زوجج ستايله قديمتعالي وانا اضبطج

1. يالله نبتدي


2. الحين نصائح عامة:


3. شلون الكيكه عجبتك؟؟لما تطق جبده من الاكل ويصير ما يطلب ولا يحن

السلام عليكم
شلونكم يا حلوات؟؟؟
شلون الاوضاع عندكم؟؟
وانشالله الامن مستتب؟؟؟
انا بدخل بالموضوع على طول
ملينا من سوالف الحركات الرومانسية والايحاءات الجنسيته وليلة خضرا وليلة صفرا ومدري شنو
نبي شي فعال نبي نتايج ونبي نستفيد صج
وتالي الليالي الحالمة باتيي بروحها مع الوقت بدون ماتركضون وراها
طبعا في رياييل يحبون التغيير والحركات واللبس وهالسوالف
اوكي الله يهني حريمهم فيهم بس اللي ريلها ستايله قديم
يعني من الرعيل الاول شتسوي؟؟؟
تقد تندب حظها وخلاص؟؟؟؟
نهي هم في طرق تخلي الحياة حلوة لا تطق جبودكم تو الناس الدنيا ياما فيها
وانا عندي لكم بعض الامور بالحياة اليومية لو سويتوها انشالله بتنفعكم

يالله نبتدي

1_ أول ما يدش الريال البيت خليه يشم ريحة حلوة ... بخور مثلا أو عطر للبيت حلو ..
يعني ارجوكم لا تخلونهم يشمون ريحة حمسة ترى الانسان يتاثر بالروايح واول انطباع من يدش البيت بيكون نتيجة تاثير الريحة اذا الريحة تمام بيفرد ويهه شوي بس واذا الريحة وع ابشري بالخير والحنة والرنة .. هذا تحذير اكثر منه نصيحة
2_اول مايدش البيت لازم ماتطيح عينه على عفسة ودثرة ويتعرجب وهو بالطريج ويتكرفس على ويهه ويطيح ولا ترى يردج بيت اهلج علشان جذي خليج خوش مرة وعالاقل حاولي يكون البيت مرتب نوعا ما ونظيف مو بشكل مبالغ فيه بس وخري الاغراض من تحت ريوله عاد لا يستعسر ويعفر فيكم
3_الحين الريال دخل والريحة حلوة والبيت ماشي حالة ماكو سبب للحنة للحين بس الريال هذا ترى ستايل قبل يعني يحب التراث عاد خليج لابسة دراعة ناعمة من ملوت انور والطاهر اللي يتلامعون صدقوني ترى يضرب عاللمعه واذا فيها فتحة والسدر مدلوع بعد عز وشعرج رفعيه مايبي يشوف عالغدا شعر ترى تكرهين الساعة اللي صار عندج شعر فيها
4_الحين كلكم شطار وتعرفون تصفصفون الحجي وقولي له انج انتي اللي مسوية له الغدا اللي يحبة حتى لو الخدامة اللي مقصصة البصل ومسوية كل شي بس رزي ويهج ميخالف يمكن تسلمين من الحنة ونجبي له ليكون تاكلين قبلة ترى بيطل بحلجج وبتقصين وقشري له وحطي له السلطة وخليج مشتطة وزططي باليهال ويا ماما وعيب ياحياتي مايسوون جذي ويزعجون بابا علشان يقول هابة ريح وساليه شلون الدوام وشسويت وخليج مهمته بسوالفه حتى لو بايخة وخل تبين انفعالاتج وكثري من وي ولالالالالالالالا؟؟؟ و امبيه؟؟؟ وبحلقي عيونج وخلج فطينه مو تضحكين وهو متضايق ولا تعفسين ويهج وهو مشتط قلديه وبس
وزرقي له لقمة بس ضبطيها مو يطلع فيها حصم ترى الطريق لقلب هالرجل معدته وكرشته مو اكسفورد لا يقصون عليكم ربع اكسفورد خل اكسفورد لاهله انتوا عليكم بالطاهر وانور وصوب الدراريع بس لا توطوطون هناك ترى مخاسير عالطل
5_تغدينا وغدا الشر الحين بنقعد بالصالة رزي الجاي والنعناع والهيل واللقاح والبسكوت والجيز كيك والحب وصبي جاي ولا يكون تشقين الكشرة على هبال لالالالا خليج ثقيلة ومرة جبيرة وبس تبوسمي من تحت لي تحت وقولي له ها اليوم شعندك ؟؟طبعا بيعصب شكو تسالينه شعندك؟؟ قولي له شفيك حبيبي ترى مو قصدي شي بس كنت ابي اوصيك على شغلة اذا بتروح المكان الفلاني وتمسكني وخليج مثل شحاتات السيدة علشان تستدرين العطف ويتحسف على دفاشته
6_الحين لا تمدين البوز خلج بشرة وسمحه ترى الريال ينحاش من النكد مايبون بوز
واذا مديتيه انتي الخسرانه اهو بيقظب الباب ويطلع عند ربع الندامة مايقولون لا وانتي بتاكلين بعمرج ولي ترس راسه بيرد ينام ويحقرج ومعاه حق ترى ماكو شي اي بالبوز
خليج طيبة وضحكي وسولفي وخليج متفهمه وراعيه طبعا بالكلام مو صج علشان توصلين للي تبينه
7_الحين الريال بينام الظهر حكري اليهال بدار وقعدي الخدامة تحرسهم ولحقيه لازم ضروري ضروري لاتخلينه يروح الدار بروحه ترى هالستايل يموتون على نومة الظهر واذا شفتي مزاجة مو تمام للحين ساليه عن ربعه وشلون فلان(يعله الشقوول) وشلون علان؟؟؟يحليله ؟؟يعني لطفي الجو بموضوع اهو يحبه
8_الحين الريال بيطلع خو وايد عليكم قعد معاكم ساعة خلاص وراه اعمال وراه ربع بيجابلهم ودواوين بيقز فيها خليه يفارج علشان تاخذين نفس شوي لا تقولين له اقعد لا عادي ووصليه لما الباب بعد وقولي له عاد لا تتاخر(تكفا تاخر بس خل اطلع انا بعد)ولا تسرع ودير بالك عاد
9_الريال طلع وقاعد عند ربعه شلون تييبين راسه الحين؟؟؟او شي وصيه على شغله و
هالله هالله بالمسجات السنعة مو الجاهزة لالالا اما نكت ولا اغراض الجمعية ولا اي شي والمسجات القوية خلوها للمساء والسهرة لي صار الليل دزي له مسج تفر راسه وهو عند ربعه وتخليه يرد البيت وانتي كتبيها عن العيز واذا المسج توصف صورة بعد احسن واحسن علشان مخه يتخيل الصورة وهم انتي تكونين لبستي وتسنعتي بس لحظة لا تستانسون وايد
0-ليكون تلبسين قميص نوم ولا شي طارينه طرارة لالالالالالا خليج راهية ولبسي شي يلمع ويتمزلق والوان تكسر العين اذا ماتدلين المحاميد ادليج اياه وخل يصير شي ناعم ونظيف وريحته حلوة ومشخلع شوي بس ها وطويل احسن بعد وحطي بلشر بس ترى مايحبون الميك اب ولا الشي اللي فيه طعم ولا اللي يتلزق وفلي شعرج الحين شعليج؟؟؟بتفلين..مانقدر نكثر عاد علشان لايخترع الريال ويقول هذي شناوية عليه؟؟
1-لي رجع توقعي انه يسولف معاج بس وزهبي النفيش لازم ياكل كل الوقت علشان لا يحن مو اهو يا بيحن ويا بياكل وتعدي الليله على خير وتجنبي اي شي فيه نكد وحنة ونجرة وخاصة بغرفة النوم ولاتتوقعين شي ثاني علشان لا تندقرين واذا حصل بعد من قدج بتعيدين واذا ماحصل كبري المخدة ولا اقري مجلة وتالي نامي
2-الصبح قعدي معاه ووصليه لي الباب ولاترسين راسه حجي بس ابتسامة ناعمه وخلاص بس تكونين مغسلة ويهج قبل ولي طلع خمدي خو لاحقة عالنوم بس قبل لا تنامين دزي له مسج حلوة عالصبح حتى لوجاهزة يالله خو مو طال فيها وايد لاهي بالدوام بس لازم تطقين الرصيف شوي

الحين نصائح عامة:

• اذا سوى شي يزعل لا تزعلين ولا تتعبين روحج محد بيراضيج فالاحسن لج انج ماتزعلين من الاول وتحسسينه انج متوهقه لا اهو اللي راضاج ولا انتي اللي تقدرين تكسرين عمرج
• لا تسالين عن اشياء تعرفين اجاباتها وتعرفين انها ماراح تعجبج
• كثري من مشكور وياحبيبي وعسى عمرك طويل وسجلي يدتج بشريط وسمعيه وتحفظيه كل يوم ترى يحبون كلام العيايز
• ساليه على طول شنو تبي غدا؟؟؟ شنو تبي عشا؟؟ تبي جاي؟؟؟ اييب لك ماي؟؟

شلون الكيكه عجبتك؟؟لما تطق جبده من الاكل ويصير ما يطلب ولا يحن

• لي قام يتابع مباراه سوي روحج مستانسة وايوا والله هالاعب شقردي يبرد القلب يزينه خل يرتفع ضغط ريلج ويقلب الموجه واذا حاط عالاخبار ساليه سؤال سياسي مايعرف جوابه علشان يتوهق ويقلب الموجه
• اي شي يخصج ولا يخص البيت واليهال حاولي تقولين له شرايك؟؟ وانا بغيت اسوي جذي بس ماعرفت انت تعرف اكثر مني بهالسوالف تنفخيه علشان يحس انه مهم
• وقت الطلعه خلج سنعه وعرفي شنو يحب ريلج تلبسين واللي مايحبه مولزوم تلبسينه لا اتييبين العسر حق روحج
• بالبيت خليه مشغول قولي له الليتات محرقة والغسالة ماتشتغل والمكنسة خربانة وخل يحوس بالبيت ولانه مابعرف يصلح شي بيخمر عالشغلة ساعتين ثلاث وبيتاخر عن ربعه ويمكن يهون
• كلا حسسيه انه اهو سندج وذخرج وانه انتي مايهمج احد مدام راسه يشم الهوى
• حتى لو تتزاعلون لاتحسسينه ان اهلج يدرون او لا تقولين لهم بالاساس علشان تكبرين بعينه
• خلي عيالج على طول حواليه واي شي يبون خل يطلبون منه مباشرة مو منج انتي علشان لا ينسى ان عنده عيال
• لي بغى ينام قولي حق اليهال بصوت يسمعه قوموا روحوا غرفتكم بابا بينام لا تزعجونه حرام ياي من الدوام تعبان يعني اسمع يا بابا ترى انا مدلعتك