رواية دامك تعيش بداخلي كيف ابنساك هذا السؤال وحط نفسك مكاني

المقدمة ..
‎
يسعدني أن أقدم لكم روايتي الأولى { دامك تعيش بداخلي كيف ابنساك ،، هذا السؤال وحط نفسك مكاني }
أحببت عن أعبر مافي خلجات نفسي ببضع الكلمات واخراجها كخاطرة ..
ولكنها شاءت أن تخرج كرواية فهي مجرد تنفيس في لحظات يمر بها كل شخص ..
نثرت مواقفي في الواقع بين أبطالنا مع مزجها ببعض من الخيال ..
فأتمنى من كل قلبي أن تنال على استحسانكم واعجابكم ..
ولا تخلو عمل من أخطاء ولكن اعذروني فالوقت كان ليس من صالحي ..
محبتكم :
أسيرة طيف غاليها ..

لا تحرموني من ردودكم وأرائكم ..
الله يعطيكم العافية ..

الجزء ( )
صحيت من النوم بشعور من الكآبة من آثار أمس .. قامت أخذتلها دش
ولبست لها جلابية ناعمة ورفعت شعرها بشباصة باهمال واضح ..
نزلت بعد ما صلت الظهر شافت امها تجهز الغدا على الطاولة ..
مرام_ صباح الخير يمة ..
وسحبت لها الكرسي وجلست بملل ..
ام عبدالعزيز_ صباح ولا مساء وانتي الصادقة ..
مرام_ اللي يكون ..
ام عبدالعزيز_ روحي شوفي البنات قاموا من النوم ولا لأ ؟..
مرام وهي مستغربة_ بنات ؟ من هم ؟ هيام وميار قصدك ؟
ام عبدالعزيز وهي ماشية للمطبخ_ لاحول ولاقوة الا بالله ..
وينك غائبة عن الدنيا ؟..
جات ميار تجري لاختها مرام وبيدها مجلة باسم للأطفال ..
مرام وتاخذ نفس من الجري_ آآه ياربي تعبت .. مرام .. مرام .. بالله حلي هالسؤال بسرعة
مرام_ بسم الله الرحمن الرحيم .. من وين جاية انتي ؟
ميار_ من المقلط .. مع الفيصل ونايف ..
مرام_ ماشاء الله نايف هنا من امس ..
ميار ببراءة_ ايوا مع ريناد وكل البنات هنا ..
مرام_ لا صدق والله اني غايبة عن الدنيا ..
........._ غايبة ونص يا الخاينة ..
مرام بفرحة_ والله حركات كلكم هنا وانا ماأدري ..
نزلوا البنات كلهم والتموا حول الغدا ..
وقعدوا يسولفون وعلموا مرام كل الأحداث اللي صارت بعد مانامت أمس..
ام عبدالعزيز_ يالله حبايبي سموا بالرحمن .. تعالي هنا ميار ..
ميار كانت منبطحة على الأرض وتقرا في المجلة
_ ام شبعانة ..
ام عبدالعزيز بصوت حاد_ ميار .. ماأكلتي شئ وتقولين شبعانة ..
ريناد_ تعالي ياقلبي ميار .. ولا تبيني ألقمك بنفسي ؟
مرام_ اقوول تعالي بس بلا قلبي وألقمك وماأدري وشو ..
ميار_ انقعلي انتي .. ريناد احلى منك ..
مرام_ أصلا .....
قاطعتها امها_ مرام قومي وخلي اختك لحالها ..
روحي ودي صينة الأكل لفيصل في المقلط ..
شرقت ريناد بالعصير اللي كانت تشربه وبغت تروح فيها ..
خبطتها بيلسان على ظهرها_ بسم الله عليك .. وش فيك ؟
وسن كانت على يسار ريناد قالت في اذنها_ كل هذا بس عشان اسم الغالي ..
عاد ريناد انقلب وجهها ألوان_ وأأ....أنتي مررة واثقة
مرام_ واثقة من شنو .. ؟!
ميار وجلست فوق امها_ ملقوفة ..
ام عبدالعزيز_ عيب ياميار .. وانتي مرام بسرعة قومي الله يصلحك ..
قامت مرام اخذت الصينية ودخلت عليهم في المقلط ..
الفيصل_ أخيررا .. مابغيتوا تاكلونا ..
مرام_ احمد ربك ان الاكل جا عند حدك .. ويالله نايف تعال ..
نايف قاعد يلعب بالبلايستيشن ولا هو مع العالم ..
الفيصل_ نايف .. قوم ياولد ..
قام نايف عن التلفزيون وجلس عندهم ..
اول مرة قعدت مرام تتأمل في ملامح نايف ..
" سبحان الله .. في شبه كبير بينه وبين أخوه تركي .. نفس العيون والفم ..."
لف نايف على الفيصل_ بالله يا فيصل شكلي فيه شئ غريب ..
في ناس يطالعون فيني وشوي وعيونهم تطلع من مكانها ..
الفيصل وميت ضحك على شكل اخته اللي تفشلت صدق_ ههه أحرجتها يانايف ..
بالله طالع في وجهها كأنه اشارة مرور ههه ..
عاد مرام انقهرت منهم_ هيهيهيهي بايخة انت ووجهك ..
وبعدين يالدلخ انت يانايف .. انا كنت اقارن ملامحك بملامح ريناد ..
طبعا انت ماتسوى ظفرة من أظافرها <<< تبا تبرد قلبها بأي شكل ..
الفيصل لاشعوريا_ في هذا صدقتي ..
نايف وطالع فيه من طرف عينه_ نعم وش قلت ؟؟
الفيصل ويبا يرقع السالفة_ لا لا ياأهبل موقصدي ..
ريناد اتذكرها وهي صغيرة لما كانت في سنك كانت أحلى منك ..
< وبدا يسرح فيها لما شافها آخر مرة >
<<< حتى مرام صدقت بالسالفة ..
ريناد طالعة على اهل ابوها أكثر هي وحمد اما تركي ونايف على امهم ..
***
وصلوا كلهم عند البيت .. دخلتهم ريم في غرفة المجلس ..
ماتفاجأوا من البيت المتواضع المستأجر .. كان عبارة عن دورين
وحوش صغير .. وتصميمه جدا بسيط ..
وريم تعرف انهم عرفوا كل شئ عن حالة ابوها كيف كان وكيف صار ..
اصرت ان الكل يرتاح .. عبال ماتطبخ هي الغدا ..
بس دخلت هيام معها اللي بررت انها ماتقدر تقعد معهم
لان حمد موجود وماياخذ راحته وماتبى تجلس لحالها في نفس الوقت ..
ومعهم شغالة عمتها هند ..
هيام وتبا تشيل الحواجز بينها وبين ريم_ اقول ريم ما كملتي دراستك ؟
ريم وكأنها تذكرت الوصية الثانية وحلمها اللي مات_ لا ..
< وسكتت فترة بعدين كملت بحزن >
بس لازم اكمل وانفذ وصية ابوي الله يرحمه .. ماأقول غير الله يعيني ويعين الجميع..
هيام كرهت نفسها جات تكحلها عمتها .. وحبت تغير الموضوع
_ ام ريم ماشاء الله عليك تعرفين تطبخين ..
ريم بابتسامة_ كثير ماكنت اطبخ وأخلي امي ترتاح ..
اول مانطقت بكلمة <أمي> حست بشعور حنين وشوق مو طبيعي لها ولحنانها ..
ومافي اسوأ انك تشتاق وتحن لشخص يصعب عليك اللقيا معه ..
لفت وجهها تمسح الدمعة اللي نزلت غصبا عنها ..
وقفت هيام قدامها ومسكت يدينها تطمنها_ ريم ناظريني تكفين..
طالعت فيها ريم بعيون حزينة..
_ ريم اقدر موقفك وادري ان الهم اللي فيك مايتحمله
اقسى قلب .. بس تطمني دامك عرفتينا وعرفناك ان شاء الله ماتشوفين الا ليسرك ..
وترا عندك ماشاء الله بنات عم مافي أحلى منهم .. ينتظرونك هناك على النار ..
ماعرفت ريم بعد هالكلام وش تقول وش تعبر ..
خانها الكلام في هاللحظة غير انها ضمت بنت عمها اللي
قدرت تنشر في قلبها الصغير ضوء من الامل والامان في مستقبلها المجهول ..
***
بعد المغرب تجمعوا البنات في الصالة مع القهوة والحلا والجو كانت وناسة عندهم ..
بيلسان_ اقول بنات اهجدوا شوي .. خلوني أدق على هيام
شكلها شافت ريم نستنا كلنا ..
دقوا عليها مرة ومرتين وابد ماترد على وحدة فيهم..
بيلسان_ هاين ياهيام .. اجل انا ماتردين علي ..
ريناد_ الظاهر حمد هبل فيها بكلمتين وانسحرت ههه
مرام_ هيه انتم قاعدين تحشون في اختي وبعد قدامي ..
ريناد باستهزاء_ يالله الحين تدافعين عن اختك وميار أشك انها اختك ..
مرام_ عاد هذي هيومة غير ..
وسن_ الا صح وين انقلعت هذي الصعلوكة ..؟
مرام_ راحت مع امي من الظهر ياالنايمة .. يدورون على غرفة لريم ..
بيلسان_ حركات ريم راح تعيش معكم ..
مرام_ يس بس طبعا راح تكون في بيت جدي مو هنا..
ريناد بانت في عيونها خووف ..
" شلون يعني .. تعيش مع الفيصل في مكان واحد حتى لو كانت في بيت جدي ...
بس اكيد تشوفه وتسمعه وشئ طيبعي راح تميل له ..
اوف هو اصلا حس فيني
عشان يحس في غيري ..
بس ان شاء الله لأ .. مايصير شئ من اللي في بالي "
****
بعد مارجعوا من صلاة المغرب .. قدمتلهم شاي مع الفطائر ..
وجلست هي مع هيام في غرفتها .. طلبت ريم من هيام تعطيها نبذة عن عيال عمانها وعماتها اساميهم واعمارهم وكل شئ عنهم..
ريم_ ماشاء الله يعني انتي الحين خطيبة حمد ؟
هيام بحيا_ تقريبا .. بس الى الآن مارديت عليهم ..
ريم_ اها .. وريناد هي اخته ؟
هيام_ اي اخته الوحيدة وهي في سنك ياريم ..
ريم بفرحة_ صدق والله ؟؟
وهم قاعدين يسولفون دخلت عليهم الشغالة
_ مدام هند تقول في انزلوا كلكم تحت ضروري ..
وكلكم في غطي وجهكم عشان مستر همد في ..
هيام_ طيب الحين ننزل ..
<طالعت في ريم> يالله ننزل
_ يالله طيب .. والله يستر
***
في غرفة مرام ..
ريناد منسدحة على السرير وتقرا في المجلة ..
وسن جالسة تطقطق على اللاب وتسولف مع روان في المسن ..
ومحد في الغرفة غيرهم ..
وسن_ ههه
ريناد_ بسم الله الرحمن الرحيم.. فيك شئ ؟؟
استغلت وسن الموقف انها تكلمها في الموضوع اللي في بالها من زمان ..
استئذت من روان وقفلت اللاب وقامت جلست جنب ريناد على السرير ..
عدلت ريناد جلستها وطالعت فيها باهتمام_ الظاهر عندك موضوع حماس صح ؟
وسن_ خ كاشفتني بنت الخال .. اي عندي موضوع حماس بالحيل ..
ريناد_ وشو بسرعة .. تراك حمستيني ..
وسن_ بشرط تكونين صريحة معي ..
ريناد_ اها يعني الموضوع يخصني انا .. طيب خلاص اوعدك اكون صريحة معك ..
وسن_ زين انك وعدتيني.. المهم .. حطي عينك بعيني ..
وش يعنيلك الفيصل ياريناد ؟
***
أم عبدالعزيز_ هلا ولدي عزيز
عبدالعزيز_ هلا يمه .. اخبارك يالغالية ؟
ام عبدالعزيز_ بخير والله آمر بغيت شئ؟
عبدالعزيز_ لابس حبيت اقولك ماني راجع هالليلة .. الا انتي وينك ؟
ام عبدالعزيز_ والله خلاص في الطريق راجعة من السوق
اشتريت غرفة لبنت عمك ريم
وكم غرض والحين توني خلصت ..
عبدالعزيز وهو مستغرب_ نعم ؟؟؟ وين تبون تحطونها هذي بعد ؟
ام عبدالعزيز_ وش فيك ؟ لا تخاف في بيت جدك ..
عبدالعزيز_ اها اجل يالله استئذن .. تامريني بشئ ؟
ام عبدالعزيز_ لاسلامتك ..
***
جلست تبكي بصمت وهيام تحاول تهديها وتخفف عليها ..
ابوصالح وبدا يعصب عليها_ ممكن تفهميني مع من راح تعيشين ؟؟
اذا بيتنا مو بعاجبك ..
ابوعبدالعزيز_ ريم تعوذي من الشيطان .. وقومي جهزي أغراضك ..
ابوحمد ويحاول يهدي الوضع_ اذكروا الله ياجماعة .. وان شاء الله بنتنا ريم راح تقوم معنا ..
بس هي تفاجأت شوي من الموضوع ..
ام سلطان بصوت حاد_ هيام .. قومي مع ريم جهزي اغراضها ..
حمد قام من المجلس وطلع شاف الأوضاع متكهربة شوي ..
اما ريم طلعت تجري لغرفتها وقفلت الباب قبل ماتلحقها هيام..
" اشلون كذا بسهولة يبوني اعيش معهم .. كيف اترك المكان اللي تعودت عليه وكل
ذكرياتي فيه ؟؟ آآه ياربي
رحمتك .. "
رفعت السماعة ودقت على ام مشاري .. هي الوحيدة اللي تقدر تساعدها وتاخذ شورها..
ام مشاري_ الو
ريم وتشهق من البكا_ خالتي الحقي علي ..
حطت يدها على قلبها من الفجعة_ وش فيك ياريم ؟ صارلك شئ؟
قالتلها ريم كل السالفة .. وطول الوقت كانت هيام تدق عليها الباب اليين مايئست ونزلت..
ام مشاري_ الله يهديك ياريم روعتيني .. الحين بافهم
شلون راح تنفذين وصية ابوك؟ اذا كنتي بعيدة عنهم
ريم_ اقدر اتواصل معهم بالتليفون ..
ام مشاري_ مايكفي ، طيب مافكرتي من راح يحميك اذا صارلك شئ ؟؟
وشلون اصلا تعيشين لحالك وانتي بنت ؟؟
ريم انتي بنت كبيرة وتعرفين الصح من الخطأ .. قلتلك من
قبل ان اهل ابوك ناس طيبين ويبون مصلحتك ويخافون عليك ..
حتى لو كانوا شديدين بس الطيب من صفاتهم ..
ريم_ يعني خلاص ألم اغراضي واروح معهم ..
ام مشاري_ اكيد ولا تنسين الوصية ياريم .. ولا تقاطعيني يابنتي ..
مسحت دمعتها اللي نزلت مرة ثانية_ ماأدري اشلون ارد جمايلك ياخالتي ..
واوعدك ماراح اقاطعك واخباري يوصلك اول بأول ..
ام مشاري_ يالله ريم اخليك تجهزين .. واصبري يالغالية..
اصبري وفاولي خير .. يالله مع السلامة ..
***
وسن_ وش فيك تنحتي؟ اسألك انا ..
ريناد_ يعني لهذي الدرجة انا مكشوفة ؟!!!
وسن_ ام ماأدري .. بس انا لاحظت وابا اتأكد < وسوت حركة بحواجبها تكرها ريناد >
ريناد_ اقول بطلي هالحركة ..
وسن_ لاتنسين انك وعدتيني
ريناد بحزن_ وش تبيني اقولك ؟ .. تبيني اقول اي احبه وهو مايدري عني ..
احبه من سنين وهو لاحاس فيني ..
وش تبيني اقول بالضبط .؟
وسن وتفاجأت من هالاعتراف_ طيب انتي بالعقل شلون تبيه يحس فيك؟
بترمين نفسك عليه مثلا ؟
ريناد ضمت رجولها وحطت جبهتها على ركبتها_ طبعا لا .. بس انا تعبت .. كل مااتذكره اتعب .. اتعب ياوسن
حزنت وسن على حالها_ ريناد اذا كان هالحب بيعذبك كذا .. انسي في شئ اسمه حب ..
ريناد وهي كاتمة الصيحة_ وأنا اقدر اتحكم ولاغيري يقدر يتحكم في قلبه ياوسن؟؟؟
وسن_ ريناد فليها يابنت الحلال .. وخليك مثلي ..
اذا شفته لازم نتهاوش ههه
رفعت ريناد راسها طالعت في وسن بامتنان_ ماأدري اشلون أشكرك ياوسن .. انتي الوحيدة اللي
قدرت اقولها الشئ اللي كتمته في قلبي من سنين ..
بس تعالي اعطيني موقف خلاك تشكين فيني ؟
وسن_ خ تذكرين لما نزلتي ذاك اليوم تكلمين حمد
بالتليفون .. انا كنت نازله آخذ جوال مرام وشفتكم ..
بس حركات فيصل عرفك من صوتك <<< ماتدري ان الفيصل شاف ريناد ..
وانتي بعد سالتيه كيف الحال؟ كان مرة وحدة قلتيه <وتسوي نفسها ذايبة>
أنا احبك يا الفيصل .. أنا .....
قبل ماتكمل ماحست الا بالخدادية على وجهها ..
ريناد_ وجع ان شاء الله .. يارب تطيحين طيحة في الحب ماتقدرين تقومين منها ..
وسن_ ههه وش فيك عصبتي؟ اقول خلينا ننزل ونروح
نشوف غرفة ريم يقولون راحوا العمال ..
ريناد وحست ان همها خف شوي لما احد شاركها وحس فيها_ اووكي .. يالله ..
~ طلبتك يالغرام اللي جعل وسط الجسد روحين :
قلب ينبض بحبك ..
ونبضاته ينادونك ..
واذا مريت في بالك تذكر يالغلا شيئين :
محب عاش لعيونك ..
ومات لخاطر عيونك .. ~
الجزء ( )
قعدت ترتب في غرفة ابوها ترتيب نهائي .. وقررت تتبرع
بكل أثاث البيت وبأغلب الاشياء .. ساعدتها هيام وعمتها في الترتيب ..
تأملت في القميص الصغير لأختها لين شمته و ماقدرت تمسك
نفسها وصارت تبكي بصمت ..
تبكي لفرحتها اللي ماتمت ..
وتبكي لفراق المكان اللي كان يجمعها هي وأغلى شخصين في قلبها امها وابوها..
تبكي ريم لأشياء كثيرة عجز القلم انه يكتبه .. وعجز اللسان انه ينطقه ..
حست بيد حانية تمسح على ظهرها ..
ام سلطان_ بس يالغلا .. الى متى هالدموع ..
حنا نباك قدام عيوننا .. نبا نسعدك و نشيلك فوق العين والراس ..
صحيح ان ابوي عصبي شوي بس الحنان بعد من طبعه وبالذات على احفاده ..
ريم وتمسح دموعها بالمنديل_ الله يعين ..
نزلوا كلهم وحطوا الشناط في السيارة وكل شئ ..
وزعت ريم نظراتها الأخيرة على كل جزء من البيت ..
" ألا يازمن وش تخبي من الأقدار .."
زفرت زفرة كلها ألم وحزن .. وانتظرتها هيام عند الباب ..
ركبت معها وتحركت السيارات راجعين للرياض ..
~ ودي أقول ..
اني حزين .. اني سجين ..
،، لكل ذكرى لك معي ،،
وودي أقول ..
اني أنا أشكي العنا ..
،، وأقول للذكرى ارجعي ،،
وأرجع أقول ..
ليت الهوى يجمع سوى ..
،، أهل القلوب اللي تعي ،،
ونسيت أقول ..
من الفراق الصدر ضاق ..
،، والعين هلت مدمعي ،، ~
***
بيلسان_ واو صراحة الغرفة جنان .. ماشاء الله تبارك الرحمن ..
صراحة خالتي ذوقك خطير ماشاء الله ..
ام عبدالعزيز_ تسلمين حبيبتي .. عيونك الحلوة ..
ريناد_ اكيد ميورة الحلوة هي اللي اختارت ..صح ؟
ميار بفرحة_ اي انا قلت لماما تختار هذي غرفة ..
مرام_ اقول انتي واياها تعالوا ساعدوني وش اختار
مفرش السرير بني ولا وردي؟
وسن_ ام خليها وردي احسن يفتح النفس ..
اكيد تجينا وهي متضايقة .. ولا شرايكم ؟
ام عبدالعزيز_ ونعم الرأي ياوسن .. المهم ناقص فواحة نسيت اشتريها ..
مرام دقي على الفيصل شوي..
مرام_ ادق بس انتي كلميه.. لا يقعد يرفعلي ضغطي الحين ..
ريناد " في ناس يتمنون منه اشارة وانتي ماتبين تكلمينه .. آآخخ بسس .. "
وسن وتهمس في اذن مرام_ مرام خليه على سبيكر .. اذا رفض يجيب حاجة تقولها امك
اعرف شلون ارد عليه .. <<<
وهي قصدها تبرد قلب ريناد ..
طالعت فيها ريناد بامتنان " بعد قلبي والله "
مرام_ هههاي حلوة والله .. <طالعت في امها>
يمة خليه على سبيكر عشان اساعدك في الطلبات ..
دقت عليه ومدت الجوال لأمها اللي كانت تنسق في المزهرية ..
الفيصل_ هلا يممة ..
ام عبدالعزيز_ هلا فيصل وينك يابوي ..
الفيصل_ توني طالع من الشركة .. تبين شئ ؟
ام عبدالعزيز_ اي والله اباك تجبلنا شموع وفواحات ..
الفيصل_ ههه وش تبين بهالأشياء .. تبين تسوين ليلة رومانسية مع ابوي ههه
كل البنات ماتوا ضحك على شكل ام عبدالعزيز اللي انقلب وجهها احمر
ام عبدالعزيز وعصبت_ صدق قليل الحيا .. اذا ماعلمت
جدك على سالفتك ما أكون انا امك ..
الفيصل_ وه وه حبيبة الفيصل زعلت لا لا لا ما أقدر أنا ..
أخذت مرام الجوال من امها
وتكلمت_ الوو فيصل ترا امي مارضت .. وانا اعرف اشلون
ترضى عليك .. اقول ولالأ ؟؟
الفيصل_ قولي ياالفيلسوفة ..
مرام_ ماترضى الا اذا وديتنا حنا البنات للسوق .. ونجبلها اللي تباه بالضبط ..
وسن_ يابعدي والله يامرام ..
الفيصل ويعرف ان البنات عندها_ اقول يالموسوسة انتي هنا بعد ههه
وسن_ لاهناك هيهيهيهي
الفيصل_ وينها امي ؟
أم عبدالعزيز وتسوي نفسها زعلانة_ مثل ماسمعت ودهم للسوق عشان ارضى عليك
الفيصل_ اجل خلاص امري لله .. بس بشرط بنتين ولايكثر
بيلسان <<< اخيرا تكلمت_ فيصل هم بس ثلاثة خلهم يروحون ..
مرام ووسن وريناد وأنا مالي نفس اطلع ..
الفيصل_ ام يالله اوكي انتظركم برا .. بسرعة
وقفل الخط ..
***
يوسف_ خالد اح اح يابووي لاتلعب بالأسلاك ..
خالد_ بابا فك لاوة (حلاوة)
ترك الجريدة اللي في يده وشال خالد وحطه في حضنه ..
يوسف_ بابا ترا مايصير ناكل حلاوة كثير خلاص
خرجت سارة من الغرفة وبيدها العباية ..
طالع فيها يوسف وبعدين طالع في ولده خالد ..
يوسف_ خالد قوول لماما متى تجيبين لي أخت ..؟
خالد فتح فمه مايدري وش يقول ابوه ..
ضحكت سارة على شكل ولدها_ خ اقول يالله نمشي ..
راح يوصلون وأنا لسه ..
قام يوسف وحط خالد على الارض وقرب منها_ لا تتهربين من الموضوع ياحلوة..
الليلة ..... < وغمزلها >
سارة انقلب وجهها احمر_ ها ... اقول شيل خالد
وخلنا نطلع بسرعة ..
يوسف_ هههاي مو انا اللي تتهربين منه ياقلبي..
***
دخلوا البنات السوق وأخذوا اللي كانت تباها ام عبدالعزيز الفواحات والشموع ..
بس لقوها فرصة انهم يلفلفون وبالذات مع الفيصل اعتبروها معجزة ..
وسن تهمس لريناد_ لاتصيرين تمثال .. عادي اعتبريه واحد من اخوانك ..
كلامها أعطى لريناد حافز انها تتشجع وما تكبت وتصير مثل بنات عمانها الباقين ..
الفيصل_ لاحول ولاقوة الا بالله .. قسما بالله انكم عظمة
في حلقي .. وش تبون انتم اخلصوا بسرعة ..
مرام_ طيب دقايق يافيصل وش فيك ؟
حرام انت ماتطلعنا كثير .. سوي فينا خير شوي ..
حزن عليهم الفيصل وخلاهم براحتهم ..
دخلوا محل الهدايا .. جذبهم شكل المحل من الخارج ..
بإضاءته خافتة اللي ميزت المحل والديكور المميز
كأن الشخص موجود في الريف .. اللي قدر يتقنه المصمم ..
دخلوا كلهم الاربعة وتوزعوا في المحل ..
وقفت ريناد عند لوحة كرستالية محفورة عليها هالعبارة ..
~ تدري وش عيبي أنا ؟؟
إني معك ذقت الهنا ..
صرت ماأفرح بدونك ..
ومقدر أفارق عيونك ..
إن غبت عني أنفعل ..
وإذا حضرت احتفل ..
تحملني شوي ..
وش ذنبي دامك ..
اللي تنسيني العنا .. ~
والفيصل كان قريب منها يتأمل في العلب الصغيرة بأشكالها المختلفة ..
عجبتها وسن الوضع .. راحت عند مرام ..
وسن_ مرام ابا رايك في البلوزة شفتها في محل
قريب من هنا .. تعالي بسرعة قبل مانرجع ..
مرام_ طيب اووكي .. يالله ..
لف الفيصل بيشوف البنات وينهم .. شاف ريناد واقفة
تتأمل في اللوحة .. جا من وراها وقعد يشوف معها ..
_ لهذي الدرجة عجبك العبارة ..
بدون ماتطالع فيه _ ماأدري ليه أحسها جذبتني ؟
الفيصل_ ريناد ..
لفت ريناد لجهته ونزلت عيونها_ هلا ..
الفيصل_ انتي تحبين ؟؟
***
في المحل المجاور ..
مرام بطفش_ وسن وش فيك كذا ؟ اول مرة اشوفك محتارة ..
وسن وعينها كل شوي على محل الهدايا_ ها .. لا لا بس صدق محتارة بين اسود وموف ..
مرام_ وسن انا ابا اخذلي شنطة .. اجيك واشوفك اشتريتي .. اوكي ؟
راحت مرام لجهة الشناط وخلت وسن في نفس مكانها ..
***
ريناد واللي تفاجأت من السؤال مليوون مرة_ اييش؟
الفيصل_ الظاهر سمعتي <وبإصرار> انتي تحبين ؟
ريناد كانت ودها تصرخ في وجهه وتصرخ للعالم بكبره .. اي احبك ..
وقعدت تفرك بيدها من كثر ماهي متوترة_ لا ..
<<< هي اذا قالت اي تضطر انها تقول من هو .. وطبعا استحالة تقوله ..
فالأفضل انها تقول لا ..
ماأدري ليه حس الفيصل براحة لما سمع جوابها ..
رفعت ريناد راسها وطالعت فيه_ وأنت ؟؟
تفاجأ الفيصل_ أنا ؟
ريناد <تهيأت نفسيا انها تسمع كلمة اي أحب>_ اي انت تحب ولا لأ ؟
الفيصل_ كل شخص وقدامه خطوط حمرا مايتعداه صح ولا لأ ؟
ريناد وبدت تغلي من داخل_ اي صح ..
الفيصل_ عندي الحب من خطوط الحمرا اللي ماأقدر اتعداه ..
لا تسألون عن ريناد وش شعورها في ذاك الوقت؟
ماصارت تشوف غير الظلام قدام عيونها ..
" هذي نهايتها ياريناد .. الفيصل مايعترف بشئ اسمه الحب وأنا غبية أقول في
أمل انه يحس فيني .. "
سمعت الفيصل يسأل البائع عن السعر وباين عليه انه ناوي ياخذها ..
_ هاي يا استاز ب ريال .. كتير فخمة وحلوة ..
الفيصل_ اوكي .. جبهالي ..
بعد ما دفع .. لف على ريناد ومدلها الكيس_ تفضلي ..
طالعت فيه ريناد وحاولت تمسك نفسها_ شنو هذي ؟
الفيصل_ وشو بعد .. اكيد اللوحة ..
ريناد_ بس انا ماطلبت .. ولو اباها اخذتها بفلوسي ..
الفيصل بدا يطفش مايحب احد يتجادل_ ريناد لاتنكرين انها عجبتك ..
وبعدين مافيها شئ لو أدفع أنا .. لاتسوينها سالفة وخذيها
" ليه يافيصل تعذبني لييه ؟؟ ليه تهديني وتخليني اتعلق
فيك غصب ؟؟ صدق خليتيني لعبه بيدك "
وهم طالعين من المحل .. حب الفيصل يهدي الوضع شوي ..
_ احم ريناد ..
طالعت فيه بدون تتكلم وكانت بالحييل متضايقة ..
_ خلي كل الموضوع بيني وبينك .. واذا احد سالك
عن الكيس قوليلهم انك انتي اشتريتها .. اوكي ؟
وبعدين لا تزعلين خليتك تاخذينها غصب .. ماتدرين
يمكن مع الايام تعرفين ..!
ريناد حست نفسها في دوامة ألغاز ماصارت تفهم شئ
ولا عاد ودها تستفسر وتسأل كفاية الصدمة اللي جاتها الليله ..
خرجوا وشافوا وسن ومرام جايين لجهتهم وباين على
مرام انها معصبة بالحيل من وسن ..
الفيصل_ يالله مشينا ..
مرام_ يوه كل هذي من وسن ..
وقاعدة تنافخ وهي ماشية بجنب الفيصل ..
وسن مسكت ريناد وصارت تمشي وراهم .. عشان محد يسمعهم ..
وسن بهمس_ وش صار ؟
ريناد_ .................
دقتها وسن بكتفها_ تراني اتكلم .. <طالعت الكيس اللي بيدها> وبعدين وش اشتريتي انتي ؟
ريناد بدون نفس_ لوحة عجبتني واشتريتها .. وش صار لاتسأليني وش صار ..
عرفت وسن ان في شئ ضايقها فاحترمت سكوتها ..
وهم في السيارة ..
مرام_ ترا امي اتصلت وتقول انهم دخلوا الرياض .. يعني قريبين ..
وسن_ اهاا .. اجل الظاهر كلهم اجتمعوا الحين ..
ريناد بصوت واطي_ لوسمحت فيصل ودني للبيت ..
كلهم استغربوا من طلبها وسألوها ليش ؟؟
ريناد_ تعبانة شوي .. ووراي بحوث ما انتهيت منها ..
الفيصل_ لا ان شاء الله تنتهين منها يوم ثاني ..
بس الليلة لازم الكل يكون موجود ..
ريناد وباين عليها انها مصرة_ لا ماعليه .. اشوفهم يوم ثاني ان شاء الله ..
بس الحين ابا ارجع البيت ..
الكل احترم طلبها وراحوا على طريق بيت ابوحمد
يحطونها ويرجعون لبيت ابوعبدالعزيز بسرعة قبل ما
يرجع ابوصالح وعياله واهم وحدة يلحقون على بطلتنا < ريم > ..
***
دخلوا في منطقة تنطق بالفخامة .. مروا

؟؟؟؟؟؟؟
وين البنات ؟؟

روعه يالغلا تكفين كمليها

مشكورة ياقلبي تسلميلي والله
ومن عيوني ان شاءالله السبت بكملها
تقبلي تحياتي

مشكوره ع الروايه بجد ابداع ماشاء الله0000
كملي ونحن في انتظارك00000