زواج زواج زواج بس عاد

1. بحكم إن صداقتنا مو ذاك القوّه


2. بالاخير تشجّعت وقررت أتكلّم

السّلآم عليكم
كيفكم فراشات
..
اليوم جايتكم وحابّه أتكلم معكم بسالفه مضايقتني
أمس كنت أسولف مع صديقتي عن هالقسم (إفتح قلبك) .. وعن تعاون البنات مع بعض .. ومشاركتهم شعور الفرحه والحزن
وإنهم كلهم يدّ وحده وأشيآء زيّ كذآ .. << مدحنآكم ترا
المهم
فيه ببالي كلام ماقدرت أطلعه
وهي بعد نفس الشي حاسه إنها تبي تقول شي ومو قآدره

بحكم إن صداقتنا مو ذاك القوّه

بالاخير تشجّعت وقررت أتكلّم

قلت .. يافلانه ماتلاحظين إن أغلب البنات يبون يتزوّجون ؟؟.. (أنا مااقولكم إني مابي أتزوّج .. لابالعكس.. هذي سنّة الحيآه .. وأكيد كل بنت تتمنى يجي اليوم .. اللي ترتبط بشخص تحبه ويحبها وتكوّن بيت وأسره و إلخ)
يعني عندكم أنا مثلا .. موب صغيره مره ولا كبيره عمري 20
بسّ ماكنت أفكر بهالشي أبد
خلاص مخليته على ربي .. متى ماشاء تزوجت .. والله من بعد ماصرت أقرا مواضيعكم .. بديت أفكّر وأهوجس بالسالفه..
ويضيق صدري كل مافكرت فيها
من بعد ماكنت مرتاحه ولا على بالي
يابنات لازم يكون تفكيرنا أكبر من مجرد حصر السعاده على الزوآج
ربي خلقنا لغاية أسمى
خلقنا لعبادته وبس .. وكل شي غيره يعتبر ثانوي ومكمّل
لايضيق صدرك إن تأخّر نصيبك .. لأنك مو مخلوقه أصلا عشآن هالشي
مو هذا الهدف اللي ربي خلقنا لأجله
( وماخلقت الجنّ والانس إلا ليعبدون)
..
اللي ودّها تتزوج وحاطه موضوع عشان البنات يدعون لها.. تدعي لنفسها.. ترا الدّعوه تكون أكثر إستجابه لما تكون من الشخص نفسه
لانها تكون أصدق
كل وحده تدعي لنفسها .. واذا هي متضايقه عشان تأخر نصيبها تشكي لربّ العالمين ((الرزّآق))
مآتشكي للناس
ترا وربي الناس ماهم نافعينك
إلجئي لربّك ولاتشكين للخلق
بالعكس
تزيدين فوق همّك همّ
وتنصك أبواب الدنيا بوجهك
وتحسّين إنهآ ضايقه فيك الوسيعه
..
حيآه سعيده أتمناها لكم