها ومسك فكها بيده وشد عليه بكل قوه لدرجة انه توقع بينكسر : اسمعي
ياوسخه اسمي لاتقولينه على لسانك مره ثانيه فاهمه
خلص كلامه ودفها وهو ينفض يده كانه خايف انها توسخه بقذارتها
ليان طاحت على الارض من قوى دفته وصوت بصعوبه ينفهم من بكاها : وش سويت وش الذنب اللي اقترفته وانا مااعرفه؟؟
فيصل بحتقار : اللي سويتيه بنات الليل والحرام واللي بايعات شرفهن بريال مايقدرن يسوونه تعرفين لو يعرفن باللي سويتيه
كان قتلنك وشربن من دمك وعتبرنك عار عليهن
ليان الكلام اللي تسمعه كان اكبر من قدرتها على التحمل حاولت توقف وتواجهه لكن يومين من التعب وعدم الاكل والنوم
والضرب اللي تعرضت له كان كفيل بأنه يسحب اي قوه من جسمها وتركها ترتمي على الارض مغمى عليها
كان فيصل يناظر في ليان وهي تنهار قدامه وترتمي على الارض بكل قسوه بألاول توقعها تمثيل بس لما شاف راسها ينزف بسبب
طيحتها على الارض انجن حط عبايتها عليها وشالها بين ايدها
ركبها في السياره وانطلق بأقصى سرعته للمستشفى كان خايف عليها ماكان يدري وش سبب هالخوف لكن اللي يعرفه انه مايبي
يصير لها شي يمكن علشان جده
~~~~~~~~~~~~~
ندى بترجي : يمه طلبتك بس نص ساعه بحوس بالمنتدى شوي
ام