رواية ضيعتني حسبي الله عليك بقلم غربة الروح

1. أثير:18سنه ..ثالث ثانوي علمي


2. ^^^^^^^^^^^^^^^^^^^^^^^^^^^^^^^^^^


3. ^^^^^^^^^^^^^^^^^^^^^^^^^^^^^^^^^^^^^^^^^^^


4. ابو سالم: الله يوفقك , وانا بعد الحق على الصلاه


5. رنا: حتى انا بروح المطبخ ادور لي اكل وش معنى كلكم تروحون .. و الله!!


6. احمد: لا ما عليك منها ريم اعرفها ما يحدها شئ تلاقينها بتجي مع امي


7. فاتن: الله يحيهم


8. بدور: اوكي .... باي


9. شهقت اثير من الخوف و نزلت نفسها شوي : يا غبيه شافونا .. قفلوا الابواب


10. عصبت بدور : يا سخيفه .. وش سويتي

هاهي الشمس تغزو الدنيا بأشعتها لتعلن عن بدايه يوم جديد , يوم مليئ ب الاحداث .. الدموع .. الضحكات .. و مختلف المشاعر الانسانيه..
من وسط عالمي و مشاعري الخجله التي ترددت في الظهور .. ودتت ان ابصم ب هذه القصه الجديده بصمه على صفحه الحياه ليعلم كل من على الدنيا أن الاحلام تتحقق و لاكن اذا تحقق الانسان من مصداقيته مع نفسه و فهمها و معرفتها.
في الاسفل سطور و كلمات تحتوي على
اماني و احلام
موت قلوب
غرور
دموع
ضياع
كره
تساؤلات تُطرح للزمن.. و لم توجد الإجابه للأن
هذه قصتي الاولى "ضيعتني حسبي الله عليك"..بكل ود و احترام اقدمها لكم اعزائي
بقلم /
! غربه الروح !
الجد عبدالله العبيد ..
عياله: *محمد* ..*سعود*
توفي الاب عبدالله بعد ما ترك لأبنائه محل ذهب و ثروه كبيره مع مرور الايام و السنوات زادت ثروتهم و كثرت محلاتهم و صار كل واحد رئيس لمحل ذهب يدير باله عليه.
الفرع الرئيسي " بالدمام" محل ذهب يديره سعود ابو خالد و يساعده ولده مهند
الفرع الثاني " بالخبر" محل مجوهرات و احجار كريمه يديره محمد ابو سالم
الفرع الثالث"بالخبر" محل ذهب يديره سالم
الفرع الرابع و الاخير "بالدمام" محل مجوهرات و احجار كريمه يديره خالد و زياد
بعد النبذه البسيطه هذه .. اعرفكم على عائله *محمد* & *سعود*
محمد (ابو سالم)
مي(ام سالم) : مرشده اجتماعيه بمدرسه ثانويه
سالم: 28 سنه ..
بدور:21سنه .. تدرس بجامعه الفيصل لغه فرنسيه
سما: 18 سنه .. ثالث ثانوي ادبي
رنا:17سنه ..ثاني ثانوي علمي
سعود(ابو خالد)
هند(ام خالد):ربه منزل
فاتن:28سنه.. متزوجه وعندها (جود)
خالد:26سنه ..
مهند:23سنه .. يدرس هندسه الكترونيه

أثير:18سنه ..ثالث ثانوي علمي

^^^^^^^^^^^^^^^^^^^^^^^^^^^^^^^^^^

اما زياد فهو من برا العائله لاكن اهله كانوا قريبين من عائله الجد و بعد ما توفوا ابوه وامه ظل هو يكمل دراسته و يوم تخرج من قسم اداره الاعمال وظفه ابو سالم باحد فروع المحل مع ولد اخوه خالد.. وهو بطبعه طيب و امين يعتبرونه ولدهم.

• * الجزء 1 **

رجعت أثير للبيت وهي هلكانه و ميته تعب من المدرسه و مشوار الطريق و زحمه الشوارع ,دخلت البيت و استقبلتها أمها
ام خالد:وعليكم السلام هلا
أثير: هلا ماما كيفك ... اعوذ بالله وش ذا الحر انطبخت صرت دجاج مشوي ومبهر بعد
ام خالد:ههه الحمدلله على كل حال هذا ولا شئ من نار جهنم الله يجيرنا منها
اثير:امين .. ما عندكم مويه عطشانه
ام خالد: الا في مويه و غدا جاهز روحي بدلي ملابسك وانزلي تلاقين الاكل على الطاوله ينتظرك
اثير: لا ما ابي غدا بروح انام لاني بقوم الليل اسهر على كتابي بكره عندي اختبار
ام خالد: الله يعينك بخلي لك من الغدا في الثلاجه متى ما جعتي خذيه وسخنيه
قالت وهي تمشي متجه للدرج : قوميني على العصريه اوكيشن
طلعت الدرج بخطوات متثاقله يالله ترفع رجولها و شنتطها تسحبها سحب مع عبايتها وما صدقت يوم لمحت باب غرفتها من بعيد شدت على نفسها و اخيرا وصلت للميناء اول ما دخلت تغييرت ملامح الفرح الى عصبيه
اثير: الله يقطع شيطانها هالغبيه كم مره اقولها تفتح المكيف قبل لا اجي البيت بقره ما تفهم
فتحت فمها بتنادي على الخدامه لاكن تراجعت عن قرارها و كفت شرها وسكرت الباب وراها
اثناء ما تبدل ملابسها دق جوالها وبدون ما تطالع الشاشه عرفت انها رنا بنت عمها من النغمه الخاصه فيها
ردت وحطت الجوال على السبيكر
اثير: هاه يا المزعجه توني ببدل ملابسي حتى ما عندك صبر
رنا: وش دراني عنك محد قالكم اسكنوا باخر الدنيا .. المهم وش بتسوين الحين
اثير: وش بسوي يعني بنام لاني تعبانه مره
رنا: زين نامي الحين و ريحي لاني بمرك العصر ابيك تروحين معي السوق بشتري لبس لعزيمه فاتن ما عجبني ولا شئ من ملابسي.
اثير: طيب وين سما و بدور ليش ما يروحون معك
رنا: سما عندها اختبار بكره و بدور هي اساس الطلعه بتروح وقلت يالله بروح معها وباخذ اثير حبيبتي ابي اغيرلك الجو
اثير: اوكي بروح بس بشرط
رنا: امر تدلل يا حلو
اثير: تغديني او تعشيني على حسابك ومن مطعم زين مو فلفه ولا بابا هباس ..
رنا: اوكي طلبك مقبول بس عاد تراني ما اعرف الا المطاعم اللي بشارع عشرين صفه فلفه و القرموشي تبين ولا بكيفك
اثير: لا و الله و كل يوم ماشاءالله عليك جايبه غدا انتى و البنات من ماك و مدري وشو .. مثل ما قلت لك اطلع معك بشرط اكل من مطعم زين ولا مافي طلعه
رنا: يوه عليك .. خلاص طيب موافقه يالله بس روحي انخمدي وراي قعده على النت و شغل
اثير: الا غصب تسوي لي مشغوله ... باي باي
رنا: بايات
سكرت منها و راحت للشباك تنزل الستاره علشان ضوء الشمس ما يزعجها و بعد كذا نطت على السرير و غاصت في البطانيه الناعمه وما مرت 5 دقايق الا وهي في سابع نومه .
هذه اثير بنت سعود اصغر عياله علاقتها ببنات عمها محمد مره قويه و تعتبرهم اهل وصديقات و خوات , وكل مواقفها و لحظات عمرها تعيشها مع سما و رنا بالذات...لها قصه خاصه بها بنتعرف عليها في الاجزاء القادمه
^^^^^^^^^^^^^^^^^^^^^^^^^^^^^^^^^^^^^^^^^^^^
في احد الأحياء الفقيره و الشوارع الضيقه صفه بيوت من اليسار و اليمين .. وبينهم يقطن بيت
(ام راكان) المرأه الارمله المكافحه عايشه مع ابنائها الخمسه تحت سقف متهالك و جدران متشققه بصبغه مقشره و غرف ضيقه لاكن الحنان و الالفه مزينه حياتهم .
ام راكان .. و ابنائها
نوف:24سنه .. مدرسه رياض اطفال"تمهيدي".
تهاني:23سنه .. حاصله على شهاده ثانويه وما كملت تعليمها
غدير:16سنه .. اول ثانوي
راكان:14سنه .. ثاني متوسط
ساره:11سنه .. سادس ابتدائي
مجتمعين على سفره الغدا ويتوسطها صحن الكبسه و صحن الباميه من جهه
يتلفت راكان و كأنه يدور عن شئ ..سأل : وين غدير ما اشوفها
ام راكان: المسكينه تعبانه راسها مصدع و حرارتها شوي مرتفعه
نوف: هي راحت اليوم المدرسه ؟
ام راكان: لا قامت الصبح وشفتها تعبانه مره قلت اقعدي لا تروحي
تهاني: سويت لها عصير برتقال و باليالله شربته تقول ما تشتهي شئ
نوف: ان ما خفت حرارتها لازم نوديها المستشفى على الاقل يشوفها الدكتور و يعطيها خافظ حراره
ساره: يمه تقول الابله بكره في يوم مفتوح و كل وحده تجيب معها صحن حلى او أي شئ واتفقت مع صديقاتي بجيب لهم كيكه
تهاني: ومن قالك تتفقين انك تجيبين كيك شايفتنا محل حلويات و لا عندنا فلوس علشان نشتري لحضرتك كيكه
ام راكان: بنت وشفيك على اختك خليها
ردت نوف بابتسامه: خلاص انا اسوي لك كيك و بتشوفين بتطلع احلى من اللي في المحل
تهاني: لا تتحمسين انتى بعد ترا البيض خلص
نوف: ما يخالف نشتري من البقاله اللي جمبنا
راكان: سوي صينيتين لساره تروح فيها ولنا في البيت نبي وحده
تهاني: جاكم الثاني
نوف: ان شاء الله اسويلكم
ام راكان ومعصبه على تهاني: وشفيك من اللي حارق رزك شايفتنا نصرف من حسابك .. خلي اخوانك ياكلون ويعيشون مثل العالم
تهاني: يمه تعرفين وضعنا شلون وكل واحد فيهم جاي يطلب طلب , و طلباتهم تحتاج لفلوس يعني طبيعي ما نقدر نصرف على كل شئ تافه يبغونه الا على الظروري
ام راكان: حتى لو ... بالعافيه عليهم , و الفلوس ربك كريم بيرزقنا ان شاء الله.
نوف: خلاص عاد يكفي حكي وكلام ماله فايده كلوا و خلصوا وراي غسيل مواعين و شغل حق المدرسه .

^^^^^^^^^^^^^^^^^^^^^^^^^^^^^^^^^^^^^^^^^^^

بقدره الله سبحانه و اللي جعل حياه ام راكان بهالصوره ..جعل حياه ابو سالم و عياله بصوره ثانيه عكس البيت الصغير في حي فقير و تعبان وٌجد بيت كبير مشابه للقصر و في حي من أحسن وأفخم أحياء الخبر , ولاكن كل العائلتين متشابهه في السكون و الحنان اللي يعم افرادها
في بيت ابو سالم ..
كان نازل من الدرج بثوبه و شماغه في يده و ريحه دهن العود الطيبه تفوح منه , استقبلته بنته سما بابتسامتها الحلوه اللي بينت تقويمها الاصفر
سما: هلا يبه ..شلونك
بادلها ابو سالم الابتسامه ورد: هلابك يا الغاليه انا بخير انتى كيفك شلون المدرسه
سما: تمام وكل شئ بخير بشوفتك
ابو سالم: الله يسلمك وين خواتك شوفيهم اذا كانوا نايمين قوميهم يصلون العصر
سما: لا الكل صاحي بدور بغرفتها مدري وش تحوس فيه و رنا على الكمبيوتر كالعاده
شوي سمعوا صوت الاخيره نازله من فوق

• وشفيها رنا .. كنتوا تحشون فيني هاه

سما:أي كنا نحش وش عندك
رنا: أحسن خذوا ذنوبي... يالله بس وش كنتوا تقولون
ابو سالم: كنت اسأل عنكم وقالت لي اختك انك على الكمبيوتر
رنا: بس هذا متأكدين
سما: أي مو مصدقه بكيفك
ابو سالم: يمه رنا انتبهي لعيونك ترا تروح فيها من كثر جلوسك على الكمبيوتر ... شوفي هاه بدت تحول
رنا: من جدك بديت احول يعني بشوفكم اثنين
سما: أي ويمكن اربعه
رنا بفرح: الله يعني بصير مميزه عنكم
ابو سالم: بسم الله عليك وش هالكلام .. استغفري ربك يا بنت
سما:ههه غبيه تتمنى لنفسها الشين ... يالله انا بتركم بروح اصلي و اذاكر وراي اختبار

ابو سالم: الله يوفقك , وانا بعد الحق على الصلاه

رنا: حتى انا بروح المطبخ ادور لي اكل وش معنى كلكم تروحون .. و الله!!

في إحدى الغرف الواسعه و بأثاثها المميز و المرتب .. من يدخلها يعرف ان صاحب او صاحبه هالمكان في قمه الرقه و النعومه .. و بالفعل كانت بدور مميزه بكل شئ يخصها لها اسلوب خاص في الحياه منظمه و مروقه ما تحب تدخل نفسها في الحوسه و رجه الدنيا مثل خواتها تعيش لحظاتها سواء كانت لحظات فرح او حزن بسكون و هدوء ..
خلصت شغلها من واجبات ملزمه عليها و قامت تلبس تستعد لطلعه السوق و كان غرضها اسم عطر تحبه وخلص ولازم تشتري لها و لصديقتها المقربه امل و برضوا تشوف وش الجديد بالسوق و تشتريه على الطاير .. وهي تلبس عبايتها دخلت عليها رنا بكل قوه

• هاه خلصتي

بدور:بسم الله الرحمن الرحيم .... ما تعرفين تدقين الباب
رنا:خ عادي حتى لو كنتي تلبسين انا اختك وكلنا بنات
بدور: الله يرجك قولي امين ... يالله بس نزلنا قبل لا ترجين غيري
رنا:ترا بنمر على بنت عمي اثير ,قلت لها تتجهز
بدور:اوكي لا تاخرنا بس
نزلوا للصاله و دعوا امهم و ابوهم وراحوا وسما لين عند الباب وهي توصيهم على غرضها اللي تبيه .
وهم طالعين للسياره قابلوا اخوهم سالم كان توه راجع من برا ويوم شافهم عرف انهم طالعين يا إما للسوق أو للصالون هذه شغلت امه و خواته
قرب من السياره و طل من الشباك

• السلام عليكم

الكل: وعليكم السلام
سالم: على وين العزم هالمره سوق ولا صالون
بدور:لا سوق ..تبي شئ
سالم: لا سلامتكم
رنا: ولا بوب كورن بالكراميل
سالم: ههه اوكي جيبي لي معك
بدور :ههه اوكي ..يالله باي
سالم: انتبهوا لنفسكم زين
التفت على السواق وقاله :لا تسرع وشوي شوي على السياره
لانه يعرف السواقيين تحول عيونهم وقت السواقه و يطير عقلهم بس الله يعينا عليهم
و انطلقت بهم السياره لبيت العم ياخذون اثير .
^^^^^^^^^^^^^^^^^^^^^^^^^^^^^^^^^^^^^^^^^^^^
في الجبيل ..
احمد: يالله ما خلصتي
فاتن: دقيقه بلبس جود
احمد: هاتيها عنك انا بلبسها و انتي روحي البسي .
لبسوا و طلعوا متجههين للسوبر ماركت يقضون اغراض لان اليوم الثاني عازميين اهلهم عندهم في البيت
احمد: الكل بيجي بكره
فاتن: أي كلهم اكدوا لي الا اختك ريم قالت يمكن لان زوجها بيسافر

احمد: لا ما عليك منها ريم اعرفها ما يحدها شئ تلاقينها بتجي مع امي

فاتن: الله يحيهم

كانت هالعائله الصغيره من احدى العوائل الحلوه المرتاحه بحياتها .. احمد بطيبته و حنانه مغرق زوجته و بنته الصغيره جود , يخاف عليهم اكثر من نفسه .. و على كذا ما انشغل عن امه و خواته و كل نهايه اسبوع يروح لهم الدمام .. ايضا فاتن بحكمتها و بياض قلبها محافظه على زوجها و مهتمه في بنتها .. و في هالبيت كل واحد يسعى لسعاده الثاني.
ام احمد ..ارمله زوجها ابو احمد متوفي من 3 سنوات بسبب مرض في الكبد و ترك زوجته و عياله الثلاثه
احمد(30 سنه) .. ساكن بالجبيل الصناعيه , وموظف باحدى الشركات المعروفه..متزوج فاتن
ريم(28 سنه) .. مدرسه لغه عربيه و متزوجه طارق و عندها ( العنود)
رشا(22 سنه) ..تدرس علم حيوان بكليه البنات
ريم في بيتها و تكلم امها على التلفون
ريم: طارق بيسافر الليله وبكره اذا بتروحون لاحمد مروا علي بروح معكم
ام احمد: الله يوديه و يرجعه بالسلامه .. خلاص اجل بعد المغرب نمرك
ريم: زين يمه تامرين بشئ ..
ام احمد: سلامتك .. سلمي على طارق و بوسي لي العنود
ريم: ان شاء الله .. يالله مع السلامه .
نزلت رشا من غرفتها و كانت توها صاحيه من النوم
رشا: مرحبا
ام احمد: هلا ... اذا تبين غدا ترا في بالثلاجه
رشا: لا ما ابي مسويه دايت
ام احمد: ارحمي نفسك ترا ما يستاهل تسوين دايت اجل اللي اسمن منك وش يسوون
رشا: ما علي منهم بس احس اني سمنت شوي و طلع لي كرش و انا ما احب
ام احمد: ما اشوف لا كرش ولا شئ .. الله يهديك بس
رشا: بكره رايحين عند احمد
ام احمد: أي و بنمر اختك ريم لان زوجها طارق بيسافر
رشا: و اهل فاتن بيجون
ام احمد: اكيد .. هم مسوين عشا و عازمين الكل
رشا: اجل بروح السوق اليوم ما عندي شئ حلو البسه بكره
ام احمد: حرام عليك الدولاب مليان و يالله يتسكر .. بتزيدين بعد ملابس ما صارت هذه
رشا: اللي عندي كلهم لبستهم ابي شئ غير محد قد شافه .. تعرفين انتي كيف اثير و بنات عمها لبسهم كل وحده احسن من الثانيه
ام احمد: هم غير وانتي غير .. احمدي ربك على الحال احسن من غيرنا
رشا: حتى لو .. انا بعد وش ناقصني وش فرقي عنهم , هم اباءهم راعيين محلات ذهب و انا ابوي الله يرحمه ضابط كبير و معروف هذا هو الفرق اما الباقي نفسهم
ام احمد: قلت لك كم مره لا تناظرين غيرك و تقارنين لازم تقتنعين باللي عندك و تحمدين ربك مليون مره
قاطعتها رشا : يمه و اللي يعافيك خلاص .. بكلم السواق يطلع السياره بعد المغرب
سكتت ام احمد لانها تدري ان الكلام مع بنتها رشا ما منه فايده .. يدخل من اذن و يطلع من الثانيه , دايماً تدعي ربها انه يصلح بنتها و يهديها و تبطل هالحركات من مقارنه و نظره لمستوى اعلى منها .
^^^^^^^^^^^^^^^^^^^^^^^^^^^^^^^^^^^^^^^ في احد فروع محلات الذهب كان محمد ابو سالم و مساعدينه يستقبلون بعض الزباين و يبيعون الذهب ..
دق جوال ابو سالم و كان ولده سالم المتصل
سالم: السلام عليكم يبه ... شلونك
ابو سالم: هلا والله و عليكم السلام و رحمه الله .. انا بخير انت اخبارك
سالم: بخير الله يسلمك , اقولك يا الغالي انا طلعت للبيت احس بتعب شوي و خليت محمد يستقبل الفاكس
ابو سالم: أي اهم شئ الاوراق لا وصلت ياخذها واحد منكم ... خلاص انا بس اخلص اللي بيدي و اكلمه اشوف وش مسوي
سالم: ان شاء الله بعد المغرب انا راجع للمحل .. شكل بروده المكيف مأثره علي
ابو سالم: الله يعينك .. هاه بغيت شئ ثاني عندي زباين الحين
سالم: لا سلامتك يالله فمان الله .
سكر من ولده و التفت على الرجال اللي دخل يشوف الذهب
ابو سالم: هلا بك اخوي .. تفضل
^^^^^^^^^^^^^^^^^^^^^^^^^^^^^^^^^^^^^^^^^^^^
في الدمام ..
ابو خالد: شوفي الله يسلمك هذا الخاتم ب 9785 لان فيه فص الماس من النوع الغالي
خذت الحرمه الخاتم تشوفه هي وبنتها و ابو خالد يلتفت حوله يدور عن ولده مهند ..ما شافه وسال علي عنه
علي: بدق عليه اشوف وينه
ابو خالد: استعجله قوله عندنا شغل
توه دخل مهند جاي مسرع و خذا مكانه ورا الطاوله الزجاج
مهند: السلام عليكم
علي: وعليكم السلام .. وينك الله يهديك عمي سأل عنك
مهند: كنت رايح مشوار
بعد دقايق طلعوا الحرمه و بنتها و شروا الخاتم .. التفت ابو خالد على مهند
ابو خالد بحواجب معقده : هاه وين كنت غاطس فيه
مهند: والله واحد من الشباب كلمني .. كان محتاج خدمه مني ورحت له بسرعه
ابو خالد: كم مره اقولك لازم تبدي الشغل على أي شئ بحياتك .. هذا حلالك يا مهند لو ما انتبهت له من ينتبه ..
مهند: ان شاء الله يبه .. السموحه
ابو خالد: الله يهديك
كملوا شغلهم و استقبال الزباين و البيع ..
ابو خالد "سعود" ثاني و اصغر عيال الجد عبدالله .. شخصيته قويه جداً و بطبيعته حازم و جاد بعكس اخوه الكبير ابو سالم"محمد" فهو بطبيعته طيب مره و حنون على عياله و الناس .
^^^^^^^^^^^^^^^^^^^^^^^^^^^^^^^^^^^^^^^^^^^^
وصلوا البنات لابن خلدون بلازا .. و كانت بدور مركزه على المحلات اللي تبيها تاخذ غرضها بسرعه و تطلع للي بعده , اما رنا و أثير ف يمشون على مهلهم و يتمشون و طايحين تعليق على الناس
في محل جُنيفير.. واقفه بدور عند صفه تي شيرتات ملونه و محتاره ما تدري وش تاخذ فدقت علي صديقتها امل
امل: اهلين
بدور: هلا فيك كيفك
امل: منيحه .. انتي كيفك وش هالازعاج
بدور: انا برا بالسوق .. الا تعالي بسألك وش اللون اللي ما عندنا لان قدامي صفه الوان وما ادري وش اخذ
امل:طيب وش الالوان قوليها
بدور: اصفر .. اخضر.. تركواز .. وردي .. اح...
امل: ام خلاص خذي الاصفر
بدور: اوكي , ما تبين شئ ثاني
امل: لا مشكوره

بدور: اوكي .... باي

سكرت منها و خذت التي شيرت الاصفر كان فيه رسمه بنت بكشه و شكله نايس ..حاسبته و طلعت .
هذه امل صديقه بدور الروح بالروح , من اول متوسط و هم مع بعض لين الحين بالجامعه و بنفس التخصص .. كل اغراضهم نفس بعض ملابس و اكسسوارات لدرجه احياناً يحسبونهم تؤام .. بس الفرق بينهم ان امل حركيه اكثر و شيطانيه راعيه مقالب و مخ مدبر .
طلعت بدور من المحل و التفت حولها تدور رنا و اثير ما لقت لهم اثر ..
بدور بملل: اووف وين راحوا الحين .. فاضيه ادور عليهم
خذت جوالها و دقت على رنا فعطتها مشغول .. و شوي الا وهم طالعين من احد الزوايا
بدور بعصبيه: وين رحتوا ما قلت لكم انتظروني
اثير: قلت لرنا بس ما سمعت كلامي
رنا: و الله غصب عننا شفنا ولد صغير يبكي و شكله ضايع رحنا ندور اهله
بدور: ما شاءالله عليكم .. الدفاع المدني على غفله
رنا بصوت ثقيل : احم .. نعجبك حنا
ضحكت اثير على حركه بنت عمها : ههه
فجاءه وقفت عن الضحك ومسكت صدرها حست بوخزه خفيفه.. لاحظوها الكل
رنا: اثير فيك شي
اثير: لا بس حسيت بالم بسيط
بدور: يالله نكمل تراني ما خلصت
كملوا الدوران بالمحلات لين اذن المغرب ..صلوا و طلعوا من المول للسياره ..
^^^^^^^^^^^^^^^^^^^^^^^^^^^^^^^^^^^^^^^
رنا: هاه السنيوره وش تبين من أي مطعم
اثير: ههه صدقتي انتي .. ترا كنت امزح
بدور: لا بناخذ لك عشا .. اشكرك اثير على جيتك ولا كان تهاوشت مع السوسه رنا
رنا: لا و الله وش قالوا لك ام المشاكل
بدور: لا ..بس وجودك قلق
رنا: الحين انا اللي صرت قلق و لا انت..
قاطعها اثير تهدي الوضع: خلاص عاد .. بتتهاوشون بعد قدام السواق .
رنا: ما تشوفينها هي اللي بدت
طنشتها بدور و امرت السواق يروح لمطعم دومنيز بيتزا..
عند المطعم نزل مع الطلبات " 2 بيبروني و 2 ايطاليانو و 1 ديلوكس" .. و اثناء ما ينتظرونه يجي كانوا الثلاثه هاديين و كل وحده تفكر بشئ خاص فيها .. فجاءه صرخت رنا

• واو

فزوا بدور و اثير و التفتوا لجهه ما تاشر
بدور: على وشو واو
اثير: مره كول شوفي ابو الاخضر
كانوا 3 شباب طالعين من المطعم و اشكالهم ملفته للنظر اللي شعره كدش و اللي مسوي حركه بلحيته , يعني كول .
بحركه سريعه طلعت رنا جوالها و وجهته قدام باتجاههم
بدور: يا المجنونه وش بتسوين
رنا: بصورهم .. هذا ابو كشه رهيب
بدور: لا يشوفون الفلاش يا ذكيه .. رنو نزلي الجوال
ما سمعت رنا لاختها و ضغط على "click" فطلع نور الفلاش من السياره و انتبهوا له الشباب فالتفتوا لهم

شهقت اثير من الخوف و نزلت نفسها شوي : يا غبيه شافونا .. قفلوا الابواب

عصبت بدور : يا سخيفه .. وش سويتي

سكتت رنا وما ردت كانت بتشوف وش بيصير .. ومن داخلها خايفه لا يقربون صوبهم و يفتحون الابواب , لاكن الغريب ان واحد ابتسم و عدل شكله ع السريع و الثاني و قف و حط يده على اللي جمبه و الثالث رفع يده بعلامه النصر"حبتين" .. و كأنهم مستعدين للتصوير
رنا : شوفي يبوني اصورهم
و رفعت مره ثانيه الجوال و ضغطت الزر و التقت الصوره
اثير: اشوف
رنا: مرره فله هذا ابو الكشه محجوز لي
بدور: الحمدلله و الشكر ما درى عنك و الله .
رفت رنا راسها تشوفهم لاكن ما لقت اثر و شكلهم راحوا ..
رنا: يووه راحوا
بدور: وش تبينهم يسوون ينتظرونك تصورين معهم
اثير: من جد.... رنوو اقول ارسلي لي صورهم
رنا: لا ..ابو كشه حقي محد يشوفه
اثير: اقوول هاتي بلا دلع
مدت اثير يدها بتسحب الجوال لاكن رجع لها الوخز و حطت يدها على صدرها و اصدرت صوت خفيف من الالم
بدور : اثير وشفيك .. وش يعورك
رنا: شكلها تمثل علي علشان ارسل لها الصوره
بدور: اثير .. تكلمي وش تحسين فيه
اثير بهدوء: لا ولا شئ .. بس ال ... ااه
خافوا البنات لا يكون فيها شئ .. فقامت بدور و رفعت نقاب اثير علشان تتنفس زين و فتحت شوي من الشباك
رنا: خذي اشربي مويه
اثير: شكراً .. لا تخافون بنات ما فيني شئ يمكن مع المشي عضلات صدري شدت
شوي الا رجع السواق مع البيتزا و الببسي و اتجهوا لبيت عمهم ينزلون اثير.
^^^^^^^^^^^^^^^^^^^^^^^^^^^^^^^^^^^^^^^^^^^^
خلصت سما مذاكره و نزلت تحت عند امها تغيير جو
سما: للحين ما رجعوا بدور و رنا ؟
ام سالم: لا و الله ما رجعوا تلقينهم بالطريق لان بدور قالت لي قبل العشاء بيرجعون .. هاه وش سويتي بمذاكرتك
سما: خلصتها الحمدلله .. بكره اختبار التاريخ و ان شاء الله يكون سهل
ام سالم: الله يوفقك يا رب
سما: اجل بكره عزيمه فاتن .. كلنا بنروح
ام سالم: أي كلنا .. بكره اذا ما عندك شئ اختبري و بعدها استاذني اطلعي للبيت نامي وارتاحي حتى تقدرين تسهرين بالليل
سما: هذا اللي بسويه لان اربعاء و ما عندنا شئ مهم كله حصص و دروس كالعاده
^^^^^^^^^^^^^^^^^^^^^^^^^^^^^^^^^^^^^^^^^