ريجيم الدكتور عبد الله المطوع من جربته

رجيم الدكتور عبدالله المطوع الصاروخي
السلام عليكم ورحمة الله وبركاته
وعدتكم اني احط لكم نظامي الغذائي مع دكتوري الي اراجع عنده في عيادة رجيمي/ عبدالله المطوع
والحمدلله وزني قاعد ينزل وأنا مو محرومه من شي
وانا سميته النظام الصاروخي لأن نتيجته حلوة وسريعة وبنفس الوقت تحسين انج انجزتي شي
وهو انجح نظام رجيم جربته
بس غير نظامي قبل يومين وهذا هو نظامي الجديد ومع العلم انه اقوى من نظامي الي قبله
ملاحظاتي قبل لا احط لكم النظام... الي فيها سكر ولا ضغط او حامل لا تسوي هالنظام لأنه مو زين
والي سليمه 100% ومافيها فقر دم خل تتكل على الله وتبدأ فيه
$$$$$$$$$$$$$$$$
]
نصف خبزه سمره خفيفه + جبن أو لبنه أو بيضة + خضار (طماط وخيار) أو 3 زيتونات + كوب حليب خالي الدسم
]
حبه فاكهه (ممنوع الموز والمانجا) أو استكانه مكسرات (جوز - بيذان - فستق - حب) + شاي او قهوه
]
سلطة (ملعقة زيت زيتون) + 2 همبرجر لحم او دجاج يكون مشوي أو صدر دجاجه مشوي أو علبه تونا بالماء أو 2 صيخ مشوي + كولا دايت أو ماء
]
ككاو وسط (كتكات ابو اصبعين أو اي ككاو لكن الحجم الصغير) أو حبه فاكهه (الموز والمانجا ممنوع) + شاي او قهوة
]
العشاء عندج اختيارات بس أفضل شي تمشين كل يوم على نوع والأفضل تكثرين من الي عليهم وجه مضحك لأنهم ينزلون الوزن بسرعة
أول يوم: 1 بيضة مسلوقة أو مقليه + عصير برتقال + توسته سمراء + خضار
ثاني يوم: تشيز برجر من ماكدونالدز + دايت + سلطة
ثالث يوم: (لو كنتي طالعة مطعم لبناني) كوب تبولة + صيخ مشوي + دايت أو ماء
رابع يوم: من 3-4 شرائح اناناس طازج + كوب روب اكتيفيا
خامس يوم: 1 توسته سمراء + جبن قليل الدسم + خضار + كوب لبن خالي الدسم + تفاحه
سادس يوم: روب خالي الدسم + خيار + 2-3 كيوي
سابع يوم: (سلطة) وتتكون من خس + (ملعقة زيت زيتون + ليمون + خل) + 3 شرائح جبن مالح أو حلوم قليل الدسم +ملعقة زيتون شرائح + دايت او ماء
او 2 سلطة أمريكانا اليونانية greek لو ماكان لج خلق تسوين هالسلطة لأنهم نفس الشيء
ثامن يوم: عصير أناناس KDD حطيه بالخلاط مع 3 حبات كيوي واخلطيهم واشربيه
أول شيء مشبع حيل واهم شيء لما تنامين يضل هالعصير يحرق الدهون بالجسم طول ما انتي نايمه
وهذا كلام الدكتور لي نقلته لكم بالحرف الواحد
$$$$$$$$$$$$$$$$$$$$$$$
ملاحظات مهمة
اشربي ماء في اي وقت بكمية كبيرة
مارسي الرياضة من 20 - 40 دقيقة يوميا تزيد من سرعة انقاص الوزن وبقوة
مسموح بتناول الخضار الورقية وبشرب الشاي (البابونج - المرمية - الينسون - الزنجبيل - النعناع) باي كمية بين الوجبات الرئيسية
ملاحظة مهمه
هذا الرجيم ينزل الوزن بدون رياضة
لكن مع الرياضة يصبح انقاص الوزن اسرع واكثر
الي نظامها تقوم الظهر الساعة 10 او 11
تتريق عادي بس ما تآخذ وجبه فترة الضحى وتنقلها لي عقب العشا بالليل إذا كانت تسهر بالليل
للامانه منق ول
بس حابه اسال منو جربت هالريجيم وكم نزلت خلاله ؟؟؟؟؟؟؟؟