رواية خربشات الحياه بقلمي

Ensana Lzeza

15-12-2022 - 08:26 am

أههلن , كيفكم وكدآ ..!؟ إن شاء الله زي الفل ,
بمآ إنو فآضين فالأجازه قولت أسوي روآية أنا ووبنت عمي إحنآ مسوينهآ من أول بس دحين حبينآ ننزلهآ فالأجاازة عشآن أشوف تفآعل إن شآء الله
مو تكسحوني :'( , وبصص
أنآ حنزل مرة وحدهه بالأسبوع يوم الجمعه إن شآء الله وححآول قدر الإمكآن إني التزم بالموآعيد وإزآ ماقدرت أنزل حخلي بنت عمي تنزل ) 3>البآرت الأول مو طويل مرة بس هوآ كبدآية وتعريف بالشخصيآت ^^
وبمآ إنهآ أول روآيه ليآ وأول مشآركة .. أرآئكم , أنتقآداتكم تهمني , وتشجيعكم هوآ اللي حيخليني أوقف ولآ أكمل $
^
^

التعليقات (9)

Ensana Lzeza

15-12-2022 - 11:36 am

روآية : خربشات الحياه , Ensana Lzeza
البآرت الأول )
الروآية وآقعيه فيهآ جرآئة لأنو حيآتنآ سآرت جريئة لا أبعد الحدود $
أتمنى أنكم تعيشوهآ وأنتو تقرأوهآ , زي ما أنا حعيشهآ بكل لحضة وأنا أكتبهآ
لن تكتمل الروآية إلا بتوآجدكم وتشجيعكم وإنتقآدكم 3333>
^
سبحآن الله وبحمده سبحآن الله العظيم
سبحآن الله وبحمده سبحآن الله العظيم
سبحآن الله وبحمده سبحآن الله العظيم
سبحآن الله وبحمده سبحآن الله العظيم
سبحآن الله وبحمده سبحآن الله العظيم
^
في السعودية " جدة " الساعة 1 الليل
فيلآ صغيرة ازعااج واغاني والصوت مرة عاالي راجين الحارة بااكملهآ
لجين: بنات انا تعبت
لمار: لسسا بدري
ميار : انتي مكينة ماتتعبي
لمار : قولي ماشاء الله وجع,امشو بس نشغل اغنية هندية ونرقص , أغنية أخيره
رغد : يافرحة اهلك انا ماحرقص معاكم , خلآص يكفي رقصنآ , مغربي , هندي , غربي , خليجي , مصري , دبكة ككلو ماشاء الله
ميار ولجين: ولا أنا
رغد : اف طيب جيعاانه تعالو نحووس في المطبخ
لجين :اش بتاكلو ؟
لمار: اندوميي احنآ نعرف نسوي شي غيرو
لجين: رغد فين تحطو الأندومي
رغد: خلص شوفو حاجة تانية
ميار : يآلييل لو الشغالة صاحية
رغد : اكرمينا بسكاتك
لجين : هي في نوتيلآ , نسوي سندوتشاات !؟
البنآت : أوكي
رغد : تعالو نفتح الموفي اللي جابتو ميآر
لجين: حبيبي الساعة 1 اكيد شويآ وحرووح
رغد : يوه
وكملو سهرتهم على الموفي
لجين , رغد , ميار , لمار ... صحبات من أولى ابتدآئي طول وقتهم مع بعض
لجين " عمرها 17 تاني تنوي بيضا وقصيرة ومليانة شويتين شعرها تحت اكتافها غزيير اللي يشوفها يديها اصغر من عمرها بكتير , إنسآنه حبوبة ومرة ناعمة حالها حال نفسها ماتحب المشاكل
ولا احد يزعل منها ومافي احد يقدر يكرها خوآفه درجة أولى وأي أحد يقدر يقنعها بسهولة "
رغغد " عمرها 17 تاني تنوي بيضة وعامله تآن وطويله ونحيفه شعرها اسوود قصير لنهاية رقبتها كيرلي , ما تتصرف على طبيعتها الا مع الناس اللي تعرفهم لسانها طويل وعربجية ,عنيدة ,
مستعجلة فقراراتها , دايما تحط نفسها فمواقف بايخة , مستحيل تبكي قادم احد "
ميآر " عمرها 19 سمآرها مرة فآتح مرة نحيفة وطولها عآدي شعرها طويل لفخدها ومجعد , مغرورة متهوورة و عصبية تسوي اي حاجة تجي بدماغها انجرحت كتير فحيآتها ماتحب تبان انها
غلطانه وماتتاسف لاحد لو ايش مايسير"
ولمآر " توأم ميآر نفس الشكل في فرق بسيط بس شعرها اشقر زيتي لنص ظهرها كيرلي ,باردة ودفشة تصرفاتها طفولية تتحمس لأي شي وكل شي عندها نشاط زايد تفرفر كتتير وماتحب تقعد
بالبيت عايشة حياتها بالطول بالعرض تكره اللي يدخل فخصوصياتها"
____________الكآتبه : Ensana Lzeza __________
في لبنآن " الساعة 1 الليل ،
شخص بين الحيا و الموت
الكل في قلق و توتر مآلهم الا إنهم يدعو ربهم
" على اعصابو رايح جاي في المكان دار المستشفى كلها من التوتر
أمو بتعب: فيصل يآولدي الله يخليك اهجد مايسير كدا وترتني زياده
خرج الدكتور
" اللي من يوم ماجو وهيا ماهرجت بحرف واحد : عايش
الدكتور وهوا مبتسم : اي الحمدلله نجحت العمليه بس بدو شوي اهتمام وان شاء الله حيرجع متل ماكان وأحسن لو انتظم على العلاج والأدوية
أم فيصل ورزآن بفرحة ماتنوصف : الحمد لله
فيصل وهوا حيتشقق من الفرحة راح سلم على الدكتور بحماس وشوية ويحضنو : الله يبشرك بالجنة
" فيصل " عمرو 19 يدرس قآنون طويل أبيضانيي مرح ودمو خفيف بس يعصب ويزعل بسرعة لو قال كلمة يحبها تتنفذ "
__________ الكآتبه : Ensana Lzeza ___________
بعد مآرجعو البيت ..... السآعة 4 الفجر
ميار ماسكة الجوال وحاطة يدها على خصرها وتتكلم منطرف خشمها
بهدوء : ميآر
ميآر بدون نفس : هاا
: انتي دحين قلك زعلانه !!
ميار : انتا اش شايف
: لايشيخة المفروض انا اللي ازعل كل ما أكلمك ترفعيني قب خلاص سحبت عليكي وتأسفت ليكي اش تبي اكتر من كدا وانتي عارفة أن ......
ميار قاطعتو : طيب ازعل وانحرق مع نفسك و" قفلت "
بعد ماقفلت فوجهوو : دا اللي كان ناقصني ولد الأيش يسحب عليا
لمار وهيا سامعتها بتبربر وتعرف اختها احينا تسير انسانهه مرة زفت : انطممي ابا انام مو ناقصتك وغطت وجها باللحاف
ميآر بقهر : انقلعي انتي التانية مو منك من اللي يكلمك اصلا وخرجت ورزعت الباب بقووه
لمار بزععيق : بشويش على الباب
ميآر طنشتها وراحت بيت لجين تحكيها اللي سآر ....
__________ الكآتبه : Ensana Lzeza ___________
ف الككبآين الساعة 4
قاعد يمشي عند البحر ومعصب وبس يتصل وماترد " أنا تقفل فوجهي بنت ال #### , والله لا أدبهآ
بدلع ومياعة قربت منو وحضنتو من خصرو : يوسفي حبيبي إشبك معسب
يوسف اللي على طول هدي لف عليها وحوط وجها بيدو وقرب منها : ياقلبي إنتي يآمهوفتي .. تعالي ندخل جوا ونكمل سهرتنا
ميهآف بمياعة : هههآي " لمست خشمها بخشمو وبدلع جلست تمشي وتضحك وهوا معاها ... وكملو سهرتهم
فجهة تانية
عزيز دف صاحبو من كتفو وهوا مو حاسس بنفسو ويهرج بلسان تقيل : ههه شوف ول لد ال #### أخد دي المزة معا "شوية كشر" لا لا اخخد المززة معع ا دي ههه اسامه
اضحك معايا ههه
أسامه بقرف : الله يششيلك انا اش جابني معاك اصلا وخخر بس ... " مششي وهوا قرفان من صاحبو ومن الهبل اللي بيعملو دايما بيحاول يخلي يبطل بس مافي فايدة تعب منو وكل مالو بيزيد
دخل السيارة وحط راسو على الدركسون دق الجوال اخدو وشاف المتصل كان بيرمي الجوال على المقعدة بس ماهان علي رد بصوت هادي : ايوه ياخالة كيفك
:الحمد لله ياولدي اسامه مو
أسامه : أيوه كيف صحتك بشرينا عن اخبارك
: الححمد لله على كل حال , إلا فين عزيز
أسامة زفر بصوت واطي : دخل الحمام وشفتك دقيتي وماحبيتك تقلقي فرديت
أم عزيز وهيا قلقانة : ايوه , طيب لما يخرج خلي يرجع يتصل عليا
أسامة : من عيوني , مع السلآمة
" قفل منهآ وهوآ حاسس بالضيقة على حال صاحب عمرو , مافي حل إلا أنو يخش ويسحبو "
دخل وهوا كاره المكان وراح عى الكبينة وشاف عزيز جالس وجمبو بنتين ويضحكو بسبب وبدون سبب راح جرو زي العادة
عزيز : ههي إنت ا اشبك كدا تسحبني , أنا مو ح يوان عند أهلك " رفع اصباعو بتهديد وهوا مو بعقلو " ف ا ههه م
أسامه : الله يشيلك بس امشي امك قلقانة عليك وانتا ولا على بالك , أصلا انا لي اكلمك كانك تفهم حتى الحيوان يفهم احسن منك ><"
عزيز : وخخ ر أبب ا ارجع لمزز زتي
اسامه دخلو السيآرة وقفل البآب وساب عزيز يهرج مع نفسو ويضحك ...
يوسف "عمرو 24 دخل جامعة وعاد السنة مرتين وبعدها بطل طوويل ملامحو حادة وباين الغرور والعصبية في يكره شي اسمو استقرار طول عمروو من بنت لبنت صايع ضايع مايهمو شي
وفي حقارة مو فبشر "
أسامة " إنسان ججميل بمعنى الككلمة شعرو ناعم واسوود هوا وعزيز اصححاب من المتوسط عمرو 21 يدرس إدارة أعمآل , عاقل , هادي , ومحد ينرفزو غير هبل صاحبو لما يعصب محد
يعرفو يسير إنسان تاني لما يعز احد يسير يخاف علي ويهتم في زيادة عن اللزوم مايححب الهبل الزايد "
عزيز"عريض ومكدش وعندو غمازات محليتو عمرو 21 كمل التنوي ووقف مرجوج وخبل يسوي اي حاجة عشان يضحك تجيلو حالات سماجة كتير مايهتمم باحد اهم شي ينبسط في يومو وبس
"
__________ الكآتبه : Ensana Lzeza ___________
فبيت لجين ...
لجين وهيا مرة خايفة : وطي صووتتك
ميآر : اف اشبكك كدا دحين
لجين : انا ليش اسمع كلامك اصلا ..
ميآر قاطعتها : يووه ججيت بشتكيلك واخرتهاا كدآ تسويلي فلم
لجين بسماجة من كتر الخوف : لسآ مابدأ الفلم هاهاهاها " ميآر أدتهآ تشميقة محترمة -_-" طيب خلآص بسكت المهم قولي اش سآر مع يوسف حقك دآ
ميآر : تخيلي ولد ال ****** ق ....
قاطعهم دق على البآب
لجين وجهاا صفر مين
: افتحي يابت اشبك مقفلة الباب
طيب ماما بس كنت اغير ونسيتو
دفت ميار تحت السرير : بسرعة خشي
ميآر ببلآهة : ليش
لجين بصربعة : مو وقتك " ودفتها "
لجين فتحت البآب وهيا مفضوحة فتحت البآب وجها مصفر وبآين مرعوبة
أمها طلت بشك : إشبك كدآ !!!
لجين بلعت ريقهآ : ولا شيي
أمها ألقت نظرة على الغرفة وقالت خلي البآب ممفتوح
لجين بأبتسامة صفرا : طيب
خرجت أمهاا قامت جلست على السرير ويدها على قلبها ميار خرجت يدها وقرصت رجلها بقوه
لجين : اي حططت يدها على فمها بسرعة
وطلت فالباب محد كان فيه اتنفست وقالت قولتلك بطلي تههوور
ميآر: ترا ماسوينا شي يستآهل الخووف دا كلو أنتي لو بسطتي الموضوع وبينتي لأمك انو مافي شي كان قدرت أطلع بس بلآ بطختك فضيحة
لجين: أش أسوي أنا خوآفة وهبلة واكبر المواضيع بس إنتيي أحد قلك تسويي فيها البنت الشجاعة
ميآر ببسآطة : قولي لأأمك ميآر عندي وانتهى الموضوع
لجين :لآآآآ ماما مو زي أمك حبيبي طيب أهجدي لو عرفت اني مدخلتك بيتي الساعة 4 الفجر حتعلقني بالمروحة وكمآنه محتخليني اجي عندك لأنها حتخافف انو أنتيي بت مدري كيف , تجي مع
سوآق لحالها السآعة 4 الفجر خير ويآريت حتبآتيي الا تجي وتروحي
ميآرطلعت راسها وبكل صوتها : احلفي بس
لجين بسرعة :خليكي مندسية , إنتي اللي اقترحتي الفكرة
ميآر بخرش : لأ أنتي قولتيلي خلآص أممشي عآدي أدخلك من ورآهم ومحد حيلآحظ
لجين : طيب طيب أهم شي نلاقي حل ..... أقعدي كدآ لين بكرة يحلها الف حلال
ميآر : أقول أنا أتصرف
لجين: لا بليز مو تجيبي العيد
طلعت ميآر وطلت فالبااب بهدو لبست عبايتها واخدت شنطتها وفسخت الكععب حطتو بالشنطة سآرت تمشي بشوويش لين ماوصلت للباب رفعت يدها فوق الرف واخدت المفتاح بشويش
وفتحت البآب وطلعت واشرت للجين تجي تسكرو
لجين اللي كانت تعض اظافيرها راحت قفلت البآب وجري على غرفتها أنسدحت وقلبها حيخرج من كتر مايدق أخدت نففس وأبتسمت ابتسآمه عريضة وقآلت زي دايما : أنا معد حسمع كلآم
ميآر دي حتوديني فستين دآهية
ميآر خرجت وهيا تضحك " يلآ كويس غيرتلي جوي " جلست على الدرج عبآيتها مفتوحة على الأخر وبآين الشرت الأسود وتيشيرت بولو أحمر وبتلبس الكعب الأسوود وشعرها الطويل على
جمب حست بظظل عليها رفعت راسها
بصصدمة : أيهههم
عيونها أتمملت دمموع وخخرجت تججري طلععت السيآرة :زركشي " أسم السوآق" أرجع على البيت بسسرعة
وححطت رآسها على ركبها وججلست تبككي ........
__________ الكآتبه : Ensana Lzeza ___________

Ensana Lzeza

15-12-2022 - 12:37 pm

بعد يوم ...
في النآدي ...
رغد بععد ماخخلصت : ممرة مايججيي إش ددا
امها بصنقرة: اش اسوي انا كلو من النآدي حقك قولتلك مآلو داعي اليوم تروحي
رغد تنحت : صلي على النبي إشبك ككدآ
أم رغد : إشبي ككدآ مافي أحد يرجعك هيآ دحين كيف ترجعي أش حتسوي
رغد جات بتتكلم : يآ ..
أمها قاطعتها : قولتلك مالو داعي تروحي اليوم لزفت حقك دا , والسواق عارفة انو راح يودي خالتك مكة وانتي قاعدتلك وريني كيف حترجعي
رغغد : اشبك تزعقي فيا دحين خلآص برجع بتكسي
أمها بزععيق : نعم , ترججعي بت لحالك اخخر الليل ...
رغد : فين أخخر الليل لسا الساعة11 ونص ومافي غير كدا يعني اش اعمل
أمها : حسابك عنديي أنا اوريكيي وشوفيلك اي وحدة من صحباتك ترجعكك ولما ترجعي اتصرف معاكي وققفلت فوجها
رغد مسكت السمآععة بقهر ورمتها بالشنطة : انا ناققصة
بتردد : إزا حابة أوصلك
رغد طلت فيها بنص عين
بسرععة : بس سمعتك تهرجي مع أمك وحبيت اعرض خدمآتي وسوري إزا أزعجتك
رغد من طرف خشمها : شكرآ
جآت مسؤولة النآدي : لو سمحتو أستعجلو لأنو نص سآعة ونقفل النآدي سوري بس دي الأنظمة
رغد بقلق : اف اش اسووي دحين
وهيآ منشكحة : ترآ لسآتتي عارضة خدمآتي
رغد طلت فيها وهيآ محتآره وبتردد : أم أخدت نفس أوكي ومدت يدها وبتسامة مجاملة انا رغد
وجدآن مدت يدهآ : اتشرفنآ , وأنا وجدآن ... سكتت شوية بعدها قالت ششوية ككدآ وحيجي أخويه أديني رقمك وكدآ نتعرف
رغد " ياحلاوة أخوها كمان ,خليها توصلني بس وحرفعها ققب ألييم " وابتسمت مجامله : اوكي خدي 05********
وجدآن : تدرسي
رغد : أيوه , تآني تنوي أدبي , الله يوفقني إن شاء الله
وجدآن: ههه آمين , أما أنا مريحة رآسي خلصت تنوي ولا خشيت جآمعه ولآ هم
رغد : يآبختك , عقبآلي يارب
وجدآن : يلآ أخويه برآ , فين بيتك قولتيلي
رغد بتردد : في *** عند *****
نزلو هما الأتنين ووجدآن لفت الطرحة وبينت شوية من شعرها وضيقت عبآيتها الكححلية إللي هيآ خلقة ضيقة ورغد أتلثمت وهيآ حاسه إنها اتحمست كيف تركب مع وحدة ماتعرفها إش
يضمنلها إنها ترجعها بيتها مسكت البآب بخووف " يآشيخة إشبك دحين بديتي تخآفي فين حترجعني مثلآ مع نفسها ماتقدر تسويلي شي , أصلآ شكلها يطمن " دخلت وهيا ميتة خوف : السلآم
عليكم
بأسغرآب من البنت اللي مععآهم : وعليكم السلآم , يآأهلن .. ماعرفتينا على الحلوة اللي معاكي
وجدآن : أعرفك صحبتيي أتعرفت عليها بالنآدي , رغد , ودآ أخوية أصيل
رغد خقت على أصيل لين نززلت سعابيلها " ينآسو يجنن فدييتوو خخلآص بيغغمى عليا لازم اصصورو حصورو لا لازم اصوورو "
أصيل ببتسآمه : أتشرفنا
رغد " يآوييل ححاللي يبتسسملي كمآنهه " بتقل : يسلمو , سوت نفسها مشغولة بالجوآل ومي مهتمة وفتحت الكآم وكأنو بتكلم احد وبالغلط انفتح الفلآش لفت تسوي أنو تشوف الشبآك إلا طلع
لمبة الفلآش , بلمت وفتحت فمها اكبر مقاس
وجدآن وأصيل لفو عليها وهما مستغربين ومستنين منها تبرير !
رغد وجها قممط " يآربي خخلآص أنا دححين كرههت نفسسي رسسميي اش الههبل دا مستحييلة انا إنسانة مو مععقوولة أف ياارب اش ااسوي قرصصت نفسها بقووة
ومع الفششلة دخلت الجوآل بكل ثقة الشنطة وسوت كأنو مافي شي وطلت فيهم وابتسمت ابتسامة خفيفة وطلت فالشباك وقعدت تلععب بأظافيرهآ
أصيل ككتم ضضحكتوو بالععافية لين وصلها بيتها وجدآن سكتت ومآستوعبت إش سآر أصلآ
رغد بتقل ومآ كأنو سآر شي قبل شوية : شكرآ وطللعت بهدوء للبيت أول مآ قفلت البآب رفست البآب بقووة ليش أنا كدآ وحآسة العبرة خنقتها أمها جات : شرفتي يآست رغد
مين وصلك إن شااء الله
رغد : خليت ميآر ترسل سوآقهم
أمها : مو قلتي سآفر !
رغد وهيآ مرتبكة بس مابينت : لآ قولت حيسآفر بعد يوميين
أمها : لوحدك إنتي والسوآق !
رغد : لآ قولتلها تجيب الشغآلة
أمها مشيت عليهآ : أهآ , إشبك طيب نزلي الطرححة
رغد فككت اللثمة إللي بس مغغطية فمهآ وططلعت اول مآوصلت الغرفة فتحت الشنطة وطلعت الجوآل وشافت صورتو مهزوزة : ينآسو يججنن فدييتوو وقآمت تتنكس بأستههبآل ققلي
الححلوة أنا ححلوة لبآ الحلوة أخخ بسس ياقلبي لاتححزن ....
وجدان " عمرها 20 مادخخلت جامععة تختوخة ومرة بيضا طولها عادي وشعرها ناعم مموج لنص ظهرهآ, ححنونة وبس تضحك وتاخد وتدي مع الكل على نيآتها ,جريئة وأجتماعية
وصبوره دلووعة اهلها وماينرفضلها طلب "
أصيل " عمرو 23 يدرس تمريض شكلو بريء شعرو كدش خفيف دم طيوب وحبوب وضحكتو اككتر شي مميزتو اللي بكل مكان تنسمع "
__________ الكآتبه : Ensana Lzeza ___________
عند ميار ...
صحيت لقت نفسها على السرير مسكت الساعة وشافتها 12 الليل مسكت راسها حست بصداع وافتكرت اللي سار امس
...
رجعت البيت وهيا تبكي دخلت غرفتها هيا ولمآر ورزعت البآب بأقوة ماعندها
جلست على الارض ضامة رجولها وتبكي
لمار على طول فززت من نومها وراحتلها : ميآر حبيبي أشبك
ميآر وعيونها كلها دموع : شفتوو ويآريتني ماشفتو
لمآر : ياقلبي هدي وقوليلي مين اللي شوفتي
ميآر وهيا مقهورة من قلبها : أيهم ويآريت شفتو بمنظر ععدل لساتو زي ماهوا
لمآر حضنت ميآر اللي سآرت تبكي وتشهق
ميآر وهيا تبكي وبتقول كل اللي بقلبها: ككان ... سسكراا...ن لساتو يخوني مآ .. يهتم فيا .. أنا حبي... ت تو من قلب....بي أههه تعبت خلاص كره .... ت نفسسي وكرهت
...
قطع عليها سرحانها
لمآر بحنية : القمر سرحان فأيش
ميآر بهدوء : ولآ شي , بس أنو مستغربة نمت طويل
لمآر حبت تغيرلها جو : أمشيطيب ندشر فأاي مكآ..
قاطعتهآ ميآر برد مختصر : تعبانه
لمآر : طيب بس نلف شويتين بالسيارة
ميآر بعصبية : قولتلك تعبانة
لمآر بهدوء : طيب مالو داعي تعصبي خلاص نقعد
ميآر رمت اللحاف على الارض ودخلت الحمام تستحما.......
__________ الكآتبه : Ensana Lzeza ___________
في السيآرة ..
بقروشة : ركرك أخوية حبيبي الله يخليك الله يحفظك الله يوفقك الله يرحمك الله دخلك الجنة ويبع ..
قاطعها راكان بطفش : انا اش قلي اشيلك معايا !
: اف ركوونتيي حوبيي إنتا ليش ككدا قااسسي دا كلو وماحزنتك وبعدينه بابا قلك ترجعني معاآك
راكان : بشويش ادني اباها , اهرجي بشويش سيري انثى
رآما : لا يشيخ انا انثى ااصلاا واهرج بشويش .. بشويش يا كل الغلآ بشويش يامآ ويامآ كنت متغاض ..... هههآي وربي إني فلة و مااتحصل ززيي ولا في ايي وحدة زي
فديتنيي لبا اانا " طلت فالمرية " خقيت " قعدت تحرك شعرهآ بهبل
راكان : اش البلوة اللي جمبي
: انا بلوة , أنتا اش تطلع مو كفاية من اول اترجاك وذليت اهلي تفتكر أول لما وعدتني انك بععد كدآ حتسوي كل اللي اطلبو وطلب صغير رفضتو
راكان أتنهد : راما حبيبي كم عمرك صراحة تشككيني فعلقك و ماسار كلام زي كدا وحتى لو سار اسكتي لا ارميكي فالشارع
راما بصدمة : أنا ترميني بالشآرع دي اخرت العشرة "بعبط " ايو بزرة عندك مانع في مشاكل لاسمح الله " وهيا تهوي نفسها "أش دا حر مكيفك زي الجزمة مايبرد .. "
شهقت شهقة طيرت قلب راكان
راكان وهوا مصروع : أش في
رآما وهيا مندمجة : شوف بنت اللذينة مهآ أمس قالتلي إنها سافرت دححين لقيتها فشوارع جدة اش الصدفة العجيبة دي ...
راكان فدي اللحضة كان منجد بيرميها بس طنشها لين وصلها البيت وهيا بس بتهرج
رآما " عمرهآ 16 أولى تنوي شعرها إيمو لونو بني فاتح لكتفهآ شكلها نعوم وهآدي بس شخصيتهآ العكس تمآما مربوشة ومجنونة وفيها رجة مي فأحد تتكلم بسرعة وكل شوية تخش بهرجة
حركاتها كتيرة توتر اللي جمبها وصوتها يصنج الادن تحب تذل الوآحد "
راكان "عمرو 27 مايشتغل طولو وسط ومعضل واسمر وشكلو خقق لعااب اناني يفكر فنفسو بس بآرد عآيش على التطنيش "
__________ الكآتبه : Ensana Lzeza ___________
: يآبتي أمشي لآ تسويلي فيهآ دحين خآيفة
وهيى متوترة : مو خآيفة مستحية
بخبث: أمآ تستحي دآ حبيبك يآهبلة كيف تستحي منو
: تقولي كدآ !
: ربآب بلآ غلآسه, أنتي وعدتي تروحي معآ الشقة كيف تسحبي علي أكيد حيزعل " دفتهآ "يلآ خلآص قدك جآهزة أمشي بس
ربآب أخدت نفس : طيب , بس أنا اتفقت معآ أفضل بنت
: ككويس مع أنو مآيحوج
ربآب بخوف : ترنيم إلا دآ الشي
ترنيم ببسآطة : حبيبي في عمليآت دحين
ربآب : طيب طيب أنآ رآيحة يلآ سلآم " شوية رجعت وقفت عند المرآية " كيف شكلي ععدل !
ترنيم : زي القمر بس أخلصي على أهلي الولد يستنآ
ربآب شدت عبآيتهآ الرصآصي : خليني تقل أش ورآيا
ترنيم : هههآي ربآب يلآ مع السلآمة
ربآب من كتر التوتر لآصقه : افآ أعتبرهآ طردة
ترنيم بعصبية : ربآب أنقلعي الله يشيلك مسختيهآ ترآ
ربآب : طييب خلآصص نآزلة "فتحت البآب " بس لو أهلي عرفو
ترنيم : مآعليكي لمآ يتصلو حقولهم إنك معآيا وكدآ إش حيعرفهم إنتي لاتطولي
ربآب أقتنعت : أم أوكي " وقفلت البآب "
ترنيم أبستمت بخبث بعد مآطلعت : غبيه " طلت من الشبآك شآفتهآ تركب السيآرة
ربآب " 18 سنة تآلت تنوي كل شي فيها يجنن شعرهآ كآريه عسلي وعيونهآ عسلي ووآسعه ,ضعيفة شخصية ,طيوبة بس تخرب حياتها بنفسها وهبلها "
ترنيم" 18 سنة تآلت تنوي أحلى مافيها جسمها اللي زي عارضات الازياء غيورة وحقودة ماتتمنى لاحد الخير أهم شي عندهآ شكلهآ "
__________ الكآتبه : Ensana Lzeza ___________
بععد يومين ...
متبطحة على السرير وماسكة اللاب وفأدنها سماعة الجوآل
لمى: يابتي بشوييش على ادنني
رزان بكل حماس : باقوولك بابا نججحت عمليتو مو مصدقة مرة مبسوطة
لمى بملل وهيا عادت دي الكلمة مية مرة : الححمد لله على سلامتوو
رزان : وججعع اتححمسي معاياا
لمى : اتحمسنا مرة ومرتي ....
رزان: دخيلك انككتمي لاتسدي نفسسي
لمى : ههه , المهم متى حتجي جدة وحشتييني
رزان لانت ملامحها على طوول يآحياتي وربي أنتي أككتر شوية رجعت بخبث وحشتك ولا وحشوكي بعض الناس
لمى: ههه كلي داك الشي أوكي
رزان : ههه اباكي تستقبليني في المطآر هآ مو تسحبي ترا فصولي حيكون معايا
لمى : أهه يععزب نفسيا دا الأنسان أكيد كل شي يهون لعنوون فصولي
رزان: لا تدلعي أخويه
لمى بعبط: ههه فصولي فصولي فصولي
رزان " عمرها 17 تاني تنوي سمرا وقصيرة وجسمها عادي شعرها لنهاية ظهرها مرة ناعم , تدقق بأقل التفاصيل ذكية تخلي الناس يرتاحولها لو كرههت تكره من ققلبها ولو حبت تحب من
قلبها ,حسآسه "
لمى " صحبت رزآن من الروضة "
__________ الكآتبه : Ensana Lzeza ___________
وجهآ أحممر من كتر مي معصبة : مرة مو من حقهآ اش الفلسفة دي تقهههر يآرب أش أسوي بحيآتي " شدت شعرهآ " بتجنن
بهدوء شآلت يدهآ من شعرهآ : أروى حبيبي هدي العصبية محتفيدك
أروى وهيآ مطرطعة : لآ يعني لمآ أهدآ حيسير شي , أنا لآزم أوريهآ شغلهآ أوقفهآ عند حدهآ عجبهآ الحآل أششووف !
: الله يعينك يآقلبي خلآص حصل خير إن شاء الله روحي حآولي تليني أبوكي وتمشي الموضوع مآعليكي منهآ
أروى : نرمين إنتي مو حآسة باللي حاسة في فلآ تقعدي تتفلسفي لمآ يكون عندك شبشب زي اللي عندي حيطير عقلك
نرمين : يآحيآتي إنتي إلا حآسة فيكي وربي بس إش تبيني أعمل , أنا قولتلك حآولي تليني أبوكي وتوقفي فصفك لأنو بصآلحك
أروى بدأت تهدآ : أف مآلي غير كدآ أصلآ , بس مرآ تقهر إش تبآ تنكد عليآ , بلآ فوجهآ نحسة
نرمين : معليش يآعمري أستحملي
أروى : لآ والله مو مجبروة أستحملهآ هيآ ونكدهآ
نرمين وهيآ تمسح على ظهرهآ : أروى مآيسير كدآ لو رحتيلهآ حتقلب الموضوع عليكي وآخرتهآ إنتي اللي حتتورطي أتعوذي من الشيطآن وإن شاء الله كل شي ينحل
أروى : أعوذ بالله من الشيطآن الرجيم , وربي إنك صحبة وفية أنا مدري كيف تستحمليني أنا ما أستحمل نفسي لمآ أعصب
نرمين : أفآ وفي أحد مآيقدر يستحمل أروى
أروى : ينآسو فديتكك " رآحت فعصتهآ من خدودهآ وبآستهآ بقوه " محد مصبرني غيرك
نرمين : تسلميلي يآعسلتي
" اروى "نحيفة وطويلة سمرا مملوحة شعرها خشن مسببلهآ أزمة عمرها 22 تدرس تمريض واثقة من نفسها دلوعه , عصبية , طيبه ماتحب تبين طيبتها بس لما تحقد محد يعرفها "
نرمين " تدرس مع أروى تمريض أتعرفت عليهآ ومرة حبتهآ , بنت مرة عسل , صبورة ,رزينة )
__________ الكآتبه : Ensana Lzeza ___________

Ensana Lzeza

15-12-2022 - 01:38 pm

كدآ خلص أول بآرت وأتمنى يعجبكم وحبيتو , أستنى كومنتآتكم الحلوة لين الجمعة الجآي
^
سبحآن الله وبحمده سبحآن الله العظيم
سبحآن الله وبحمده سبحآن الله العظيم
سبحآن الله وبحمده سبحآن الله العظيم
سبحآن الله وبحمده سبحآن الله العظيم
سبحآن الله وبحمده سبحآن الله العظيم
^
فأمآن الله

Ensana Lzeza

15-12-2022 - 02:39 pm

أههلآ ..
مآلققييت ولآ ردد ومرة أتحططممت , بس رح أنزل البآرتات اللي نززلت , وتكملة البآرت التالت يوم الأتنين , والرآبع يوم الجمعة =))
وإدا لقيت ردود حكمل
مآلقيت حوقف فدآ المنتدى ><"وأتمنى ينقفل الموضوع بعدهآ .....
طبعآ .. مآ أحلل اللي يسرق الروآيةة
أنا بتعب على كل حرف بكتبو .. ,
على العمووم توآجدكم , وتشجيعكم , إنتقادككم ... يهمنيي 333>
نووروني

Ensana Lzeza

15-12-2022 - 03:40 pm

روآية : خربشات الحياه , Ensana Lzeza
((البآرت التآني ))
ف البحر ...
رآما بصوتهآ كلو : لوفتي
إيلآف "قربت منهآ وحضنتهآ" وبهدوء : بشويش إش الهمجية دي
رآما بأستهبآل خنقتهآ وبصوت عآلي : أنا همجية هآ , مع نفسك كلي ###
إيلآف "مسكت فمهآ وهيآ مصدومة : رآما حبيبي إحنآ فمكآن عآم ركزي شوية , إش دآآ خربتيلي الطرحة " وجلست تعدل الطرحة وتدخل شعرهآ اللي خرج
رآما : وإزآ فمكآن عآم يعني كأنو في أحد منتبهلنآ , ي حيوآنه كنت بقولك وحشتيني وأعملك أستقبآل بس نكدتي عليآ
إيلآف : يآحيآتي إنتي ولآ تزعلي "بآستهآ فخدهآ ", كلو إلآ زعلك
رآما : أيوه وربي فديتني , مآقولتلك
إيلآف : إيش
رآما : دحين احكيكي بس نفسسي بعصير برووح أشتريي
إيلآف أوكي أنا حجلس لأني تعبت " وطلعت منديل جلست تمسح الكرسي " جيبيلي معآكي
رآما : لو سمحت هآت أتنين عصير وآحد كوكتيل ووآحد توت
الرجآل هز رآسو : حآزر مآدام
رآمآ قعدت تغني بصوت وآطي : الحيآة حلوة بس نفهمهآ الحيآة غنوه .. إشبي قلبت مكحكحة , مع نفسي أصلآ مرة بطلووني
قآعد يطآلع فيهآ بستغرآب !
رآما أنتبهتلو وبهدوء غريب : أهلآ , في حآجة ؟
: أبدآ
رآما لفت وجههآ وجلست تغني مع نفسهآ
طلع قلم وقعد يكتب ومد يدو لشنطتهآ ورمى الورقة وأبتسملهآ
رآما أبتسمتلو ومشيت لإيلآف
إيلآف : كويس جيتي , بس إشبك متنحة
رآما بصوت عآلي : تخيلي في ولد مزة مرة خقق بس شكلو كبير المهم انو شكلو يجن رمآلي ورقة وربي خقيت
إيلآف : أولآ وطي صوتك ..
قآطعتهآ رآما : تآنياا
إيلآف بصبر : أديني شنطتك
رآما على طول حظنت شنطتهآ : عارفة بترمي الورقة لآآآآ حرآم عليكي من حبيبي
إيلآف :ههه متى مدآكي تحبي
رآما بثقة : لأنو يحبني
إيلآف : يآشيخة
رآما : أجل ليش رقمني لأني عجبتو وخشيت مزآجو أكيد
إيلآف بتسليك : طيب طيب
رآما : والله أنا مقعدت أتميع ولآ أدلع ولآ أتميلح بالعكس كونت أكلم نفسي
إيلآف : الشكل يكفي
رآما : يوه منك .. "رجعت أستوعبت" ههه يعني أنا مززة , لبآ أنا إنتي بنفسك قولتي الشكل يكفي معنآتها شكلي خقق ينآسو فديتنيي خقيت "ومع الحمآس قعدت تتحرك والعصير انفتح وانكب على عبآيتها , أنتبهتلو , ورمتو وأنتفح وكش فالمكآن كلو"
رآما شهقت بصوت عآلي وحطت يدهآ على وجهها " بربكة : مآكان قصدي
لف عليهآ وهوآ معصب ويمسح العصير اللي جا على ظهرو : إنتي حمآره مآتشوفي " طل فيهآ بحقد وأستحقآر ومشي "
رآما أتنرفزت : قولتلو مآكان قصدي مرة حيوآن الأدمي وكمآنه يزعق فوجهي مين هوآ
إيلآف وهيآ لسآ متنحة : رآما أهجدي وبطلي بزرنة
رآما :لآ والله "ورآحت وهيآ حامية , مسكت كتفو بقرف : هي إنتآ
طل فيهآ بستحقآر : إش تبي !
رآما قعدت تخبص : تآني مرة مآتزعق فوجهي هآ مرة مع نفسك أصلآ قولتلك مآكان قصدي مرة غبآء إش الهمجية دي مسويلي فيهآ ترآ أنا الولد العصبي القوي تر....
قاطعهآ: بس صدآع ," بتسليك " خلآص حصل خير
رآما شهقت : أنا صدآ..
قآطعهآ تآني : يآكلمة ارجعي مكآنك خلآص إنتهى الموضوع
رآما : تقآطعني كمآن ومحروح إلآ لمآ تتأسفلي
طل فيهآ باستصغار: أتأسفلك , حبيبي روحي من هنآ
رآما : طيب أنا حروح بس لمآ تتأسفلي
: ي أمي مو فآضيلك أنا
رآما أنقهرت : مول آزم تفضآلي , بس عآرف , مقآمك جزمتي , لآ حتى جزمتي مقآمها اعلى منك "مشيت"
إيلآف" 16 سنة فاتحة طولها وجسمها عادي وشعرها فرولة لتحت رقبتهآ ,هآدية وعآقله تحب الترتيب والنظآم إنسآنه برستيج"
__________ الكآتبه : Ensana Lzeza ___________
عند ميآر ...
رمت نفسهآ على السرير بزهق : اف طفشت أش العيشة دي , يعني حقعد كدآ لمتى خلآص مع نفسو , يآريت خرجت مع لمآر ورغد كآن غيرت جو , كمآن لمآر مآزنت عليآ "
رآحت المطبخ تفتش مآلقت شي : إش دآ المطبخ فآضي , أستغفر الله دآ اللي كآن نآقصني " بزعيق " ميتة جوع
أمهآ سمعتهآ : أحسن موتي تريحيني
ميآر بستهزآء: غريبة قآعدة فالبيت
أمهآ : حتى خرجتي بتحآسبوني عليهآ , أحمدو ربكم مسكنتكم عندي ولآ كان مكآنكم الشوآرع
ميآر أنقهرت من زل أمهآ خرجت من الطبخ بعد مآ أنسدت نفسهآ ...
__________ الكآتبه : Ensana Lzeza ___________
في المول ....
لمآر بهمس عشآن أم رغد مآتسمعهآ : ي مخ جيرآن لجين
رغد بصوت عآلي وهيآ مصدومة : أيهههم
أم رغد بفجعة ومآ أنتبهت إش قآلت : يآبت وطي صوتك منتي فحرآج " وسآرت تمشي قدآمهم "
رغد :طيب
رجعت لفت على لمآر وسآرت تمشي بالمقلوب : إيوة إش سآر مع ميآر
لمآر تنحت : خير إنتي فين شآيفة نفسك " لفتهآ " تعآلي جمبي
رغد : المهم إللي هوآ , إش سآر ؟؟؟
لمآر بلآ مبآلا : مدري ي شيخة
رغد : إش اللي مآتدري
لمآر زفرت بطفش : حآلتهآ دحين مرة ززفت تخيلي أقلهآ أمشي نخرج ولآ نسوي أي شي تقب فوجهي وتقول مو حآسة بيآ
رغد أنفلتت وجلست تهرج بكلآم مفقع : إش اللي مآحسيت فيهآ , مرة بلآهة قلك حبتو قلك , مآفي حب قبل الزوآج لآ تتفلسفي , أهوآ شوفي ضحك عليهآ وطلع مدري كيف قد مآ أقولهآ أنسي تقولي إنتي مو حآسة أش اللي مو حآسة هيآ اللي عآيشة فوهم كبير ومتى حتفوق منو الله أعلم
لمآر ببرود : طيب بشويش إشبك كدآ , برآحتهآ
رغد زفرت: أف متنرفزة من دآ الموضوع ونتي يآبرودك , محد ضربهآ على إيدهآ قلهآ تكلم أيهم ولآ تدي مجآل !
أم رغد : أنآ طآلعة فوق خآلتك جآت , خشو دآ المحل يمكن تلآقي فستآن عدل
رغد سحبت لمآر من يدهآ بعفآشة
لمآر ببرود : طيب سيبي يدي
رغد " مشيت بكل ثقة لجهت القزآز وخبطت بقوة وطلع صوت قوي " : أآي "رجعت على ورا بقوة وصقعت فحرمة كبيره فالسن
الحرمة كآنت بطيح ومسكت نفسهآ وطلت فيهآ
لمآر أنصدمت قعدت مفرصعة عيونهآ فمكآنهآ مفجوعة من اللي سآر دوبو
رغدبكل ثقة ولآ كأنو سآر شي ومشيت حتى من دون مآتتأسف للحرمة "
أم رغد طلعت فوق على طول كأنو ماتعرفهآ
رغد مشيت مع لمآر بثقة
لمآر شوية بعد ماستوعبت أنفجرت: ههه ههه عليكي شكل نكتة ههه ههه " وجهآ حمر وعيونهآ أتملت دموع " ههه ككل مآ أفتكر شكلك لآ أنتي أنسانة مستحيلة
رغد مسكت جبهتهآ وقآعدة تغير فتعآبير وجههآ : إش دآ مآ أقدر أضحك ولآ أعصب جبهتي توجعني
لمار بكل صوتهآ : ههه ههه أي يآبطني خلآص
لمآر مسكت فمهآ وسآرت تضحك وتحآول تكتم الضحكة : أهه يآققلبيي ههه أليمة , أنا أبآ افهم شي واحد اش ودآكي هنآك شآيفة القزآز قدآمك , إش من عقل عندك
رغد : مشي حآلك , " بخرش " أصلآ كنت شآيفة بس حبيت أغير جو
لمآر : حميرة ههه , تغيري جو , علينآآآ
رغد بعنآد :ايوة , تبي تصدقي صدقي مآتبي مع نفسك , أمشي ندور على فستآن زبيط ...
__________ الكآتبه : Ensana Lzeza ___________
في السيآره ....
معصب وحوآجبو مقرونة فبعضهآ وحاطت حرتو بالسيآرة
: ي هي أذا مآتبا تعيش مشكلتك أنا لساعي بعز شبابي وابا اتهنى
يوسف : بندر ترآ واصلة حدي ومو نآقصك إنتا التاني , مو عاجبك اطلع
بندر باستظراف : تطردني , ماتوقعتهآ منك
يوسف بعصبية : ي دين النبي وقسم بالله إن مانكتمت حجرك جر لين تطلع
بندر : لآتقعد تسويلي فيهآ دور المعصب كلهآ بزرة أتضاربت معآها , ترآها مزة
يوسف : لآ حول , مرة غبية وربي نفسي أطلع حرتي وأدعسهآ لين تعرف انو الله حق
بندر بلآ مبالا طلع شغل أغنية International Love : البنآت اللي بالفديو عليهم أجسآم أح
يوسف صنقر زيآدة ضغطت على الزر اللي يوقف بعفاشة مية مرة
بندر : ليش قفلتهآ , "ببرود " حفتحهآ بالجوآل
يوسف : بندر يآزفت مو نآقصك
بندر : أقول لآيكثر بس , زودتهآ خلآص بزرة وأتضاربت معهآ" بتفكير " يبآلي أشبكهآ
يوسف بخبث وبحمآس : والله جبتهآ يأولد أهلك , شبكهآ وجرهآ لين ...
بندر قآطعو بحقارة: ههه خلآص ولآ يهمك خلي كل شي عليآ وحخليهآ تجي تبوس رجلك
يوسف أبتسم بخبث وقعد يفكر
بندر " 24 سنة سمارو غآمق وطويل وعرييض لآ مبآلي بآرد , قلبو ميت , تقيل دم , يعرف يمثل وبقوة )
__________ الكآتبه : Ensana Lzeza ___________
في البيت ..
وجدآن وهيآ شوية وحتبكي : لآآآآآآآآآآآآآآآآآآآآآآآآآ إش دآآآآآآ
أبوهآ جآ مفجوع : أششبك
وجدآن : مآلي تعبت وربي , تخيل الكيكة أنحرقت :'(
أبو وجدآن : ههه معليش حبيبتي "ضرب رآسها بخفة وحضنهآ " خوفت عليكي أحسب فيكي شي
وجدآن : بابا بدآ الكبر وتخآف عليآ
أبو وجدآن : حتى لو سرتي عجوزة وعندك أحفآد , كيف حبيية أبوهآ ما أخاف عليهآ
أخوهآ يزن 11 سنة : وجع فمخك من أول استنآ الكيكة " يقلدهآ " مرة حتعجبك , طعمة , ودي أخرتهآ
وجدآن : خلآص لآتفكرني كرهت المطبخ , أصلآ أنا أش قلي أسوي كيك
أبو وجدآن : خلآص حصل خير , يلآ أشوفكم على خير " بآس وجدآن فخدهآ وقرص يزن فخدو "
بعد مآخرج أبوهم
يزن : أش معنى يبوسك وأنا يقرصني هآ , لآ كدآ في ظلم فالموضوع
وجدآن قرصتو فخدو بقوة : يلآ أمشي ألعب معآك بلآيستيشن
يزن قعد يحك خدو مسوي نفسو فهييم : أح , أتطوري ي ماما اسمو اكس بوكس بطلو البلايستيشن
وجدآن بتمشي على قد عقلو : طيب أنتآ تدري أكتر مني فدي الأشيآء
يزن نفخ ريشو : أكيد
بعد سآعة ..
أتمطعت وجدآن لين حست نفسهآ حتتقطع
وجدآن بملل : طفشت
يزن : لآآآ أخر لعبة طيب بس دآ الشريط
وجدآن : كل شوية تقولي كدا , أنا طآلعة غرفتي بكرة العب معآك ولآ يهمك
يزن : أحلق شنبي إذا لعبتي معآيا بكرة
وجدآن : ههه كأنو عندك شنب
رآحت غرفتهآ , " أف نفسي أخرج بس مين يخرج معآيا بالله كل الشعب سآفر " فتحت الفيس لقت إضآفة قبلتهآ , وقعدت تحوس شوية ,
أنفتحت دردشة : أهلين
وجدآن : أهلآ
: كيفك .!
وجدآن : ققود
: وأنا محتسأليني كيفي
وجدآن : ههه كيفك !؟
: تمآآآآآآآآآآآآآآآم , أيوة , عرفينآ عليكي ^^
وجدآن : إسمي وجدآن , من جدة , عمري 20 أم وبسس
: عآشت الأسآمي والعمر ككلو , أنآ رآكان من جدة عمري 27
وجدآن : أتشرفنآ
رآكان : ألشرف ليآ يآعسسل :* ,,, يعني إذا تحبي أديني البن أو سكآيبي أو الرقم
وجدآن " خليني أديلو إش ورآيا " : أم خد سكآيبي " *******
وأخدهم الهرج وكدآ :$ .........
__________ الكآتبه : Ensana Lzeza ___________
في المطعم ..
أروى دخلت المطعم وشآفت أروى تأشرلهآ رآحتلهآ وسلمت عليهآ : أيوه كيفك وكدآ سوري أتأخرت بس أسيل الزفت قعدتلي فحلقي بلآ فشكلهآ
نرمين : دي مآتطفش !
أروى : مدري عنهآ , المهم أش الموضوع المهم اللي جبتيني عشآنو
نرمين وهيى مستحية : أنخطبت
أروى : أما مبروك لو كنت فالبيت كآن زغرطت بصوت عآلي
نرمين وهيى مستحية : ههه الله يبآرك فيكي
أروى بفرحة : وربي مرة مبسوططة الله يبآركلك وكدآ وإن شاء الله تتهنو , بس أش أسم زوجك
نرمين : لسآ ماتزوجنآ بس خطوبة , أسمو بدر
أروى : اما بدر لآتقوليي ....
قآطعتهآ نرمين : لآ لآ مو اللي بآلي بآلك , أمو تعرف ماما من بعيد يعني
أروى : أهآ مرة كويس , وينآسو حتتزوجي " وقرصتهآ فخدهآ " تخيلي عآد بعدينة تجيبي بنآت وتسميهم كلهم أروى وترقميهم أروى وآحد وأروى أتنين وكدآ
نرمين : ههه مع نفسك , طيب لو جبت ولد
أروى بتفكير : سمي أروي
نرمين :ههه دآ اللي نآقص أسمي ولدي أروي
بعد مآ أتعشو وخلصو ........
قآمت أروى تغسل يدهآ وهيآ سرحآنه تفكر فموآضيع كتير .." مسكت مقبض البآب"
بضحكة : لو سمحتي
أروى بثقة طلت في : نعم !
: أم ترآكي يعني بتخشي حمآم الرجآل
أروى تنحت رجعت طلت فاللوحة بلمت شوية سآبت المقبض
وأبتسمتلو بأحرآج ورآحت حمآم الحريم
دخلت مصدومة من نفسهآ " لآ إش دآ اللي هببتو مع نفسي أصلآ أنا وحدة حمآرة .. لآ مو حمآرة أف خلآص عآدي حصل خير كويس مآدخلت "
غسلت يدهآ وخرجت لقتو فوجههآ يبتسملهآ
شمقتلو
: أفآ تشمقيلي بعد مآ نبهتك , كويس مآ خليتك تخشي ويطيح وجهك " ويغمزلهآ "
أروى بأستحقآر : خير , خلآص نبهتني جزآك الله خير , أش تبآ دحين !
:طيب خلآص لاتدفي " ابتسملهآ ومشي ....
__________ الكآتبه : Ensana Lzeza ___________
عند ربآب ...
قآعده فغرفتهآ وحاطة الجوآل على أدنهآ
ربآب بدلع : أم حبيبي أنا حستنآك لو بعد مية سنة !
: فديتك ياحياتي
ربآب بخجل : يفدآك الروح حبيبي
: يآلبيه " وكأنو أفتكر " أيوه صح أمس صرآحة أخدت فخآطري منك
ربآب : لآ لآ إلآ زعلك , خلآص والله أسفة بس أنتا كمان قدر وضعي
: طيب أنا قولتلك حخطبك لدي الدرجة مو واثقة فيآ !
ربآب : إلآ أكيد وآثقة فيك حبيبي ولآ ماكنت جيت معآك من أسآسو بس ..
قآطعها بزعل : مآفي لآ بس ولآ شي ك ...
ربآب قآطعتو بصربعة : بآي حبيبي في أحد جآي بعدينة أكلمك " وقفلت "
رمت نفسها على السرير وأتغطت بسرعة وحطت اللآب فوقهآ
أندق البآب
ربآب عدلت نفسهآ : أدخل
دخلت أختهآ وقفلت البآب
ربآب : أف حسبتك ماما أو سعود
أختهآ " مي " : وليش كنتي تكلمي " باستهزآء " حبيبك
ربآب :لآ تتفلسفي , إنتي أش فهمك بالحب أصلآ
مي أتنهدت وبصبر : طيب أنا ما أفهم , فهميني !
ربآب بهيآم : أأأأهه بس من الحب وربي مرة شعور حلوو , تعرفي لمآ تلآقي أحد يهتم فيكي ويحسسك إنك أحسن شي فالدنيآ
مي : حبيبي أنآ ما أقول مآفي حب , بس الحب يجي بعد الزوآج والعشرة , ومآشاء الله ماما وبآبا مو مقصرين فيكي أبدآ صح ولا لآ !
ربآب : مآ أنكر دآ الشي , بس الحبيب غير
مي : أنا تعبت منك , بس شوفي لو الموضوع وصل أكتر من مكآلمآت الموضوع حيوصل لسعود
ربآب بربكة : لآ محيوصل لأكتر من جوآل
مي طلت فيهآ بشك : نشوف , ربآب أنا أختك وأخاف عليكي ترآ دآ الشي حرآم ومدآمو حرآم حتى لو أتزوجتو يمكن حيآتكم تكون كلهآ شك ! صح ممكن ينجح الزوآج بعد الحب بس إنتي من عيلة محآفظة وأهلك كويسين معآكي لمآ تسوي شي زي كدآ هوآ حيقول دي كيف بآعت تربية أهلهآ كدآ ببلآش !
ربآب : لآ عآدي هوآ وآثق فيآ , وبس بالجوآل أنا مآ خرجت معآ
مي : أوكي أنا نصحتك وسويت إللي عليآ , يلآ أنزلي من زمآن ماقعدتي مع ماما
ربآب : أوكي ...
__________ الكآتبه : Ensana Lzeza ___________
عند لجين ...
لجين وهيآ مرة متحمسة : منجد
أمهآ بحنية :شآيفتك من يوم مآبدأت الأجازة مآخرجتي مكآن قولت أسويلك مفآجئة
لجين قآمت حضنت أمهآ بقوة : مرة أحووبك ي أحلى أم بالعآلم وبآستهآ بخدهآ
أمهآ مسحت على شعرهآ : أهم شي تنبسطي وتفرحي , حنروح مع خيلآنك كمآنه
لجين : بس فين حنروح وكم حنقعد وم ...
قآطعها الجرس ..
رآحت لجين تنط بحمآس : مين
: أنآ
فتحت البآب
فرآس : أنا ججيت
رآح سلم على أمو وأختو وجلس
لجين : وربي مرة متحمسة , من زمآن مارحت كبآين
فرآس بسرعة : حتحطي الطرحة
لجين : طيب من عيووني
فرآس عجبو الوضع :كمآنه يعني بالمرة أتلثمي
لجين : فرآس خليني أفلهآ
فرآس : ماينفع تفليهآ ونتي متثلمة يعني
لجين : بليز
فرآس مآيبا يضغط على أختو : بكيفك
لجين : لآ إزا ماتبا مو لآزم
فرآس بصرآحة : أم أكيد اباكي تغطي بس إزا ماتبي خلآص عادي
لجين : خلآص حتلثم عشآنك , المهم متى حنرووح !
فرآس اطمن : بكرة ,أم " بتردد "ليش مآتعزمي صحبآتك يجو
لجين بستغرآب : ليش !
فرآس : لآ ولآ شي خلآص
لجين طنشتو ورآحت تجهز من الحمآس....
أخوآن لجين ..
" فارس 25 طويل ونحيف اسمر شعرو ناعم وطويل لزيز وحنون قد المسؤلية قبل ماياخد اي قرار يفكر مية مرة "
فرآس " 20 قصير ابيض يلبس ريبآن شعرو طويل ملفلف مايعصب بسرعة بس لو عصب مآيهدآ إلآ بطلوع الروح ,لا مبآلي يحب يتفلسف ويسوي نفسو فهيم ,دمو خفيف وينحب ,غيور "
__________ الكآتبه : Ensana Lzeza ___________
عند أروى ...
مرة خلآص متكرنة أكتر شي بالحيآة بدق الجرس مية مرة ولآ أحد بيفتح أصلآ تحس الجرس مآلو صوت , رفستو برجلهآ بقووة : أسيل أععرف حركآتك عآرفة إنك جوآ أفتحي البآب أحسلك
مرة وصلت فيهآ حست نفسهآ حتبكي أبوهآ جوالو مقفل ومآتقدر تسوي شي
شوية إلآ أنفتح البآب
دخلت حآمشة : خير يا##### إنتي ماتفتحي البآب " لقت أبوهآ ورآ البآب يطل فيهآ بصدمة "
أسيل بكل تمثيل : شآيف , أروى لآ بتحترمني ولآ تقدرني كلهآ دقيقتين مآفتحنآ البآب جآية بتهزئني , كويس أنك في عشآن تكون شهيد
أبو أروى مسك أروى من يدهآ بقوة : أنا مو أسلوبي الضرب ومآبا أستخدمو معآكي بس أتعدلي لحسن تشوفي شي مآتبي , يلآ روحي أتأسفي لأسيل
أروى : والله ي باب
أبو أروى وهوآ ضاغط على اسنانو : أتأسفيلهآ وبوسي رأسهآ , لآ تخليني أعصب
أروى مرة مقهورة وحآسة بالزل قربت من أسيل ودموعهآ فعينهآ ,مسكت يدهآ بتسلم شآفت أسيل تطل فيهآ بنذآلة , إلآ جات فدمآغهآ فكرة غبية , عضتهآ بقوةة ورمت يدهآ وطيرآن على غرفتهآ قفلت البآب بالمفتآح
أبو أروى جا معصب من بنتو , يدق البآب بقوة : أفتحي يا أروى ولآ قسم بآيات الله محتشوفي خير فحيآتك
أروى تبكي ومقهورة من الظلم : بآبا وال...لله أني من أول أددق عل.....ى البيت وشكلهآ أسيل فصلت الجرس وتلفون البيت وج ......... جوآلك مقفل روح تأكد من المكآلمآت وربي أن.....ي أني من أول على دآ الحآل "وبخرش " أصلآ دايما تسوي فيآ ككدآ كل مأ أرجع البيت وأن....ا اسكت أأأهه
أسيل بربكة : تصدقهآ , أكيد تبآ تخرج من الموضوع
ابو أروى هدي ولمآ شاف ربكة اسيل شك بالموضوع : بنتي وكيف مآ أصدقهآ " رآح شاف جوآلو مقفل فتحو لقى مكآلمات لهآ ساعة إلآ ربع وشاف التلفون مفصول " أسيل إش حركات البزورة دي ... !
أسيل كآنت حتنكر بس حست أنو كل شي حينقلب عليهآ ,فجلست تبكي : والله ما أعيدهآ ...
أروى سمعتهم يتخآصمو هنآ عآد برد قلبهآ ..... " سحبت شنطتهآ تآخد منآديل , لقت بطآقة مسكتهآ باستغرآب وقعدت تقلب فيهآ " مآفكرت كتير رجعتهآ بالشنطة ودخلت الحمآم .....
__________ الكآتبه : Ensana Lzeza ___________
بعد يومين ... ^^
في الدرج ..
رزان تجري : أستنونيي
نزلت لقت السيآرة رآحت "بكل صوتهآ : لآآآآآآآآآآآآآآآآآآ مآ يسوههها "لفت الطرحة بإهمآل ونص شعرهآ طآلع , وقعدت تضغط الجوال بقهر سمعت صوت من ورآها : أسامه إ نتا هنآ
أسآمه طل فيهآ بأستغرآب : إنتو مآرحتو
رزآن : تخيل رآحو وسأبونيي , مآ أصدق
أسآمه : إنتي عآد لكيعة , أمشي أنا أوصلك
رزآن : منجد , لبآ إنتآ أحلى ولد عم بالدنيا
في الطريق ...
رزان بزعل : والله منجد زعلت منهم كمآنه ماما أهون عليهآ لدي الدرجة , وكمآنه مآ كأنو رآيحين نحتفل بسلآمة دآد , يعني أنا شي أساسي
أسآمة : محد قلك مآتنزلي بدري
رزآن : لآ والله كنت نآيمة
أسآمة : خلآص دحين بوصلك
رزآن وهيى مبوزة : لآ كيف يسيبوني طيب , يعني أقعد فالبيت لحآلي
أسامة : خلآص ح ...
قاطعو نغمة الجوآل
اسآمة : إيوه
عزيز : أسمع أبآك فموضوع مرة ضروري , فين إنتآ دحين !
أسامة : شوية مو دحين ,بوصل رزآن الكبآين وبعدهآ أشوفك
عزيز : أف طيب طيب " قفل فوجهو"
أسامة حط الجوآل
رزآن : إش في ؟
أسامة : عزيز يبآني فموضوع , شكلو ماعندو ماعند جدتي بس طفشآن
رزآن وهيآ تحآول تفتكر: عزييز , دقييقة أفتكر ,أم أيووهه , دآكا اللي عندو خآلة فوق حآجبو
أسآمة طل فيهآ بتنآحة: أيت خآلة
رزآن : إلآ عندو خآلة فوق حآجبو شكلهآ لزيز
أسامة : متى مدآكي تشوفيهآ انا ماشوفتهآ , ول
رزآن : قول ماشاء الله , ترآ مرة كبيرة يعني ملحوظه
أسآمة : فين ملحوظة سبتي كل شي ورحتي للخآله !
" طنشتو أتصلت على أمهآ وقعدت تطقطق على البيي ....
__________ الكآتبه : Ensana Lzeza ___________
عند رآما ....
مآسكة الكآم وتتصور قدآم المرآية وكل شوية تغير الحركة
رآما : ينآسو شكلي مزة , أف تعبت خلآص من كتر مآ أخق على نفسي , أتصلت على السوآق : هي جهز السيآرة شوية ونآزله " قفلت "
لبست عبآيتهآ وأخدت شنطتهآ : أوح أفتكرت " قلبت الشنطة , طآحت أورآق لبآن وأورآق مقطعة ومنآديل ومكيآج و.... إلخ " أحيه دآ كلو بشنطتي
جلست تحوس لين حصلت الورقة : وآخيرآ , إش دآ رقم مرة بطلو الأدممي كآن أداني بن ><" , أف كمآنه مآعندي رصيد
أخدت الجوآل وكلمتو وآتس : أههلن " كويس نسيت الموضوع ولآ كآن من يوم مآ رجعت كلمتو لبآ أنآ ابا اسير تقل شويتين"
فسخت عبآيتهآ وقربعت الدنيآ ,وسحبت على السوآق وقعدت على كرسي بعجلآت تدور و تستنآ يرد ......
__________ الكآتبه : Ensana Lzeza ___________
فالكبآين ...
قآعدين يتمشو بالسقآلة ...
إيلآف : عارفة مرة نفسي أجري
لجين : لآتخلي فنفسك يلآ أجري
إيلآف : لآ عآد تخيلي شكلي , مستحيل
لجين : أيوه كدآ أعقلي
إيلآف : ههه بنت خآلك أعجبك
لجين : أم تصدقي
إيلآف : إيش؟
لجين : على إني مرة خوآفة بس نفسي أسبح بالبحر أحس حلو
إيلآف : لآ عآد تخيلي ترآب وطحآلب مدري إيش قرف
لجين : بالعكس زمآن كنت أسبح مع أخوآني طبعآ كدآ حمآس والأامواج تدفك
إيلآف : مرة شي لآ , طعم الموية لحآلو يكفي
لجين : طيب إش رآيك نركب جت ؟
إيلآف : يلآ إش ورآنا .....
__________ الكآتبه : Ensana Lzeza ___________
في الكوفي ...
رآكان ماسك المعسل بروآقة : تخيل مين أتصل عليآ , لو قلتلك محتصدق
بدر : ميين ؟
رآكان بضحكة : تآلين
بدر : ههه دي لسآ عايشة
رآكان : تموت احسلهآ , قلك إيش تبآني أستر عليهآ , وربي حتى زوآج بالسر مستخسرو فيهآ
بدر : كفو , تعجبني , لآ والتآنية جوري تخيل تقولي أنا شاكة انك تخوني مو دآرية أني متزوج
راكان : ههه تاكل تبن هيى واشكالهآ ال #### , إلآ زوجتك مآقد لآحظت شي
بدر بحقارة : أبدآ , من غبآئهآ والله ههه
راكان : بس احسلك إش تبا بصداع الراس
بدر : منجد .......
__________ الكآتبه : Ensana Lzeza ___________
فبيت رغد ...
عندهآ لمآر وميآر اللي تقريبآ كل يوم نآطين عندهآ ...
ميآر : وربي أتعرفت على وآحد مرة مزه
رغد بعصبية : يعني مآفي أمل تتعدلي
ميآر : إشبي أنآ دحين , مو عآجبتك , مو لآزم أعجبك
رغد : حتستهبليلي , بعدينه حبي وأقعدي أبكي
ميآر : أنآ أشتكيتلك ! , أبكي ولأ أنتحر إنتي إشلك , وأصلآ من ب

Ensana Lzeza

15-12-2022 - 04:41 pm

الب آرت التآلت ^^
بعد يوم ..
في البيت ...
قآمت وحست نفسهآ داخية , مسكت رآسها وضغطت علي بقوة : راسي
أستوعبت شويه طلت حولينهآ ,أطمنت أنها فالبيت وأفتكرت اللي سآر أمس , كشرت على طول ,وخنقتهآ العبره وبلعت غصتهآ
لمآر أول ماشافتهآ صحيت : ميمآ حبيبي تبيني أجبلك شي
ميآر بتعب : مآليا نفس
لمآر طنشتهآ ورآحت تسويلهآ شي خفيف , وحتأكلها بالغصيبة ....
_________ الكآتبه : Ensana Lzeza ___________
ف الكبآين ..
لجين " من دون ماتأشر ": شوفي شوفي هنآك
إيلآف سآرت تتلفت : ايت
لجين : من دون فضايح دآكا اللي لآبس تيشير أحمر
إيلاف : والله أنو جميل , بس أنتبهي تكلمي عآد
لجين : لآآآآ , أصلآ ما أتخيل نفسي :$
إيلآف : ههه لبآ بنت عمتي
لجين غيرت الموضوع : اقولك فراس دا شاكة في
إيلاف باستغراب : ليشش !!
لجين : دايما يسألني عن صحباتي وكدآ , حاسة انو ورآ هرجة
إيلاف : أما , بكيفو يختي
لجين : أمووت وأعرف
إيلاف : والله مابا اتدخل فاخوكي انا اش اللي
لجين : لاتدخلي بس ساعديني , عشان نلم شملهم
إيلآف : ههه , تلمي شمل مين
لجين : فراس والمجهولة
إيلآف : ههه طيب تتوقعيهآ مين
لجين بحيرة : ممدري والله ماقد دققت ....
_________ الكآتبه : Ensana Lzeza ___________
عند راما ... الساعة 9:30
قاعدة على اللآب وفاتحة أسك وفيس وتويتر وحاطة السماعة فأدنها ومشغلة أغاني ومندمجة
حست بهزة تحت رجلهآ سحبت الشرشف لين جاها الجوآل , عدلت صوتهآ أحم أحم
رآما : أهلن
عزيز باستهبآل : وحشتيني
راما " ياقلبي لآ تحزن " : طبعآ , ماتقدر على فرآقي أصلآ
عزيز : ههه ايوه أيوه مرره , ترآني مرة طفشان " وبأسلوب يحزن " أخرجي معآيا
رأما : ماتفقنا على كدا تقطعلي قلبي
عزيز : خلآص كويس , إش رآيك ف الدرة
راما : ترا لسآ مارضيت
عزيز : لآ حترضي أعرف قلبك أبيض وماترفضيلي طلب
راما : ودي مشكلتي , خلاص الدرة
عزيز : تعالي دحين , لاتتأخري عاد الطريق لوحدو حيأخرك
رأما : طيب خلاص
عزيز : يلآ سلآم
رأما : باي
قآمت تكشخ وهيآ مبسووطة .....
_________ الكآتبه : Ensana Lzeza ___________
عند أروى ..
قاعدة بتهرج مع نرمين جوآل ومرة متحمسة
أروى : تخيلي بابا مرة سار حنين عليا تخيلي قال حيسفرني مكآن ما أبا أنا وهوآ وبس صح دايما كدا يسوي بس اسيل تنكد عليا
نرمين : يآقلبي أنتي إن شاء الله تنبسطي وتتهني قد الدونيآ
اروى : يا ربب , محتآرة بين كندا ولا فرنسا
نرمين : اللي تشوفي بس أحس فرنسا احلى
اروى : خلآص فرنسآ , ينآس ما أصدق أسبوع كدآ راحة مع بابا بدون شغل ولآ دراسة ولآ أسيل وكمآنه فرنسآ أهه بس
نرمين : أهم شي ترتآحي , وأن شاء الله أسيل ماتسويلك شي
أروى : طبعا اسيل حتسوي اشياء مو شي , بس انا مطمنة حاليا بابا كشفهآ ومستحيل يشك فيا بعد كدا بالعكس حيقلب الموضوع عليهآ
نرمين : ي حياتي الله يعينك , أيوه أشسمو "بحيآ " بعد يومين عقد قرآني وربي أحس قلبي حيخرج من مكآنو أجل فالحفلة حق الملكة إش حسوي
أروى : ههه لبآ اللي تستحي , لآ تشيلي هم الملكة حجيكي أول وحدة وحرتب وحزبط وحتنكس لين اقول أمين
نرمين : جزاء ليكي حرميلك أول وردة
أروى : يقولو أول وردة معنآتها حتزوج بعدك
نرمين : ههه إن شاء الله
أروى : أبا أتزوج داكا الإنسان
نرمين : مين
أروى : داكا اللي حكيتك عنو فالمطعم وربي يعزب تخيلي مدري متى مدآ يديني الرقم
نرمين : ههه , كلمتي ؟
أروى : لآ لسآ مالي تلاتة ايام
نرمين : أنا خلآص بعدي عني دي الشغلآت
أروى : ههه أكيد أعقلي أتزوجتي .....
_________ الكآتبه : Ensana Lzeza ___________
عند عزيز ...الساعة 11
متكي على الكرآسي وبيطقطق على الجوآل علبآل ماتجي رآما
راما : السلآم عليكم
عزيز : وعليكم السلآم , كيفك
راما : قود
عزيز : وأخيرا جيتي
راما بملل: مالو داعي كل خمسة دقايق تتصل , قولت بالطريق
عزيز مو عاجبو الوضع : دا كلو بالطريق , مرة طولتي
رآما : زحمة إش أسوي , المهم نفسي أسووي شي
عزيز بتفكير : أم إش رآيك تسوقي
رآما : والله جبتهآ حمآس
عزيز : ترآني خايف على سيآرتي
راماسحبتو من يدو :يلآ عاد , عشاني
ف السيآرة بعد مآعلم رآما شويتين ...
راما بقمة حماسهآ : شوف شوف , السرعة سارت 60 يآيي
عزيز : بتمشي على قشر بيض إنتي
راما خلت السرعة 90 وحاسة بإنجاز كبيير
عزيز : ي هو وسرنآ نسرع بس دخيلك هدي حتقلبي سيارتي
راما بدأت تهدي : يناس مرة شعور جييد
عزيز : أنا دحين أوريكي السرعة على أصولهآ
بدلو الأماكن وراما طلعت فوق السيارة , وعزيز كل مآلو يسرع وفآتحين Call Me Maybe بصووت عالي
وراما بترقص وتزعق وتحرك شعرهآ وكل شوية تدخل راسها السيارة تاخد نفس ...
بعد ساعة من الهيصة اللي عملوهآ
متكين على السيآرة
راما : ههه أههه وربك طلعت اللي فيا حق الأجازة كلهآ
عزيز : ههه " غمزلهآ " أعجبك
راما : مرره " دق جوآلها " دي مام
راما : ايووه ماما
أم راما : فينك ؟
راما : بالكبآين ودحين جآية
أم راما : طيب نشوف لآتتأخري شوفي الساعة كم " وقفلت "
راما دخلت الجوال بجيبهآ : يلا لآزم ارجع بسرعة
عزيز كآن يبآ يوصلهآ البيت بس افتكر أنو ورآ سهرة : تعالي اوصلك سيارتك
راما : أوكي ...
_________ الكآتبه : Ensana Lzeza ___________
عند رغد ..
أتصلت على ميآر وأتطمنت عليهآ ...
إلآ دق جوآلها برقم غريب
رغد بأستغرآب من الرقم : الوو
وجدآن : أهلآ , كيفك ؟!
رغد : كويسآ " وبزعيق " قومو من فوق سريري
أخوهآ الصغير بلكآعة : أش معنى إنتي ليكي غرفة لحآلك وأحنا مع بعض , أنا أبآ غرفة لحآللي
أخوهآ التآني نط فوق السرير بنكآدة وقربعوو وقعد يرقص
رغد رمت الجوآل ,وحطت رجلهآ كلهم خرجو فوريرة ,قفلت البآب وأخدت الجوآل : إيوه , ونتي كيفك , بس سوري مآعرفتك , مين ...!؟
وجدآن : تمآم , أنا وجدآن
رغد بحيرة : أيت وجدآن
وجدآن : إللي وصلتك مع ...
رغد قآطعتهآ بحمآس : أيوه عرفتك , إنتي اللي أخوكي مووز.. "عضت شفآيفهآ "
وجدآن : ههه يب يب
رغد بترقيع : أيوه مآشاء الله عليكي حتى إنتي مزة
وجدآن : تسلمي , إيوه مآسرت أشوفك بالنآدي !
رغد : مافيآ أصلآ كونت مقررة أدخل اسبوع بس وطفشت
وجدآن : أهآ
رغد : نتقآبل برآ ونخرج مع بعض وكدآ يعني , حبيتك :$
وجدآن : ينآسك , وأنا أكتر , عآرفة صحبآتي كلهم مسآفرين فمرة كئيبة دي اليومين
رغد : أمآ كئيبة وأنا في , إش رآيك نخرج أي مول ؟
وجدآن : وربي يلآ , بس مو تسحبي
رغد : بس مو اليوم , السوآق بإجازة
وجدآن : عادي أمر عليكي
رغد باعتراض : لا مرة مايسير إش اللي , إش رآيك بكرة
وجدآن : ام لآ خليهآ بعدو أحسن ....
_________ الكآتبه : Ensana Lzeza ___________
بعد يومين ..
عند رباب ...
دخل اخوهآ الكبير البيت وهوا تعبآن : السلآم عليكم
أم ربآب : وعليكم السلآم " وطلت فربآب " قومي جيبي لأخوكي موية
ربآب : ححاضر
جلسو يهرجو شوية ...
ربآب : إيوه صح ابا اروح لترنيم
سعود " أخوهآ ": دي البنت مارتحتلهآ ابدا
أم ربآب برضو مو مرتآحتلهآ بس ماتبا تزعل بنتهآ : لآ مافيها شي إن شاء الله , خلآص كلمي أبوكي
سعود : لآ أنا فاضي اليوم , بس متى تبيني أوديكي
ربآب : قدني جاهزة دحين شوية كدآ صلي المغرب وأنزلك
سعود : إن شاء الله " ونزل يصلي "
بعد ماخلصت الصلآة رباب لبست عبايتهآ والنقاب ونزلت لأخوهآ
فالسيآرة ..
سعود : أنتبهي لنفسك , ولاتتأخري
ربآب باستغرآب :إن شاء الله
سعود وقلبو قارصو : مدري ليش احس روحتك مافيها خير
ربآب بخوف : لآ صحبتي مافيهآ شي وي
سعود طل فيهآ بنص عين : نشوف
بعد ساعتين عند ترنيم ..
جالسن بالغرفة بيتزبطو , ترنيم وهيآ عند المرآية تحط الكحل : بالله طلعيلي الكعب الأحمر
رباب طلعتو وطلعتلهآ كعب بنك فاتح, لبسو العبآيات وطبعآ رباب لبست عباية من عند ترنيم عوديه
وترنيم عباية زيتية وأخدو شنط الكبيرة ونزلو , وهمآ بالدرج شآفو ابو ترنيم
ترنيم : هاي داد
أبوها باسها فخدها وطلع
ربآب بخوف : تتوقعي يقول لسعود أني نازلة بدآ الشكل
ترنيم : لا ماعليكي بابا ماتفرق معا امشي بس ....
_________ الكآتبه : Ensana Lzeza ___________
في المول ...
وجدآن : ههه
رغد : عادي مو أول مرة أصلآ متعودة
وجدآن : الله يعينك , تعالي دا المحل نظاراتو تعجبني
دخلو ورغد مو عاجبهآ العجب
وجدآن : دي مرة جيدة
رغد وهيآ تتأمل النظآرة : مدري أنا وجهي مآيناسبو أي شي
وجدآن بنرفزة : ماتبيها انا حاخدهآ
رغد جربتهآ وطلع شكلهآ فنطل : لآ طبعآ خديهآآ , شوفتي شكلي بيهآ
وجدآن أخدت النظآرة وطلعت الفلوس إلآ افتكرت ورجعت دخلتهآ وطلعت البطآقة " طلت فرغد " خليني أكشخ بالبطاقة وربي مو مصدقة بابا طلعلي هيآ
رغد : ههه عقبآلي ي رب " وأخدت البطآقة تقلب فيهآ " انتبهت للأسم , بلمت "
وجدآن : أمشي يلآ
رغد ماسكة الطآقة وبتنآحة : ها
وجدآن : اشبك متنحة
رغد : ولاشي " شوية سكتت " , إلآ ماقولتيلي أش لقبك
وجدآن باستغراب : ###### ونتي
رغد : سبحان الله حتى انا
وجدآن عقدت حوآجبهآ وهيآ مو فاهمة شي
رغد بعد ماستوعبت : شوفت اسمك بالبطاقة اسم جدك ولقبك زي اسم جدي ولقبي
وجدآن تنحت شوية بعدهآ : إش اسم أبوكي إنتي ؟
رغد : يآسر
وجدآن : اما داد قد قلي انو عندو اخ اسمو ياسر , بس اتخاصمو وسابو بعض ومدري إيش
رغد بصدمة : نعم , انا محد قلي شي قبل كدآ
وجدآن : يعني دحين أحنا بنآت عم قلك !!!
رغد : دا اللي شايفتو ...
_________ الكآتبه : Ensana Lzeza ___________
بعد ساعتين ...
فالبيت
رغد : بنآت الموضوع مرة مايخش المخ
لمآر : ماحس فيهآ شي كلهآ بنت عم وطلعت فجأءة
رغد شهقت : وا يعنيي اللي صورتو ولد عممي
ميآر : صورتي مين ؟
رغد بحمآس : ماقولتلكم , وربي جبت العييد " وحكتهم اللي سار "
لمآر : ههه ههه اش المخ دا
ميآر أتنرفزت : كآن المفروض تتنتبهي , غباء
رغد : خلآص حصل خير , بس دحين إش اسوي معاها , تقولو أقول لبآبا
لمآر : ليش , أخرجي وادخلي معاها كأنو وحدة تعرفتي عليهآ وخلآص , بتجيبو لنفسكم مشآكل أنتو فغنآ عنهآ
رغد بتفكير : أم صح , المهم " طلت فميآر " ماقولتيلي
ميآر : إيش !
رغد طلت: إش سارلك ؟
ميآر سكتت
لمآر : ماقالتلي , بتقولك يعني , خلآص أهم شي رجعت بخير , بكيفهآ متى ماتبا تقول تقول
رغد كآنت تبآ ترد بس لمآ شافت ميآر قلبت خلقتهآ : طيب خلآص , " وغيرت الموضوع " أيوة أش اخبارها لجين
لمآر : اليوم كلمتهآ ....
_________ الكآتبه : Ensana Lzeza ___________
عند وجدآن ...
بتدور فالغرفة وبتهرج مع راكان بالجوال
راكان : يعني رحتي المول وماقولتيلي
وجدآن : ههه خلآص يكفي أول شوفتني من بعيد , دي المرة كانت معايا صحبتي
راكان : لآآآ , أبا اشوفك تاني
وجدآن : خلاص قدني رجعت البيت
راكان : عادي , أجي عندك البيت
وجدآن : لآ
راكان : يلآ جوجتي " وقعد يزن عليهآ لين مآرضيت "
وجدآن : بس شوف مو تسويلي حركآت كدآ ولآ كدا
راكان : من عيونيي , بس بوسة وحدة
وجدآن بهدوء : راكان
راكان : ههه امزح ي بت
وجدآن : أحسب ...
بعد شوية ...
وجدآن واقفة عند الباب بتستنآ راكان مطمنة كلهم نايمين واصيل برا البيت ومحيرجع إلا متأخر
وصل راكان ودخلتو المجلس بسرعة
راكان طالع فوجدآن بأعجاب : اش الجماال داا , وربي مزه , تجنني
وجدآن كانت لابس سكيني اسود وبلوزة سودآ وجكت رسمي ابيض , أستحت وغيرت الموضوع : أيوة كيفك
راكان ابتسم : تمآم ...
_________ الكآتبه : Ensana Lzeza ___________
فالكباين ..
رزان : ليش , نبا نقعد يوم كماان
أم رزان طنشتها وكملت شغلهآ
رزان ضربت الارض برجلهآ : اف مرة ما يجي
فيصل دخل يدندن بروآقة
رزآن : يعني عادي كدآ راضين نرجع البيت
فيصل طل فيهآ بلآ مبالا وطلع يجهز أغراضو مطنشها
رزان بصدمة : إش دا , كلهم مطنشيني
أم رزآن : روحي رفعي أغراضك يلآ
رزآن راحت وهيآآ تذمر ومو عاجبهآ الوضع ...
_________ الكآتبه : Ensana Lzeza ___________
أستنآككم 33>

قَدآسَة ..!!!

15-12-2022 - 05:42 pm

إنسانا لزيزا ..
بداية موفقة ...امنحني وقت كاف لقراءة الاحداث

Ensana Lzeza

15-12-2022 - 06:43 pm

قَدآسَة ..!!!
طبعآ بسطني أنو في أحد رد
بس كمآنه أنا منزله من أول ولآرد مرة أتحططمت
وعشانك حنزل اليوم تكملة البآرت
بس إزا بعدها مالقيت ردود
معد حنزل فدآ المنتدى
وبالتوفيق للجميع =)

Ensana Lzeza

15-12-2022 - 07:44 pm

(( تككملهه البآرت التآلت ))
اليوم اللي بععدو ... =)
عند وجدان...
وجدان دوبهآ صاحية ولسآ منسدحة على السرير , أفتكرت راكان وأبتسمت :$, شوية أفتكرت رغد ورجعت كشرت ..
قامت من فوق السرير ودعست اللحاف اللي بطبعها ترمي فالارض لما تنام , دخلت الحمام
وجدان بتفكير : انا كيف تطلع ليا بنت عم من الارض انا لازم اسئل بابا بس لو سئلت بابا حيهزأني , أف إش الهم دا
قاطعها من خيالها دق الباب , نزلت من الحمام وفرشة الأسنان ففمها : أدخل
اصيل : إنزلي اتغدي
وجدآن دخلت الحمام غسلت فمها : ها , ماليا نفس "نشفت فمها وتنحت شوية "
اصيل : إشبك ؟
وجدآن : ممدري كنت افكر فحاجة ونسيتهآآآ
اصيل : لما تفتكريها قوليلي
وجدان بفهاوة : طيب ........ " أفتكرت " أصيل
اصيل كان بيقفل البآب وانفجع : نعم
وجدان طلت ورآ الباب: أدخل وقفل البآب
اصيل طل ورآ بتنآحة
وجدان : بطل تناححة "دخلتو وقفلت البآب "
أصيل جلس على الكرسي : اش في !
وجدآن : تخخيل , تعرف رغد ديكا " شافت اصيل تنح , حاولت تفكرو " اللي اول وصلتها معايا من الن ....
قاطعها أصيل : ايوة أيوة افتكرتها
وجدآن : هيا دي رغد ...
قاطعها اصيل : أيوة إشبها
وجدآن أتنرفزت : طيب خليني أككمل , المهم " وبحماس "طلعت بنت عمنا تخيل !
اصيل طل فيهآ بنص عين
وجدآن : ههه اش النظرة دي , لآ وربي منججد , تعرف مو بابا اول قال انو عندو اخ اسمو ياسر واتضاربو ؟
اصيل : يعني وهيا طلعت بنت ياسر دا ولا اش النظام
وجدآن : يب , تخيل
اصيل بتناحة : ماشاء الله
وجدان : اش اللي ماشاء الله , انا بس ابا اتأكد يمكن صدفة
أصيل : تراني دوبي صاحي ومتنح خلقة لاتخليني اتنح زيادة
وجدان بنرفزة : اصيل فتح مخك شوية
اصيل بتناحة : دحين قلك شوفتي بنت عمي وطلعت بنت عمي ,كيف عرفتو طيب ! أصلآ أش الصدفة العجيبة دي شي مايخش المخ أبداا
وجدآن بصبر : شافت اسمي , دحين مابا منك تستوعب بس ابا اتأكد
اصيل : أم
وجدآن ضربت كفها ببعض بحمآس : جبتهاا , أخليها تجيب صورة ابوها وأقول لبابا يعطيني صورة اخو دا
أصيل بتحطيم : إش الحماس دا !, أولا كيف حتقولي لأبويا ابا صورة اخوك , تانياا مرة ماايجي انك تفتحي السيرة هوا قد قال لحد يفتحها مشاكل سارت مالنا دخل فيها , وأصلآ أش حتستفيدي لو تأكدتي انها بنت عمك !
وجدآن : لآ أش التحطيم داا , خلاص بطلنا مو لازم نتأكد " سكتت شوية " , إلا لازم اتاكد , كدا لقافة
اصيل : طيب خلي اللقاافة تنفعك
وجدآن عقدت حواجبها : مرة تحطمني انتا
اصيل : طيب تصدميني انتي " وقف "
وجدآن : فين رايح
اصيل : بنزل اتغدا , أحسلي من هرجك دا
طنشتو وجدآن وحطت يدها تحت دقنها وجلست تفكر بالموضوع ....
_________ الكآتبه : Ensana Lzeza ___________
عند لمآر ..
لمآر : هيآ عاد , مرة طفش فالبيت
ميآر جالسة فوق السرير واللاب بحضنهآ : يا أومي , أش يخرجنا من دحين الساعة اربعة أقل شي بعد المغرب نخرج !
لمآر : بس انا دحين طفشانة
ميار : مشكلتك
لمآر : اف مامنك فايدة , طيب أقلها أقعدي معايا , أو أديني اللاب من اول وانتي جالسة علي
ميآر طنشتهآ وحطت السماعة بأدنها
لمآر : ححيوانةة " راحت المطبخ تغني وتحوس , سمعت صوت امها تكلم بالجوال وشكلها خارجة , ابتسمت بخبث "
لمار باعلى صوت عندها : اه ههه
امها جات طيران مفجوعة : إش ساير
لمار ماسكة خصرها وموطية راسها وشعرها مغطيها وبصوت اعلى : ا اههه
امها جات ومسكتها من كتفها وهزتها بقوة وبطل فيها بخوف : إشبكك , إش في " لمار ساكتة وبتسوي نفسها تتألم " تكلمي
لمآر ببتسامة غمزتلها باستهبال: أوخص وطلعتي تخافي عليا
امها اعطتها نظرة ودفتها بقوة , وبعصبية : إش شغل البزورة داا ," بزعيق " إنقلعي من قدامي مو منك من اللي مسكنكم , الله لايوفقك انتي على اختك
لمآر ببرود : ههه لبآ المعصبة , دا كلو " رمشت باستهبال " عشاني
أم لمآر عصبت زيآده , وباستحقار : عشانك قال , كانك تسوي شي عندي " بقرف " يلآ انقلعي بس ," وطلعت وهيا تبربر " ألله ياخدك , طينتي عيشتي , قرينة تشيلك انتي واختك
لمآر ولآ كأنو في شي : ههه اعصابك لاينطلك عرق
ام لمار شدت شعرها وهنا لمار فرطت ضحك : حتجننيني انتي " زفرت بعصبية , ولفت الطرحة بأهمال وربع شعرها طالع ولبست النظآرة الشمسية وطلعت حواجبها مقرونة "
لمار راحت الغرفة وفيدها صحن كورن فلكس بالشوكلاتة
ميآر اللي من اول سامعة وجالسة بالغرفة ساكتة : عاجبك يعني "بحقد " مين هيا عشان تدعي علينا , إش من أم دي
لمار ببرود وهيا تبلع : ههه هه والله شفتي شكلها مسخرة
ميآر شمقتلها ورجعت حطت السماعات ......
_________ الكآتبه : Ensana Lzeza ___________
عند اروى ...
ماسكة الجوال ومترددة تضغطت اتصال ولا لا : اف اضغط واللي فيها فيها " غمضت عيونها وضغطت "
حاطة الجوال على ادنها وعلى كل رنة بتآخد نفسس
: الوو
أروى قاعدة تههوي نفسها قدام المراية من التوتر : إيوه
: أهلين
أروى : كيفك
بأستغرآب : الحمد لله تمآم ونتي كيفك
اروى بعدت السماعة واخدت نفس عميق : كويسآ
: إن شاء الله دوم , بس ماقولتيلي مين إنتي !
أروى تلف شعرها باصباعها واليد التانية فيها البطاقة وتتأملها: أم إنتا أصيل مو ؟
أصيل : أيوه
أروى : أم إنتا قابلتني بالمطعم
أصيل على طول افتكرها وابتسم : اللي كنتي حتخشي حمام الرجال
اروى أتنرفزت منو : كنت حخش الحمد لله مادخلت
اصيل : بس أموت وأعرف فأيش كونتي تفكري لدرجة أنك تخشي
أروى إنقهرت زيآدة : مالك دخخل
أصيل : ههه طيب إشبك تدفي دوبنآ كنا حبايب
أروى خلآص صنقرت : من متى حبايب !
أصيل بيسوي نفسو هيمآن: من اليوم اللي شفتك في
أروى : يا رجل
اصيل يتمسكن : اجل تكرهيني يعني
اروى بدفاشة : ايوة
أصيل بخبث : اجل ليش دقيتي عليا
اروى وجهها قمط وكرهتو وكرهت الساعة اللي فكرت في : كونت طفشانة وحبيت اتسلى فيها حاجة !
أصيل : لا أبددن " وحس انو خفف دمو زيادة عن اللزوم فغير الموضوع ", ايوة ماقولتيلي إش بتدرسي ....
وأخدهم الهرج وكدآ ...
_________ الكآتبه : Ensana Lzeza ___________
عند رزان ..
جالسة فغرفتها وفاتحة اللاب وبتتفرج مسلسل كوري
أمها دخلت عليهآ
رزان ابتسمت : إش في " شوية افتكرت انها زعلانة رجعت كشرت "
أم رزان : ههه خلاص رجعنا من الكباين زعلتي مازعلتي حتنطقي فالبيت
رزان اتكسحت : افا , طيب مو فالوجه كدآ
ام رزآن : هوا دا , على فكرة صحبتك على التلفون
رزان : مين ؟
أمها راحت غرفتها وقفلت البآب
رزان : أوح مرة اليوم ماما تكسحني كتير " وراحت ردت على التلفون " ألوو
لمى بخووف: رزان
رزان : ها
لمى : تخخيلي بابا كشفني وربي قاعدة ارقص
رزان : كشفك أيشش
لمى وهيا مرعوبة وبهمس عشان محد يسمع : مرة خايفةة بموت , رزان بسرعة روحي افتحي ايميلي واحدفي نزآر سريع " شوية سمعت صوت بعجلة وخوف" وكمانه ادخلي الفيس واحدفي اي ولد " وقفلت فوجها "
رزان مسكت السماعة طلت فيها وبقلق: يوييليي إش سوت الهبلة دي !
وراحت تسوي اللي قالتلها علي وهيا مرة قلقانة ومية فكرة وفكرة جات فدماغها ...
_________ الكآتبه : Ensana Lzeza ___________
فالكبآين ..
لججين بخرش : صحبآتي رح يجو
فراس : منجد طيب متى !
لجين بتسوي نفسهآ مستغرب : ليش يعني !
فراس بتسليك : بس كدآ أسئل وي
لجين : طيب إش عندك معاهم هآ !
فراس بلم : لا ماعندي شي معاهم ولا يحزنون بس أسأل " وبعصبية " إشبك إنتي
لجين خافت : طيب هدي , خلآص ماعندك شي
فراس ببتسامة : طيب متى حيجو
لجين : ههه محيجو أصلا بس كنت ابا اشوف ردة فعلك
فراس شمقلهآ
لجين : لو قلتلي إش عندك , حقولك
فراس : قولتلك ماعندي شي يلا بس شقلبي
لجين حطت يدهآ تحت ذقنها : طيب وتشوف يافراس .....
_________ الكآتبه : Ensana Lzeza ___________
بعد اسبوع =)
فبيت لجين ...
لجين فنص السرير : لا لا , خليني ابطل احسن
رجعت طلت فالرقم بضعف , هزت راسها بقوة : لا لا محسويها محسويها
رجعت اخدت الجوال بسرعة وضغطت الرقم وسوت اتصال
سار بيرن وهيآ بتضرب نفسها كفووف مع الحماس
: الو
لجين بصربعة على طول رمت السماعة على السرير وسارت تتفرج عليها , شوية استوعبت
رجعت نطت وقفلت الخط وقفت فنص السرير : يجنن , صوتو خقة ياوييليي , ياقلبي لاتحززن
سارت تنطنط وشوية حضنت الجوال ورمت نفسها وهيا خاقة : مع نفسي اصلآ , اش اللي سويتو دا
رجع دق الرقم
بفجعة قامت تزعق :اههه
رجعت استوعبت مسكت فمها واخدت الجوال حطتو صامت وبطل فالشاشة بتنآحة
وقف دق : اف ياويل حالي " حضنت الجوال وبطل في بتناحة وانسدحت على السرير ووهيا متنحة ...
_________ الكآتبه : Ensana Lzeza ___________
عند راما ...
هيا وإيلاف جالسين بيتمشو بالمول ..
راما : وربي فاتك نص عمركك , مرة كان حماس
إيلآف : كوي ...
قاطعتها راما : أقولك شعور مرة ججييد تخيلي كدآ قعدت أسووق
إيلآف : مدري كيف الولد رضيلك تاخدي سارتو ماخاف عليها
راما : لا حبيبي يونثق فيها
إيلاف طلت فيها بنص عين : باين
راما : بعدينه هوا جلس يسوق وانا طلعت فوق وارقص مرة فليتها , إلا ماقولتيلي كيف كانت الكباين
إيلآف : أنبسطت وكدآ
راما : يناسو " ورمتلها بوسا من بعيد " , تخيلي
إيلاف : إش عندك !
راما : في وآحد مو مرة مزة , بس لزيز الأدمي , المهم اداني الرقم
إيلآف بتسليك : ماشاء الله
راما : وججع , ترا محلكمو عشانك
إيلاف : اصدق يعني
راما غيرت الموضوع : تخيلي
إيلآف بملل : إيشش
راما : أتحممسي يختي , المهم بنساففرر
إيلآف بحمآس : منججد
راما : يب يب
إيلآف : ماشاء الله , فين ؟
راما : دبي , حتوحشينيي
إيلآف : وأنتي أكتر حبيبي ...
_________ الكآتبه : Ensana Lzeza ___________
نوروني

راحه فيهأ تلقى الامان بقلمي←
لبيه ياللي وحدك لوقلت لبيه→