زعلانه وابغى اروح السوق وش الحل

تعوذي من الشيطان
ومهما كان هذا زوجك أرسلي له رسالة عتاب بطريقة حلوه
وموقع الفراشة ماشاء مليان بهذي الحركات وبعدين هاتي له كاسة عصير
واجلسي جنبه وناقشيه بهدوء وقولي له اللي في خاطرك بعدين قولي عندي طلب بروح للسوق
وإذا وافق اشتري له هدية حلوه
انتبهي لاتطولينها وهي ماتستاهل
وصدقيني لو يبعد عنك مثلاً يسافربتتندمي على الأيام اللي جلستوا فيها متخاصمين
وهذا شيء أنا أعيشه الآن زوجي بعيد عني الله يرجعه لي بالسلامة
والله أحسني أخطي عليه كثير وهو كمان يخطيء بس لازم نتحمل بعض
الله يهديكِ ويهدي زوجك ويبعد عنكم المشاكل والزعل
نصيحة طالعة من قلب مجرب

لميس**
الله يرجعه لك بسلامه
اختي الأمور اللي ذكرتيها انا سويتها له الخميس اللي طاف وضحك ودلع وجو رومنسي ومانام ذيك اليله الا وهو راضي عني يوم الجمعه الصباح صار الخلاف بيني وبينه اهو جهز اغراضه ونزل السياره ونا كنت بدورة المياه عزك الله وطلعت انا مانتبهة ل|أغراضه بعدها بساعه اتصل علي قالي انا في الطريق بااي حاولت ادق علي مارد دزيته رساله اعاتبه واذكره بللي الليله اللي قضينها مع بعض برضو مارد فقام اغلاق الجوال
مدري ليش ياربي دايم افكره انانيه ياخذ حاجته مني وبعدها يغدر فيني يعني ليش اهو مافكر بللي صار بينا ليلة الجمعه ضحك وسوالف وناسه وغزل ولا انا عومه مأكوله ومذمومه ؟؟

ههه ياحليلك ذكرتيني باول زواجي لمل كنت اقول ماراح انزل نفسي له
ياقلبي انتي وهو مابينكم تنازلات هذا زوجك ابو عيالك راضيه بطريقه حلوه نيمي الاطفال
وشوى عشي رومنسي واكشخى والبسي خليه يتفاجا الرجال كل شي يرضيه
وصدقيني اذا تبغيه يراضيع بتجلسين كذا سبووعين يمكن اكثر اقصري الشر وراضيه بطريقه حلوه
زى الى قلت لك ماراح تحسي بالاهانه بالعكس راح تكبري بعينه

أختي ليالي
يعني ألحين هو ماهو موجود عندك
يا أختي مهما كانت الأسباب لازم نتنازل عشان الأولاد
وبعدين الرجل كأنه طفل يزعل بسرعه ويرضى بسرعه
حاولي جهدك وأخلصي نيتك لله سبحانه وتعالى
ولاتنسي قيام الساعة الأخيرة من الليل والاستغفار والدعاء
ورددي اللهم أهدي سره وأكفني شره وهو عندك وهو ماهو عندك
هذي نصيحة من شيخ لوحد ه اشتكت له زوجها فنصحها فيها واتصلت تشكر الشيخ بعد فتره
بأن زوجها تغير معها للأحسن
وربي يسعدك ويوفقك
عاد طمنينا عليكِ

umrawan
صدقيني يااختي مهيب صعبه علي اروح واكلمه وبعدين تقولي اراضيه انا اللي زعلانه من واهو
وش اقصر الشر كم مره يغدر فيني كم مره يجلس ويسولف معاي ويضحك وننام مع بعض اجلس يوم ثاني اشوفه مسوي فيني مقلب تخيلي مره تكشخت ولبست وطلعنا الملاهي مع العيال ودخلنا المطعم وسولفنا وضحكنا وغزل وخر بالك ولما ركبنا السياره يقولي افتحي درج السياره فتحته الا وشفت عقد زواجنايقولي تنفذين اللي اقولك عليه ولا بكرا تشوفين العقد ملغي
يعني اعتبرها قمت الغدر كيف كنت تضحك معاي وتسولف واثاريك مجهز لي ذا المقلب
ومره وصلني بيت اهلي وحنى نضحك ونسولف ونمزح ولما دخلت وجالسه اسولف مع خواتي واضحك واقولهم رحنا وتمشينا وقالي كذا ومزحنا في نفس الوقت اتصل في اخوي يقوله خلي اختك عندكم خلاص
يعني انا عايشه معه مدري متى يجهز لي مقلب ماعدت اثق فيه تخيلي بديت اترك ملابس لي في بيت اهلي من باب الحيطه عشان لو يسوي فينا ذا المقالب مااتوهق واظل بيت اهلي بدون غيرات لي ولعيالي
ليله قبلتها رومنسيه وشموع وضحك وسولف وعصير ونمنا ذيك الليله ولااجلس الصباح الا واخوي يتصل فيني يقولي زوجك اتصل يقول تعال اخذ اختك
امانه اذا انتو مكاني وش تسون ؟؟

حبيبتى انا مانى فاهمه لما يعمل المقالب فيكى هاذى اش عذره الى يقوله لهلك
وبعدين حكايت عقد الزواج الى فدرج السيار هو يمزح ولا جاد......
و اذا تبغين طريقه علشان تروحين لسوق قوليله العيال ناقصهم اغراض نزلنا السوق بس بطريقه جاده وتكون ملامحكى مبين عليها الزعل او ترسلين الولااد عليه علشان يقولوله يوديهم السوق

الله يهدية ويسخره لك بس يمكن هوعصبي وحساس واي كلمة منك يفسرهاالف تفسير
الشكوىلله هذازوجك جنتك ونارك راضيةواكيداذاكان فيةعيوب ان شاء الله بيكون فيةحسنات

*عذارى*
يعني يااختي عذاري واحد يمشي زوجته وعياله وموديهم الملاهي والمطهم وبعدها يقول لزوجته افتحي الدرج ويطلع لعها عقد الزوج بلله عليك تحسين المسأله مزح ؟.
طبعاُ كان جاد في السالفه
والمسأله تكررت اكثر من مره ونا قلت لكم كذا موقف يغدر فيني
اهلي يقولون اذا ماتبينه قولي بس انا متحمله عشان ذا الولدين اللي عندي
هو مااقولك احيان يكون معاي طيب وكريم بس اقل مشكله غدر فيني
اقوله كل البيوت تصير فيهم مشاكل ولو كل رجال حلو مشاكلهم بطريقتك كان الحريم كلهم بيت اهلهم
انا احين طرشت عليه العيال وقلت له قولو لبوكم ابغى انزل معاكم السوق بس معاكم انتو فهمو ماابغى ينزل معاي السوق بس يوصلنا ويمشي وارحو العيال قالو له ولسا مارد عليهم

بصراحه اختى ليالي6
حاسه ان زوجك انانى عند اى زعل بسيط يهدد بطلاق بس صدقينى مبين عليه انه تهديد وبس لانه يبغا يضغط عليكى علشان ماتزعلينه ثانه
وانتى ماشاءلله عليكى تحملتيه على مقالبه.
. وانصحكى انكى تحافضين على بيتك وعلى عيالك وتتحملين وهوا اكيد حيتغير مع الوقت
والله يوفقكى ويهدى زوجك