روايتي الاولى مراهقات خلف اسوار المدرسه

1. مراهقات خلف اسوار المدرسه هذي روايتي الاولى اللي اكتبها بليز

مراهقات خلف اسوار المدرسه هذي روايتي الاولى اللي اكتبها بليز

ابغى ارائكم فيها من جد يعني ابغى اتعب من قراءه رد كل وحده فيكم اللي بتكتب شكرا وتسكت رجاء لاترد لاني من جد تعبت عليها وقلت انزلها لكم لاني اثق باذواقكم فرجاء لاتخيبون ظني ومااوعدكم اني انزل الاجزاء بسرعه بس ان شاء الله اني بحاول كل ثلاث ايام انزل جزء
شذى (اولى ثانوي /اول) : هاي صباح الخير
جود (اولى ثانوي /ثاني ):هلاوالله صباح الخير
باقي البنات القاعدات :صباح النور
شذى: وش اخباركم
روان(اولى ثانوي/اول ): بخيرالله يسلمك وش اخبارك انتي ووش اخبار عيالك وجيرانكم وامك وابوك وخوالك وعم
شذى تقاطعها : بس اعوذ بالله اكلتينا مايسوى علي سؤال سألته
ريم (اولى ثانوي/ثاني): ههه الا اقول جود بما انك الدافوره حقتنا فبالله ولاهنتي بغيت منك طلب
جود: امري تدللي كم عندي وحده اسمها ريم
ريم وبحركه غرور : احم احم تسلمين ياقلبي انتي
جود: اقول اخلصي علينا بس وش تبين ماني فاضيه وراسي مصدع وودي انام
روان: والله ماحد قايلك تجين وانتي مواصله لاوعلى ايش على فيلم سخيف زي وجهك
جود: بسم الله الرحم الرحيم وانتي وش دراك
روان : لالالالا البنت انمسحت ذاكرتها امس تدقين على جوالي مزعجتني اعوذبالله الساعه ثلاث واخرشي تابعي الفلم
ريم:حركات مواصله واخيرا فكيتنا من نومه الساعه تسع ونص تقولين وحده باولى ابتدائي
الكل:ههه
ريم: جود
جود: نعم فجرتي طبلتي وش تبين
ريم:مثل ماقلت لك بما انك الشاطره بالله ولا عليك امر ابي ورقه اختبار التاريخ اليوم اذا خلصتي من حلها
جود: والله ماهو شغلي اطلبي من أي بنت ثانيه غيري فاضيه لك انا عندك روان وشذى
ريم : أي والله شذى وتناديها: شذى
شذى: لارد
ريم : شذى ياهوه
البنات كلهم استغربواشذى اليوم ساكته وهاديه وهذا مو من عوايدها
شذى انتبهت من سرحانها : هلا
جود: يوه نسيت انها مو بفصلي انا وياك ياريم خلاص شوشو مابي شي
روان : ( وهي اقرب وحد لها من خوياتها) شذى وش فيك اليوم
شذى : لاابد مافيني شي اقول امشو شكلها صفرت وابله فاطمه ماراح تدخلنا اذا تاخرنا امشو بس
.................................................
وفي مكان في نفس المدرسه ثنتين يضحكون ضحك هستيري
ليلى (ثالث متوسط/سادس) :ههه الله ياخذك قولي اميين
سحر(ثالث متوسط/سادس):ههه اه اه يابطني خلاص خلاص اسكتي
ههه ليتني ماغبت امس ودي اشوف شكل الابله
ليلى :ههه ولاعاد جلست عالكرسي بعدها صارت تشرح وهي واقفه
: هههاي احسن خلها تتادب وتشرح مثل الناس
( لانهم امس سووا بلمعلمه مقلب : حطوا عى الكرسي مجموعه دبابيس لانهم مايبونها تجلس عليه)
ليلى وسحر لفوا مع بعض على مصدر الصوت وصاحوا مع بعض : هيفاء
ليلى وسحر : هلا وغلا ومرحبا
ليلى : والو
هيفاء(ثالث متوسط /سادس) : ههه منين جت الو هذي
سحر باستهبال: من الجدار اللي وراها
هيفاء:ههه وربي مو صاحيات شكل الجلسه اعجبتكم بره ولاانتم ناويين تدخلون
سحر : لا تو الناس حناجايين بدري
ليلى : ايه بدري بعد شوفي البنات ماحد دخل
لفوا بيشوفون الا لقوا الساحه فاضيه ماعاد فيها الا هم
سحروهي توقف : يوه الحصه الاولى عليها السلام
هيفاء : الحمد لله انا شنطتي معي بقول للابله انا توني جايه انتم نقعتوا فيها
وبالفعل مادخلتهم الاستاذه الابعد تهزيئه محترمه
............................................
روان : شذى وش فيك
شذى : يالله روان خلاص قلت لك مافيني شي
روان : الا فيك قولي بسرع
استاذه فاطمه وبصوتها العالي : الثنتين اللي ورا
روان بخوف: حنا استاذه
استاذه فاطمه : ايه انتم فيه احد غيركم ورا والله اذا لفيت مره ثانيه وشفتكم تسولفون لاطلعكم عند المشرفه
اما اذا كنتم ماتبون الحصه هذا كلام ثاني ولفت تكمل الكتابه عالسبوره
شذىمتضايقه وزادتها الابله قامت وبعصبيه : لوسمحتي ياستاذه عطيني كلامك الثاني لاني ماابي الحصه وابي اطلع
روان تبي تسكتها بس مو قادره عليها
استاذه فاطمه وهي لازالت تكتب : مع السلامه هذاك الباب ودرجه اختبار امس معليش اخذتي صفر
انقهرت شذى بس ما جلست بالعكس كملت طريقها ومشت
الفسحه:
روان بعد الحصه طلعت بسرعه تدور شذى وصديقاتهم جود وريم طبعا مايدرون عن اللي صار لانهم مو معهم بنفس الفصل واخيرا لقتها
روان: شذى
شذى وبدون نفس :انتي!! نعم وش تبين
روان عصبت: انت وش فيك خير ان شاءالله تكلميني من طرف خشمك كذا ولا تنسين ا ني اليوم اتهزأت علشانك
شذى: روان والله مو قصدي لاتزعلين تكفين بس وربي انا اليوم مالي خلق احد لاتزيديني
روان: افا ياشذى وانا الحين صرت أي احد بس ولايهمك رضيت وانا اقدر ازعل على قلبي
ابتسمت شذى
شوي الا وجود وريم داخلين عليهم وتسكر الموضوع وابتدوا بالسوالف
...............................................
العنود(ثاني متوسط /رابع):ياه ياساره لو شفتيه امس يهبل يجنن ياخذ العقل اوه وش اقول بس
ساره(ثاني متوسط /رابع) : ههه وانتي بعد كل زياره لهم بتبلشيني كذا
العنود : وش اسوي احبه والله احبه اموت فيه
ساره : تصدقين انك كاسره خاطري وراحمه حالك
العنود: ليه ياماما قايلين لك اشحذ انا
ساره: لا بس الى متى تظلين تحبينه زي كذا وهو ولا داري عنك
العنود: وش تبيني اسوي اروح له واقول يا رائد احبك
ساره: تقولين له احسن من انك تبقين زي كذا
العنود: اقول بالله لايكثر وقومي خلينا ندور
ساره قامت معاها وهي تفكر بحاله صديقتها اللي تغيرت من صارت تحب رائد ولد خالها
ماعندها سوالف الا فيه وبحبها له ووش قال و و وتقول بخاطرها الله لايبتلينا بمثل مابتلاك
يالعنود
.................................................. ..............
سحر : بنات شفتم باب الحاره امس
هيفاءوهي تاكل : الا صح هو على أي قناه
ليلى : اقول خليك باكلك انتي ماعرف وين عايشه ماتدرين ربي وين حاطك فيه
وتلف جهه سحر :سحر
سحر: هاه
هيفاء: ههه خيير ان شاء الله وشو وتقلدها: هاه
ليلى : واللي يسلمك فكينا صايره لنا ابله اماني تو
سحر : ههه تذكرين ليلى يوم ناديتك وانتي تكتبين ههه وتتفننين بالدفتر
وشكلي خربت عليك انسجامك ذاك اللحظه الا والله وتصايحين هاه
هيفاء: ههه ويجيك ذا الهوش من الابله
ليلى : ضحكتوا بليا ضروس ان شاءالله يجيكم يوم يجيكم يوم
سحر: غني يامطولك ياليل
هيفاء وسحر : ههه ههه
ليلى : اقول الشرهه مو عليكم على اللي يقعد معكم وقامت
هيفاء: يوه زعلت وش يرضيها
سحر: لا ماعليك نرجع الفصل وهي راضيه
هيفاء: طيب قومي معي ندخل نستهبل على المحبوسات داخل الفصول
سحر: يالله
.................................................. ....
نجود(ثالث متوسط /رابع): اهلين العنود اهلين ساره كيفكن
ساره : العن ابو اللبنانيه هلا
العنود ماتحب صديقه ساره هذي بس تكلمها علشان ساره
العنود : مرحبا
نجود: ههه والله ياحبيبتي انا احلى من اللبنانيه والا وش رايك
ساره:ههه ايه ايه ماقول غير ياشين الثقه الزايده
نجود: ماودكم تدخلون ترى صفرت
العنود : يالله ساره مشينا لفصلنا وصراحه ودي امشي معك لحالك
ساره تفشلت لان واضح ان نجود فهمت المقصد من كلام العنود
ساره : يالله باي نجود اشوفك بعدين
نجود : باي وراحت
العنود: اشوى فكتنا
ساره وقفت تكلم العنود : انتي وبعدين معاك
العنود : ادري ادري بتفتحين لي محاضره مثل كل مره هذي صديقتي ولاعاد تحرجيني قدامها كذا و و و الى مالا نهايه
ساره تنهدت: حلو دامك عارفه ليه تسوين هالحركات
العنود: صديقتك هذي ماهضمها ليه مادري
ساره : انتي الكلام معك ضايع امشي بس
................................................
بعد المدرسه روان راحت تزور شذى ومصممه انها تخليها تعلمها وش فيها
شذى : اه ياروان وش اقولك بس
روان : قولي وان شاءالله ترتاحين
شذى : طيب بقولك بس توعديني ماتعلمين احد
روان :شذى انتي عارفتني زين وعارفه اني مانقل كلام بعدين وين راحت الثقه تطمني سرك في بير
شذى : ابوي
روان : وش فيه ابوك صار له شي لاسمح الله
شذى بمراره: بيتزوج
روان:
شذى تضحك وبنفس الوقت تبكي : ههه تدرين ههه ليه علشان امي مرضانه وهنا سكتت لاتضحك ولاتبكي سكتت فجاه
روان خافت عليها : شذى
شذى : نعم
روان تبكي: لاياشذى امك مو مرضانه ان شاء الله حراره شويه وبتروح خليك قويه
انتي اكبر اخوانك ولازم تبينن لهم ان هالموضوع ماياثر عليك
شذى : والله ياروان والله ان زواج ابوي مو هامني بطقاقه و طقاق اللي بتتزوجه والله لا يوف
روان : بس ياشذى بس مايصلح تدعين على ابوك مهما صار يبقى ابوك وله حق كبير عليك
والشرع محلل له اربع
شذى : روان تكفين افهميني وبصوت عالي : افهميني وسكتت شوي وبعدين كملت وهي تبكي انا ماهو علشاني ولا علشان اخواني مابي ابوي يتزوج
لاوالله علشان امي علشان امي ياروان هي طاحت من هنا وابوي راح يخطب من هنا والله اذا درت امي ان يزيد عليها المرض
روان : طيب انت وشلون عرفتي
شذى : تخيلي ياروان ابوي اللي جايني يعلمني لا وبعد يقولي باركلي الله لايب
روان : شذى وش قلنا ماقلنا لاتدعين عليه
شوفي ياشذى إنسي الموضوع وركزي بمذاكرتك وتذكري إن الله معاك ومستحيل ينساك وانا بعد الله مستحيل أنساك او اخليك يالله الحين انا استاذنك صار لاوم امشي الا وينها اختك ام شوشه ودي اسلم عليها
شذى ارتاحت بعد ماقالت لها هالكلام وحسدت نفسها ان عندها صديقه مثل روان : هي هي ترى مارضى على اختي
روان وباستغراب : خير وش صاير بالدنيا انتي ماترضين على الجوري(اخت شذى الصغيره عمرها 13) ماشاءالله تبارك الله يثبتكم بس
شذى : ههه لا يالدلخه بس لانها امس ضاع دفتر الجغرافيا ولقته لي
روان : ههه ياحليلكم يووه تاخرت مع السلامه
شذى : باي
.................................................. ......
ام خالد: العنود العنود
رشا : يمه العنود نايمه وش تبين
ام خالد : روحي قومي اختك بسرعه بنروح لبيت خالتك
رشا : الله وناسه ابروح البندري
ام خالد : ايه بتروحين لها بس اخلصي علي نادي اختك والا ترى اذا تاخرنا مافيه روحه
رشا : لالالالالالالا ابروح اناديها بس ثواني ثواني اهم شي الروحه
ام خالد : والله مادري هالبنت متى بتعقل تكبر ويكبر معها خبالها
(رشا اخت العنود الكبيره تدرس ثاني ثانوي )
خالد(اخو رشا الوحيد يدرس اولى جامعه طب): يمه
ام خالد : نعم وش فيك ليه تصايح صوتك سمعه اللي باخر الشارع
خالد : وش اسوي طفشت برى ترى والله خمس دقايق انتظركم والا اروح واخليكم
ام خالد : انا شوفه عينك جاهزه بس خواتك مادري عنهن
رشا : جاهزات
العنود وشوي بتصيح : يمه شوفي اكلت حلاوه مصاص واللون ماراح ياربي وش اسوي
خالد : والله مو شغلنا انك بزر
العنود تصيح : يمه شوفيه
رشا وهي تفتح الباب : ياي ماما بضحكه استهزاء : بزارين
العنود : يمه
ام خالد : رشا جزاء لك مافيه روحه اقعدي بالبيت
رشا: لا خلاص توبه اسفه العنود تكفين اسفه سامحيني
العنود: لا وين راح كلامك قبل شوي بزارين
خالد : مع السلامه انا مشيت شكل ماعندكم نيه تخلصون
ام خالد: لاخلاص راكبين يالله يابنات
طلعوا كلهم وراحو بيت خالتهم اللي ماعندها غير بنت وحده (البندري وهي كبر رشا)
ام البندري : هلا والله وغلا تو مانور البيت
ام خالد : الله يسلمك والبيت منور باهله
رشا : وش اخبارك خاله وتتلفت : الاوين البندري
العنود: مطفوقه اعوذ بالله اصبري شوي وبتنزل
ام البندري : ههه لا ماعليك يارشا شوفيها بغرفتها
رشاوهي طالعه : يالله باي فرصه سعيده
العنود باستخفاف: الحمد لله والشكر اللهم عافهم ولا تبتلينا قايلين لك اول مره تشوفينا فرصه سعيده
رشا من فوق الدرج : هيه ترى سمعتك ومالي خلق والا والله لانزل واكسر راسك
ام خالد : هالبنات فضحونا العنود بس خلي اختك بحالها
ام البندري : لا ماعليهم خليهم ياخذون راحتهم البيت ماهو بيت احد غريب بيت خالتهم
العنود : تسلمين خالتي
................................................
ام روان : روان ماما تعالي التلفون يبيك
روان : مين ماما
ام روان : صديقتك شذى
روان : الو
شذى تبكي: روان الحقييني
روان : شذى وش فيك
شذى ساكته تبكي
روان : تكلمي شذى
وانقطع الخط
روان خايفت على شذى لانها واضح يوم انها تكلمها انها بحاله سيئه جدا
صكت روان الخط واسرعت لامها
روان : ماما
ام روان : هلا روحي وش فيك كذا خايفه
روان : يمه تكفين بروح لشذى
ام روان : خلاص خلاص اهدي ماما تروحين لها ان شاء الله
روان : الله يخليك الحين
ولان بيت شذى مو بعيد من بيتهم وافقت امها تخليها تروح
روان تطق الباب سلعه ماح فتح واخيرا فتح لها عبدالرحمن
عبدالرحمن: لوان (روان)
روان: هلاحبيبي وين شذى
عبدالرحمن سكت ودخلت روان البيت
شافت روان منسدحه على الكنبه وهاديه
روان : السلام عليكم
شذى : ساكته
روان : شذى وشلونك
شذى: هم كذاابين كلهم كذابين تبكي: روان روان تكفين انت صديقتي وتحبيني قولي لي صح هم كلهم يكذبون صح صح
روان تهديها : صح ياقلبي كلهم كذابين اقعدي ارتاحي
شذى تصيح بشكل يقطع القلب : والله ياروان كلهم يكذبون وال ل ه
روان : شذى اهدي اهدي وش اللي صار فهميني
شذى سكتت : ابوي يقول امي راحت امي ماتت تبكي: هو كذاب
روان : لاحول ولاقوة الا بالله
طاحت شذى على الارض : حتى انتي ياروان لا ي م ه
روان تقومها : خلاص ياشذى خلاص حبيبتي مايصلح تسوين كذا هذا مقدر ومكتوب
شذى تبكي تبكي وهي ساكته واخر شي نامت روان وصت الجوري اذا صار لشذى شي تدق عليها
الجوري : روان مشكوره تعبناك معانا
روان تحاول تلطف الجو : ولا يهمك ياستي دانا ماعملتش حاقه وانا دالؤت حسيبك عاوزه حاقه
الجوري : لا الله يجزاك خير مع السلامه
طلعت روان من عندهم وهي تدعيلهم ان الله يهون عليهم فراق امهم
ابوروان : روان تاخرت الى الان ماجت
ام روان : الا والله بس خلها تستانس من عندنا غيرها الله يخليها لنا
وبهالوقت دخلت روان
روان : السلام عليكم
ام روان وابو روان : وعليكم السلام
ابو روان : هلاوالله تو مانور البيت
روان: منور بوجودك بابا
ام روان : تعشيتي روان والا لا
روان : لاماني مشتهيه باطلع انام
وطلعت
ابوروان : وش فيها
ام روان : والله علمي علمك خلها ترتاح بكره نسئلها
.................................................. ...............
تتوقعون وش يصير بزياره العنود واهلها لبيت خالتهم ام البندري
شذى مانهايه احزانها على موت امها وزواج ابوها
هل بتقدر روان انها تتطلع شذىمن اللي هي فيه
انتظروهم في الجزء الثاني من مراهقات خلف المدرسه