زفوني وفرحوا علي وبالحنه حنو أيدي

1. طبعن أنا نو وي احني ..


2. البيت ينعدم ..

يايمه حبيته ..يايمه حبيته
قلبي تعلق فيه زفوني إلى بيته
زفوني فرحانه باالحناء حنو إيدي
شوفوا من البداية الي بتقولي كلامك كتير ولا حكيتين قصة حياتك بتطفش من موضوعي دي بليز تنقز على طول عالصور اما الي قرقوره وتحب الهروج زي تسمي بسم الله وتقرا..
الغمرة: هيا نفسها ليلة الحنا .. عمومن هيا ليلة شعبيه ...
أنا أصلي حضرمي و ستي الا تباني اعمل زفة حضرمية ولبس حضرمي وأنا كونت رافضة اني اعمل غمره عشان ما ابا البس دا اللبس L

طبعن أنا نو وي احني ..

وماما تحب الغمر وعشان خاطرها وافقت اني اعمل بس تكون في البيت وعلى اساس هيك اتفقنا وتيتي الله يهديها فكت العزومه وتعزم وتعزم وصار البيت مايكفي قولنا نعمل طاولات وهيك في السطوح بس بابا قال حتكلف وماحتطلع بتكلفتها لانو يبا يعمل زي الخيمه على السطوح تغطي مرا وطاولات وكراسي وصحون تقديم وخدامات يعملوا القهوه وفوق دا تعب

البيت ينعدم ..

فقرر فجاه انو نعملها برا وانا وماما نجري ندور ندور ماما قالت استراحه خ طبعن بابا ماوافق روحنا ندور قاعات صغيره تخيلوا دا متى يوم السبت والربوع كان موعد الغمره وحنا الفردوس الصغيره صراه مرا ويع قولت لماما نو وي مالنا الا فنادق افتكرنا المشرفه حق الملكه تبع رمادا قولنا لو ناخود العروسه لقاعه الي عملنا فيها للرجال في الملكه قالت انو هيا نقلت الدار الييضاء ويالله جري على هناك وهيا مشرفة كيلو باترا بس طلعت محجوزه ومافيا الا شهرزاد قولنا خيره احلى شهرزاد وشوفناها وماما حاكت المشرف واخدت القائمة تبع الاسعار وكان لازم نوري بابا ووافق بابا وتيك تيك الاحد روحنا اول شي ندور خياطه تخيطلي لبس الغمره كونت شويا ابكي ادقدق على صحباتي واسال الين الحمدلله لقيت وحده مسكتو ربي يرضا عليها الحمدلله انا كونت جايبا قطعه من الهند هيا اصلن حلوه ولونها حلو وعملتها على جسمي حتى التنوره طلعت حلوه الحمدلله ودفعنا الفندق وجري على محلات الكروت طبعنا بطايق مافي وقت لكروت ولاشي....
الاتنين جري نروح ناخود البطايق ونوزع بيت بيت والله هلاك والثلوث كمان غير الصحو نا الي فوق الطاولات والمصوره بس الحمدلله كونت حاجزه وحده للزواج قدمتها للغمره ..
وكمان مريت على روائع اخدت الايقاع عشان انزل علي ..
طبعن المدخل ماكان عندي وقت اعملو كان في البوفيه في نافورة تشوكليت معني ماحبها بس مضطره قوتلهوم يطلعوها عالمدخل وروحت سمعت كلام البنات هنا وجبت اشيات من السوبر ماركت وجبت النعناع من النقلي ..
وحجزنا الكوازي عشان مع البوفيه ..
وجا اليوم وكونت ميته تعب بجد ...
روحت جاك ديسانج وكونت ناويه اكشف وشي وعملت ميك اب وتسريحه نعومه بس خالتو اقنعتني اغطي يعني كيدا زي سلاسل او كيدا يعني..
>>قصة معاناه كول ما افتكرها اضحك على جري انا وماما ..
دي الاشيات وزعناها بصراحه هديه من عمة ماما ..
وصحبة ماما جابت صحون فيها الحلويات الشعبيه ..
ودي الاشيات حق المدخل
البطايق
ودي طرحة الساري طالعه مو قد كيدا بس هياحلوه هع ..
ام دي القاعه
المدخل
الكوشه ماحبيتها كتير بس من الفندق نفسو يالله مشي الزفه تبع الهندي اا جبت ايقاع والباقي منهوم ..
طاولة اهل العريس يمين ويسار
طاولات البوفيه
دي صور من دبشي عالماشي انا من النوع الي مااحب التغاليف وكيدا بس سولفان ولو لاحظتو كلو علب لمن راحو فكو السولفان ههه صاحبتي تقولي كانك خدامه مسافره خ ..
ودي العلاقه غطينها عشان في السياره لاتتوسخ طبعن فيها لملابس الي تتعلق وفساتين السهره وبضرضو اللبس جوة اكياس الملابس..
وهنا بعدمارصوا الاشيات لاحظوا ولاشي مغلف
ام هوني دكتورتي عملتلي حفلة مفاجاه مع البنات وجابتلي الكيكات دولي ربي يسعدها يارب ..
وأخيرن ربي يجعل أيامي كولها أفراح سعادة وياكوم يارب
ويديم عليا سعادتي ولايحرمني منها..